ءوز حابارىمىز. جۇڭگو كوممۋنيستىك پارتياسىنىڭ تاڭداۋلى مۇشەسى، شينجياڭ ۇيعۇر اۆتونوميالى رايوندىق 9 - كەزەكتى حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى لي فىڭزى جولداس ناۋقاستانىپ ەمدەۋ ءونىم بەرمەي، 2022 - جىلى 11 - ايدىڭ 24 - كۇنى ساعات 19دان 24 مينۋت وتكەندە 83 جاسىندا ۇرىمجىدە قايتىس بولدى.
لي فىڭزى جولداس 1939 - جىلى 9 - ايدا شانشي ولكەسىنىڭ ميجى اۋدانىندا دۇنيەگە كەلگەن، 1964 - جىلى 9 - ايدا قىزمەتكە قاتىناسقان، 1972 - جىلى 4 - ايدا جۇڭگو كوممۋنيستىك پارتياسىنا مۇشە بولعان، 1964 - جىلى 9 - ايدا داشۋە تاۋىسقاننان كەيىن تارباعاتاي ايماقتىق پارتكوم ۇيىمداستىرۋ ءبولىمىنىڭ كادرى، تارباعاتاي گازەتى مەكەمەسىنىڭ جاۋاپتىسى بولعان، ىلگەرىندى - كەيىندى شاۋەشەك اۋداندىق پارتكومنىڭ تۇراقتى مۇشەسى، توڭكەرىستىك كوميتەتتىڭ ورىنباسار مەڭگەرۋشىسى، شاۋەشەك اۋداندىق پارتكومنىڭ ورىنباسار شۋجيى، شۋجيى، قوسىمشا اۋداندىق ساياسي كەڭەستىڭ ءتوراعاسى، تارباعاتاي ايماقتىق پارتكومنىڭ ورىنباسار شۋجيى، ءتارتىپ تەكسەرۋ كوميتەتىنىڭ شۋجيى، ايماقتىق پارتكومنىڭ ۋاقىتشا شۋجيى، تارباعاتاي ايماقتىق پارتكومنىڭ شۋجيى، ىلە وبلىستىق پارتكومنىڭ شۋجيى بولعان. 1993 - جىلى 3 - ايدا اۆتونوميالى رايوندىق پارتكومنىڭ تۇراقتى مۇشەسى، ساياسي - زاڭ كوميتەتىنىڭ شۋجيى، 1998 - جىلى 1 - ايدا اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى بولعان، 2005 - جىلى 6 - ايدا زەينەتكە شىققان.
لي فىڭزى جولداس ساياسيدا بەرىك، پارتياعا ادال، قىزمەت ستيلى قاراپايىم، پاك - كىرشىكسىز. پارتيانىڭ ساياسي - زاڭ قىزمەتىنە باسشىلىعىن كۇشەيتىپ، نەگىزدەلەتىن زاڭ بولۋعا، ءىستى زاڭ بويىنشا ىستەۋگە تاباندى بولىپ، بولشەكتەۋشىلىككە قارسى تۇرۋ كۇرەسىن ىشكەرىلەي ورىستەتىپ، پارتيانىڭ ۇلت، ءدىن ساياساتىن باتىل اتقارىپ، ساياسي - زاڭ قوسىنىنىڭ يدەيالىق قۇرىلىسىن، ستيل قۇرىلىسىن، قابىلەت قۇرىلىسىن كۇشەيتتى. ءتۇرلى فورماداعى ۇلتتىق بولشەكتەۋشىلىك ارەكەتتەرگە باتىل قارسى تۇردى، جاۋعا قارسى كۇرەستە باتىل، ويى ورەلى بولىپ، باتىلدىقپەن جاۋاپكەرشىلىك ارقالاپ، شينجياڭدى زاڭمەن باسقارۋعا، شينجياڭنىڭ باياندى تىنىشتىعىن ساقتاۋعا ماڭىزدى ۇلەس قوستى. اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى مىندەتىن وتەگەن كەزىندە سوتسياليستىك دەموكراتيالى زاڭمەن باسقارۋ قۇرىلىسىن بەلسەنە ىلگەرىلەتتى. پارتيا 18 - قۇرىلتايىنان بەرى، شي جينپيڭ جاڭا ءداۋىر جۇڭگوشا سوتسياليزم يدەياسىن مۇقيات ۇيرەنىپ، اۆتونوميالى رايوننىڭ ءتۇرلى ىستەرىنىڭ دامۋىنا بۇرىنعىداي كوڭىل ءبولىپ، بەلسەنە اقىل - كەڭەس بەرىپ، شينجياڭنىڭ قوعام ورنىقتىلىعى مەن باياندى تىنىشتىعىنا بەلسەندى ۇلەس قوستى.
