شينحۋا اگەنتتىگىنىڭ 12 - ايدىڭ 14 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «ىشكى سۇرانىستى كەڭەيتۋ ستراتەگيالىق جوبا باعدارلاماسىن (2022 - جىلدان 2035 - جىلعا دەيىن)» باسىپ تاراتتى ءارى حابارلاندىرۋ شىعارىپ جەر - جەردىڭ، تاراۋلاردىڭ ءىس جۇزىندىك جاعدايمەن بىرلەستىرە وتىرىپ مۇقيات دايەكتىلەندىرۋىن، تياناقتاندىرۋىن تالاپ ەتتى.
«باعدارلامادا» مىنالار اتاپ كورسەتىلدى: ىشكى سۇرانىستى كەڭەيتۋ ستراتەگياسىن باتىل اتقارۋ، كەمەلدى ىشكى سۇرانىس جۇيەسىن جەتىلدىرۋ − ەل ءىشى ۇلكەن اينالىمىن نەگىزگى تۇلعا ەتكەن، ەل ءىشى جانە حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن جەدەل قالىپتاستىرۋدىڭ تابيعي تالابى، ەلىمىزدىڭ ۇزاق بولاشاقتىق دامۋى مەن باياندى تىنىشتىعىن جەبەيتىن ستراتەگيالىق شەشىم.
جاپپاي سوتسياليستىك وسىزاماندانعان مەملەكەت قۇرۋدىڭ ستراتەگيالىق ورنالاستىرۋى بويىنشا، 2035 - جىلعا كوز جىبەرىپ، ىشكى سۇرانىستى كەڭەيتۋ ستراتەگياسىن اتقارۋدىڭ ۇزاق بولاشاقتىق نىساناسى مىناداي: تۇتىنۋ جانە قارجى قوسۋ كولەمىن تاعى دا تىڭ ساتىعا كوتەرۋ، كەمەلدى ىشكى سۇرانىس جۇيەسىن جاپپاي قۇرۋ؛ جاڭاشا ونەركاسىپتەندىرۋدى، ينفورماتسيالاندىرۋدى، قالا - قالاشىقتاندىرۋدى، اۋىل شارۋاشىلىعىن وسىزامانداندىرۋدى نەگىزىنەن جۇزەگە اسىرۋ، ەل ءىشى بازارى قۇرىلىسىن كۇشەيتۋدە اناعۇرلىم زور تابىسقا قول جەتكىزۋ، شەشۋشى وزەكتى تەحنيكالاردا كەلەلى سەرپىلىستى جۇزەگە اسىرۋ، جاڭالىق اشۋ ارقىلى دەم بەرىلەتىن، ىشكى سۇرانىس ارقىلى جەبەلەتىن ەل ءىشى ۇلكەن اينالىمىن ءتىپتى دە جوعارى ءونىمدى، ىركىلىسسىز ەتۋ؛ حالىقتىڭ تۇرمىسى اناعۇرلىم تاماشا بولىپ، قالا، اۋىل تۇرعىندارىنىڭ جان باسىندىق ورتاشا كىرىسى تاعى تىڭ دا بيىك ساتىعا كوتەرىلىپ، ورتاشا كىرىستەگى قاۋىمنىڭ كولەمى كورنەكتى كەڭەيىپ، نەگىزگى الەۋمەتتىك قىزمەت وتەۋ بىركەلكىلەنىپ، قالا، اۋىل ءوڭىرىنىڭ دامۋىنداعى پارىق جانە تۇرعىنداردىڭ تۇرمىس ورەسىندەگى پارىق كورنەكتى ازايىپ، جالپى حالىقتىڭ بىرگە بايۋىندا ءتىپتى دە كورنەكتى ماندىك ىلگەرىلەۋشىلىككە قول جەتكىزۋ؛ رەفورمانىڭ ىشكى سۇرانىستىڭ دامۋىنداعى تىرەكتىك رولىن زور مولشەردە ارتتىرىپ، جوعارى ولشەمدەگى بازار جۇيەسىن اناعۇرلىم اقاۋسىزداندىرىپ، وسى زامانعى اينالىم جۇيەسىن جاپپاي قۇرۋ؛ ەلىمىزدىڭ الەمدىك ەكونوميكالىق سەلبەستىك پەن باسەكەگە ات سالىسۋداعى جاڭا باسىمدىعىن ۇزدىكسىز كۇشەيتىپ، ەل ءىشى بازارىنىڭ حالىقاراداعى ىقپال كۇشىن زور مولشەردە جوعارىلاتۋ.
2035 - جىلعا دەيىنگى ۇزاق بولاشاقتىق نىسانانى كوزدەپ، دامۋ ورتاسى مەن دامۋ شارت - جاعدايىن جان - جاقتى ەسكەرە وتىرىپ، ”14 - بەسجىلدىق“ مەزگىلىندە ىشكى سۇرانىستى كەڭەيتۋ ستراتەگياسىن اتقارۋدىڭ باستى نىساناسى مىناداي بولادى: تۇتىنۋدى، قارجى قوسۋدى جەبەپ، ىشكى سۇرانىس كولەمىندە تىڭ سەرپىلىستى جۇزەگە اسىرۋ؛ ءبولىس جاعدايىن كەمەلدەندىرىپ، ىشكى سۇرانىستىڭ كومەسكى كۇشىن ۇزدىكسىز جارىققا شىعارۋ؛ قامداۋ ساپاسىن جوعارىلاتىپ، ىشكى سۇرانىستى ءتىپتى جاقسى قاناعاتتاندىرۋ؛ بازار جۇيەسىن كەمەلدەندىرىپ، ىشكى سۇرانىستى تۋدىرۋدا كورنەكتى ونىمدىلىككە قول جەتكىزۋ؛ ەكونوميكالىق اينالىمدى ىركىلىسسىزدەندىرىپ، ىشكى سۇرانىستىڭ دامۋ ونىمدىلىگىن ۇزدىكسىز جوعارىلاتۋ.
«باعدارلامادا» مىنالار العا قويىلدى: ماسەلەنى باعدار ەتۋگە تاباندى بولىپ، جوعارى ساپالى دامۋدى ىلگەرىلەتۋدى ارقاۋ ەتە وتىرىپ، ورتا، ۇزاق مەزگىلدىك ىشكى سۇرانىستى كەڭەيتۋدە ەلىمىز ءدوپ كەلگەن باستى ماسەلەلەرگە، اسىرەسە، ءونىمدى قامداۋ قابىلەتى جەتكىلىكسىز بولۋ، ءبولىس پارقى ءبىرشاما زور، اينالىم جۇيەسىنىڭ وسىزاماندانۋ دەڭگەيى جوعارى بولماۋ، تۇتىنۋ ءتۇزىلىس - مەحانيزمى كەمەلدى بولماۋ، قارجى قوسۋ قۇرىلىمى ءالى دە ساپالىلاندىرۋدى قاجەت ەتۋ سياقتى بوگەت تۇيىندەرگە، قيىن تۇيىندەرگە مەڭزەس، ىشكى سۇرانىستى كەڭەيتۋ ستراتەگياسىنىڭ ءتۇيىندى مىندەتتەرىن ورنالاستىرىپ اتقارۋ كەرەك. كەمەلدى ىشكى سۇرانىس جۇيەسىن جەدەل جەتىلدىرىپ، قۋاتتى ەل ءىشى بازارىن قالىپتاستىرۋدى جەبەپ، ەل ءىشى ەكونوميكالىق اينالىمىن ىركىلىسسىزدەندىرۋگە تىرەك بولۋ كەرەك.
«باعدارلامادا» تۇتىنۋدى جان - جاقتى جەبەۋ، تۇتىنۋدىڭ ساپاسىن جوعارىلاتىپ، دارەجەسىن ءوسىرۋدى جەدەلدەتۋ، قارجى قوسۋ قۇرىلىمىن ساپالىلاندىرۋ، قارجى قوسۋ كەڭىستىگىن كەڭەيتۋ، قالا، اۋىل ءوڭىرىنىڭ سايكەستى دامۋىن ىلگەرىلەتۋ، ىشكى سۇرانىس كومەسكى قۋاتىن جارىققا شىعارۋ، قامداۋ ساپاسىن جوعارىلاتۋ، سۇرانىستى اناعۇرلىم جۇزەگە اسىرۋعا باستاۋ سياقتى جاقتاردا دا تالاپتار قويىلدى.
