اۆتونوميالى رايوندىق پارتكوم تۇراقتى كوميتەتى ءماجىلىس اشتى
جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاعدايدى، مىندەتتى دالمە - ءدال يگەرىپ، ارتۋدى ورنىقتىرۋ، دامۋدى جەبەۋ قىزمەتىن تىڭعىلىقتى ويداعىداي ىستەۋ كەرەك
ما شيڭرۇي ءماجىلىستى باسقاردى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 12 - ايدىڭ 14 - كۇنى ۇرىمجىدەن حابارلايدى. اۆتونوميالى رايوندىق پارتكوم تۇراقتى كوميتەتى 12 - ايدىڭ 14 - كۇنى تۇستەن بۇرىن ءماجىلىس اشىپ، 12 - ايدىڭ 6 - كۇنى اشىلعان جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىسىنىڭ، پارتيا سىرتىنداعى قايراتكەرلەر اڭگىمە ءماجىلىسىنىڭ رۋحىن جەتكىزدى، دايەكتىلەندىردى، باس شۋجي شي جينپيڭنىڭ تۇڭعىش كەزەكتى جۇڭگو − اراب ەلدەرى باسشىلار ماجىلىسىندە، جۇڭگو - شىعاناقتاعى اراب ەلدەرى سەلبەستىك كوميتەتى باسشىلار ماجىلىسىندە سويلەگەن ماڭىزدى ءسوزىنىڭ رۋحىن جانە تاياۋ مەزگىلدەگى ماڭىزدى نۇسقاۋلارىنىڭ، قۇتتىقتاۋ حاتتارىنىڭ رۋحىن دايەكتىلەندىردى، تياناقتاندىردى، بۇكىل رايوننىڭ ارتۋدى ورنىقتىرۋ، دامۋدى جەبەۋ، بىرلىكساپ سياقتى قىزمەتتەرىن اقىلداستى، ورنالاستىردى. اۆتونوميالى رايوندىق پارتكومنىڭ شۋجيى ما شيڭرۇي ءماجىلىستى باسقاردى.
ءماجىلىس مىنالاردى باسا دارىپتەدى: كەلەر جىلى − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدە، تياناقتاندىرۋدا باستاما اشاتىن جىلى، ەكونوميكالىق قىزمەتتى ويداعىداي ىستەۋدىڭ جاۋاپكەرشىلىگى اۋىر. وڭىرلەر، تاراۋلار ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، پارتيا 20 - قۇرىلتايىنىڭ ورنالاستىرۋلارىن جانە جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىسىنىڭ رۋحىن جالپى بەتتىك تياناقتاندىرىپ، پارتيانىڭ ەكونوميكالىق قىزمەتكە جاپپاي باسشىلىعىنا تاباندى بولىپ، ورنىقتىلىقتى باستى ورىنعا قويۋعا، ورنىقتىلىق بارىسىندا ىلگەرىلەۋگە تاباندى بولىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، اۆتونوميالى رايوندىق 10 - كەزەكتى پارتكوم التىنشى جالپى ءماجىلىسىنىڭ قىزمەت تالابى بويىنشا، ”ەكىنى ءبىر تۇتاس جوسپارلاۋعا“ تاباندى بولىپ، ارتۋدى ورنىقتىرۋ، جۇمىستانۋدى ورنىقتىرۋ، زات باعاسىن ورنىقتىرۋ قىزمەتىن كورنەكتى تۇردە ويداعىداي ىستەپ، ”سەگىز ءىرى كاسىپ سالاسى شوعىرى“ قۇرىلىسىن تياناق ەتىپ، وسىزاماندانعان كاسىپ سالاسى جۇيەسىن قۇرىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتىپ، جاڭا دامۋ ارناسىنا بەلسەنە قىزمەت وتەۋ جانە توعىسۋ كەرەك. نازاردى بيىلعى ەكونوميكالىق، قوعامدىق دامۋدىڭ نىسانالارىنا، مىندەتتەرىنە شوعىرلاندىرىپ، وسى جىلدىڭ سوڭى مەن كەلەر جىلدىڭ باسىنداعى ءتۇرلى قىزمەتتەردى ويداعىداي ىستەپ، بۇقارانىڭ وندىرىسىنە، تۇرمىسىنا قىزمەت وتەۋدى قامتاماسىز ەتۋ، ەرەكشە قيىنشىلىعى بار قاۋىمعا كومەكتەسۋ - سۇيەمەلدەۋ، شارۋا جۇمىسكەرلەردىڭ كەشىكتىرىلگەن ەڭبەكاقىسىن اداقتاۋ سياقتى قىزمەتتەردى تولىق تابىستى اياقتاتۋعا شىنايى كەپىلدىك ەتۋ؛ بولجامپازدىق، جۇيەلىك زەرتتەۋلەردى كۇشەيتىپ، كەلەر جىلعى ەكونوميكالىق قىزمەتتى عىلمي، ويداعىداي جوسپارلاپ، ءتۇيىندى مىندەتتەردى اشالاپ، ساۋداگەر شاقىرىپ قارجى ەنگىزۋدى كۇشەيتىپ، كەلەلى نىسانداردى تولىق دايىنداپ، باستامانى جاقسى اشۋعا، جاقسى قادام تاستاۋعا شىنايى كەپىلدىك ەتۋ كەرەك. ”20 تارماقتى“ جانە ”جاڭا 10 تارماقتى“ ويداعىداي اتقارىپ، ىندەتتەن ساقتانۋ - تىزگىندەۋ قىزمەتىنىڭ ءتۇيىنىن قۇتقارۋ - ەمدەۋ جاعىنا ويىستىرىپ، ەمدەۋ بايلىعى زاپاسىن كۇشەيتىپ، بۇقارانىڭ ەمدەلۋىن، ءدارى ىستەتۋىن قامتاماسىز ەتىپ، دارەجەگە ءبولىپ ەمدەۋدى كۇشەيتىپ، ءالسىز قاۋىمدى كورنەكتى ويداعىداي قورعاپ، بۇقارانى ءوز سالاماتتىعىن ويداعىداي باسقارۋعا جەتەكتەۋ؛ قوعام ورنىقتىلىعى، ءوندىرىس حاۋىپسىزدىگى، جاراتىلىستىق اپات سياقتى سالالارداعى حاۋىپ - قاتەرلەردەن، كومەسكى كىناراتتاردان ويداعىداي ساقتانىپ جانە ونى جويىپ، جاراسىمدى، ورنىقتى دامۋ ورتاسىن قالىپتاستىرۋ كەرەك. شىنايى يگەرىپ، ناقتى ىستەۋگە تاباندى بولىپ، تۇتاس قوعامنىڭ ءىس تىندىرىپ، ناتيجە جاراتۋ ومىرشەڭدىگىن قاۋلاتىپ، كادرلاردىڭ باتىلدىقپەن ءىس تىندىرۋىنا، جەرگىلىكتى ورىننىڭ باتىلدىقپەن قامال الۋىنا، كاسىپورىنداردىڭ باتىلدىقپەن ىستەۋىنە، بۇقارانىڭ باتىلدىقپەن ءتول جاسامپازدىق جاراتۋىنا مۇمكىندىك جاساپ، جاڭا جاۋاپكەرشىلىك ارقالاۋ، جاڭا ىسكەرلىك كورسەتۋ ارقىلى جاڭا بەينەنى ايگىلەۋ كەرەك. بۇكىل رايونىمىزدا جوعارىدان تومەنگە دەيىن ماڭگى جالعاستىراتىن قايسارلىق پەن تاباندىلىقتى قاي - قاشان دا ساقتاپ، پارتيانى جاپپاي قاتاڭ باسقارۋعا تاباندى بولاتىن ساياسي تاباندىلىقتى كۇشەيتىپ، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ءبىر تۇلعالاندىرىپ ىلگەرىلەتىپ، ورتالىقتىڭ 8 ءتۇرلى بەلگىلەمەسىنىڭ جانە ونى اتقارۋدىڭ ەگجەي - تەگجەيلى ەرەجەسىنىڭ رۋحىن باتىل دايەكتىلەندىرىپ، ستيلى پاك، سالتى دۇرىس ساياسي ەكولوگيا قالىپتاستىرۋ كەرەك.
ءماجىلىس مىنالاردى اتاپ كورسەتتى: باس شۋجي شي جينپيڭنىڭ پارتيا سىرتىنداعى قايراتكەرلەر اڭگىمە ماجىلىسىندەگى ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەسۋ تۇزىمىنە تاباندى بولىپ جانە ونى كەمەلدەندىرىپ، دەموكراتيالىق پارتيا - توپتاردى، ساۋدا - ونەركاسىپشىلەر بىرلەستىگىن جانە پارتيادا، توپتا جوق قايراتكەرلەردى بەلسەنە اقىل - كەڭەس بەرۋگە جەتەكتەپ، ماسەلەلەردى شەشۋ، كوڭىل كۇيدى رەتتەۋ، قايشىلىقتاردى شەشۋ، ورتاق تانىم ۇيىستىرۋ قىزمەتىن ويداعىداي ىستەپ، كورىكتى شينجياڭ قۇرۋعا اقىل - پاراسات، كۇش - قۋات قوسۋ كەرەك.
ءماجىلىس مىنالاردى اتاپ كورسەتتى: باس شۋجي شي جينپيڭنىڭ تۇڭعىش كەزەكتى جۇڭگو - اراب ەلدەرى باسشىلار ماجىلىسىندەگى، جۇڭگو - شىعاناقتاعى اراب ەلدەرى سەلبەستىك كوميتەتى باسشىلار ماجىلىسىندەگى ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، ”ءبىر بەلدەۋ، ءبىر جولدى“ بىرگە قۇرۋمەن ىشكەرىلەي توعىسىپ، حالىقارالىق اۋىس - كۇيىستى، سەلبەستىكتى تەرەڭدەتىپ، اناعۇرلىم جوعارى دەڭگەيدە ەسىك اشۋ ارقىلى اناعۇرلىم جوعارى ساپالى دامۋدى جەبەپ، مەملەكەتتىڭ جالپى تۇلعالىق ديپلوماتيالىق كەلەلى جاعدايىنا قىزمەت وتەۋ كەرەك. باس شۋجي شي جينپيڭنىڭ بەيزاتتىق مادەنيەت مۇرالارىن قورعاۋ قىزمەتى جونىندەگى ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، شينجياڭدى مادەنيەتپەن نارلەندىرۋدى ىشكەرىلەي ىلگەرىلەتىپ، شينجياڭنىڭ بەيزاتتىق مادەنيەت مۇرالارىن قورعاۋدى، جالعاستىرۋدى كۇشەيتىپ، ءار ۇلتتىڭ تاڭداۋلى ءداستۇرلى مادەنيەتىن كوركەيتە بەرۋ كەرەك. باس شۋجي شي جينپيڭنىڭ 4 - كەزەكتى جۇڭگو - رەسەي ەنەرگيا ساۋدا ىستەرى تالقى مىنبەرىنە، مەملەكەت تاريحى ءىلمي قوعامى قۇرىلعاندىعىنىڭ 30 جىلدىعىنا جولداعان قۇتتىقتاۋ حاتتارىنىڭ رۋحىن مۇقيات ۇيرەنىپ، دايەكتىلەندىرىپ، ەنەرگيا جاعىنداعى حالىقارالىق سەلبەستىكتى كۇشەيتىپ، ەنەرگيامەن حاۋىپسىز قامداۋدى قامتاماسىز ەتۋدى ويداعىداي ىستەۋ؛ مەملەكەت تاريحىن زەرتتەۋ ورەسىن جوعارىلاتىپ، ”ءتورت تاريح“ ۇگىت تاربيەسىن كۇشەيتىپ، قوعام ورنىقتىلىعى مەن باياندى تىنىشتىقتىڭ يدەيالىق نەگىزىن بەكەمدەۋ كەرەك.
ءماجىلىس ورتالىقتىڭ بىرلىكساپ قىزمەتى جونىندەگى قاتىستى ورنالاستىرۋلارىن، تالاپتارىن جەتكىزدى، ۇيرەندى، جاڭا داۋىردەگى شينجياڭنىڭ بىرلىكساپ قىزمەتىن كۇشەيتۋگە قاتىستى اتقارۋ پىكىرىن اقىلداستى، قارادى. ءماجىلىس مىنالاردى باسا دارىپتەدى: باس شۋجي شي جينپيڭنىڭ جاڭا داۋىردەگى پارتيانىڭ بىرلىكساپ قىزمەتىن ويداعىداي ىستەۋ جونىندەگى ماڭىزدى يدەياسىن ىشكەرىلەي دايەكتىلەندىرىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن جوعارىلاتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، بىرلىكساپ قىزمەتىن باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەت رەتىندە جوسپارلاپ، ىلگەرىلەتىپ، دەموكراتيالىق پارتيا - توپتارمەن جانە پارتيادا، توپتا جوق قايراتكەرلەرمەن ىنتىماقتى، سەلبەستىكتى كۇشەيتىپ، جۇڭحۋا ۇلتى ورتاق تۇلعا تانىمىن بەرىك ورناتۋ قىزمەتىن ناقتى، جاندى، ءونىمدى تۇردە ويداعىداي ىستەپ، شينجياڭدا ءىسلام ءدىنىن جۇڭگوشالاندىرۋدى ورنىقتى ىلگەرىلەتىپ، سىرتقى بىرلىكساپ پەن چياۋمين ىستەرى، ينتەرنەت، پارتيا سىرتىنداعى زيالىلار جانە جاڭا قوعامدىق جىكتەگى قايراتكەرلەر، حالىقتىق شارۋاشىلىق سالاسىنداعى، ت. ب بىرلىكساپ قىزمەتىن تىڭعىلىقتى تۇردە ويداعىداي ىستەپ، شينجياڭ قىزمەتى باس نىساناسىن جۇزەگە اسىرۋعا جۇرت تىلەگىن، كۇش - قۋاتتى ۇيىستىرۋ كەرەك.
