جاڭا تيپتى ايدارشا ۆيرۋس ۆاكسيناسىنىڭ يممۋنيتەتتى كۇشەيتۋ بويىنشا 2 - ۋكولىن ەگۋ باستالدى
مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى جالپىلىق گرۋپپاسى اتقارۋ جوباسىن باسىپ تاراتتى
شينحۋا اگەنتتىگىنىڭ 12 - ايدىڭ 14 - كۇنى بەيجيڭنەن بەرگەن حابارى. مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى جالپىلىق گرۋپپاسى 12 - ايدىڭ 14 - كۇنى «جاڭا تيپتى ايدارشا ۆيرۋس ۆاكسيناسىنىڭ يممۋنيتەتتى كۇشەيتۋ بويىنشا 2 - ۋكولىن ەگۋدى اتقارۋ جوباسىن باسىپ تاراتۋ جونىندەگى حابارلاندىرۋدى» جاريالاپ، قازىرگى كەزەڭدە يممۋنيتەتتى كۇشەيتۋ بويىنشا 1 - ۋكولىن ەكتىرۋ نەگىزىندە، جۇعىمدالۋ حاۋىپ - قاتەرى جوعارى ادامدار شوعىرى، 60 جاستان اسقان قارتتار شوعىرى، ءبىرشاما اۋىر نەگىزدىك اۋرۋى بار ادامدار شوعىرى جانە يممۋنيتەت قۋاتى ءالسىز ادامدار شوعىرى اراسىندا يممۋنيتەتتى كۇشەيتۋ بويىنشا 2 - ۋكول ەكتىرۋدى ورتاعا قويدى. يممۋنيتەتتى كۇشەيتۋ بويىنشا 2 - ۋكول مەن يممۋنيتەتتى كۇشەيتۋ بويىنشا 1 - ۋكولدىڭ ۋاقىت ارالىعى 6 ايدان جوعارى بولۋى كەرەك.
اتقارۋ جوباسىنا نەگىزدەلگەندە، قوسىمشا شارتپەن بەكىتىلىپ بازارعا شىققان نەمەسە شۇعىل جاعدايدا پايدالانىلاتىن بارلىق ۆاكسينانى يممۋنيتەتتى كۇشەيتۋ بويىنشا 2 - ۋكول رەتىندە پايدالانۋعا بولادى. يممۋنيتەتتى كۇشەيتۋ بويىنشا تىزبەكتى ۋاكسينا ەگۋ الدىمەن ويلاستىرىلادى نەمەسە وميكرون شتامى قامتىلعان، نەمەسە وميكرون شتامىنا ءبىرشاما جاقسى ايقاسپالى يممۋنيتەتتەۋگە يە ۆاكسيناعا يممۋنيتەتتى كۇشەيتۋ بويىنشا 2 - ۋكولدى ەگۋدىڭ قاتىستى قۇراماسى تومەندەگىدەي:
3 اكتيۆسىزدەندىرىلگەن ۆاكسينا + 1 كاڭشينو بۇلشىق ەتتەن قويىلاتىن قايتا قۇراۋشى جاڭا تيپتى ايدارشا ۆيرۋس ۆاكسيناسى ( 5 تيپتى ۇيقى بەزى ۆيرۋسى دانەكەرى)؛
3 اكتيۆسىزدەندىرىلگەن ۆاكسينا + 1 جىفيلۇڭ كىما قايتا قۇراۋشى جاڭا تيپتى ايدارشا ۆيرۋس ۆاكسيناسى (CHO كلەتكا)؛
3 اكتيۆسىزدەندىرىلگەن ۆاكسينا + 1 كاڭشينو سىمىرۋگە پايدالانىلاتىن قايتا قۇراۋشى جاڭا تيپتى ايدارشا ۆيرۋس ۆاكسيناسى (5 تيپتى ۇيقى بەزى ۆيرۋسى دانەكەرى)؛
3 اكتيۆسىزدەندىرىلگەن ۆاكسينا + 1 جۋحاي ليجۋ قايتا قۇراۋشى جاڭا تيپتى ايدارشا ۆيرۋس كىرىكپەلى بەلوك ۆاكسيناسى (CHO كلەتكا)؛
2 كاڭشينو بۇلشىق ەتتەن قويىلاتىن ۇيقى بەزى ۆيرۋسى دانەكەرى ۆاكسيناسى + 1 كاڭشينو سىمىرۋگە پايدالانىلاتىن قايتا قۇراۋشى جاڭا تيپتى ايدارشا ۆيرۋس ۆاكسيناسى (5 تيپتى ۇيقى بەزى ۆيرۋسى دانەكەرى)؛
3 اكتيۆسىزدەندىرىلگەن ۆاكسينا + 1 چىڭدۋ ۋيسىكى قايتا قۇراۋشى جاڭا تيپتى ايدارشا ۆيرۋس ۆاكسيناسى (sf9 كلەتكا)؛
3 اكتيۆسىزدەندىرىلگەن ۆاكسينا + 1 بەيجيڭ ۋانتاي مۇرىنعا بۇركىلەتىن تارالمالى تۇماۋ ۆيرۋسى دانەكەرى جاڭا تيپتى ايدارشا ۆيرۋس ۆاكسيناسى؛
3 اكتيۆسىزدەندىرىلگەن ۆاكسينا + 1 جىجياڭ سانيەساۋ قايتا قۇراۋشى جاڭا تيپتى ايدارشا ۆيرۋس بەلوك تەكتەس بىرلىك ۆاكسيناسى (CHO كلەتكا)؛
3 اكتيۆسىزدەندىرىلگەن ۆاكسينا + 1 شىنجوۋ كلەتكا قايتا قۇراۋشى جاڭا تيپتى ايدارشا ۆيرۋس 2 ۆالەنتتى S ۇشپوليمەر بەلوك ۆاكسيناسى.
اتقارۋ جوباسىندا ۋاكسينا ەگۋ حاۋىپسىزدىگىنە شىنايى كەپىلدىك ەتۋ تالاپ ەتىلدى. جەر - جەر ۋاكسينا ەگۋ حاۋىپسىزدىگىن ماڭداي الدى ورىنعا قويىپ، قاتاڭ تۇردە «ساقتىق ۋاكسينا ەگۋ قىزمەتى ولشەمى» تالاپتارى بويىنشا ۋاكسينا ەگۋدى اتقارۋدى ولشەمدى ۇيىمداستىرۋ كەرەك. جەر - جەردىڭ دەنساۋلىق ساقتاۋ - سالاماتتىق تاراۋلارى 2 - دارەجەدەن جوعارى كەشەندى شيپاحانالاردىڭ شۇعىل ەمدەۋ، قۇتقارۋ قىزمەتكەرلەرى ۋاكسينا ەگۋ ورنىندا تۇرىپ ىستەۋدى قامتاماسىز ەتۋ، شۇعىل قۇتقارۋ جابدىقتارى مەن دارىلەرى بولۋ، 120 جەدەل قۇتقارۋ ماشيناسى جۇمىس باسىندا كەزەكشىلىك وتەۋ، 2 - دارەجەدەن جوعارى كەشەندى شيپاحانانىڭ قۇتقارۋ - ەمدەۋ جاسىل ارناسى بولۋ سىندى ”4 بولۋ“ تالابىن تياناقتاندىرىپ، ۋاكسينا ەگۋ حاۋىپسىزدىگىن قامتاماسىز ەتۋى كەرەك. ەگۋشى ورىندار يممۋنيتەتتى كۇشەيتۋ بويىنشا ۋاكسينا ەگۋ ينفورماتسياسىن تىزىمدەۋ جانە ۆاكسينانىڭ اعىلۋ بەتالىسىن باسقارۋدى ويداعىداي ىستەپ، يممۋنيتەتتەۋ جوسپارى ينفورماتسيا جۇيەسى مەن ساقتىق ۋاكسينا ەگۋ كۋالىگىندەگى ۋاكسينا ەگۋ ەستەلىگىنىڭ قاتىستى مازمۇندارىن دەر كەزىندە، دۇرىس جاڭالاۋى كەرەك.
