ەگىس ۋاقىتىن كەشىكتىرمەي ءوندىرىستى يگەرىپ، قيىنشىلىقتاردى شەشىپ، ونىمگە كەپىلدىك ەتتى
□ انار بۇلت \ شينجياڭ گازەتىنىڭ ءتىلشىسى ليۋ ي
رايونىمىزدىڭ جەر - جەرى اۋىل شارۋاشىلىعى ءوندىرىسى مەن ىندەتتەن ساقتانۋ - تىزگىندەۋدىڭ ءتۇرلى قىزمەتتەرىن ءبىر تۇتاس جوسپارلاپ ىلگەرىلەتىپ، باعىتتامالى شارا قولدانىپ اۋىل شارۋاشىلىعى ءوندىرىسىنىڭ ءارقايسى بۋىندارىنداعى بوگەتتەردى اشىپ، شارۋالاردىڭ ءوندىرۋ، ساتۋ سياقتى بۋىنداردا ءدوپ كەلگەن قيىنشىلىقتارىن، ماسەلەلەرىن شەشۋىنە كومەكتەسىپ، اۋىل شارۋاشىلىعى كاسىپ سالاسى تىزبەگىنىڭ، قامداۋ تىزبەگىنىڭ حاۋىپسىزدىگىن، ورنىقتىلىعىن، ىركىلىسسىزدىگىن ساقتاپ، تۇرعىنداردى ”استىق“، ”كوجە قاتىق“ ونىمدەرىمەن جەتكىلىكتى قامداۋدى بار كۇشپەن قامتاماسىز ەتىپ، شارۋالاردىڭ تۇتاس جىلدىق ءونىمىنىڭ قولىنا تيۋىنە شىنايى كەپىلدىك ەتتى.
اتىزداردى ويداعىداي باپتاپ، دۇمبە ءبيدايدى قىستان امان وتكىزۋگە مۇمكىندىك جاسادى
استىق حاۋىپسىزدىگىندە كىشكەنە ءىس جوق. بيىل بۇكىل رايون كۇزگى استىقتان قۋانىشپەن مول ءونىم الدى، استىق ءوندىرۋ قابىلەتى ورنىقتى قاداممەن جوعارىلادى. ەگىس ۋاقىتى ادامدى كۇتىپ تۇرمايدى، مول ونىمنەن كەيىن، جەر - جەردەگى اۋىل شارۋاشىلىعى، اۋىل - قىستاق تاراۋلارى ەگىس ۋاقىتىن مىقتاپ يگەرىپ، دۇمبە ءبيداي ەگۋ جانە اتىزداردى باپتاۋ قىزمەتىن جاپپاي ىلگەرىلەتىپ، كەلەر جىلى استىقتان تاعى دا مول ءونىم الۋدىڭ نەگىزىن بەكەمدەدى.
تاياۋ مەزگىلدە، اقسۋ ايماعىندا دۇمبە ءبيداي جاقسى ءوسىپ، جەرگىلىكتى ورىن شارۋالاردى اتىز باپتاۋدىڭ ءتۇرلى جۇمىستارىن دەر كەزىندە ءونىمدى ورىستەتۋگە ۇيىمداستىرىپ، قىستا سۋارۋعا قاتىستى سۋ ىستەتۋ جوسپارىن عىلمي جاساپ، دۇمبە ءبيدايدى سۋارۋعا الدىمەن كەپىلدىك ەتىپ، سۋمەن قۇنارلاندىرۋدى، قۇنارلاندىرۋ ارقىلى ءوسۋىن جەدەلدەتۋدى ورىنداپ، دۇمبە ءبيدايدىڭ تەگىس وركەن جايۋىن، جاقسى ءوسۋىن جۇزەگە اسىردى.
”دۇمبە ءبيدايدىڭ قىستان ءوتۋ الدىنداعى عىلمي باپتالۋى ءبىر جىلدىق تۇسىمگە قاتىستى، ءبىز تەحنيكتەردىڭ كومەگىندە عىلمي سۋارىپ، تىڭايتقىش بەردىك، دۇمبە ءبيدايدىڭ كوكتەۋى ەرەكشە جاقسى“، - دەدى كەلپىن اۋدانى گەزلىك قالاشىعى ۇستىڭگى قاشارىق قىستاعىنىڭ تۇرعىنى پارۇق شۇكۇر، - وزىق ەگۋ - باپتاۋ تەحنيكاسىنىڭ ارقاسىندا، كەلەر جىلى استىقتان تاعى دا مول ءونىم الۋعا كەپىلدىك ەتۋگە سەنىمىمىز بار.
بيىل رايونىمىزداعى ءار دارەجەلى اۋىل شارۋاشىلىق، اۋىل - قىستاق تاراۋلارى دۇمبە ءبيداي تۇقىمى سياقتى اۋىل شارۋاشىلىق ماتەريالدارى مەن ەگىس ماشينالارىن ورنالاستىرۋدى، دايىنداۋدى ەرتە تياناقتاندىرىپ، اۋىل شارۋاشىلىق ماشينالارىن تەكسەرۋدى، رەمونتتاۋدى ويداعىداي ىستەۋگە جەتەكشىلىك ەتىپ، اۋىل شارۋاشىلىق ماشينالارىن ءوڭىر اتتاپ جۇمىس ىستەۋگە تارتىپپەن ۇيىمداستىرىپ، دۇمبە ءبيداي ەگۋدىڭ ءساتتى ورىندالۋىنا شىنايى كەپىلدىك ەتتى. ەگىمشىلىك ورنالاسىمىنان قاراعاندا، سولتۇستىك شينجياڭ ءوڭىرى نەگىزگى ەگىس اتىزدارىن ءبيداي وندىرىسىنە الدىمەن پايدالانۋعا ءتۇيىندى تۇردە كەپىلدىك ەتىپ، ەگىمشىلىك قۇرىلىمىن ىشكەرىلەي رەتتەپ ساپالىلاندىرعان، وڭتۇستىك شينجياڭ ءوڭىرى جەمىس ورمانى مەن استىق ءوندىرىسىن ىشكەرىلەي ءبىر تۇتاس جوسپارلاپ، ءبيدايدى مۇمكىندىگىنشە بوس جەرگە جانە جوعارى ولشەمدى ەگىنجايلارعا ەگىپ، استىق ءوندىرىسىنىڭ تۇتاس بارىسىن ولشەمدەندىرۋ، ماشينالاستىرۋ دەڭگەيىن جوعارىلاتقان.
سونىمەن بىرگە، اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى «2023 - جىلعى دۇمبە ءبيداي ەگۋ جانە قىسقى باپتاۋ تەحنيكاسىنىڭ ماڭىزدى تۇيىندەرىن» دەر كەزىندە جاساپ، باسىپ تاراتىپ، دۇمبە ءبيداي ەگۋ شەشۋشى تەحنيكاسىنىڭ قولدانىلۋىن ارناعا ءتۇسىرىپ، قىزمەتكەرلەردى ءوندىرىستىڭ الدىڭعى شەبىنە تاڭداپ جىبەرىپ، جەر - جەردەگى اۋىل شارۋاشىلىعى تەحنيكتەرىمەن بىرگە وزىق قولدانىلمالى تەحنيكانى شارۋالاردىڭ قولىنا جەتكىزىپ، قىسقى ەگىس قىزمەتىندەگى قيىنشىلىقتاردى، تالاپ - تىلەكتەردى سايكەستىرىپ شەشتى.
جەر - جەردىڭ، تاراۋلاردىڭ بىرگە قۇلشىنۋىندا، بيىل تۇتاس رايونداعى دۇمبە ءبيدايدى قىستا سۋارۋعا ىستەتىلەتىن سۋمەن قامتاماسىز ەتۋ جەتكىلىكتى بولىپ، ەگۋ مەزگىلى بىلتىرعىدان 3 تە 5 كۇن ەرتە بولدى، جالپى تۇقىم سەبۋ قارقىنى بىلتىرعى سول تۇستاعىدان تەز بولدى، ونىڭ ۇستىنە، باسىم كوپ ساندىسى تۇقىم سەبۋگە ۇيلەسىمدى مەزگىلدە ەگىلىپ، ۇيلەسىمدى مەزگىلدە ەرتە ەگۋ جۇزەگە اسىرىلىپ، مايسانىڭ كوكتەۋى بىلتىرعىدان كورنەكتى جاقساردى. قازىر رايونىمىز 2023 - جىلعى دۇمبە ءبيداي ەگۋ مىندەتىن نورمادان ارتىق ورىندادى، بۇكىل رايون بويىنشا (جەرگىلىكتى ورىن) 12 ميلليون مۋدان استام جەرگە دۇمبە ءبيداي ەگىلىپ، ەرتە ەگىلگەن دۇمبە ءبيداي 1 − 4 تۇپتەنىپ، بۇكىل رايونداعى دۇمبە ءبيداي قىستان ءوتۋ مەزگىلىنە ءساتتى ءوتتى.
ءوندىرۋدى، ساتۋدى ويداعىداي ىستەپ، ماڭىزدى اۋىل شارۋاشىلىق ونىمدەرىمەن قامداۋدىڭ جەتكىلىكتى بولۋىن قامتاماسىز ەتتى
تاياۋدا ەگىس ۋاقىتىن كەشىكتىرمەي اۋىل شارۋاشىلىعى ءوندىرىسىنىڭ تارتىپپەن جۇرگىزىلۋىن ىلگەرىلەتۋمەن بىرگە، زاپاس بۇكىل رايوننىڭ جەر - جەرى، تاراۋلارى تۇرمىستىق قاجەتتى بۇيىمداردى ءوندىرۋدى، زاپاس ساقتاۋدى جانە تاسۋدى كۇش سالا ويداعىداي ىستەپ، بۇقارانى ”كوجە قاتىقپەن“، ”استىقپەن“ قامداۋدىڭ جەتكىلىكتى، پارمەندى بولۋىنا شىنايى كەپىلدىك ەتتى.
قىس ماۋسىمى رايونىمىزداعى كوكونىس وندىرىسىمەن قامداۋدى قامتاماسىز ەتۋ قىزمەتىنىڭ قيىن ءتۇيىنى. بيىل بۇكىل رايونداعى ءار دارەجەلى اۋىل شارۋاشىلىق، اۋىل - قىستاق تاراۋلارى ءونىمدى شارا قولدانىپ، ”كوجە قاتىقپەن“ قامداۋدى قامتاماسىز ەتۋ قۋاتىن ۇزدىكسىز جوعارىلاتىپ، اتىزداعى كوكونىستى سۋمەن، تىڭايتقىشپەن باپتاۋدى جانە دەرت - دەربەزدەن، زياندى جاندىكتەردەن ساقتانۋدى، سونداي - اق ونى جويۋدى ويداعىداي يگەرىپ، ءوندىرۋدى، ساتۋدى ۇشتاستىرۋدى كۇشەيتىپ، ءتۇرلى كوكونىستى دەر كەزىندە جيناپ الىپ بازارعا شىعارۋعا شىنايى كەپىلدىك ەتتى.
تاياۋ مەزگىلدە، ونسۋ اۋدانىندا ءبايساي، ءسابىز سياقتى كوكونىستىڭ جينالاتىن مەزگىلى كەلدى، جەرگىلىكتى ورىن اۋىل شارۋاشىلىق ونىمدەرىنىڭ بايلانىس تۇعىرىن ورناتۋ، اۋىل شارۋاشىلىق ونىمدەرى ينفورماتسيالارىن جاريالاۋ تۇعىرىن قۇرۋ، اۋىل شارۋاشىلىعىنا قاتىستى تالاپ - تىلەكتەرى ءبىر جاقتى ەتۋ قىزمەت مەحانيزمىن اقاۋسىزداندىرۋ سياقتى شارالاردى قولدانىپ، شارۋا بۇقاراسىنىڭ قيىنشىلىعىن شەشتى.
”ىندەتتىڭ ىقپالىنا ۇشىراعاندىقتان، بيىل ءسابىزدى جيناۋدا، ساتۋدا ءبىراز قيىنشىلىققا جولىقتىق، ءبىر ءتاۋىرى كوپتەگەن تاراۋ بىزگە كومەكتەستى“، - دەدى ونسۋ اۋدانى توقۇلا اۋىلى سىيۋان قىستاعىنىڭ تۇرعىنى جۋ نيانبين، - قازىر قىستاعىمىز ەگىمشىلىك وتباسىلارىن اتىزعا بارىپ جۇمىس ىستەۋگە دەر كەزىندە ۇيىمداستىرىپ، ءسابىزدى جيناپ بولدى. اۋىل شارۋاشىلىعى، اۋىل - قىستاق تاراۋلارى كوپشىلىكتىڭ ساتۋ تاپسىرىسىن تابۋىنا دا كومەكتەسىپ، ونىمدەرىمىز اقسۋ قالاسى، شايار اۋدانى سياقتى جەرلەرگە ساتىلدى.
قىس ماۋسىمىندا كوكونىسپەن قامداۋدىڭ ۇزىلمەۋىنە، ساتىلماي قالماۋىنا شىنايى كەپىلدىك ەتۋ ءۇشىن، بيىل جىل باسىنان بەرى رايونىمىزداعى ءار دارەجەلى اۋىل شارۋاشىلىعى، اۋىل - قىستاق تاراۋلارى ءونىمدى شارا قولدانىپ، اتىزداعى كوكونىستى سۋمەن، تىڭايتقىشپەن باپتاۋدى جانە دەرت - دەربەزدەن، زياندى جاندىكتەردەن ساقتانۋدى، سونداي - اق ونى جويۋدى ويداعىداي يگەرىپ، ءوندىرۋ مەن ساتۋدى ۇشتاستىرۋدى كۇشەيتىپ، ءتۇرلى كوكونىستى دەر كەزىندە جيناپ الىپ، بازارعا شىعارۋعا شىنايى كەپىلدىك ەتتى. كۇز ماۋسىمىنداعى اۋىل شارۋاشىلىعى ءوندىرىسى بارىسىندا، جەر - جەر ۋاقىتتى ۇتىپ، قايتالاي كوكونىس ەگۋدەگى تەرەزەلىك شەكتى مەرزىمنەن پايدالانىپ، ءبيداي ورىپ الىنعان اتىزداردان جانە اۋلاداعى بوس جەرلەردەن تولىق، ويداعىداي پايدالاندى، شارۋالاردى بايساي، شامعۇر سياقتى قىستا ساقتايتىن كوكونىستى ەگۋگە بەلسەنە جەتەكتەپ، قىس جانە كوكتەمدە كوكونىسپەن ءوزىن - ءوزى قامداۋ قابىلەتىن جوعارىلاتتى، كاسىپتىك تەحنيكتەر ءوندىرىستىڭ الدىڭعى شەبىنە بارىپ، تەحنيكالىق قىزمەت وتەپ، شارۋالاردىڭ كوكونىس ەگۋ وندىرىسىندە كەزدەسكەن ءىس جۇزىندىك ماسەلەلەرىن شەشۋىنە كومەكتەسىپ، كوكونىستەن ورنىقتى ءونىم الۋعا، ءونىمىن ارتتىرۋعا شىنايى كەپىلدىك ەتتى.
بيىل تۇتاس رايوندا بايساي، ءسابىز، شامعۇر سياقتى قىستا ساقتايتىن كوكونىستىڭ ەگىلگەن اۋدانى ءبىر ميلليون 55 مىڭ مۋعا جەتتى، ءونىم مولشەرى 3 ميلليون 240 مىڭ توننا بولىپ، وتكەن جىلمەن سالىستىرعاندا 340 مىڭ توننا ارتتى. قازىر تۇتاس شينجياڭ بويىنشا 100 مىڭنان استام كۇن نۇرى جىلىجايىندا قۇرىلعىلى كوكونىس ءوندىرىسى جۇرگىزىلەدى، كۇز، قىس ماۋسىمدارىندا قۇرىلعىلى كوكونىستىڭ ەگىس اۋدانى مولشەرمەن 166 مىڭ مۋعا، مەجەمەن ءونىم مولشەرى 453 مىڭ 800 تونناعا جەتىپ، جەكە - جەكە وتكەن جىلعى سول تۇستاعىمەن سالىستىرعاندا 15 مىڭ مۋ، 31 مىڭ توننا ارتادى. جالپى جاقتان الىپ قاراعاندا، شينجياڭنىڭ قازىرگى بار قىستا ساقتايتىن كوكونىستىڭ زاپاس مولشەرى مەن قۇرىلعىلى كوكونىس ءوندىرىس جالپى مولشەرى توتاس رايوننىڭ بيىلعى قىس پەن كەلەر جىلعى كوكتەمدەگى كوكونىس بازارىنىڭ سۇرانىسىن قاناعاتتاندىرا الادى.
سونىمەن بىرگە، اۆتونوميالى رايوندىق استىق جانە زاتتىق ماتەريالداردى زاپاس ساقتاۋ مەكەمەسى شۇعىل جاعدايعا توتەپ بەرۋ بويىنشا مانەرلەۋ كاسىپورنىنان 150ىنە تۇيىنىنەن تۇيىنگە جەتەكشىلىك ەتىپ، كاسىپورىننىڭ اڭىس ەتكەن قيىنشىلىقتارىنا، تالاپ - تىلەكتەرىنە قاراتا، كومەكتەسۋ - سۇيەمەلدەۋ ءتىزىمىن دايىنداپ، دەرەۋ سايكەستىرىپ شەشىم ەتتى. قاتىستى تاراۋلارمەن سايكەسىپ استىق، ماي تاسىمالداۋ جاسىل ارناسىن ورناتىپ، استىق، ماي جەتكىزۋدىڭ ىركىلىسسىز بولۋىنا شىنايى كەپىلدىك ەتتى. كەزەكتە، تۇتاس رايوننىڭ استىق، ماي بازارى ورنىقتىلىقتى ساقتاۋدا، تۇتاس رايوننىڭ نەگىزگى ىشەر استىعى ءبيدايدىڭ ۇكىمەتتىك زاپاسى مەن تاۋار قامباسىنداعى قورى تۇتاس رايوننىڭ 18 ايدان استام ىشەر استىق تۇتىنۋىن قاناعاتتاندىرا الادى. جەرگىلىكتى ۇكىمەتتىڭ وڭدەۋلى استىق، ماي زاپاسىنىڭ ءىس جۇزىندىك قامباداعى ساقتالۋى جەتكىلىكتى بولىپ، قالا، اۋىل تۇرعىندارىنىڭ 15 كۇننەن جوعارى بازار قامداۋىن قاناعاتتاندىرا الادى.
قيىنشىلىق قىسپاعىنان قۇتىلدىرۋدى ويداعىداي ىستەپ، تۇتاس جىلدىق ءونىمنىڭ قولعا كەلۋىنە شىنايى كەپىلدىك ەتتى
ءىشىنارا اۋىل شارۋاشىلىعى ءوندىرىس تيجارات تۇلعالارىندا ىندەتتىڭ ىقپالى سەبەبىنەن اۋىل شارۋاشىلىق ونىمدەرىن تاسىمالداۋ، ساتۋ قيىن بولۋ سياقتى ماسەلەلەر جارىققا شىقتى، ءار دارەجەلى اۋىل شارۋاشىلىعى، اۋىل - قىستاق تاراۋلارى ەگىنشى بۇقارانىڭ قيىنشىلىق، تالاپ - تىلەكتەرىنە ءجىتى نازار اۋدارىپ، قاتىستى تاراۋلارمەن بىرگە ىندەتتىڭ اۋىل شارۋاشىلىعى ونىمدەرىن جيناۋ، تاسىمالداۋ سياقتى بۋىندارعا جاساعان ءتيىمسىز ىقپالىن جەڭىپ، ەگىس ۋاقىتىن كەشىكتىرمەي جەدەل جيناپ، قالىڭ ەگىنشى بۇقارانىڭ تۇتاس جىلدىق ءونىمدى قولعا كەلتىرۋىنە شىنايى كەپىلدىك ەتتى.
بيىل كورلا قالاسىنداعى شينجياڭ جىڭيۋان ءسۇت شارۋاشىلىعىن دامىتۋ شەكتى سەرىكتەستىگى ەگىس جۇمىسىن ىستەپ باسقارعان جىلىجايداعى پاميدوردى ساتۋ قيىن بولۋداي ماسەلەگە جولىعىپ، كوتەرمەگە العان وتباسىلاردىڭ تيجاراتى حاۋىپ - قاتەرگە ءدوپ كەلگەندە، كاسىپورىن قيىنشىلىقتى دەر كەزىندە قاراستى جەردەگى قاتىستى تاراۋلارعا اڭىس ەتىپ، دەر كەزىندە كومەككە يە بولدى.
”قاتىستى تاراۋلار دەر كەزىندە كاسىپورىنعا اۋىل شارۋاشىلىعى ونىمدەرىن تاسىمالداۋ جول حاتىن ءبىتىرىپ بەرىپ، ينتەرنەتتە ساتۋ تۇعىرىن ەنگىزىپ، ساتىپ الاتىن ونىمدەرىمەن ءتۇيىلىستىرىپ، وتباسى − اتىز باسى − مانەرلەۋ، قامبادا ساقتاۋ كاسىپورنى جابىق اينالىمدى قاتىناستى اتقارىپ، ساتىپ الۋ، ساقتاۋ، تاسىمالداۋ بۋىندارىنىڭ تۇتاس بارىستا ىركىلىسسىز بولۋىنا شىنايى كەپىلدىك ەتتى“، - دەدى شينجياڭ جىڭيۋان ءسۇت شارۋاشىلىعىن دامىتۋ شەكتى سەرىكتەستىگىنىڭ باس ديرەكتورى دۋ حايتاۋ، - قازىر كاسىپورىننىڭ ساتۋ تاپسىرىسى قامتاماسىز ەتىلىپ، ساتىلماي قالعان پاميدور ءساتتى ساتىلىپ، كوتەرمەگە العان ەگىمشىلىك وتباسىلارىنىڭ ەگىنشىلىك تابىسى قامتاماسىز ەتىلدى.
تاياۋدا رايونىمىزدىڭ اۋىل شارۋاشىلىعى، اۋىل - قىستاق تاراۋلارى تۇلعالىق جاۋاپكەرشىلىكتى ناقتىلاندىرىپ، ۋيشين الەۋمەتتىك ءنومىرىن اشۋ، ىستىق لەنيالى تەلەفوندى جاريالاۋ سياقتى تاسىلدەر ارقىلى اۋىل شارۋاشىلىعىنا ساياتىن ماسەلەلەردى بايقاۋ ارناسىن كەمەلدەندىردى. اۆتونوميالى رايوندىق پارتكوم اۋىل - قىستاق قىزمەتى باسشىلىق گرۋپپاسى كەڭسەسى جانە اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى، اۋىل - قىستاقتى گۇلدەندىرۋ مەكەمەسى كاسىپ تىرەكتىلەرىنەن 140 نەشە كادردى شىعارىپ، ىندەتتەن ساقتانۋ - تىزگىندەۋ مەن اۋىل شارۋاشىلىعى، اۋىل - قىستاق، شارۋالار جانە اۋىل - قىستاقتى گۇلدەندىرۋ ءتۇيىندى قىزمەتتەرىن ءبىر تۇتاس جوسپارلاۋعا جەتەكشىلىك ەتۋ گرۋپپاسىنان 12سىن قۇرىپ، 14 ايماق، وبلىس قالاعا ءبولىنىپ بارىپ، ناقتى ورىندا جەتەكشىلىك ەتىپ، شارۋالاردىڭ قيىنشىلىعىن شەشۋگە كومەكتەستى. جەر - جەر ىندەت كەزىندە ءتۇبىردى بەكەمدەپ، مەجەنى ورنىقتىراتىن قيىنشىلىق قىسپاعىنان قۇتىلدىرۋ، قيىنشىلىقتى شەشۋ، كومەكتەسۋ - سۇيەمەلدەۋ مەحانيزمىن بەلسەنە كەمەلدەندىرىپ، ۇستىنەن وڭاۋ مەن تۇبىرىنەن وڭاۋدى كوزدەپ، قاتىستى سالالاردىڭ ءتۇزىم مەحانيزمىن جانە شارالارىن، ادىستەرىن اقاۋسىزداندىرىپ، كەمەلدەندىرىپ، ارناۋلى كولىكپەن الىپ كەلۋ - اپارۋ، جاناسپاي جۇمىس ىستەۋ سياقتى تاسىلدەردەن پايدالانىپ، جيناۋشى جۇمىسشىلاردىڭ، شوفەرلەردىڭ، تەحنيكتەردىڭ دەر كەزىندە جۇمىس ورنىنا كەلۋىنە شىنايى كەپىلدىك ەتىپ، اۋىل شارۋاشىلىعى ءوندىرىس ماشينالارىن سەپتەۋ، جۇمىسشى ىستەتۋ سۇرانىسى، زات اينالىمى، تاسىمال سياقتى تالاپ - تىلەكتەردى ونان ارى قامتاماسىز ەتتى.
12 - ايدىڭ 11 - كۇنىنە دەيىن 12 جەتەكشىلىك ەتۋ گرۋپپاسى جالپى 3594 ماسەلەنى اداقتاپ جيناپ، جالپى 3514 ماسەلەنى ءبىر جاقتى ەتتى، بۇل اۋىل شارۋاشىلىعى ءوندىرىسى، اۋىل شارۋاشىلىعى ونىمدەرىن ساتۋ، اۋىل - قىستاقتى گۇلدەندىرۋ ءتۇيىندى قىزمەتتەرى سياقتى ءبىرتالاي سالانى شارپيدى. كەلەسى قادامدا رايونىمىزداعى ءار دارەجەلى اۋىل شارۋاشىلىعى، اۋىل - قىستاق تاراۋلارى اۋىل شارۋاشىلىعىنا ساياتىن ماسەلەلەردى بايقاۋ ارناسىن ىركىلىسسىزدەندىرىپ، رايون، ايماق، اۋدان، بيڭتۋان، جەرگىلىكتى ورىن سايكەسە وتىرىپ بىرلەسىپ قيمىلداۋ مەحانيزمىن ورناتىپ، جەر - جەردى شارۋالاردىڭ قيىنشىلىعىن، تالاپ - تىلەكتەرىن تياقتاندىرۋ جاعدايىن ءجىتى قاداعالاپ، ونى بىتىرۋگە قۋزاپ، ونىمدىلىگىن سۇراستىرۋدى دەر كەزىندە قاداعالاپ، بارلىق ماسەلەنى ءتىزىم بويىنشا باسقارۋدى، بىتكەندەرىن جويىپ وتىرۋدى، بىتىرۋگە قۋزاۋدى اتقارىپ، بارلىق ىسكە جاۋاپ بەرۋگە، بارلىق جۇمىسقا ءۇن قاتۋعا شىنايى كەپىلدىك ەتىپ، اۋىل شارۋاشىلىعى ءوندىرىسىنىڭ ورنىقتى، ءتارتىپتى بولۋىنا، ونىممەن قامداۋدىڭ جەتكىلىكتى بولۋىنا شىنايى كەپىلدىك ەتەدى.
