رايونىمىزعا قاراستى مەملەكەت مەنشىگىندەگى كاسىپورىندار بيىل 27 ميلليارد 800 ميلليون يۋاننان استام قارجى قوسۋدى ورىندادى
ءتۇرلى كاسىپ سالاسىنا ساياتىن 286 نىسان سالىندى
انار بۇلت \ شينجياڭ گازەتىنىڭ ءتىلشىسى شى شين 12 - ايدىڭ 15 - كۇنى ۇرىمجىدەن حابارلايدى. اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنەن ۇعىسۋىمىزشا، 11 - ايدىڭ سوڭىنا دەيىن رايونىمىزعا قاراستى مەملەكەت مەنشىگىندەگى كاسىپورىندار بيىل قارجى قوسىپ سالعان ءتۇرلى كاسىپ سالاسى نىسانى 286 بولىپ، جالپى 27 ميلليارد 864 ميلليون يۋان قارجى قوسىلعان، مۇنىڭ ىشىندە ءىرى نىسان 65 بولىپ، 20 ميلليارد 558 ميلليون يۋان قارجى قوسىلعان.
مۇنىڭ ىشىندە شينجياڭ جۇڭتاي (توبى) شەكتى جاۋاپكەرشىلىك سەرىكتەستىگى 3 ميلليارد 512 ميلليون يۋان قارجى قوسىپ سالعان جىلىنا ءبىر ميلليون توننا PVC (پولي ۆينيل حلور)، سونداي - اق كەشەندى سايكەستى اينالمالى ەكونوميكا نىسانىنىڭ 1 - مەرزىمدىك جىلىنا 750 مىڭ توننا كاربيد ءوندىرۋ نىسانى 9 - ايدا سالىنىپ، وندىرىسكە قوسىلدى. بۇل نىسان باي اۋدانىنىڭ مول كوكس بايلىعىنان پايدالانىپ كاربيد ءوندىرىپ، كوكس − كاربيد − BDO (1، 4 − بۋتاديول) − ىدىرايتىن ماتەريال كاسىپ سالاسى تىزبەگىن كەڭەيتتى.ءوندىرىس قۋاتىنا جەتكەننەن كەيىن جەرگىلىكتى ورىننىڭ سالىق كىرىسىن جىلىنا 150 ميلليون يۋان ارتتىرىپ، 1100دەن استام ادامدى جۇمىستانۋعا جەتەكتەيدى.
شينجياڭ ەنەرگيا (توبى) شەكتى جاۋاپكەرشىلىك سەرىكتەستىگى 2 ميلليارد 7 ميلليون يۋان قارجى قوسىپ سالعان شىتوۋمەي 1 -ءنومىرلى جىلدىق ءونىمى 5 ميلليون توننالىق اشىق كومىر كەنىنىڭ 1 - مەرزىمدىك ينجەنەرياسى 9 - ايدا ءوندىرىس قۋاتىنا جەتىپ، ءار جىلى جەرگىلىكتى ورىنعا 627 ميلليون يۋان باجى تاپسىرىپ، 7000 ادامدى جۇمىستاندىرۋعا جەتەكشىلىك ەتتى.
بيىل شينجياڭ اۋەجاي (توبى) شەكتى جاۋاپكەرشىلىك سەرىكتەستىگى بۇكىل رايون كولەمىندە شينجياڭ (حىجيڭ) بايىنبۇلاق حالىقتىق اۋەجايى سياقتى 5 اۋەجايدى جاڭادان سالىپ، كۇنەس نارات اۋەجايى سياقتى 5 اۋەجايدى جاڭالاپ كەڭەيتىپ سالدى. مۇنىڭ ىشىندە تاشقورعان حونچيراپ اۋەجايى قاتىناۋ شارت - جاعدايىن ازىرلەدى، ىسكە قوسىلعاننان كەيىن 120دان استام جۇمىس ورنىن كوبەيتۋگە بولادى؛ 387 ميلليون يۋان قارجى قوسىپ تۇرپان اۋەجايىن جاڭالاپ كەڭەيتىپ سالۋ ينجەنەرياسىن ورىنداپ، جوعارى جىلدامدىقتى تەمىر جول، اۋەجاي اراسىنداعى اۋە - تەمىر جولدا اۋىسىپ وتىرۋ ارناسىن ونان ارى اشىپ، جەرگىلىكتى بۇقارانىڭ ءجۇرىس - تۇرىسىن قامتاماسىز ەتۋدە ماڭىزدى رول اتقاردى.
شينجياڭ قاتىناس قارجى قوسۋ (توبى) شەكتى جاۋاپكەرشىلىك سەرىكتەستىگى قارجى قوسىپ سالعان G218 لەنياسى ناراتتان بالعىنتايعا دەيىنگى تاس جول نىسانى تيانشان قويناۋىنداعى كوپتەگەن ماڭىزدى ساياحات كورىنىس اۋماقتارى مەن جاراتىلىستىق قورىقتاردى تۇتاستىردى، ول شينجياڭنىڭ قاتىناس - تاسىمال جوباسى ”6 ەندىك، 6 بويلىق، 7 توراپ، 8 ارنا“ جوعارى جىلدامدىقتى تاس جول نەگىزگى تورىنداعى ”3 - ەندىكتىڭ“ ماڭىزدى بولىگى، سونداي - اق رايونىمىزدىڭ ”14 - بەسجىلدىقتاعى“ كەلەلى قۇرىلىس نىسانى.
شينجياڭ جاڭا ەنەرگيا (توبى) شەكتى جاۋاپكەرشىلىك سەرىكتەستىگى ”3 بازا،ءبىر ارنا“ جانە ”شينجياڭنىڭ ەلەكترىن سىرتقا جەتكىزۋ“ سياقتى ستراتەگيالىق ورنالاستىرۋلاردى ارقاۋ ەتىپ، جەمسارى، شىسانجيانفاڭ، بايشىحۋ، نوم، شونجى شياۋحۇڭشان سياقتى جاڭا ەنەرگيا نىساندارىنىڭ 223 مىڭ كيلوۆاتتىق جاڭا ەنەرگيا نىساندارىن ۇزدىكسىز سالىپ، دابانچىڭ، چارقىلىق، سانتاڭحۋ سياقتى جاڭا ەنەرگيا نىساندارىنىڭ ءبىر ميلليون 390 مىڭ 800 كيلوۆاتتىق جاڭا ەنەرگيا نىساندارىن تىڭنان باستاپ سالدى، قازىر جەلىگە قوسىلىپ 122 مىڭ 500 كيلوۆات توك تاراتتى. مۇنىڭ ىشىندە جەمسارى 3 - مەرزىمدەگى 100 مەگاۆاتتىق جەلىگە قوسىلاتىن فوتوۆولتتىق ەلەكتر تاراتۋ نىسانى مەجەمەن جىل سوڭىنان بۇرىن جەلىگە قوسىلىپ ەلەكتر تاراتادى، جىلدىق ورتاشا جەلىگە قوسىلعان ەلەكتر مولشەرى 160 ميلليون كيلوۆات - ساعاتقا جەتەدى.
اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى پارتكومىنىڭ مۇشەسى، ورىنباسار مەڭگەرۋشى جاڭ جينپيڭ مىنالاردى ءبىلدىردى: اۆتونوميالى رايوندىق پارتكومنىڭ قىزمەت ورنالاستىرۋلارىن دايەكتىلەندىرىپ، تياناقتاندىرىپ، 2022 - جىلدىڭ ەڭ سوڭعى ءبىر ايعا جەتپەيتىن ۋاقىتىن مىقتاپ يگەرىپ، اۆتونوميالى رايونعا قاراستى مەملەكەت مەنشىگىندەگى كاسىپورىنداردىڭ قارجى قوسۋ نىساندارىنىڭ ەڭ جاقسى ونىمدىلىگىنە ەڭ زور قۇلشىنىسپەن قول جەتكىزۋ ءۇشىن، اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى نىسانداردىڭ ىلگەرىلەتىلۋ جاعدايىنا اپتا سايىن ورنالاستىرۋ جاساپ، مەملەكەت مەنشىگىندەگى كاسىپورىنداردىڭ كوزدەگەن نىسانا - مىندەتتەرىنە جەتەكشىلىك ەتىپ، نىسان اياق الىسىن مىقتاپ يگەرىپ، 7 ميلليارد يۋاندىق قارجى قوسۋ مىندەتىن ورىنداۋعا شىنايى كەپىلدىك ەتىپ، مەملەكەت مەنشىگىندەگى كاسىپورىنداردىڭ باستاۋ، جەتەكتەۋ رولىن تولىق ساۋلەلەندىردى.
نازاردى مەملەكەت پەن اۆتونوميالى رايوننىڭ ”14 - بەسجىلدىق جوباسى“، ”8 ءىرى كاسىپ سالاسى شوعىرى“ سياقتى كەلەلى ستراتەگيالىق ورنالاستىرۋلارىنا شوعىرلاندىرعان، رايونىمىز مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىنداردى 2023 - جىلعى كەلەلى قارجى قوسۋ نىساندارىن الدىن الا ويداعىداي جوسپارلاپ، 2023 - جىلعى ەكونوميكالىق، قوعامدىق دامۋعا جاقسى باستاما اشۋعا، جاقسى قادام تاستاۋعا مەملەكەت مەنشىگىندەگى مال - مۇلىكتىڭ كۇش - قۋاتىن ارناۋعا ۇيىمداستىردى.
