تۇتىنۋ جانداندى، تىرشىلىك تىنىسى جالىندادى، شينجياڭنىڭ جەر - جەرىندە ومىرشەڭدىك كۇش تاسقىندادى
□ انار بۇلت \ شينجياڭ گازەتىنىڭ تىلشىلەرى حي حۇڭۋي، جىڭ جو
ءدامدى تاعامداردان اۋىز ءتيدى، شاڭعى تەپتى، ساۋدا سارايلارىن ارالادى، كونسەرت كوردى، ءوندىرىس قاربالاستىعىنا ءتۇستى... شينجياڭنىڭ جەر - جەرىندەگى ساۋدا سارايلارىنىڭ، بازارلاردىڭ تيجاراتتى قالپىنا كەلتىرۋ، جۇمىستى، ءوندىرىستى قالپىنا كەلتىرۋ اياق الىسىنىڭ جەدەلدەۋىنە ىلەسە، بازاردىڭ كومەسكى كۇشى ءۇرتىس قاۋلاپ، تۇتىنۋ بازارى دۋماندانىپ، ەكونوميكالىق دامۋدىڭ ”جىلدامدىق تەتىگى“ باسىلدى.
اس - سۋ ساۋداسى كۇسەتتەنە ءتۇستى
12 - ايدىڭ 11 - كۇنى ءۇرىمجى قالاسى بەيجيڭ جولى حۇيجيا شىداي الاڭى زات ساتىپ الۋ ورتالىعىنىڭ 3 - قاباتىنداعى ءدامدى تاعامدار الاڭى اسا دۋماندى بەينەگە ەندى، كاۋاپ، سىرا، شياۋلۇڭشيا، حوگو، چۋانچۋان، چاۋميفىن... ءدامدى تاعامداردىڭ ءيىسى مۇرىن جارىپ، تاماقتانۋشىلاردىڭ تابەتىن اشا ءتۇستى. ءاربىر دۇكەنشەنىڭ الدىندا تۇتىنۋشىلار شىرەتكە تۇرىپ تاماققا تاپسىرىس بەرىپ، تاماق الىپ جاتتى، تاماقتانۋ اۋماعىندا بوس ورىن قالماپتى.
قول تەلەفون كليەنتىندەگى تاماققا تاپسىرىس بەرۋ جۇمساق بولشەگى ساندى مالىمەتىندە كورسەتىلۋىنشە، 12 - ايدىڭ 8 - كۇنىنەن بەرى ۇرىمجىدە كوپتەگەن اس - سۋ ساۋداگەرلەرى ينتەرنەت جەلىسى دۇكەنى باس سۋرەتىن جاڭالاۋ، ينتەرنەت جەلىسىندەگى ەرەكشە تيىمدىلىك بويىنشا دۇكەنگە بارىپ ولشەمدى تاماق جەۋ سياقتىلارمەن ينتەرنەت جەلىسىندەگى اعىن مولشەرىن جىتىلەتىپ، ينتەرنەت جەلىسىنەن تىس دۇكەندەرگە قاريدارلاردى اعىلتقان. وتكەن ءبىر اپتادا ءۇرىمجى ءوڭىرىنىڭ دۇكەنگە بارىپ تاماقتاناتىنداردىڭ ينتەرنەت جەلىسىندە تاپسىرىس بەرۋ مولشەرى الدىڭعى اپتاداعى الدىڭعى ساناق مەزگىلىمەن سالىستىرعاندا ％413 ارتقان. مۇنىڭ ىشىندە دايىن تاعامداردى، سۋ تاعامدارىن، جەرگىلىكتى ەرەكشە قۋىرماشتاردى اسحانادا تۇتىنۋىنىڭ قالپىنا كەلۋ جاعدايى تەبىندى بولعان.
جۇمىستى قالپىنا كەلتىرۋدەن حاباردار بولعاننان كەيىن، ءۇرىمجى قالاسى بەيجيڭ وڭتۇستىك جولىنا ورنالاسقان پاڭلاۋحان ەرەكشە جياۋماجي دۇكەنى ينتەرنەت جەلىسى تۇعىرىندا ”جۇمىس باستاۋ يگىلىگى ولشەمدى تاماعىن“ شىعاردى ءارى تيجارات ينفورماتسياسىن دەر كەزىندە جاڭالادى.
”تاماقتانۋ سۇرانىسى بار كونە قاريدارلار مەن جاڭا دوستاردىڭ نازارىن بىردەن اۋدارعىمىز كەلەدى“. پاڭلاۋحان بەيجيڭ جولى دۇكەنىنىڭ قوناق قابىلداۋ زالىنىڭ ديرەكتورى فان شيڭفىڭ ”جۇمىس باستاۋ يگىلىگى ولشەمدى تاماعىن“ شىعارىپ، اناعۇرلىم كوپ تۇتىنۋشىلاردى باۋراۋدى ءۇمىت ەتەتىندىگىن ايتتى.
كوپتەگەن ساۋداگەر تىكە تاراتىلىمدى اشىپ، تۇتىنۋشىلارمەن ءتىل تابىستى. ىندەت كەزىندە ءۇرىمجى حىفىڭ جيڭجى شوۋسى باتىس باجياحۋ دۇكەنىنىڭ جاۋاپتىسى كۇڭ چاۋ تىكە تاراتىلىمدى اشىپ، شوۋسى ولشەمدى تاماعىن شىعاردى، اسحانادا تاماقتانۋ قالپىنا كەلتىرىلگەننەن كەيىن كوپتەگەن قاريدار كەلىپ اداقتاپ ەسەپتەن كوتەردى.
”ءبىر كۇندە ينتەرنەت جەلىسىندەگى ساتىلۋ مولشەرى 100گە تايايدى، كۇندىز دۇكەندە قاريدارلاردى كۇتەمىن، كەشتە تىكە تاراتىلىمدى اشامىن. بۇدان كەيىن كاسىپتىك ەلەكتروندى ساۋدا بىلىمدەرىن ۇيرەنىپ، ينتەرنەت جەلىسى تۇعىرىنان ويداعىداي پايدالانىپ، تۇتىنۋشىلارعا اناعۇرلىم ويداعىداي قىزمەت وتەيمىن“، - دەدى كۇڭ چاۋ.
اس - سۋ جاڭا كاسىپ كۇيىنىڭ جارىققا شىعۋى تۇتىنۋشىلاردىڭ تابەتىن اشىپ قالماستان، ونان دا ماڭىزدىسى، جاستارعا قىسىمدى ازايتاتىن، جاڭا دوستارمەن تانىساتىن ورىن ازىرلەدى. ءار كۇنى تاڭ سارىدە ءۇرىمجى نانحۋ چۋاڭزاۋ Life چاۋحۋو ورتالىعىندا شىراقتار جارقىراپ، اسحانا ءىشى دۋمانعا بولەنىپ، كوپتەگەن شاراپحانا دۇنيە جۇزىلىك فۋتبول ساۋىتىنا تالاسۋ جارىسىن جالعاپ تاراتتى، بۇل دۋمان سوڭعى جارىم تۇنگە دەيىن جالعاستى.
”اسحانا تيجاراتتى قالپىنا كەلتىرگەننەن كەيىن، ءار كۇنى كەشتە اس ۇستەلدەرى نەگىزىنەن قاريدارعا لىق تولادى“، - دەدى شينجياڭ لوۋلان ميكاۋ اس - سۋ باسقارۋ شەكتى سەرىكتەستىگىنىڭ جۇمىس جۇرگىزۋ باس باقىلاۋشىسى ياڭ جۇن.
بازار كۇسەتتەندى، كومەسكى كۇش قاۋلاپ، تەبىن جەتكىلىكتى بولدى
قاس قارايعاندا شينجياڭنىڭ جەر - جەرىندەگى مادەنيەت كونسەرت الاڭدارى، ”ءتۇن جارىمىنداعى اسحانا“ سياقتى جەرلەردە جاستار بارعان سايىن توپتالا ءتۇستى. تۇنگى ەكونوميكانى جانداندىرۋ ءۇشىن، شينجياڭنىڭ جەر - جەرىندەگى كوپتەگەن ساۋدا كەشەندى تۇلعاسى، تۇرعىندار بازارى، كوشە بويىنداعى دۇكەندەر تيجارات ۋاقىتىن ۇزارتۋ، تيجارات كاسىپ كۇيىن بايىتۋ، تۇنگى ساتۋدى جەبەۋ قيمىلىن ۇيىمداستىرۋ سياقتى تاسىلدەرمەن ادامداردى باۋرادى. ادامدار ۇيلەرىنەن شىعىپ، ءتۇن كورىنىسىن تاماشالاپ، كونسەرت كورىپ، ءدامدى تاعامداردان اۋىز ءتيىپ، زات ساتىپ الۋدىڭ قىزىعىنا باتتى، اناعۇرلىم ومىرشەڭدىك كۇشكە يە، اناعۇرلىم ەرەكشەلىككە يە تۇرمىس قىستا جارىققا شىقتى.
”وتكەن كۇندەردەگى دۋماندى جاعداي قايتا ورالعانداي سەزىندىم“، - دەدى ءۇرىمجى قالاسىنىڭ تۇرعىنى لۋ ميڭ.
ىندەتتەن ساقتانۋ - تىزگىندەۋدى ويداعىداي ىستەۋ العى شارتىندا شينجياڭداعى ءارقايسى ءىرى بازارلار، ساۋدا كەشەندى تۇلعالارى بۇرىنعى دۋمانعا قايتا ورالىپ، ساۋدا شەڭبەرى، ساۋدا كوشە رايونى سياقتىلاردا تىرشىلىك تىنىسى ۇزدىكسىز قاۋلادى.
12 - ايدىڭ 14 - كۇنى شينجياڭ جيۋديڭ حالىقارالىق ازىق - تۇلىك بازارىندا ساۋدا بۇيىمدارى كوزدىڭ جاۋىن الدى. قاريدارلار كوپ بولعاندىقتان، ەسەپ ايىرۋدا شىرەتكە تۇرىپ توسىپ قالۋدى ازايتۋ ءۇشىن، ساۋداگەرلەر اقشا الۋ تەكشەسى مەن ەسەپ ايىرۋ قىزمەتكەرلەرىن جابال كوبەيتتى. ساۋداگەر ۋي جيڭجيڭ: ”ءبىز 4 اقشا الۋ تەكشەسىن اشتىق“، - زاتتارىمىز سورەگە قويىلا سالىسىمەن دەرەۋ ساتىلىپ كەتتى، - دەدى.
تۇتىنۋدىڭ ومىرشەڭدىك كۇشىن قاۋلاتۋ ءۇشىن، ىندەتتەن ساقتانۋ - تىزگىندەۋ قىزمەتىن ويداعىداي ىستەۋ العى شارتىندا شينجياڭنىڭ جەر - جەرى تۇتىنۋدى جەبەۋ، بازاردى ورنىقتىرۋ شارالارىنان ءبىر قىدىرۋىن شىعاردى، ساۋداگەرلەر نازاردى ينتەرنەتتە تانىمالىلاردىڭ تىكە تاراتۋى، زەردەلى ساۋدا شەڭبەرى، ينتەرنەت جەلىسىندە كوڭىل اشۋ سياقتى جاڭا كاسىپ كۇيىنە، جاڭا ۇلگىگە، جاڭا كورىنىسكە شوعىرلاندىرىپ، تۇتىنۋمەن قامداۋدى كەڭەيتىپ، تۇتىنۋ بازارىنىڭ مولشەردى ارتتىرىپ، دارەجەسىن كوتەرۋىن جەبەدى.
قۇلجا قالاسى ”قىستى سۇيىسپەنشىلىكپەن جىلىتۋ · قۇلجادا شاتتانا زات ساتىپ الۋ“ تۇتىنۋ بەلەتىن تاراتۋ قيمىلىن وتكىزدى، جەرگىلىكتى ۇكىمەت 4 ميلليون يۋان تۇتىنۋ تولىقتاما قاراجاتىن شىعارىپ، ”قۇلجا بايحۇي“ ۋيشين الەۋمەتتىك ءنومىرى، بۇلتتا جىلدام تولەۋ APP سىندى ەكى تۇعىر ارقىلى قالا تۇرعىندارىنا ەلەكتروندى تۇتىنۋ بەلەتىن تاراتتى.
وسى بىرنەشە كۇندە يىڭسار اۋدانى ۋانشيەحۇي كيىم - كەشەك تولايىم ساتۋ بازارىنان زات ساتىپ العان قاريدارلاردىڭ اياعى ۇزىلمەدى، ساۋداگەرلەر قامباداعى قورى ءبىرشاما از تاۋارلاردى جانە ەرەكشە ۇلگىدەگى زاتتاردى الدىن الا دەر كەزىندە تولىقتادى ءارى ءتۇرلى تيىمدىلىك قيمىلدارىن شىعاردى.
تىرشىلىك تىنىسى جالىندادى، باۋراۋ قۋاتى جەتكىلىكتى بولىپ، سەنىم ارتتى
12 - ايدىڭ 15 - كۇنى موري قازاق اۆتونوميالى اۋدانى يۋەسى تىرناق، كىرپىك اسەمدەۋ دۇكەنىنىڭ جاۋاپتىسى جاۋ يا قاريدارلاردىڭ تىرناعىن اسەمدەۋمەن قاربالاستاپ جاتتى.
”وسى 2 كۇندە قاريدارلار وتە كوپ، 2 كۇن بۇرىن كەلىسۋى قاجەت“، - دەدى جاۋ يا. بيىل شاندۇڭدىق وسى بويجەتكەننىڭ موريعا كەلگەنىنىڭ 8 - جىلى، ول وسى ارادا توي جاساپ، بالا ءسۇيىپ، دۇكەنىن جەر استى ۇيىنەن كوشە بويىنداعى ەكى قاباتتى كوشە دۇكەنگە اۋىستىردى. ”مەن ءوزىمنىڭ قولونەرىمدى ۇزدىكسىز ۇشتاپ، تيجارات اۋماعىمدى كەڭەيتەمىن“، - دەدى جاۋ يا.
جۇمىستى، ءوندىرىستى قالپىنا كەلتىرۋ اياق الىسىنىڭ جەدەلدەۋىنە ىلەسە، جەر - جەردىڭ قىزمەت وتەۋ كاسىبى بىرتىندەپ جانداندى. شاڭعى تەبۋ، ساياحات، دەنە شىنىقتىرۋ، اجارلاندىرۋ، شاش اسەمدەۋ سياقتى كوپ نەگىزدى تۇتىنۋ سۇرانىسى ءۇرتىس جارىققا شىقتى.
12 - ايدىڭ 14 - كۇنى 20 - كەزەكتى ءۇرىمجى جىبەك جولى قار - مۇز سالت - سانا مەرەكەسى جىبەك جولى حالىقارالىق شاڭعى الاڭىندا باستالىپ، ءۇرىمجى 2022 − 2023 قىسقى قار - مۇز ساياحاتىنىڭ شىمىلدىعىن اشتى.
ءۇرىمجى قالاسى ”ءبىر قالادا ساياحاتتاپ شينجياڭمەن تانىسۋ · جىبەك جولىن ەندەي ءوتۋ“، ”شۋاقتى كۇندە قاردى كورۋ · نانشاننىڭ قار كەلبەتى“، ”قىسقى ماحاببات جىرى · قار - مۇزدى قۋانا ساياحاتتاۋ“ سياقتى قىس ماۋسىمنداعى ءبىر كۇندىك ساياحات، 2 كۇندىك ساياحات 10 سارا جەلىسىن جولعا قويدى.
”بۇل ارا شاڭعى اۋەسكەرلەرىنىڭ قالاۋلى جەرى، ءار جىلى قار ماۋسىمىندا شينجياڭعا كەلەمىن“، - دەدى لانجوۋدان كەلگەن شاڭعى اۋەسكەرى چىن زىڭشياڭ جەلپىنە.
تۇرمىس قالىپتى ارناعا قايتا ورالدى، شينجياڭنىڭ جەر - جەرىندە تىرشىلىك تىنىسى جالىندادى، ادامداردىڭ قاراسى ۇزدىكسىز مولايدى.
ينتەرنەتتەگى بەلگىلى تاپسىرىس بەرۋ تۇعىرىنىڭ ساندى مالىمەتىندە كورسەتىلۋىنشە، 12 - ايدىڭ 5 - كۇنىنەن 14 - كۇنىنە دەيىن، 2023 - جىلعى جاڭا جىل كەزىندەگى شينجياڭدى نىسانالى جەر ەتكەن ۇشاق بەلەتى، قوناق ساراي، كورىنىس ءوڭىرى سياقتى ساياحات تاپسىرىستارى الدىڭعى ساناق مەزگىلىمەن سالىستىرعاندا ％395 ارتقان، مۇنىڭ ىشىندە ءۇرىمجى قالاسىنىڭ ساياحاتقا قاتىستى تاپسىرىستارى شامامەن جالپى مولشەردىڭ ％40ىن ۇستاعان؛ شينجياڭنىڭ ءىشىن نەگىز ەتكەن ساياحاتشىلاردىڭ ۇستاعان سالىستىرماسى شامامەن ％80 بولىپ، وزگە جەردەگى ساياحاتشىلار نەگىزىنەن شاڭحاي، بەيجيڭ، چۇڭچيڭ جانە حاڭجوۋ، چىڭدۋ سياقتى جەرلەردەن كەلگەن.
12 - ايدىڭ 15 - كۇنى ساعات 12گە دەيىن، شينجياڭنىڭ ساياحات كورىنىس تۇيىندەرىن ارالاۋ ورلەۋى الدىڭعى ساناق مەزگىلىمەن سالىستىرعاندا ％55 ارتقان، جەرگىلىكتى ساياحات ۇيىرمەسىنە قاتىناسقانداردىڭ ارالاۋ قىزعىندىلىعى وتكەن اپتادان ％240 جوعارىلاعان.
باۋراۋ قۋاتى ارتۋمەن بىرگە شينجياڭ كاسىپورىندارى توپتاسىپ شەتەلگە شىعىپ، ساۋدا ورايىن قاراستىردى. 12 - ايدىڭ 12 - كۇنى كەشتە اۆتونوميالى رايوندىق حالىق ۇكىمەتى ۇيىمداستىرعان ەكونوميكا - ساۋدا ۋاكىلدەر ۇيىرمەسى مەن ساۋدا - ساتتىق سەلبەستىك قىزمەت گرۋپپاسى ۇشاقپەن ءۇرىمجى ديۋوپۋ حالىقارالىق اۋەجايىنان ۇشىپ، قازاقستانعا، تاجىكستانعا، قىرعىزستانعا، وزبەكستانعا ساپارلاي بارىپ، 10 كۇندىك ۋاقىتپەن ەكونوميكا - ساۋدا سەلبەستىگى قيمىلىن ورىستەتتى.
”’شىعارۋ‘ كليەنتتەردى قورعاۋعا، بازاردى كەڭەيتۋگە، تاپسىرىسقا قول جەتكىزۋگە ءتيىمدى بولۋمەن بىرگە، بازار سۇرانىسى مەن كاسىپ اۋقىمىنىڭ وزگەرىسىن دەر كەزىندە ۇعىسىپ، كاسىپورىنداردىڭ دامۋىنا عىلمي شەشىم جاسايدى“، - دەدى شينجياڭ لۇڭچىڭ شارۋاشىلىق توبى شەكتى سەرىكتەستىگىنىڭ القا باستىعى ليۋ حۇي.
”ەنگىزۋ“، ”شىعارۋ“ ارقىلى بۇگىنگى شينجياڭ كۇش توپتاپ العا ىلگەرىلەپ، تاماشا كەزدى كۇتۋدە.
