حالىققا قولايلى، كاسىپورىندارعا ءتيىمدى بولۋ تەبىنى كۇشەيدى، اكىمشىلىك قىزمەت وتەۋدە مەيىرىمدىلىك كوبەيدى

　　شيحۋ قالاسى 3 دارەجەلى اكىمشىلىك قىزمەت وتەۋ جۇيەسىن كۇش سالا قالىپتاستىردى

　　حالىققا قولايلى، كاسىپورىندارعا ءتيىمدى بولۋ تەبىنى كۇشەيدى، اكىمشىلىك قىزمەت وتەۋدە مەيىرىمدىلىك كوبەيدى

　　انار بۇلت \ شينجياڭ گازەتىنىڭ ءتىلشىسى لي ياڭ

　　12 - ايدىڭ 2 - كۇنى تۇستەن بۇرىن ساعات 11دە شيحۋ قالاسى اكىمشىلىك قىزمەت وتەۋ ورتالىعىندا ساۋ تيانميڭ قاريا ءوزىنىڭ قاسىندا بولىپ، وعان كومەكتەسىپ جۇمىس بىتىرىسكەن سول كۇنگى كەزەكشى مەڭگەرۋشى چىن ۋىنعا: ”سەرىك بولىپ جۇمىس ءبىتىرىپ بەرگەنىڭە راقىمەت، مۇنداي قىزمەت وتەۋ وتە كوڭىلدەگىدەي ەكەن“! - دەدى.

　　سول كۇنى ساۋ تيانميڭ قاريا قوعامدىق قامتاماسىزداندىرۋ تەرەزەسىنە كەلىپ، ۇيىندەگىلەردىڭ قاتىستى قوعامدىق قامتاماسىزداندىرۋ شارۋاسىن ءبىتىردى. قارتتىڭ ەستۋ قۋاتى ناشار بولعاندىقتان، تىلدەسۋ قيىن ەدى، چىن ۋىن ىرىقتىلىقپەن ەگجەي - تەگجەيلى سۇراستىرىپ، باسى - قاسىندا بولىپ قارتتىڭ شارۋاسىن سابىرلىلىقپەن كومەكتەسىپ ءبىتىرىپ بەرەدى.

　　باسى - قاسىندا سەرىك بولىپ ءبىتىرۋ، كومەكتەسىپ ءبىتىرۋ − شيحۋ قالالىق اكىمشىلىك قىزمەت وتەۋ ورتالىعىنىڭ قىزمەت داعدىسى. ”بۇقارانىڭ قيىنشىلىعىن دەر كەزىندە يگەرۋ، بۇقارانىڭ قاجەتىنە دەر كەزىندە جاۋاپ قايتارۋ، قارقىندى، مەيىرىمدى اكىمشىلىك قىزمەت وتەۋدى قالىپتاستىرۋ − ءبىزدىڭ نىسانامىز“، - دەدى چىن ۋىن.

　　پارتيا 20 - قۇرىلتايىنىڭ بايانداماسىندا: ”نەگىزگى الەۋمەتتىك قىزمەت وتەۋ جۇيەسىن اقاۋسىزداندىرىپ، الەۋمەتتىك قىزمەت وتەۋ ورەسىن جوعارىلاتۋ كەرەك“ دەپ اتاپ كورسەتىلدى. ۇكىمەتتىڭ الەۋمەتتىك قىزمەت وتەۋىنىڭ ماڭىزدى تۇعىرى رەتىندە، شيحۋ قالالىق اكىمشىلىك قىزمەت وتەۋ ورتالىعى ”كوپ بولعاندا ءبىر رەت بارۋ“ قىزمەت وتەۋ ورەسىن كۇش سالا جوعارىلاتىپ، بۇقارانىڭ جۇمىس ءبىتىرۋ بارىسىندا كەزدەسكەن ”بوگەت ءتۇيىنى، قيىن ءتۇيىنى، توسقاۋىل ءتۇيىنى“ ماسەلەسىن كۇش سالا شەشتى.

　　وسى رەتكى ىندەت كەزىندە كاسىپورىندار مەن بۇقارانىڭ شۇعىل ىستەرىن، ماڭىزدى ىستەرىن دەر كەزىندە بىتىرۋىنە شىنايى كەپىلدىك ەتۋ ءۇشىن، بۇل ورتالىق ”ينتەرنەت جەلىسىندە ءبىتىرۋ، جۇزدەسپەۋ“ تەكسەرىپ بەكىتۋ قىزمەت وتەۋىن بەلسەنە اتقارىپ، كاسىپورىندار مەن بۇقارانى اۆتونوميالى رايوننىڭ ءبىر تۇلعالانعان اكىمشىلىك قىزمەت وتەۋ تۇعىرىنا شىعىپ، ينتەرنەتتە ءوتىنىش ەتۋگە، ينتەرنەتتە اقىل - كەڭەس سۇراۋعا جانە ينتەرنەتتە بىتىرۋگە شابىتتاندىردى. شيحۋ قالالىق بازار باقىلاۋ - باسقارۋ مەكەمەسىنىڭ قىزمەتكەرلەرى ”ءبىر جەلىدە ءبىر تۇتاس ءبىتىرۋ“ يقۋاتىن تولىق ساۋلەلەندىرىپ، ينتەرنەت جەلىسىندە، جۇزدەسپەي ءبىتىرۋ ارقىلى ءتۇرلى جۇمىستاردان 183ىن (رەت) تەكسەرىپ بەكىتتى، مۇنىڭ ىشىندە جارنا ۇقىعىن كەپىلگە قويۋعا ساياتىنى ەكەۋ (رەت)، تىركەۋگە ساياتىنى 89 (رەت)، وزگەرتىپ تىركەۋگە ساياتىنى 56 (رەت)، كۇشىنەن قالدىرۋعا ساياتىنى 24 (رەت)، ازىق - تۇلىك بويىنشا تىركەۋگە ساياتىنى 12 (رەت).

　　”تومەنگە بەرۋ، باسقارۋ، قىزمەت وتەۋ“ رەفورماسى ۇزدىكسىز تەرەڭدەتىلىپ، ”ينتەرنەت +“ اكىمشىلىك قىزمەت وتەۋىنە كۇش ۇستەدى. قازىر شيحۋ قالاسى اۆتونوميالى رايوننىڭ ءبىر تۇلعالانعان اكىمشىلىك قىزمەت وتەۋ تۇعىرىندا 443 جۇمىستى تاپسىرىپ الىپ، 593 جۇمىستى جاريالاپ، ينتەرنەت جەلىسىندە بىتىرۋگە بولاتىن جۇمىستاردىڭ سالىستىرماسى ％98. 98كە جەتتى.

　　”حالىق بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىن كۇش سالا ويداعىداي شەشۋ − ءبىزدىڭ اكىمشىلىك قىزمەت وتەۋىن ساپالىلاندىرۋداعى العا باسۋ بەتالىسىمىز“، - دەدى شيحۋ قالاسى اكىمشىلىك قىزمەت وتەۋ ورتالىعى پارتيا باسشىلىق گرۋپپاسىنىڭ مۇشەسى، ورىنباسار مەڭگەرۋشىسى لين چاڭ.

　　بۇقارا جۇمىس ءبىتىرۋ بارىسىندا، ”بىتىرمەيتىن“، ”بىتىرە المايتىن“، ”ىستەي المايتىن“ ىستەرگە ۇنەمى جولىعىپ تۇرادى. شيحۋ قالاسى اكىمشىلىك قىزمەت وتەۋ ورتالىعى ”بىتپەگەن ىستەر“ قابىلداۋ تەرەزەسىن ارناۋلى قۇرىپ، كاسىپتىك قابىلەتى مىعىم، ساياساتتىق دەڭگەيى جوعارى قىزمەتكەرلەردى سەپتەپ، ”بىرگە ءبىر“ جانە جۇمىس باسىندا جۇمىس ءبىتىرۋ ءتاسىلىن قولدانىپ، سوڭىنا ءتۇسىپ تياناقتاندىردى.

　　”ءبىز ’ساياساتقا ۇيلەسسە دەرەۋ ءبىتىرۋ، قيىن، كۇردەلى بولسا دا ءبىتىرۋدى ىلگەرىلەتۋ، بىتىرۋدەن جالتارىپ، سالعىلاسقانداردى بىتىرۋگە مىندەتتەۋ، بىتىرۋگە ءتيىستى بولسادا بىتىرمەگەندەردى باقىلاپ ءبىتىرتۋ‘ وي جەلىسى بويىنشا، ’بىتپەگەن ىستەر‘ ماسەلەسىنە قاراتا تۇرلەرگە ءبولىپ شارا قولدانىپ، شىن مانىندە بۇقارا، كاسىپورىن بىتىرگىسى كەلسە دە بىتىرە الماعان ىستەردى بىتىردىك، ويداعىداي بىتىردىك“، - دەدى لين چاڭ.

　　ساندى مالىمەتكە كوبىرەك جۇمىس ءبىتىرتىپ، بۇقارانى از سابىلتۋعا مۇمكىندىك جاسادى. بۇل ورتالىق تەرەزەنى بىرىكتىرۋدى ىلگەرىلەتىپ، ”جىلجىمايتىن مۇلىك كۋالىگىن ءبىتىرۋ“، ”قوعامدىق قامسىزداندىرۋدى ءبىتىرۋ“، ”اسحانا اشامىن“، ”زەينەتكە شىعۋ راسيماتتارىن بىتىرەمىن“ سياقتى 10 نەگىزگى تاقىرىپ فورماسىنداعى شوعىرلى قىزمەت وتەۋمەن قامداپ، ءبىر تەرەزەدەن قابىلداپ، قاتىستى فۋنكتسيالىق تاراۋلار قاتار ءبىتىرىپ، ءبىر كەستە ءوتىنىش ەتۋدى، ءبىر جولدا تاپسىرۋدى، شەكتى ۋاقىتتا ءبىتىرۋدى اتقارىپ، كاسىپورىندار مەن بۇقارانىڭ ارلى - بەرلى سابىلۋىنان ساقتاندى. زەينەتكەرلىك، ەمدەلۋ، جۇمىسسىزدىق، جۇمىس ۇستىندە جارالانۋ جانە تۋىت قامسىزداندىرۋى دا 10 تەرەزەدەن ءبىر رەتتە بىتىرىلەدى. مۇنان سىرت جىلجىمايتىن مۇلىكتى بىرىكتىرىپ، تىزىمدەۋ، ساۋدالاۋ، توقتام سالىعى سياقتى كوپتەگەن ىستەردى تىزبەكتەپ بىتىرۋدەن بىرىكتىرىپ بىتىرۋگە وزگەرتتى، تىركەلۋ ۋاقىتى 20 قىزمەت كۇنىنەن 3 قىزمەت كۇنىنە قىسقاردى.

　　شيحۋ قالاسى 3 دارەجەلى اكىمشىلىك قىزمەت وتەۋ جۇيەسىن زور كۇشپەن قۇرۋ ارقىلى 16 تاراۋعا ساياتىن 73 جۇمىستى اۋىل - قالاشىققا (ءمالى)، قىستاققا (الەۋمەتتىك اۋماق) بەرىپ، ”دەرەۋ ءبىتىرۋدى“، ”جاقىن ماڭدا ءبىتىرۋدى“، ”ءبىر جولدا ءبىتىرۋدى“، ”ينتەرنەتتە ءبىتىرۋدى“ جۇزەگە اسىردى. شەت - شالعاي مال شارۋاشىلىق وڭىرلەرىندە، قىستاق - اترەتتەردە تۇرمىس كەشىرىپ جاتقان بۇقارا جونىنەن الەۋمەتتىك جالعا بەرىلەتىن ۇيگە ءوتىنىش بەرۋ، سالماقتى ناۋقاستارعا كومەكتەسۋ، مۇگەدەكتەرگە قوسىمشا قاراجات بەرۋ سياقتىلاردى ءبىتىرۋ ەندىگارى قيىن ءىس بولۋدان قالدى.

　　”بۇقاراعا قىزمەت وتەيتىن تەرەزەلىك ورىن رەتىندە، ءبىز حالىق ءۇشىن قىزمەت ىستەۋ باس ماقساتىنان جازباي، ’ءىس بىتىرە الۋ، ءىستى تەز ءبىتىرۋ، ءىستى تىڭعىلىقتى تىندىرۋ‘ سىندى قىزمەت وتەۋ ۇستانىمىن نەگىزگە الىپ، پارتيا 20 - قۇرىلتايىندا العا قويىلعان تالاپتاردى قاز - قالپىندا تياناقتاندىرىپ، قالىڭ بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن جوعارىلاتامىز“، - دەدى لين چاڭ.