”جاپپاي سوتسياليستىك وسىزاماندانعان مەملەكەت قۇرۋدىڭ باستاماسىن جاقسى اشۋ، قادامىن جاقسى باسۋ كەرەك“
− 2022 - جىلعى ورتالىقتىڭ ەكونوميكالىق قىزمەت ءماجىلىسى تۋرالى ەستەلىك
شينحۋا اگەنتتىگىنىڭ تىلشىلەرى حان جيە، يە حاۋميڭ
2022 - جىلى 12 - ايدىڭ 15 -، 16 - كۇندەرى، بەيجيڭ، جيڭشي قوناق ءۇيى. پارتيانىڭ 20 - قۇرىلتايىنان كەيىنگى ورتالىقتىڭ العاشقى ەكونوميكالىق قىزمەت ءماجىلىسى وسى ارادا وتكىزىلدى.
باس شۋجي شي جينپيڭ ماجىلىستە ماڭىزدى ءسوز سويلەپ، 2022 - جىلعى ەكونوميكالىق قىزمەتتى قورىتىندىلاپ، كەزەكتەگى ەكونوميكالىق جاعدايعا تالداۋ جاساپ، 2023 - جىلعى ەكونوميكالىق قىزمەتتى ورنالاستىرىپ، جاپپاي سوتسياليستىك وسىزاماندانعان مەملەكەت قۇرۋدىڭ باستاماسىن جاقسى اشۋ، قادامىن جاقسى باسۋ ءۇشىن باعدار بەلگىلەپ، جول نۇسقادى.
باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنە، تۇسىنە وتىرىپ، ماجىلىسكە قاتىناسقان جولداستار گرۋپپالار تالقىسىندا تانىمدارىن ورتاعا سالىپ، بەتالىستى ايقىنداپ، تياناقتاندىرۋدى جوسپارلاپ، ءبىر اۋىزدان مىنالاردى ءبىلدىردى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، ءبىر جاعادان باس،ءبىر جەڭنەن قول شىعارىپ، ەرلىكپەن العا ىلگەرىلەپ، جوعارى ساپالى دامۋدىڭ داڭعىل جولىندا ارشىندى قاداممەن العا باسۋىمىز كەرەك.
ەكونوميكالىق قىزمەتتى ويداعىداي ىستەۋ سەنىمىن نىعايتۋ −
”ەلىمىزدىڭ دامۋى جاڭا دا اناعۇرلىم بيىك تاريحي باستاماعا تابان تىرەدى“
”بيىل پارتيا مەن مەملەكەت تاريحىنداعى ايرىقشا ماڭىزدى ءبىر جىل بولدى. ءبىز پارتيانىڭ 20 - قۇرىلتايىن جەڭىسپەن اشىپ، جاپپاي سوتسياليستىك وسىزاماندانعان مەملەكەت قۇرۋدىڭ ايبىندى جوباسىن كەسكىندەدىك“.
”وتكەن 5 جىل − اسا وزگەشە، وتە ەرەكشە 5 جىل بولدى، ءبىز دۇنيە ءجۇزى وزگەرىس جاعدايىنىڭ جەدەل قۇبىلۋى، جاڭا تيپتى ايدارشا ۆيرۋس وكپە قابىنۋ ىندەتىنىڭ سوققىسى، ەل ءىشى ەكونوميكاسىنىڭ تومەندەۋى سياقتى كوپتەگەن سىناقتاردان سۇرىنبەي ءوتىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن ءونىمدى قورعادىق، ەلىمىزدىڭ ەكونوميكا كەمەسى تولقىن جارىپ العا تارتتى“.
”جاڭا داۋىردەگى 10 جىل − ەلىمىز ەكونوميكالىق، قوعامدىق دامۋدا تاريحي ناتيجەگە قول جەتكىزگەن، تاريحي وزگەرىس تۋىلعان، جوعارى ساپالى دامۋعا بۇرىلىس جاساعان 10 جىل بولدى“.
12 - ايدىڭ 15 - كۇنى تۇستەن بۇرىن 1 - رەتكى جالپى جيىندا باس شۋجي شي جينپيڭ سوزىندە نەگىزگى ماقساتتى ايقىن اتاپ كورسەتىپ، 2022 - جىلعى ەكونوميكالىق قىزمەتتى، وتكەن 5 جىلداعى قىزمەتتى جانە جاڭا ءداۋىردىڭ 10 جىلىنداعى ۇلى وزگەرىستى قورىتىندىلادى جانە ەسكە ءتۇسىردى.
”باس شۋجيدىڭ ’توتەنشە‘ دەگەن ءسوزدى كوپ رەت اۋىزعا الۋىندا تەرەڭ ءمان جاتىر، جاڭا ءداۋىردىڭ 10 جىلىندا ءبىز اسقاق ايبىنمەن كەڭ قۇلاش جايىپ، قامال الىپ، قيىندىقتاردى ەڭسەرە وتىرىپ باستان وتكىزگەن عالامات بارىس، كۇللى دۇنيەنى جالت قاراتىپ قول جەتكىزگەن شۇعىلالى تابىس − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ جەمىسى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ جەمىسى، بۇكىل پارتيانىڭ، بۇكىل ەلدەگى ءار ۇلت حالقىنىڭ ىنتىماقتاسا كۇرەس جۇرگىزۋىنىڭ جەمىسى“، - دەدى گرۋپپالار تالقىسىندا ماجىلىسكە قاتىناسقان جولداستار تەرەڭ تولعانىسپەن.
ۋاقىتتىڭ جادىندا جۇڭگو ەكونوميكاسىنىڭ الىپ كەمەسى ءجۇزىپ وتكەن وتە ەرەكشە ساپار جازۋلى تۇر.
بيىل جىل باسىنان بەرى، جۇڭگو ەكونوميكاسى ”V“ پىشىندەس قيسىق سىزىقپەن ءجۇرىپ، ءىرى ەل ەكونوميكاسىنىڭ سەرپىمدىلىگىن كورسەتتى؛ 5 جىلدان بەرى، جۇڭگو ەكونوميكاسى جىلىنا ورتاشا ەسەپپەن ％5تىڭ ۇستىندە ءوسىپ، الەمدىك ورتاشا دەڭگەيدەن جاقسى بولدى؛ 10 جىلدان بەرى، جۇڭگو ەكونوميكاسىنىڭ جالپى كولەمى 2 ەسەلەنىپ، دۇنيە ءجۇزى ەكونوميكاسىنىڭ ارتۋىنا قوسقان ۇلەسى 1 - ورىندى يەلەدى.
باس شۋجي شي جينپيڭ بىلاي دەپ باسا دارىپتەدى: ”ءبىز مۇلدەم كەدەيلىك ماسەلەسىن تاريحي سيپاتتى شەشىپ، ءدال ۋاعىندا جاپپاي دوڭگەلەك داۋلەتتى قوعام ورناتىپ، ءبىرىنشى 100 جىلدىق كۇرەس نىساناسىن جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستادىق، ەلىمىزدىڭ دامۋى جاڭا دا اناعۇرلىم بيىك تاريحي باستاماعا تابان تىرەدى“.
ناتيجە شىنىمەن جەڭىل - جەلپى كەلگەن جوق، ەسەلەپ قادىرلەۋگە تاتيدى.
باس شۋجي شي جينپيڭ تەرەڭنەن تولعاپ بىلاي دەپ اتاپ كورسەتتى: ”جاڭا ءداۋىر امالياتى ەكونوميكالىق قىزمەتتى ويداعىداي ىستەپ، جاپپاي سوتسياليستىك وسىزاماندانعان مەملەكەت قۇرۋدا، ءسوز جوق، پارتيانىڭ جاپپاي باسشىلىعىنا، اسىرەسە، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولۋ كەرەكتىگىن، ءتۇبىرلى ۇلكەن پرينسيپتەن، ۇلكەن قيسىننان اۋىتقىماۋ كەرەكتىگىن ءتۇسىندىردى“.
− دامۋ − پارتيانىڭ بيلىك جۇرگىزىپ، مەملەكەتتى كوركەيتۋدەگى ماڭداي الدى ماڭىزدى مىندەتى ەكەندىگىنە تاباندى بولۋ؛
− ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولۋ؛
− سوتسياليستىك نەگىزگى شارۋاشىلىق تۇزىمىنە تاباندى بولۋ جانە ونى كەمەلدەندىرۋ؛
− جوعارى دەڭگەيدە سىرتقا ەسىك اشۋدى ىلگەرىلەتۋگە تاباندى بولۋ؛
− ەكونوميكالىق دامۋدىڭ زاڭمەن باسقارۋ ارناسىندا جۇرگىزىلۋىن ىلگەرىلەتۋگە تاباندى بولۋ.
ءماجىلىس العا قويعان ”بەسكە تاباندى بولۋ“ تاجىريبەسى وتكەندى قورىتىندىلاپ، بولاشاققا جول سىلتەدى.
مىنا ءبىر دەتال ەسكە الا كەتۋگە تاتيدى.
2012 - جىلى 12 - ايدىڭ 15 - كۇنىنەن 16 - كۇنىنە دەيىن پارتيا 18 - قۇرىلتايىنان كەيىنگى ورتالىقتىڭ العاشقى ەكونوميكالىق قىزمەت ماجىلىسىندە باس شۋجي شي جينپيڭ ماڭىزدى ءسوز سويلەپ، بىلاي دەپ باسا دارىپتەدى: ”دامۋ − پارتيانىڭ بيلىك جۇرگىزىپ، مەملەكەتتى كوركەيتۋدەگى ماڭداي الدى ماڭىزدى مىندەتى، بيلىك باسىنداعى پارتيا رەتىندە، ءبىز پارتيانىڭ ەكونوميكالىق قىزمەتكە باسشىلىعىن، ءسوز جوق، شىنايى كۇشەيتىپ، ەكونوميكالىق قىزمەتتى تىڭعىلىقتى ويداعىداي ىستەۋىمىز كەرەك“.
10 جىلدان كەيىن، باستان - اياق ساباقتاسىپ جاتقان جاريالاۋ پارتيا ورتالىق كوميتەتىنىڭ ستراتەگيالىق تاباندىلىعىن كورسەتتى.
باس شۋجي شي جينپيڭ مىناداي تالاپ قويدى: ”دامۋ − پارتيانىڭ بيلىك جۇرگىزىپ، مەملەكەتتى كوركەيتۋدەگى ماڭداي الدى ماڭىزدى مىندەتى، دامۋ، ءسوز جوق، جوعارى ساپالى دامۋ بولۋى كەرەك دەگەنگە تاباندى بولىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، ەكونوميكانىڭ ۇيلەسىمدى ارتۋى مەن قۇرىلىمنىڭ ساپالىلانۋىنىڭ، جاڭالانۋىنىڭ بىرلىگىن جۇزەگە اسىرۋ كەرەك“.
ماجىلىسكە قاتىناسقان جولداستار تالقى بارىسىندا جاپپاي بىلاي دەپ قارادى: باس شۋجي شي جينپيڭنىڭ ”بەسكە تاباندى بولۋ“ تۋرالى قورىتىندىلاعان تاجىريبەسى جۇڭگونىڭ مەملەكەت جاعدايى مەن دامۋ امالياتىن تياناق ەتكەن، وعان جاڭا ءداۋىردىڭ 10 جىلىنداعى دامۋ تۋرالى تەرەڭ تولعانىس قامتىلعان، ول شي جينپيڭنىڭ ەكونوميكا يدەياسىنىڭ ونان ارى بايىتىلۋى جانە دامىتىلۋى، ءسوز جوق، جۇڭگو ەكونوميكاسى كەمەسىنىڭ ۇزدىكسىز تولقىن جارا العا ىلگەرىلەۋىنە جول نۇسقايدى.
تۋراشىلدىقتان اينىماي جاڭالىق اشۋ تاسىلىمەن ءوز ءىسىمىزدى ويداعىداي ىستەۋ −
”جاپپاي سوتسياليستىك وسىزاماندانعان مەملەكەت قۇرۋدىڭ باستاماسىن جاقسى اشۋ، قادامىن جاقسى باسۋ كەرەك“
2023 - جىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدە، تياناقتاندىرۋدا باستاما اشاتىن جىل.
قازىر دۇنيە ءجۇزىنىڭ وزگەرىسى، ءداۋىردىڭ وزگەرىسى، تاريحتىڭ وزگەرىسى بۇرىن بولماعان تاسىلمەن ورىستەۋدە. جاڭا تيپتى ايدارشا ۆيرۋسى ءالى تارالىپ جاتىر، ۋكراينا داعدارىسى اۋمالى - توكپەلى قۇبىلىپ، الەمدىك استىق، ەنەرگيا حاۋىپسىزدىگى ماسەلەسى كورنەكتى بولىپ، كاسىپ سالاسى تىزبەگى مەن قامداۋ تىزبەگى اۋىر سوققىعا ۇشىراپ، دۇنيە ءجۇزى جاڭا الماعايىپ وزگەرىس مەزگىلىندە تۇر.
حالىقارالىق جاعدايدى تەرەڭ باعامداعان باس شۋجي شي جينپيڭ بىلاي دەپ اتاپ كورسەتتى: ”دۇنيە ءجۇزى تاريحي وزگەرىستىڭ تاعى ءبىر جول ايىرىعىنا كەلدى“.
”مەن تالايدان بەرى ايتىپ كەلەمىن، داعدارىس ىشىندە وراي بار، داعدارىستى ورايعا اينالدىرۋعا بولادى“. باس شۋجي شي جينپيڭ بىلاي دەپ باسا دارىپتەدى: جاڭا ءداۋىر شارت - جاعدايىندا بىزدە اناعۇرلىم جاقسى دامۋدى جۇزەگە اسىراتىن شارت - جاعداي بار، باستىسى، ورايدى بايقاۋعا جانە يگەرۋگە شەبەر بولۋىمىز، ورايدى قاستەرلەۋىمىز جانە ودان ويداعىداي پايدالانۋىمىز كەرەك.
ءدوپ كەلگەن، سىرتقى ورتا نەعۇرلىم كۇردەلى، قاتاڭ بولعان سايىن، ستراتەگيالىق سەنىمدى سولعۇرلىم بەكەمدەپ، دالمە - ءدال شارا قولدانىپ، ”جۇڭگونىڭ باسقارۋى“ ارقىلى ”دۇنيە ءجۇزىنىڭ بىلىقپالىعىنا“ توتەپ بەرۋىمىز كەرەك.
پارتيا 20 - قۇرىلتايىنىڭ بايانداماسىندا مىنالار اتاپ كورسەتىلدى: قازىردەن باستاپ، جۇڭگو كوممۋنيستىك پارتياسىنىڭ وزەكتى مىندەتى − بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعىپ، ەكىنشى 100 جىلدىق كۇرەس نىساناسىن جۇزەگە اسىرىپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋ.
بەلگىلەنگەن نىسانانى ستراتەگيالىق جەتەك ەتۋگە تاباندى بولىپ، باس شۋجي اسا بيىك دەڭگەيدەن رول ۇستاپ، جول باستاپ، كەلەر جىلعى ەكونوميكالىق قىزمەت جونىندە جالپى تالاپ جانە ساياساتتىق بەتالىس العا قويىپ، ”جاپپاي سوتسياليستىك وسىزاماندانعان مەملەكەت قۇرۋدىڭ باستاماسىن جاقسى اشۋ، قادامىن جاقسى باسۋ كەرەكتىگىن“ باسا دارىپتەدى.
ءماجىلىس مىنالاردى اتاپ كورسەتتى: كەلەر جىلى ورنىقتىلىقتى ماڭداي الدى ورىنعا قويۋعا، ورنىقتىلىق بارىسىندا ىلگەرىلەۋگە تاباندى بولىپ، بەلسەندى قازىنا ساياساتى مەن ورنىقتى، اقاۋسىز اقشا ساياساتىن ۇزدىكسىز اتقارىپ، ماكرولىق ساياساتتى رەتتەۋ - مەڭگەرۋ تەبىنىن ارتتىرىپ، ءتۇرلى ساياساتتاردىڭ سايكەسۋىن، ۇيلەسۋىن كۇشەيتىپ، جوعارى ساپالى دامۋدى بىرگە جەبەيتىن بىرىككەن كۇش قالىپتاستىرۋ كەرەك.
بەلسەندى قازىنا ساياساتىندا كۇش ۇستەپ، ونىمدىلىكتى جوعارىلاتۋ، ورنىقتى، اقاۋسىز اقشا ساياساتى دالمە - ءدال، پارمەندى بولۋى، كاسىپ سالاسى ساياساتىندا دامۋ مەن حاۋىپسىزدىكتى قاتار جۇرگىزۋ، عىلىم - تەحنيكا ساياساتىندا نازاردى ءوز كۇشىنە سۇيەنۋگە، ءوزىن الۋەتتەندىرۋگە شوعىرلاندىرۋ، قوعامدىق ساياساتتا حالىق تۇرمىسىنىڭ تومەنگى شەگىن مىقتاپ ساقتاۋ كەرەك...
ماجىلىسكە قاتىناسقان ءبىر جولداس گرۋپپالار تالقىسىندا بىلاي دەدى: كەلەر جىلعى ەكونوميكالىق قىزمەتتى ويداعىداي ىستەۋدە، باستىسى، سەنىمدى بەكەمدەپ، ءتۇرلى ساياساتتاردى ءبىر تۇتاس جوسپارلاۋ، سايكەستىرۋ جاعىنا كۇش سالىپ، ”ورنىقتىلىقتى ماڭداي الدى ورىنعا قويۋ، ورنىقتىلىق بارىسىندا ىلگەرىلەۋ“ تالابىن ساياساتتىق دەڭگەيدە تياناقتاندىرىپ، جوعارى ساپالى دامۋدى ىلگەرىلەتەتىن قۋاتتى بىرىككەن كۇش قالىپتاستىرۋ كەرەك.
ءدوپ كەلگەن سىرتقى ورتا نەعۇرلىم كۇردەلى، قاتاڭ بولعان سايىن، ءوز ءىسىمىزدى سولعۇرلىم مىزعىماس تاباندىلىقپەن ويداعىداي ىستەۋىمىز كەرەك.
باس شۋجي شي جينپيڭ بىلاي دەپ باسا دارىپتەدى: كەلەر جىلى ەكونوميكالىق دامۋدا ءدوپ كەلەتىن قيىنشىلىقتار، سايىستار وتە كوپ، جۇيە كوزقاراسىنا، تۋراشىلدىقتان اينىماي جاڭالىق اشۋعا تاباندى بولۋ، ەكونوميكانىڭ جالپى تۇلعالىق جاقسارۋىن جۇزەگە اسىرۋدى، حاۋىپ - قاتەرلەردى ءونىمدى تىزگىندەۋدى، قوعامدىق كەلەلى جاعدايدىڭ ورنىقتىلىعىن ساقتاۋدى ىلگەرىلەتۋ كەرەك.
ىندەت تۋىلعان 3 جىلعا جۋىق ۋاقىتتان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ەلىمىز كۇللى دۇنيەنى جالت قاراتقان ناتيجەگە قول جەتكىزدى: 2020 - جىلى دۇنيە ءجۇزى بويىنشا ءبىرىنشى بولىپ ەكونوميكانىڭ وڭ ارتۋىن جۇزەگە اسىرعان باستى ەكونوميكالىق تۇلعا بولدى؛ 2021 - جىلى ەكونوميكا كولەمى 110 تريلليون يۋاننان اسىپ، 2 جىلدا ورتا ەسەپپەن ％5.1 ارتتى؛ 2022 - جىلى ەكونوميكا قىسىمدى ەڭسەرىپ، ورنىقتىلىق بارىسىندا ىلگەرىلەۋگە ۇمتىلىپ، قايتا ورلەۋ بەتالىسىن ۇزدىكسىز بەكەمدەدى...
”ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى اناعۇرلىم ويداعىداي ءبىر تۇتاس جوسپارلاۋ كەرەك“. باس شۋجي شي جينپيڭ بىلاي دەپ باسا دارىپتەدى: جاعدايعا، اۋقىمعا قاراي ىندەتتەن ساقتانۋ - تىزگىندەۋ شاراسىن ساپالىلاندىرىپ، ىندەتتەن ساقتانۋ - تىزگىندەۋدى اناعۇرلىم عىلمي، دالمە - ءدال، جوعارى ونىمدىلىكپەن ويداعىداي ىستەپ، جاڭا كەزەڭدەگى ىندەتتەن ساقتانۋ - تىزگىندەۋ شارالارىن مۇقيات تياناقتاندىرۋ كەرەك.
جاڭا كەزەڭدە جاڭا ماسەلەلەردى ويداعىداي شەشۋ كەرەك.
باس شۋجي شي جينپيڭ بىلاي دەپ باسا دارىپتەدى: ”نەگىزگى ساتىنىڭ ىندەتتەن ساقتانۋ قابىلەتى قۇرىلىسىن كۇشەيتىپ، ءدارى - دارمەك جانە ۆاكسينا زەرتتەۋ - جاساۋدى، پايدالانۋدى كۇشەيتىپ، بۇقارانىڭ ەمدەلۋىن، ءدارى - دارمەكتەن پايدالانۋىن ويداعىداي قامتاماسىز ەتىپ، قارتتار مەن نەگىزدىك اۋرۋعا شالدىققان قاۋىمنىڭ ساقتانۋ - تىزگىندەۋىن ءتۇيىندى تۇردە ويداعىداي يگەرىپ، سالاماتتىقتى قامتاماسىز ەتۋگە، سالماقتى اۋرۋدان ساقتانۋعا كۇش سالۋ كەرەك“.
”ەكونوميكا ساپاسىنىڭ ءونىمدى جوعارىلاۋى مەن ساننىڭ ۇيلەسىمدى ارتۋىن اناعۇرلىم ويداعىداي ءبىر تۇتاس جوسپارلاۋ“، ”قامداۋ جاعىنداعى قۇرىلىمدىق رەفورمانى جانە ىشكى سۇرانىستى كەڭەيتۋدى اناعۇرلىم ويداعىداي ءبىر تۇتاس جوسپارلاۋ“، ”ەكونوميكا ساياساتى مەن باسقا دا ساياساتتاردى اناعۇرلىم ويداعىداي ءبىر تۇتاس جوسپارلاۋ“، ”ەل ءىشى اينالىمى مەن حالىقارالىق اينالىمدى اناعۇرلىم ويداعىداي ءبىر تۇتاس جوسپارلاۋ“، ”قازىرگى مەن ۇزاق بولاشاقتى اناعۇرلىم ويداعىداي ءبىر تۇتاس جوسپارلاۋ“...
”باس شۋجي شي جينپيڭ سوزىندە كەلەر جىلعى ەكونوميكالىق قىزمەتتى جاقسى ىستەۋدە ’التى ءبىر تۇتاس جوسپارلاۋدى‘ ويداعىداي يگەرۋدى باسا دارىپتەپ، ءبىزدىڭ جاڭا ءبىر جىلدا قامال الىپ، قيىندىقتاردى ەڭسەرىپ، ءوز ءىسىمىزدى ويداعىداي ىستەۋىمىزگە ماڭىزدى يدەيالىق جەتەكشىلىك ۇسىندى“. ماجىلىسكە قاتىناسقان ءبىر جولداستىڭ بۇل ءسوزىن كوپشىلىك قۇپتادى.
بولاشاققا نازار سالعاندا، باس شۋجي شي جينپيڭ باتىل ۇنمەن بىلاي دەدى:
”بىزدە سوتسياليستىك بازار شارۋاشىلىعىنىڭ تۇزىمدىك باسىمدىعى، اسا ءىرى كولەمدەگى بازاردىڭ سۇرانىس باسىمدىعى، كاسىپ سالاسى جۇيەسىنە سايكەستى كەمەلدى قامداۋ باسىمدىعى، ەڭبەك سۇيگىش، پاراساتتى قالىڭ ەڭبەكشىلەر مەن كاسىپكەرلەر سياقتى ادام كۇشى باسىمدىعى بار، ءار جاقتاعى باسىمدىقتار مەن ومىرشەڭدىكتى شىن مانىندە قاۋلاتا الساق بولعانى، جاڭا دامۋ ارناسىن جەدەل قالىپتاستىرىپ، قيان - كەسكى حالىقارالىق بازار باسەكەسىندە جانە ءىرى ەلدەردىڭ ستراتەگيالىق تەكە - تىرەسىندە قاي - قاشان دا جەڭىمپاز ورىندا تۇرا الامىز“.
پارتيانىڭ ەكونوميكالىق قىزمەتكە جاپپاي باسشىلىعىن كۇشەيتۋ −
”كەلەلى شەشۋشى بۋىنداردى مىقتى ۇستاپ، ارقاۋدى نەگىز ەتە وتىرىپ قىزمەتتەردى ويداعىداي ىستەۋ كەرەك“
جاڭا باستاما، جاڭا كۇرەس.
بولاشاقتاعى شىتىرمان، كۇردەلى جاعداي الدىندا، كەلەر جىلعى ەكونوميكالىق قىزمەتتىڭ نىسانا - مىندەتتەرىن ويداعىداي ورىنداۋدا، ءسوز جوق، پارتيانىڭ ەكونوميكالىق قىزمەتكە جاپپاي باسشىلىعىن كۇشەيتۋ كەرەك.
”جاعداي نەعۇرلىم كۇردەلى، مىندەت نەعۇرلىم اۋىر بولعان سايىن، پارتيانىڭ ەكونوميكالىق قىزمەتكە باسشىلىعىن سولعۇرلىم كۇشەيتىپ، شي جينپيڭنىڭ ەكونوميكا يدەياسىن جەتەكشى ەتىپ، قامال الاتىن، قيىندىقتاردى ەڭسەرەتىن كۇشتى جاۋىنگەرلىك قۋات قالىپتاستىرۋ كەرەك، جۇڭگو ەكونوميكاسىنىڭ تولقىن جارا العا ىلگەرىلەۋىنىڭ شەشۋشى تەتىگى وسىندا“. تالقى بارىسىندا ماجىلىسكە قاتىناسقان ءبىر جولداستىڭ ءسوزى كوپشىلىكتەن ۇندەستىك تاپتى.
پارتيانىڭ ەكونوميكالىق قىزمەتكە جاپپاي باسشىلىعىن كۇشەيتۋدە، باستىسى، ساياسي تانىمدى كۇشەيتىپ، يدەيانى بىرلىككە كەلتىرىپ، ورتاق تانىم ۇيىستىرىپ، ەكونوميكانىڭ دامۋىنا ساياتىن كەلەلى ماسەلەلەردى دۇرىس تانۋ جانە ويداعىداي يگەرۋ كەرەك.
باس شۋجي شي جينپيڭ بىلاي دەپ اتاپ كورسەتتى: ”كەلەر جىلعى ەكونوميكالىق قىزمەت كۇردەلى بولادى، ستراتەگيالىق جالپى جاعدايدى شىعار ءتۇيىن ەتىپ، باستى قايشىلىقتى مىقتى ۇستاپ، قوعامدىق پسيحيكالىق مەجەنى جاقسارتۋدان، دامۋ سەنىمىن سەرپىلتۋدەن كىرىسىپ، كەلەلى ءتۇيىندى بۋىنداردى يگەرىپ، قىزمەتتەردى ارقاۋدى نەگىز ەتە وتىرىپ جاقسى ىستەۋ كەرەك“.
ىشكى سۇرانىستى كۇش سالا كەڭەيتۋ، وسىزاماندانعان كاسىپ سالاسى جۇيەسىن جەدەل قۇرۋ، ”ەكىدەن تيتتەي دە اۋىتقىماۋدى“ شىنايى تياناقتاندىرۋ، شەتەل كاپيتالىن اناعۇرلىم زور سەرپىنمەن باۋراۋ جانە ونان پايدالانۋ، ەلەۋلى ەكونوميكا، فينانس حاۋىپ - قاتەرلەرىنەن ءونىمدى ساقتانۋ جانە ولاردى جويۋ − ءماجىلىس كەلەر جىلعى ەكونوميكالىق قىزمەتتى ويداعىداي ىستەۋگە قاتىستى بىرنەشە ەلەۋلى ماسەلەنى العا قويدى.
وسى ەلەۋلى ماسەلەلەردىڭ ىشىندە ”ىشكى سۇرانىستى كۇش سالا كەڭەيتۋ“ ءبىرىنشى ورىنعا قويىلدى.
قۋاتتى ەل ءىشى بازارىن قالىپتاستىرۋ − ەلىمىزدىڭ جاڭا دامۋ ارناسىن قالىپتاستىرۋداعى ماڭىزدى تىرەگى، سونداي - اق ءىرى ەل ەكونوميكاسىنىڭ باسىمدىق تياناعى.
”جالپى سۇرانىستىڭ جەتكىلىكسىز بولۋى كەزەكتەگى ەكونوميكالىق اينالىم ءدوپ كەلىپ وتىرعان كورنەكتى قايشىلىق. ءسوز جوق، ىشكى سۇرانسىتى كەڭەيتۋ ستراتەگياسىن زور كۇشپەن اتقارىپ، اناعۇرلىم پارمەندى شارا قولدانىپ، قوعامدىق قايتالاي وندىرىستە ۇتىمدى اينالىمدى جۇزەگە اسىرۋ كەرەك“. باس شۋجي شي جينپيڭ سوزىندە تەرەڭ تالداۋ جاسادى.
پارتيا 20 - قۇرىلتايىنىڭ بايانداماسى ”وسىزاماندانعان كاسىپ سالاسى جۇيەسىن قۇرۋدى“ ەلىمىزدىڭ جاڭا دامۋ ارناسىن جەدەل قالىپتاستىرۋ اۋقىمىنا، جوعارى ساپالى دامۋدى كۇش سالا ىلگەرىلەتۋدىڭ ماڭىزدى مازمۇنىنا ەنگىزدى. وسى رەتكى ماجىلىستە باس شۋجي شي جينپيڭ ىشكەرىلەگەن تۇردە بىلاي دەپ باسا دارىپتەدى: ”وسىزاماندانعان كاسىپ سالاسى جۇيەسىن جەدەل قۇرۋ كەرەك“.
قازىر كەيبىر ەلدەردىڭ ەلىمىزدى شاۋجايلاۋ، قىسپاققا الۋ اپتىعى ۇزدىكسىز كۇشەيىپ كەلەدى.
”ىشكى قۋاتىمىزدى جاقسى دايىنداپ، تابانىمىزدى مىقتى تىرەۋىمىز كەرەك“، باس شۋجي شي جينپيڭ بىلاي دەپ اتاپ كورسەتتى: ەلىمىزدە دۇنيە ءجۇزى بويىنشا ەڭ كەمەلدى كاسىپ سالاسى جۇيەسى جانە كومەسكى قۋاتى ەڭ ۇلكەن ىشكى سۇرانىس بازارى بار، ءىرى ەل ەكونوميكاسىنىڭ ىشكى جاقتان ءوزىن - ءوزى اينالدىرىپ اكەتەتىن نەگىزگى شارت - جاعدايىنا يە، بۇل شاۋجايلاۋعا، قىسپاققا الۋعا توتەپ بەرۋدىڭ پارمەندى قامتاماسىزدىعى جانە ەڭ زور سەنىمى“.
ءبىر مەزگىلدەن بەرى، ”جۇڭگو سوتسياليستىك بازار شارۋاشىلىعىن تاعى دا جۇرگىزە بەرە مە، جوق پا“، ”جۇڭگو ’ەكىدەن تيتتەي دە اۋىتقىماۋعا“ تاباندى بولا ما، جوق پا دەگەن سياقتى ۋايىمداعان، ءتىپتى، بۇرمالاعان جاعىمسىز ۇندەردى ۇنەمى ەستىپ كەلەمىز.
بۇل جونىندە باس شۋجي شي جينپيڭ باتىل ۇنمەن بىلاي دەپ ايقىن اتاپ كورسەتتى: ”ءبىز، ءسوز جوق، تيتتەي دە كۇمىلجىمەي، ايقىن پوزيتسيا كورسەتۋىمىز كەرەك، ءبىز سوتسياليستىك بازار شارۋاشىلىعى رەفورماسى بەتالىسىنا باستان - اياق تاباندى بولامىز، ’ەكىدەن تيتتەي دە اۋىقتىماۋعا‘ تاباندى بولامىز“.
شەتەل كاپيتالىن اناعۇرلىم زور سەرپىنمەن باۋراۋ جانە ونان پايدالانۋعا توقتالعاندا، باس شۋجي بىلاي دەپ باسا دارىپتەدى: ”ءبىز جوعارى دەڭگەيدە سىرتقا ەسىك اشۋدى ىلگەرىلەتىپ، ەلىمىزدىڭ اسا ءىرى كولەمدەگى بازار باسىمدىعىنا سۇيەنىپ، ەل ءىشى ۇلكەن اينالىمى ارقىلى دۇنيە جۇزىنەن بايلىق فاكتورلارىن باۋراۋىمىز، قولدا بار ساپالى شەتەل كاپيتالىن ساقتاپ قالۋمەن بىرگە، اناعۇرلىم كوپ جوعارى ساپالى شەتەل كاپيتالىن باۋراپ، ساۋدا مەن قارجى قوسۋ سەلبەستىگىنىڭ ساپاسى مەن دەڭگەيىن جوعارىلاتۋىمىز كەرەك“.
ەلەۋلى ەكونوميكا، فينانس حاۋىپ - قاتەرلەرىنەن ءونىمدى ساقتانۋ جانە ولاردى جويۋ تۋرالى توقتالعاندا، باس شۋجي بىلاي دەپ باسا دارىپتەدى: ”ءبىز، ءسوز جوق، ۇستىنەن وڭاۋ مەن تۇبىرىنەن وڭاۋدى ۇشتاستىرۋعا، ۇزاق بولاشاق پەن جاقىن بولاشاقتى بىرلەستىرۋگە تاباندى بولىپ، جۇيەلىك حاۋىپ - قاتەر تۋىلماۋ سىندى تومەنگى شەكتى مىقتاپ ساقتاۋىمىز كەرەك“.
ماجىلىسكە قاتىناسقان جولداستار مىنالاردى ءبىلدىردى: باس شۋجي شي جينپيڭ بىلتىرعى ورتالىقتىڭ ەكونوميكالىق قىزمەت ماجىلىسىندە بىرگە بايۋدى جۇزەگە اسىرۋ سىندى 5 كەلەلى نازاريالىق جانە امالياتتىق ماسەلەنى تەرەڭدەي بايىمداپ تۇسىندىرگەن ەدى، بۇل جولى تاعى كەلەر جىلعى ەكونوميكالىق قىزمەتتى ويداعىداي ىستەۋ توڭىرەگىندە بىرنەشە ەلەۋلى ماسەلە جايىندا ىشكەرىلەي تۇيتكىل - تۇيىنشەكتەردى شەشىپ، توركىنىن تۇزەپ، قاينارىن تازالاپ، ورتاق تانىم ۇيىستىرىپ، پارتيامىزدىڭ قاشاندا ستراتەگيالىق جالپى جاعدايدى نەگىزگە الاتىن، قاشاندا باستى قايشىلىقتى مىقتى ۇستايتىن سەنىمى مەن باتىلدىعىن كورسەتتى.
پارتيانىڭ ەكونوميكالىق قىزمەتكە جاپپاي باسشىلىعىن كۇشەيتۋدە، باستىسى، تياناقتاندىرۋدى مىقتى يگەرىپ، جاڭا رايمەن، جاڭا ىسكەرلىكپەن جوعارى ساپالى دامۋدى ىلگەرىلەتۋدە تىڭ ناتيجەلەرگە قول جەتكىزۋ كەرەك.
”يدەيا مەن ارەكەتتى پارتيا 20 - قۇرىلتايىنىڭ شەشىمدەرىمەن، ورنالاستىرۋلارىمەن بىرلىككە كەلتىرۋ كەرەك“.
”ەكونوميكاعا باسشىلىق قىزمەت دەر كەزىندە، تىڭعىلىقتى ىستەلۋى كەرەك“.
”شىنايى يگەرۋگە، ناقتى ىستەۋگە تاباندى بولۋ كەرەك“.
دابىل قاعىلدى.
ماجىلىسكە قاتىناسقان جولداستار ءبىر اۋىزدان بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، قۇلشىنا ىسكەرلىك كورسەتەتىن رۋحاني كۇيمەن جانە ”قاشاندا قام جەپ تۇراتىن“ جاۋاپكەرشىلىك تانىمىمەن ەكونوميكالىق قىزمەتتى جاقسى ىستەپ، ەكونوميكالىق، قوعامدىق دامۋدىڭ نىسانا - مىندەتتەرىن قۇلشىنا ورىنداپ، جاپپاي سوتسياليستىك وسىزاماندانعان مەملەكەت قۇرۋدىڭ باستاماسىن جاقسى اشۋ، قادامىن جاقسى باسۋ ءۇشىن ايانباي كۇرەس جۇرگىزەمىز.
(شينحۋا اگەنتتىگىنىڭ 12 - ايدىڭ 17 - كۇنى بەيجيڭنەن بەرگەن حابارى)
