سەنىمدى بەكەمدەپ، ەكونوميكالىق، قوعامدىق دامۋدىڭ نىسانا - مىندەتتەرىن قۇلشىنا ورىندايىق
− ورتالىقتىڭ ەكونوميكالىق قىزمەت ءماجىلىسىنىڭ رۋحىن ۇيرەنۋ، دايەكتىلەندىرۋ جونىندە
□ حالىق گازەتىنىڭ شولۋشىسى
”ەلىمىزدىڭ دامۋى جاڭا دا اناعۇرلىم بيىك تاريحي باستاماعا تابان تىرەدى“، 12 - ايدىڭ 15 - كۇنىنەن 16 - كۇنىنە دەيىن وتكىزىلگەن ورتالىقتىڭ ەكونوميكالىق قىزمەت ءماجىلىسى بيىل جىل باسىنان بەرگى ەلىمىزدىڭ ەكونوميكالىق، قوعامدىق دامۋدا قول جەتكىزگەن ناتيجەلەرىن تولىق تۇراقتاندىرىپ، وتكەن 5 جىلداعى جانە جاڭا داۋىردەگى 10 جىلداعى ۇلى تابىستار مەن وزگەرىستەردى جوعارى باعالادى. باس شۋجي شي جينپيڭ ماجىلىسكە قاتىناسىپ ءارى ماڭىزدى ءسوز سويلەپ، 2022 - جىلعى ەكونوميكالىق قىزمەتتى تەرەڭ قورىتىندىلاپ، كەزەكتەگى ەكونوميكالىق جاعدايعا ىشكەرىلەي تالداۋ جاساپ، 2023 - جىلعى ەكونوميكالىق قىزمەت جونىندە كەلەلى ورنالاستىرۋ جاساپ، كەلەر جىلعى ەكونوميكالىق قىزمەتتى ويداعىداي ىستەۋگە، جاپپاي سوتسياليستىك وسىزاماندانعان مەملەكەت قۇرۋعا جاقسى باستاما اشۋعا، جاقسى قادام باسۋعا ايقىن العا باسۋ بەتالىسىن كورسەتىپ، ءتۇبىرلى بويسۇنۋ ولشەمىن ازىرلەدى.
بيىل پارتيا مەن مەملەكەت تاريحىنداعى ايرىقشا ماڭىزدى ءبىر جىل بولدى. پارتيانىڭ 20 - قۇرىلتايى جەڭىسپەن اشىلىپ، كەزەكتەگى جانە بۇدان بىلايعى ءبىر مەزگىلدەگى پارتيا مەن مەملەكەتتىڭ كەلەلى باعىت - ساياساتتارى بەلگىلەندى، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ايبىندى جوباسى جاسالدى، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىنا نىق قادام تاستالدى. ءبىر جىلدان بەرى، حالىقارالىق ورتا الاساپىران دا شۇعىل بولىپ، ەل ءىشىنىڭ رەفورما، دامۋ، ورنىقتىلىق مىندەتتەرى جاپالى دا اۋىر بولدى، ەلىمىزدىڭ ەكونوميكالىق دامۋ ورتاسىنىڭ كۇردەلىلىگى، قاتاڭدىعى، تۇراقسىزدىعى كۇشەيدى. شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، قيىندىققا قارسى اتتانىپ، ەل ءىشى جانە حالىقارا سىندى ەكى كەلەلى جاعدايدى ءبىر تۇتاس جوسپارلاپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ماكرولىق رەتتەۋ - مەڭگەرۋ تەبىنىن ارتتىرىپ، ەكونوميكالىق، قوعامدىق كەلەلى جاعدايدىڭ ورنىقتىلىعىن ساقتادى. ءبىر جىلدان بەرى، ەلىمىزدىڭ دامۋ ساپاسى ورنىقتى جوعارىلاپ، عىلىم - تەحنيكادا جاڭالىق اشۋ جەتىستىكتەرى قوماقتى بولدى، رەفورما جاساۋ، ەسىك اشۋ جاپپاي تەرەڭدەپ، جۇمىستانۋ، زات باعاسى نەگىزىنەن تۇراقتى بولدى، استىق حاۋىپسىزدىگى، ەنەرگيا حاۋىپسىزدىگى جانە حالىق تۇرمىسى ءونىمدى قامتاماسىز ەتىلدى. ءجۇز جىلدىق وزگەرىس پەن عاسىرلىق ىندەت قاباتتاسقان كۇردەلى جاعدايدا، مەجەدەن اسىپ كەتكەن فاكتورلاردىڭ سوققىسى الدىندا، وسىنشاما كوپ، ءتىپتى، بۇرىن بولىپ كورمەگەن قيىنشىلىققا ءدوپ كەلگەندە، ءبىزدىڭ مۇنداي ناتيجەگە قول جەتكىزۋىمىز وڭايعا تۇسكەن جوق، بارىنشا قاستەرلەۋگە تاتيدى!
جاڭا داۋىردەن بەرگى وسى 10 جىلعا قايىرىلا قاراساق، پارتيا مەن مەملەكەتتىڭ دامۋ بارىسىنداعى اسا وزگەشە، وتە ەرەكشە كەزەڭ بولدى، ءبىز ءدوپ كەلىپ وتىرعان جاعدايدىڭ كۇردەلىلىگى، كۇرەستىڭ قاتاڭدىعى، رەفورما، دامۋ، ورنىقتىلىق مىندەتتەرىنىڭ جاپالىلىعى دۇنيەدە سيرەك كەزدەسەدى، تاريحتا سيرەك كەزدەسەدى. سىن - سايىستاردى جەڭۋ بارىسىندا دامىپ، بوران - شاشىننىڭ سىناعىنان ءوتۋ بارىسىندا ەسەيىپ، سىننان ءوتۋ بارىسىندا الۋەتتەندىك، 10 جىلدان بەرى، ەلىمىز ەكونوميكاسىنىڭ جالپى مولشەرى تىڭ ساتىعا كوتەرىلىپ، دۇنيە ءجۇزى ەكونوميكاسىنىڭ ارتۋىنا قوسقان ۇلەسى الەم بويىنشا الدىڭعى ورىندى يەلەدى، ستراتەگيالىق جاڭادان گۇلدەنگەن كاسىپ سالالارى دامىپ، ۇلعايىپ، دامۋدىڭ تەپە - تەڭدىگى، سايكەسىمدىلىگى، قامتىمدىلىعى ۇزدىكسىز جوعارىلاپ، ەكولوگيالىق ورتادا كورنەكتى جاقسارۋ جانە بەتالىستىق جاقسارۋ جارىققا شىعىپ، ”ءبىر بەلدەۋ، ءبىر جولدى“ بىرگە قۇرۋ تەرەڭدەپ، ناقتىلانىپ، جاڭاشىل مەملەكەت قۇرىلىسىندا كەلەلى ىلگەرىلەۋشىلىككە قول جەتتى. ءبىز مۇلدەم كەدەيلىك ماسەلەسىن تاريحي سيپاتتى شەشىپ، دەر كەزىندە جاپپاي دوڭگەلەك داۋلەتتى قوعام ورناتىپ، ءبىرىنشى 100 جىلدىق كۇرەس نىساناسىن جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستادىق. اسىرەسە، وتكەن 5 جىلدا، ءبىز دۇنيە ءجۇزى وزگەرىس جاعدايىنىڭ جەدەل قۇبىلۋى، جاڭا تيپتى ايدارشا ۆيرۋس وكپە قابىنۋ ىندەتىنىڭ سوققىسى، ەل ءىشى ەكونوميكاسىنىڭ تومەندەۋى سياقتى كوپتەگەن سىناقتاردان سۇرىنبەي ءوتىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن ءونىمدى قورعادىق، ەكونوميكا جىلىنا ورتا ەسەپپەن ％5تىڭ ۇستىندە ارتىپ، دۇنيە ءجۇزىنىڭ ورتاشا دەڭگەيىنەن جاقسى بولدى. جاڭا داۋىردەگى 10 جىل − ەلىمىزدىڭ ەكونوميكالىق، قوعامدىق دامۋىندا تاريحي تابىستارعا قول جەتكەن، تاريحي وزگەرىس تۋىلعان، جوعارى ساپالى دامۋعا بۇرىلىس جاساعان 10 جىل بولدى، ەلىمىز ەكونوميكاسى اناعۇرلىم جوعارى ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋ جولىنا قادام تاستاپ، اناعۇرلىم مىعىم ماتەريالدىق نەگىزگە، اناعۇرلىم كەمەلدى تۇزىمدىك كەپىلدىككە يە بولىپ، بۇكىل پارتيانىڭ، بۇكىل ەلدەگى ءار ۇلت حالقىنىڭ جىگەرىن، جالىنىن، سەنىمىن كۇشەيتىپ، العا باسۋ جولىنداعى ءتۇرلى قيىنشىلىق پەن سىن - سايىستى بار كۇشپەن جەڭۋ سەنىمى مەن تاباندىلىعىن كۇشەيتتى.
ورتالىقتىڭ ەكونوميكالىق قىزمەت ماجىلىسىندە مىناداي دەپ اتاپ كورسەتىلدى: ”ەكونوميكالىق قىزمەتتى ويداعىداي ىستەۋدە، ءسوز جوق، پارتيانىڭ جاپپاي باسشىلىعىنا، اسىرەسە، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولۋ“، ”دامۋ پارتيانىڭ بيلىك جۇرگىزىپ، مەملەكەتتى كوركەيتۋدەگى ماڭداي الدى ماڭىزدى مىندەتى ەكەندىگىنە تاباندى بولۋ“، ”ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولۋ“، ”سوتسياليستىك نەگىزگى شارۋاشىلىق تۇزىمىنە تاباندى بولۋ جانە ونى كەمەلدەندىرۋ“، ”جوعارى دەڭگەيدە سىرتقا ەسىك اشۋدى ىلگەرىلەتۋگە تاباندى بولۋ“، ”ەكونوميكالىق دامۋدىڭ زاڭمەن باسقارۋ ارناسىندا جۇرگىزىلۋىن ىلگەرىلەتۋگە تاباندى بولۋ كەرەك“. بۇل − جاڭا داۋىردەگى ەلىمىزدىڭ ەكونوميكالىق، قوعامدىق دامۋ امالياتىنا جاسالعان تەرەڭ قورىتىندى، پارتيامىزدىڭ ەكونوميكالىق قىزمەتتى ويداعىداي ىستەۋ جونىندەگى زاڭدىلىق تانىمىنىڭ تەرەڭدەۋى. جاڭا داۋىردەگى 10 جىلدىق ۇلى تابىس پەن وزگەرىسكە شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، بۇكىل پارتيانىڭ، بۇكىل ەلدەگى ءار ۇلت حالقىنىڭ ىنتىماقتاسا كۇرەس جاساۋىندا قول جەتتى. اماليات ”ەكىنى تۇراقتاندىرۋدىڭ“ بارلىق قيىنشىلىقتار مەن قاتەرلەردى، كەدەرگىلەردى جەڭۋدىڭ، بارلىق تۇراقسىزدىققا توتەپ بەرۋدىڭ ەڭ ۇلكەن تۇراقتىلىعى، ەڭ زور ارىنى، ەڭ ۇلكەن كەپىلى ەكەندىگىن تولىق دالەلدەدى. العا باسۋ جولىندا پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيانى باستان - اياق جالپى حالىقتىڭ قيىن كۇندەرگە تاپ بولعان كەزدەگى ەڭ سەنىمدى تىرەگىنە اينالدىرساق، بۇكىل پارتيانىڭ، بۇكىل ەلدىڭ ىنتىماقتاسا كۇرەس جۇرگىزەتىن قۇدىرەتتى ساياسي ۇيىسۋ كۇشىنە، دامۋ سەنىمىنە يە بولۋىنا، جالپى جۇرت ءبىر نيەتتە بولىپ، تىزە قوسا ۋاقىتشا قيىنشىلىقتى جەڭۋدىڭ تەلەگەي كۇشىن ۇيىستىرۋىنا، ءسوز جوق، شىنايى كەپىلدىك ەتە الامىز؛ جوعارى ساپالى دامۋ سىندى وسى ماڭداي الدى مىندەتتى مىقتاپ يگەرىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، شىندىقتى ءىس جۇزىنەن ىزدەۋگە، زاڭدىلىققا قۇرمەت ەتۋگە، جۇيە كوزقاراسىنا، تومەنگى شەكتە ويلاۋعا تاباندى بولىپ، امالياتتى ءتۇرلى ساياسات پەن قىزمەت ونىمدىلىگىن سىننان وتكىزەتىن ولشەم ەتىپ، سوتسياليستىك بازار شارۋاشىلىعى رەفورماسى بەتالىسىنا تاباندى بولىپ، ”ەكىدەن تيتتەي دە اۋىتقىماۋعا“ تاباندى بولىپ، ەرەجە، ءتۇزىم، باسقارۋ، ولشەم سياقتى تۇزىمدىك ەسىك اشۋدى ورنىقتى كەڭەيتىپ، بازارلانعان، زاڭمەن باسقارىلاتىن، حالىقارالانعان بىرەگەي شارۋاشىلىق - ساۋدا ورتاسىن قالىپتاستىرعاندا، جۇڭگونىڭ ەكونوميكا كەمەسى، ءسوز جوق، تولقىن جارا العا ىلگەرىلەپ، ورنىقتى قاداممەن الىسقا جەتە الادى.
قازىر دۇنيە ءجۇزىنىڭ وزگەرىسى، ءداۋىردىڭ وزگەرىسى، تاريحتىڭ وزگەرىسى بۇرىن بولىپ كورمەگەن تاسىلمەن ورىستەۋدە، ەلىمىز ەكونوميكاسىنىڭ قالپىنا كەلۋ نەگىزى ءالى دە بەكەم ەمەس، الايدا ەلىمىز ەكونوميكاسىنىڭ سەرپىمدىلىگى كۇشتى، كومەسكى كۇشى زور، ومىرشەڭدىك كۇشى جەتكىلىكتى ەكەندىگىنە، ءتۇرلى ساياساتتاردىڭ ونىمدىلىگى ۇزدىكسىز كورنەكتىلەنىپ كەلە جاتقانىن، كەلەر جىلعى ەكونوميكالىق اينالىمنىڭ جالپى تۇلعالىق جاقتان قايتا ورلەۋىنەن ءۇمىت بار ەكەندىگىن كورە ءبىلۋىمىز كەرەك. باس شۋجي شي جينپيڭ ەلىمىزدىڭ دامۋى ءدوپ كەلگەن ستراتەگيالىق ورايلار مەن حاۋىپ - قاتەرلەردى، سىن - سايىستاردى عىلمي يگەرىپ، كەلەر جىلعى ەكونوميكالىق قىزمەتكە كەلەلى ورنالاستىرۋ جاساپ، پارتيا ورتالىق كوميتەتىنىڭ كۇردەلى دە قۇبىلمالى جاعدايدا ەكونوميكالىق قىزمەتتى مەڭگەرۋدەگى ەرەن اقىل - پاراساتى مەن قابىلەتىن ايگىلەدى. كەلەر جىلى پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ، تياناقتاندىرۋدىڭ العاشقى جىلى، ەكونوميكالىق قىزمەتتى ويداعىداي ىستەۋدىڭ ماڭىزى زور. ءبىز يدەيا مەن ارەكەتتى پارتيا 20 - قۇرىلتايىنىڭ رۋحىمەن جانە پارتيا ورتالىق كوميتەتىنىڭ ەكونوميكالىق قىزمەت جونىندەگى شەشىمدەرىمەن، ورنالاستىرۋلارىمەن بىرلىككە كەلتىرىپ، ەلىمىز ەكونوميكاسىنىڭ ۇزاق ۋاقىت جاقسارۋداي نەگىزگى جاعدايى وزگەرمەگەن ۇلكەن اۋقىمدى يگەرىپ، ەلىمىز دامۋىنىڭ ءالى دە كوپتەگەن ستراتەگيالىق ءتيىمدى شارت - جاعدايلارعا يە ەكەندىگىن يگەرىپ، ەكونوميكالىق قىزمەتتى ويداعىداي ىستەۋ سەنىمىمىزدى بەكەمدەپ، وزگەرىستى ءدال تانىپ، وزگەرىسكە عىلمي توتەپ بەرىپ، وزگەرىسكە ىرىقتىلىقپەن ۇمتىلىپ، قيىندىققا قارسى اتتانىپ، قايراتتانا العا ىلگەرىلەپ، داعدارىس بارىسىندا ۇتىمدى وراي جەتىلدىرىپ، وزگەرىس بارىسىندا جاڭا جاعداي اشىپ، زەيىن - زەردەنى شوعىرلاندىرا وتىرىپ ءوز ءىسىمىزدى ويداعىداي ىستەپ، قايسارلىقپەن كۇرەس جۇرگىزۋ ارقىلى ىستەرىمىزدىڭ دامۋىنا جاڭا ءورىس اشۋىمىز كەرەك.
كەلەر جىلعى ەكونوميكالىق قىزمەتتىڭ كەلەلى باعىت - ساياساتتارى بەلگىلەندى، ەكونوميكالىق اينالىمنىڭ تۇتاس تۇلعالىق جاقسارۋىن ىلگەرىلەتىپ، ساپانىڭ ءونىمدى جوعارىلاۋى مەن ساننىڭ ۇيلەسىمدى ارتۋىن جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋدا باستامانى جاقسى اشۋدا، قادامدى جاقسى باسۋدا بورىش ارقالاۋدامىز، جاۋاپكەرشىلىگىمىز اۋىر. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، سەنىمدى بەكەمدەپ، شىنايى يگەرىپ، ناقتى ىستەپ، باتىلدىقپەن العا باسىپ، ەكونوميكالىق، قوعامدىق دامۋ نىسانا - مىندەتتەرىن قۇلشىنا ورىنداپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزەيىك!
(شينحۋا اگەنتتىگىنىڭ 12 - ايدىڭ 17 - كۇنى بەيجيڭنەن بەرگەن حابارى)
