ەرەكشە ترانسفورماتور جارنا شەكتى سەرىكتەستىگى:
قايسارلىقپەن جاڭالىق اشىپ، باتىلدىقپەن الدا ءجۇردى
انار بۇلت \ شينجياڭ گازەتىنىڭ ءتىلشىسى شى شين
12 - ايدىڭ 10 - كۇنى، كۇن قاقاعان سۋىق. سانجى مەملەكەتتىك جوعارى، جاڭا تەحنيكا كاسىپ سالاسىن اشۋ رايونىنا ورنالاسقان ەرەكشە ترانسفورماتور زەردەلى كابەل كاسىپ باقشاسىنىڭ 2 - مەرزىمدىك نىسانى قۇرىلىس ۋاقىتىن ۇتىپ، قۇرىلىس قارقىنىن تەزدەتىپ، باتىس سولتۇستىكتەگى ەڭ ۇلكەن ەلەكتر سىمىن، كابەلدى شوعىرلى زەرتتەيتىن، جاسايتىن، جاڭالىق اشاتىن سيفرلى بازا قۇرۋعا بار كۇشىن سالۋدا.
”قازىر كاسىپ باقشاسىنىڭ 2 - مەرزىمى جابدىقتاردى سىناقتان وتكىزۋدە، سىناقتان وتكەن ءوندىرىس جەلىسى مەملەكەتتىك ەلەكتر تورى ۋحان − نانچاڭ ەرەكشە جوعارى كەرنەۋلى ينجەنەرياسى، ىشكى موڭعۇل ەلەكتر قۋاتى سياقتى ءبىر توپ ءتۇيىندى نىسان ونىمدەرىن جەدەل وندىرۋدە، زاتپەن قامداۋ سوماسى 100 ميلليون يۋاننان اسادى“، - دەپ تانىستىردى ەرەكشە ترانسفورماتور شينجياڭ كابەل شەكتى سەرىكتەستىگىنىڭ ورىنباسار باس ينجەنەرى ليان حۇي.
وسى كاسىپ باقشاسى ەرەكشە ترانسفورماتور ءوزى دەربەس زەرتتەپ جاساعان MOM (جاساۋ، ىسكە قوسۋ جۇيەسى) جانە SCADA (ساندى مالىمەتتەردى جيناۋ) جۇيەسىن شىت جاڭا پايدالانىپ، ەنەرگيا، جابدىق، كابەل سەحىنىڭ جان باسىندىق ءوندىرىس قۋاتى بۇرىنعى كەزبەن سالىستىرعاندا ％253 جوعارىلاعان. ءتىلشى ۇلكەن سەحتا تولىق اۆتوماتتانعان ماشينانىڭ جوعارى قارقىنمەن جۇمىس ىستەپ جاتقانىن، بىرنەشە جۇمىسشىنىڭ عانا ارالاپ باسقارىپ جۇرگەنىن، عىلىم - تەحنيكا فاكتورىنىڭ كۇشتى ەكەنىن كوردى.
”پارتيا 20 - قۇرىلتايىنىڭ بايانداماسىندا مىنالار باسا دارىپتەلدى: ’جوعارى دەڭگەيلى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جەدەل جۇزەگە اسىرۋ‘، ’اۋەلگى جاسامپازدىق سيپاتتى، جەتەكشىلىك سيپپاتتى عىلىم - تەحنيكادان كۇش - قۋاتتى شوعىرلاندىرا وتىرىپ قامال الىپ، شەشۋشى، وزەكتى تەحنيكالاردان قامال الۋ شايقاسىندا باتىل جەڭىسكە جەتۋ كەرەك‘، بۇل ءبىزدىڭ جوعارى ساپالى دامۋىمىزعا ايقىن بەتالىس كورسەتتى. ءبىز جاڭالىق اشۋ ارقىلى دەم بەرۋ ستراتەگياسىن بار كۇشپەن اتقارىپ، ءونىم جۇيەسىن ۇزدىكسىز مولايتىپ، كابەلگە قاتىستى حاۋىپسىز، سەنىمدى ءبىر جايلى ەتۋ جوباسى ارقىلى ەل ءىشى - سىرتىنداعى ەنەرگيا نىساندارىنىڭ جوعارى ساپامەن وتكىزىپ بەرىلۋىن بار كۇشپەن قامتاماسىز ەتەمىز“، - دەدى ليان حۇي.
ەرەكشە ترانسفورماتور حىڭياڭ ترانسفورماتور شەكتى سەرىكتەستىگىندە ءارقايسى ءوندىرىس لەنيالارى بار كۇشىن تولىق ىسكە قوسىپ، 2023 - جىلى 12 - ايعا دەيىنگى تاپسىرىستى قابىلدادى. 2022 - جىلى وسى سەرىكتەستىكتىڭ شەتەلدەن العان تاپسىرىسى جەتكىلىكتى بولىپ، جاڭا بازاردا، جاڭا كاسىپتە ۇزدىكسىز سەرپىلىستەر جاساپ، سىرتقى ساۋدا سوماسى سايكەس مەزگىلدەگىدەن ％464 ارتىپ، كەلىسىم جاساعان جەكە جابدىق ەكسپورت تاپسىرىس سوماسى 570 ميلليون يۋاننان استى.
”تاياۋدا ءوزىمىز دەربەس زەرتتەپ جاساعان 76 ەلەكتر جەتكىزۋ، كەرنەۋ وزگەرتۋ جابدىعىن توبىمەن شەتەلگە شىعاردىق، بۇل نىسان ۇجىمىنىڭ ۇزدىكسىز كۇندىز - ءتۇنى 5 اي كۇرەس جاساۋىنىڭ ناتيجەسى“. ەرەكشە ترانسفورماتور حىڭياڭ ترانسفورماتور زاۆود پارتكومىنىڭ شۋجيى، باس ديرەكتورى يان مين بىلاي دەدى: وسى جابدىقتار تۇتاس كاسىپ سالاسى تىزبەگىندە ءبىر جولدا سىناقتان ءساتتى ءوتىپ، ءبىر جولدا ىسكە ءساتتى قوسىلىپ، ۇزاق ۋاقىت تۇراقتى جۇمىس ىستەپ، ”ءبىر بەلدەۋ، ءبىر جول“ بويىنداعى مەملەكەتتەرگە ماڭىزدى ەنەرگيا جابدىق قامتاماسىزدىعىن ازىرلەدى.
شينجياڭنىڭ ءوز جەرىندە جەتىلىپ، دامىعان مەملەكەتتىك جوعارى، جاڭا تەحنيكا كاسىپورنى رەتىندە، ەرەكشە ترانسفورماتور جارنا شەكتى سەرىكتەستىگى قاي - قاشان دا عىلىم - تەحنيكادا جاڭالىق اشۋدى دامۋعا جەتەكشىلىك ەتۋدىڭ ءبىرىنشى قوزعاۋشى كۇشىنە بالاپ، دۇنيە جۇزىندەگى جونەلتۋ تەرمينالى 1100± كيلوۆولتتىق جوعارى كەرنەۋلى تۇراقتى توك كەرنەۋ وزگەرتۋ ترانسفورماتورىن، 800± كيلوۆولتتىق يكەمدى تۇراقتى توك اعىس اۋىستىرۋ كلاپانى سياقتى ونىمدەردى زەرتتەپ جاسادى، مەملەكەتتىڭ باتىستىڭ ەلەكترىن شىعىسقا جەتكىزۋ ءتۇيىندى نىساندارىندا حاۋىپسىز، ورنىقتى جۇمىس ىستەپ، ەرەكشە جوعارى كەرنەۋ بويىنشا تۇيىننەن - تۇيىنگە جەتكىزۋدەن ءبىر تۇيىننەن ەكى تۇيىنگە جەتكىزۋدى جۇزەگە اسىردى ءارى جۋىردا ءبىر تۇيىننەن كوپ تۇيىنگە جەتكىزۋدى جۇزەگە اسىرادى؛ 800± كيلوۆولتتىق كيگىزبە تۇتىك ”القىمداعان“ قيىن ماسەلەسىن شەشتى، ءوزى دەربەس جاساعان 800± كيلوۆولتتىق تۇراقتى توك كيگىزبە تۇتىگى ەل ىشىندەگى ەرەكشە جوعارى كەرنەۋلى ينجەنەريالاردا ەلەكتر تورى قىزمەتىنە قوسىلىپ، وتاندىق ءونىم ىستەتۋدى العاشقى قادامدا جۇزەگە اسىردى.
بيىل جىل باسىنان بەرى، ەرەكشە ترانسفورماتور ىندەت ىقپالىن جەڭىپ، وندىرىسكە كەپىلدىك ەتىپ، دامۋدى جەبەپ، ”ءبىر بەلدەۋ، ءبىر جولدا“، شينجياڭنىڭ ەلەكترىن سىرتقا جەتكىزۋدە، سونداي - اق مەملەكەتتىڭ ءتۇيىندى جاسىل ەنەرگيا نىساندارىن ونىممەن قامداۋ جاعىندا بەرگەن ۋادەسىن ورىنداۋعا شىنايى كەپىلدىك ەتتى، ەرەكشە ترانسفورماتور شينجياڭ ترانسفورماتور زاۆودى ۋادەسىندە تۇرىپ، گانسۋ مەملەكەتتىك ەلەكتر ەنەرگياسىنا قارجى قوسۋ توبى شەكتى سەرىكتەستىگى چاڭلى ەلەكتر ستانسياسىنىڭ 800 كيلوۆولتتىق ميلليون كيلوۆات دارەجەلى گەنەراتور اگراگاتى، مەملەكەتتىك ەلەكتر تورى گانسۋ ولكەلىك ەلەكتر قۋاتى سەرىكتەستىگى، ىشكى موڭعۇل ەلەكتر قۋاتى (توبى) شەكتى جاۋاپكەرشىلىك سەرىكتەستىگى باۋتوۋ ەلەكترمەن قامداۋ بولىمشە سەرىكتەستىگى جانە زيمبابۋەگە ەكسپورت ەتەتىن ۋاڭجي ەلەكتر زاۆودى سياقتى ەل ءىشى - سىرتىنداعى ماڭىزدى نىسانداردىڭ ونىمدەرىن ءوندىرۋ، جونەلتۋ قىزمەتىن ورىندادى.
ەرەكشە ترانسفورماتور پارتكومىنىڭ شۋجيى، القا باستىعى جاڭ شين مىنالاردى ءبىلدىردى: ەرەكشە ترانسفورماتور شينجياڭنىڭ ەنەرگيا بايلىق قاسيەتى باسىمدىعىن تياناق ەتىپ، شينجياڭعا تامىر تارتىپ دامۋدىڭ سەنىمى مەن بەكىمىن نىعايتىپ، شينجياڭدا قارجى قوسۋ تەبىنىن اناعۇرلىم ارتتىرىپ، كاسىپورىننىڭ دەربەس جاڭالىق اشۋىن ۇزدىكسىز جەدەلدەتىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋعا ۇزدىكسىز ات سالىسىپ، كاسىپورىننىڭ جوعارى ساپالى دامۋىن ىلگەرىلەتىپ، پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ ونىمدىلىگىن جوعارى ساپالى دامۋدى ىلگەرىلەتۋدىڭ ناقتى ونىمدىلىگىنە شىنايى اينالدىرادى.
