جاڭ چۇنلين حوتان ايماعىنىڭ كەريا اۋدانىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
جۇڭحۋا ۇلتى ورتاق تۇلعا تانىمىن ونان ارى بەرىك ورناتۋ كەرەك
انار بۇلت \ شينجياڭ گازەتىنىڭ ءتىلشىسى ليۋ شياڭ 12 - ايدىڭ 17 - كۇنى كەريادان حابارلايدى. 12 - ايدىڭ 15 - كۇنىنەن 16 - كۇنىنە دەيىن، اۆتونوميالى رايوندىق پارتكومنىڭ ورىنباسار شۋجيى، ۇگىت ءبولىمىنىڭ باستىعى جاڭ چۇنلين حوتان ايماعىنىڭ كەريا اۋدانىندا تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن دايەكتىلەندىرىپ، تياناقتاندىرىپ، جۇڭحۋا ۇلتى ورتاق تۇلعا تانىمىن ونان ارى بەرىك ورناتىپ، ءار ۇلت بۇقاراسىن مىزعىماس تاباندىلىقپەن پارتيانىڭ سوزىنە قۇلاق اسۋعا، پارتيانىڭ مەيىرىنە العىس ايتۋعا، پارتياعا ىلەسۋگە تاربيەلەپ جانە جەتەكتەپ، جاڭا داۋىردەگى جاڭا جورىقتا كورىكتى شينجياڭدى قۇلشىنا قۇرۋعا تەلەگەي كۇش ۇيىستىرۋ كەرەك.
جاڭ چۇنلين ىلگەرىندى - كەيىندى كەريا اۋدانى تيانجين ونەركاسىپ باقشا رايونى، مەيگۇي شاعىن قالاشىعى ورتالاۋ مەكتەبى، سەنبىبازار قالاشىعى تومەنگى سايباق قىستاعى سياقتى جەرلەرگە كەلىپ، نەگىزگى ساتىنىڭ پارتيا 20 - قۇرىلتايى رۋحى جونىندە ۇگىت لەكسيا جۇرگىزۋى جانە كاسىپ سالاسى باقشا رايونىنداعى كاسىپورىنداردىڭ ءوندىرىس - تيجاراتى، ورتا، باستاۋىش مەكتەپتەردەگى ءتالىم - تاربيە، وقۋ - وقىتۋ، اۋىل - قىستاقتارداعى ءدىن ىستەرىن باسقارۋ سياقتى جاعدايلاردى تەرەڭدەي ۇعىستى.
جاڭ چۇنلين بىلاي دەپ باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايى رۋحىنىڭ ورگاندارعا، كاسىپورىندارعا، مەكتەپتەرگە، اۋىل - قىستاقتارعا جەتۋىن جاپپاي ىلگەرىلەتىپ، ءار ۇلت كادر - بۇقاراسىن ”ەكىنى تۇراقتاندىرۋدىڭ“ شەشۋشى ءمانىن تەرەڭ تۇسىنۋگە، ”ءتورت تانىمدى“ كۇشەيتۋگە، ”ءتورت سەنىمدى“ بەكەمدەۋگە، ”ەكىنى قورعاۋدى“ ورىنداۋعا جەتەكتەۋ كەرەك. پارتيانىڭ يدەولوگيا قىزمەتىنە باسشىلىق ۇقىعىن مىقتاپ يگەرىپ، شينجياڭدى مادەنيەتپەن نارلەندىرۋدى ىشكەرىلەي ورىستەتىپ، سوتسياليستىك وزەكتى قۇن كوزقاراسىن كەڭىنەن امالياتتا ايگىلەپ، مەملەكەتتە ءبىر تۇتاس قولدانىلاتىن ءتىل - جازۋ تاربيەسىن جانە ونى ۇيرەنۋدى، قولدانۋدى كۇشەيتىپ، ”بەستى شىنايى مويىنداۋدى“ ۇزدىكسىز كۇشەيتۋ كەرەك. شينجياڭدا ءىسلام ءدىنىن جۇڭگوشالاندىرۋدى ىلگەرىلەتىپ، ءدىن ىستەرىن باسقارۋ قابىلەتىن جوعارىلاتىپ، ءدىننىڭ سوتسياليستىك قوعامعا ۇيلەسۋىن جەبەۋ كەرەك. ”بەس تاربيەنى“ قاتار جۇرگىزۋگە تاباندى بولىپ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، مىندەتتى وقۋ - اعارتۋدىڭ دەڭگەيى مەن ساپاسىن جوعارىلاتىپ، حالىق رازى بولاتىن وقۋ - اعارتۋ جۇرگىزۋ كەرەك.
