تيانشان تورى
تيانشان تورى   ›   جاڭالىقتار   ›   شينجياڭ حابارلارى

بيىل شينجياڭدا استىقتىڭ جالپى ءونىمى 18 ميلليون 135 مىڭ تونناعا جەتتى

  بيىل شينجياڭدا استىقتىڭ جالپى ءونىمى 18 ميلليون 135 مىڭ تونناعا جەتتى

  ءۇرتىس 7 جىل بويى ءونىمدى ارتتىرۋدى جۇزەگە اسىردى

  انار بۇلت \ شينجياڭ گازەتىنىڭ تىلشىلەرى گاۋ فىڭ، ليۋ ي 12 - ايدىڭ 17 - كۇنى ۇرىمجىدەن حابارلايدى. مەملەكەتتىك ساناق مەكەمەسى شينجياڭ تەكسەرۋ باس اترەتىنەن ۇعىسۋىمىزشا، مەملەكەتتىك ساناق مەكەمەسىنىڭ تەكسەرىپ بەكىتۋىنە نەگىزدەلگەندە، بيىل شينجياڭ (بيڭتۋاندى قامتيدى) استىق ەگىلگەن جەر اۋدانى، بىرلىك ءونىمى، جالپى ءونىمى جاعىندا بىردەي ارتۋدى جۇزەگە اسىرىپ، استىقتىڭ جالپى ءونىمى 18 ميلليون 135 مىڭ تونناعا جەتىپ، وتكەن جىلداعىمەن سالىستىرعاندا 777 مىڭ 200 توننا كوبەيىپ، %5. 4 ارتىپ، ءۇرتىس 7 جىل بويى ءونىمدى ارتۋدى جۇزەگە اسىرىپ، ءونىم مولشەرى 1978 - جىلدان بەرگى ەكىنشى جوعارى ورىندى يەلەگەن.

  مەملەكەتتىك ساناق مەكەمەسى شينجياڭ تەكسەرۋ باس اترەتى اۋىل شارۋاشىلىعىن تەكسەرۋ باسقارماسىنىڭ جاۋاپتىسى لي جۇن بىلاي دەدى: بيىل جىل باسىنان بەرى، اۆتونوميالى رايوندىق پارتكوم مەن ۇكىمەت استىق وندىرىسىنە باسا ءمان بەرىپ، بۇكىل رايوندا جوعارىدان تومەنگە دەيىن استىق حاۋىپسىزدىگى تۇلعالىق جاۋاپكەرشىلىگىن قاتايتىپ، تۇتاس جىلدىق استىق ءوندىرۋ نىساناسىن مىقتاپ ارقاۋ ەتىپ، ءبىر تۇتاس جوسپارلاپ، سايكەستىرۋدى كۇشەيتىپ، ساياساتتىڭ تياناقتانۋىن بارىنشا مىقتى يگەرىپ، استىق تۇقىمى سىڭىرىلگەن جەر اۋدانىن بۇلجىماي تۇراقتى ساقتاۋ نەگىزىندە، ”استىق القاپتارىن قورعاپ، ەگىستىك جەر بايلىعىنان عىلمي، ۇيلەسىمدى پايدالانۋ“ ستراتەگياسىن جاپپاي دايەكتىلەندىرىپ، تياناقتاندىرىپ، ءتۇرلى شارالاردى قاتار قولدانىپ استىق ءوندىرىسىنىڭ ساپاسىن جوعارىلاتىپ، ءونىمىن ارتتىرۋدى ىلگەرىلەتىپ، جاڭا تيپتى ايدارشا ۆيرۋس ىندەتى اكەلگەن ءتيىمسىز ىقپالداردى بار كۇشپەن جەڭىپ، عىلمي جولمەن اپاتتى، زياندى ازايتىپ، تۇتاس جىلدا استىقتىڭ ءتۇسىمىن ارتتىرىپ، استىقتان مول ءونىم الدى.

  ساناق ساندى مالىمەتىندە كورسەتىلۋىنشە، بيىل شينجياڭنىڭ استىق جالپى ونىمىندە جازعى استىقتىڭ ءونىم مولشەرى 6 ميلليون 551 مىڭ 700 تونناعا جەتىپ، وتكەن جىلداعىمەن سالىستىرعاندا 138 مىڭ 700 توننا كوبەيىپ، %2. 2 ارتقان؛ كۇزگى استىقتىڭ ءونىم مولشەرى 11 ميلليون 583 مىڭ 300 تونناعا جەتىپ، وتكەن جىلداعىمەن سالىستىرعاندا 638 مىڭ 500 توننا كوبەيىپ، %8. 5 ارتقان؛ كۇزگى استىقتىڭ ءونىم مولشەرىنىڭ تۇتاس جىلدىق استىق جالپى ونىمىندە ۇستاعان سالماعى %9. 63 بولعان. ءۇش ءىرى استىق داقىلىنىڭ اراسىندا ءداندى داقىلداردىڭ ءونىم مولشەرى 17 ميلليون 793 مىڭ 600 تونناعا جەتىپ، وتكەن جىلداعىمەن سالىستىرعاندا 752 مىڭ 200 توننا كوبەيىپ، %4. 4 ارتقان؛ بۇرشاق تەكتەس داقىلداردىڭ ءونىم مولشەرى 144 مىڭ 800 تونناعا جەتىپ، وتكەن جىلداعىمەن سالىستىرعاندا 37 مىڭ 100 توننا كوبەيىپ، %4. 34 ارتقان؛ تۇينەك جەمىستىلەردىڭ (استىققا شاعىلعان) ءونىم مولشەرى 196 مىڭ 600 توننا بولعان.

  ”شينجياڭنىڭ تۇتاس جىلداعى استىق ءونىمى ءبىر جىل بويى بۇكىل رايون حالىق سانىنداعى ءار ادامدى ءار كۇنى 2 كيلوگرام استىقپەن ۇزدىكسىز قامداي الادى، ءوندىرۋ مەن ساتۋ تەڭگەرىلگەن رايوننىڭ استىق اۋىر مىندەتىن ورىنداپ، استىق حاۋىپسىزدىگىنىڭ ىرىقتىلىعىن مىقتى ۇستادى“، - دەدى لي جۇن.

  ساناق ساندى مالىمەتىندە كورسەتىلۋىنشە، بيىل شينجياڭنىڭ استىق ەككەن جەر اۋدانى 36 ميلليون 508 مىڭ 500 مۋعا جەتىپ، وتكەن جىلداعىمەن سالىستىرعاندا 933 مىڭ 400 مۋ كوبەيىپ، %6. 2 ارتىپ، 1978 - جىلدان بەرگى جاڭا جوعارى دەڭگەي جارىققا شىققان. استىقتىڭ بىرلىك اۋدان ءونىم مولشەرى ءار مۋدا 73. 496 كيلوگرامعا جەتىپ، ءار مۋىنىڭ ءونىم مولشەرى وتكەن جىلداعىمەن سالىستىرعاندا 81. 8 كيلوگرام كوبەيىپ، %8. 1 ارتىپ، بىرلىك ءونىم دەڭگەيى بۇكىل مەملەكەتتە 2 - ورىندى يەلەگەن.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.