اۆتونوميالى رايوندىق پارتكومنىڭ تۇراقتى كوميتەتى كەڭەيتىلگەن ءماجىلىس اشتى
ورتالىقتىڭ ەكونوميكالىق قىزمەت ءماجىلىسىنىڭ رۋحىن جەتكىزدى، ۇيرەندى، دايەكتىلەندىردى
ما شيڭرۇي ءماجىلىستى باسقاردى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 12 - ايدىڭ 18 - كۇنى ۇرىمجىدەن حابارلايدى. اۆتونوميالى رايوندىق پارتكوم تۇراقتى كوميتەتى 12 - ايدىڭ 18 - كۇنى كەڭەيتىلگەن ءماجىلىس اشىپ، ورتالىقتىڭ ەكونوميكالىق قىزمەت ءماجىلىسىنىڭ رۋحىن جەتكىزدى، ۇيرەندى، دايەكتىلەندىردى، بۇكىل رايوننىڭ ەكونوميكالىق دامۋ، ىندەتتەن ساقتانۋ - تىزگىندەۋ سياقتى قىزمەتتەرىن اقىلداستى، ورنالاستىردى. اۆتونوميالى رايوندىق پارتكومنىڭ شۋجيى ما شيڭرۇي ءماجىلىستى باسقاردى.
ءماجىلىس مىنالاردى باسا دارىپتەدى: ورتالىقتىڭ ەكونوميكالىق قىزمەت ءماجىلىسى − بۇكىل پارتيا، بۇكىل ەل جوعارىدان تومەنگە دەيىن پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ وتىرعان ماڭىزدى ساتتە اشىلعان توتەنشە ماڭىزدى ءماجىلىس. باس شۋجي شي جينپيڭنىڭ ماڭىزدى ءسوزى بيىكتە تۇرىپ الىستى بولجاعان، كوز اياسى كەڭ، يدەياسى تەرەڭ، مازمۇنى باي، 2022 - جىلعى ەكونوميكالىق قىزمەتتى تەرەڭ قورىتىندىلاپ، كەزەكتەگى ەكونوميكالىق جاعدايعا ىشكەرىلەي تالداۋ جاساپ، 2023 - جىلعى ەكونوميكالىق قىزمەتكە كەلەلى ورنالاستىرۋ جاساپ، كەلەر جىلعى ەكونوميكالىق قىزمەتتى ويداعىداي ىستەۋگە، جاپپاي سوتسياليستىك وسىزاماندانعان مەملەكەت قۇرۋدىڭ باستاماسىن جاقسى باستاپ، العاشقى قادامىن ويداعىداي باسۋعا العا باسۋ بەتالىسىن ايقىن كورسەتىپ، ءتۇبىرلى بويسۇنۋ ولشەمىن ازىرلەدى. ءبىز پارتيا 20 - قۇرىلتايىنىڭ رۋحىن جاپپاي ۇيرەنىپ، يگەرىپ، تياناقتاندىرىپ، ورتالىقتىڭ ەكونوميكالىق قىزمەت ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، باس شۋجيدىڭ، پارتيا ورتالىق كوميتەتىنىڭ ەكونوميكالىق جاعداي جونىندەگى عىلمي تۇجىرىمى مەن كەلەر جىلعى ەكونوميكالىق قىزمەتتىڭ جالپى تالابىن، ساياساتتىق بەتالىسىن، كەلەلى مىندەتىن ءبىر تۇتاس جوسپارلاپ ورنالاستىرۋىن تەرەڭ يگەرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، شينجياڭ ەكونوميكاسىنىڭ جوعارى ساپالى دامۋىن تىڭعىلىقتى ىلگەرىلەتىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ شينجياڭدا تياناقتانىپ، ونىمدىلىك كورسەتۋىنە شىنايى كەپىلدىك ەتۋىمىز كەرەك. ساياسي دەڭگەيدى شىنايى جوعارىلاتىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، ستراتەگيالىق تاباندىلىقتى ساقتاپ، ءسوزسىز، جەڭىسكە جەتۋ سەنىمىن نىعايتىپ، باتىلدىقپەن قامال الىپ، قيىنشىلىقتاردى جەڭىپ، بۇكىل رايوننىڭ ەكونوميكالىق قىزمەتىن تىڭعىلىقتى ويداعىداي ىستەۋ كەرەك. ساياسات تالابىن دالمە - ءدال يگەرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، ءتۇرلى ماكرولىق ساياساتتاردى جۇيەلى تياناقتاندىرىپ، ”التى ءبىر تۇتاس جوسپارلاۋدى“ ساباقتاستىرىپ، تياناقتاندىرىپ، ارتۋدى ورنىقتىرۋ، جۇمىستاندىرۋدى ورنىقتىرۋ، زات باعاسىن ورنىقتىرۋ قىزمەتىن كورنەكتى تۇردە ويداعىداي ىستەپ، ەلەۋلى حاۋىپ - قاتەرلەردەن ءونىمدى تۇردە ساقتانىپ جانە ونى جويىپ، ەكونوميكالىق اينالىمنىڭ جالپى تۇلعالىق جاقتان جاقسارۋىن ىلگەرىلەتۋ كەرەك. ءتۇيىندى مىندەتتەردى تىڭعىلىقتى ىلگەرىلەتىپ، پارتيا ورتالىق كوميتەتى ورنالاستىرعان ءتۇيىندى قىزمەتتەر بويىنشا جاپپاي ولشەمگە تۋرالانىپ، شينجياڭنىڭ ورنىن ءداپ باسىپ تاۋىپ، ”سەگىز ءىرى كاسىپ سالاسى شوعىرىن“ جەدەل قۇرىپ، كەلەلى نەگىزدىك قۇرىلعىلار مەن جاڭاشا نەگىزدىك قۇرىلعىلار قۇرىلىسىن جۇيەلى ىلگەرىلەتىپ، تۇتىنۋدى بەلسەنە قالپىنا كەلتىرىپ جانە كەڭەيتىپ، سىرتقى ساۋدانى، شەتەل قارجىسىن ورنىقتىرىپ، رەفورمانى تەرەڭدەتىپ، ەسىك اشۋدى كەڭەيتىپ، جىبەك جولى ەكونوميكالىق بەلدەۋى وزەكتى رايون قۇرىلىسىن جەدەلدەتىپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن قالىپتاستىرىپ، حالىق تۇرمىسىن كۇش سالا قامتاماسىز ەتىپ جانە جاقسارتىپ، ەكونوميكانىڭ ساپاسىنىڭ ءونىمدى جوعارىلاۋىن جانە مولشەرىنىڭ ۇيلەسىمدى ارتۋىن جۇزەگە اسىرۋدى ىلگەرىلەتۋ كەرەك. پارتيانىڭ ەكونوميكالىق قىزمەتكە جاپپاي باسشىلىعىن كۇشەيتۋ كەرەك، ءار دارەجەلى پارتيا، ۇكىمەت ورىندارىنداعى نەگىزگى جاۋاپتى جولداستار ارتۋدى ورنىقتىرۋ، دامۋدى جەبەۋ سىندى كەلەلى جاۋاپكەرشىلىكتى ارقالاپ، دايەكتىلەندىرۋدى، تياناقتاندىرۋدى جاسامپازدىقپەن ويداعىداي يگەرىپ، باتىلدىقپەن جاۋاپكەرشىلىك ارقالاپ، شەبەرلىكپەن ىسكەرلىك كورسەتىپ، ناقتى جاعدايعا تەكسەرۋ جۇرگىزىپ، كاسىپ مايتالمانىنا اينالىپ، ماسەلەلەردى بەلسەنە شەشىپ، فورماشىلدىققا جانە تورەشىلدىككە قارسى تۇرىپ، شينجياڭ ەكونوميكاسىنىڭ جوعارى ساپالى دامۋىنىڭ جاڭا جاعدايىن اشۋى كەرەك.
ءماجىلىس مىنالاردى اتاپ كورسەتتى: بيىل جىل باسىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل رايوندا جوعارىدان تومەنگە دەيىن پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ”التىنى ورنىقتىرۋدى“، ”التىنى قامتاماسىز ەتۋدى“ تىڭعىلىقتى، ويداعىداي ىستەپ، ەرەكشە، باسىمدىققا يە كاسىپ سالاسى شوعىرى قۇرىلىسىن جۇيەلى جوبالاپ، ىلگەرىلەتىپ، قاتىناس، ەنەرگيا، سۋ يگىلىگى، ەلەكتر سياقتى ءىرى نەگىزدىك قۇرىلعىلار قۇرىلىسىن جاپپاي جەدەلدەتىپ، سىرتقى ساۋدا يمپورت - ەكسپورتىنىڭ تاماشا ارتۋ جاعدايىن ساقتاپ، بۇكىل رايون ەكونوميكاسىنىڭ ورنىقتى، اقاۋسىز دامۋىن جۇزەگە اسىردى. كونە جىلدىڭ اياعى، جاڭا جىلدىڭ باسى تاياپ قالدى، وڭىرلەر، تاراۋلار ۋاقىت تەرەزەسىن مىقتى يگەرىپ، تۇتاس جىلدىق نىسانالاردى، مىندەتتەردى ورىنداۋعا بار كۇشپەن ۇمتىلىپ، بازارداعى قامداۋعا كەپىلدىك ەتۋدى، باعانى ورنىقتىرۋدى جانە كومىر، ەلەكتر، مۇناي - تابيعي گاز، تاسىمالدى رەتتەۋدى كۇشەيتىپ، حالىق تۇرمىسىنىڭ نەگىزگى تومەنگى شەگىن مىقتاپ ساقتاپ، قوعام ورنىقتىلىعى، ءوندىرىس حاۋىپسىزدىگى، اپاتتان ساقتانۋ، اپات زيانىن ازايتۋ سياقتى قىزمەتتەردى تىڭعىلىقتى يگەرىپ، تولىق تابىسپەن اياقتاتۋعا شىنايى كەپىلدىك ەتۋ؛ ءىس جۇزىندىك جاعدايمەن ۇشتاستىرا وتىرىپ كەلەر جىلعى ەكونوميكالىق قىزمەتتى ويداعىداي جوبالاپ، مەجەنى ورنىقتىرۋعا، سەنىمدى كۇشەيتۋگە، وي جەلىسىن، شارالاردى ايقىنداۋعا كۇش سالىپ، قىزمەت مىندەتتەرىن ەگجەي - تەگجەيلىلەندىرىپ، ءبىر توپ ءتۇيىندى كاسىپ سالاسىن، ءىرى نىسانداردى، ت.ب دەن قويا اشالاپ، جوبالاپ، ەكونوميكالىق ارتۋدى بار كۇشپەن ورنىقتىرىپ، باستامانى جاقسى اشىپ، قادامدى جاقسى باسۋدى پارمەندى قامتاماسىز ەتۋ كەرەك.
ءماجىلىىس جاڭا كەزەڭدە بۇكىل رايوننىڭ ىندەتكە توتەپ بەرۋ دايىندىق قىزمەتى جاعدايىنان بەرىلگەن مالىمەتتى تىڭداپ، مىنالاردى باسا دارىپتەدى: پارتيا ورتالىق كوميتەتىنىڭ ىندەتتەن ساقتانۋ - تىزگىندەۋ قىزمەتى جونىندەگى عىلمي تۇجىرىمى مەن شەشىمدەرىن، ورنالاستىرۋلارىن تەرەڭ ءتۇسىنىپ، قىزمەت ءتۇيىنىن ”سالاماتتىقتى قامتاماسىز ەتۋ، سالماقتى اۋرۋدان ساقتانۋعا“ ويىستىرىپ، دارەجە، تۇرلەر بويىنشا ەمدەۋ جۇيەسى مەن ءدارى - دارمەكپەن قامداۋ جۇيەسىن ونان ارى كەمەلدەندىرىپ، بۇقارانىڭ اۋرۋ كورسەتۋ، ءدارى - دارمەك پايدالانۋ قاجەتىن قامتاماسىز ەتۋ؛ نەگىزدى قامتاماسىز ەتۋگە، نەگىزگى ساتىنى قامتاماسىز ەتۋگە، ءتۇيىندى قىزمەتتەردى قامتاماسىز ەتۋگە تاباندى بولىپ، نەگىزگى ساتىنىڭ ەمدەۋ - دەنساۋلىق ساقتاۋ قىزمەت وتەۋ تورىن كەمەلدەندىرىپ، ەرەكشە قاۋىمدى ءتۇيىندى تۇردە ويداعىداي قورعاپ، قارتتارعا ۆاكسينا ەگۋدى جەدەلدەتۋ؛ ساياساتتى ءتۇسىندىرۋدى جانە ۇگىتتى، جەتەكتەۋدى كۇشەيتىپ، بۇقارانىڭ سالاماتتىق تانىمى مەن ءوزىن قورعاۋ قابىلەتىن جوعارىلاتىپ، ىندەتتەن ساقتانۋ - تىزگىندەۋدىڭ جاقسارۋ كەزەڭىنىڭ ورنىقتى، ءتارتىپتى بولۋىنا شىنايى كەپىلدىك ەتۋ كەرەك.
