تاياۋدا اقسۋ قالاسىنداعى ەرىكتىلەر شىت جاڭا ەرىكتى قىزمەت وتەۋ قىزىل كۇرمەسىن تاپسىرىپ الدى، كۇرمەگە ”حاڭجوۋ - اقسۋ بەرەكەلى شاڭىراعى، ٴبىر نيەتپەن تاماشا ناتيجە جاراتايىق“ دەگەن جازۋ باسىلعان.
ۇعىسۋعا قاراعاندا، حاڭجوۋ قالاسىنىڭ شينجياڭعا كومەكتەسۋ قولباسشىلىق شتابىنىڭ زور كۇشپەن قولداۋىندا، اقسۋ قالالىق ايەلدەر بىرلەستىگى كوپ جاقتى شارا قولدانىپ، وسى توپتاعى قىزىل كۇرمەنى جەدەلدەتىپ دايىنداپ، نەگىزگى ساتى ەرىكتىلەرىنىڭ ەرىكتى قىزمەت وتەۋىنە قولايلىلىق جاساعان.
بۇل عانا ەمەس، اقسۋ قالالىق ايەلدەر بىرلەستىگى ٴار دارەجەلى ايەلدەر بىرلەستىگىنىڭ كادرلارىن، ايەل كاسىپكەرلەردى ”انار گۇلى“ جەلەكتىلەر ەرىكتى قىزمەت وتەۋ اترەتىنە قاتىناسۋعا بەلسەنە جۇمىلدىرىپ، قيىنشىلىعى بار بۇقاراعا، ايەلدەر مەن بالالارعا مەيىرلى قىزمەت وتەپ، قىسقى كۇنگى اقسۋ قالاسىن اناعۇرلىم مەيىرگە بولەدى.
اقسۋ قالاسى يگەرشى قالاشىعى ايەلدەر بىرلەستىگىنىڭ كادرى ٴزۇلحۇمار وسمان بىلاي دەدى: ”وسى توپتاعى قىزىل كۇرمە دەر كەزىندە كەلىپ، ءبىزدىڭ ەرىكتى قىزمەت وتەۋىمىزگە، ۇگىت - لەكسيا جاساۋىمىزعا قولايلىلىق جاسادى، حاڭجوۋ قالاسىنىڭ شينجياڭعا كومەكتەسۋ قولباسشىلىق شتابىنا، اقسۋ قالالىق ايەلدەر بىرلەستىگىنە العىس ايتامىن“.
بيىل جىل باسىنان بەرى، حاڭجوۋ قالاسىنىڭ شينجياڭعا كومەكتەسۋ قولباسشىلىق شتابىنىڭ زور كۇشپەن قولداۋىندا، اقسۋ قالالىق ايەلدەر بىرلەستىگى ”انار گۇلى“ جەلەكتىلەر ەرىكتى قىزمەت وتەۋ اترەتىنىڭ كوپىرلىك، دانەكەرلىك رولىن تولىق ساۋلەلەندىرىپ، جەلىلەس ەرىكتى كومەكتەسۋ - سۇيەمەلدەۋ قيمىلىن ۇدايى ورىستەتىپ، 3000نان استام ايەلدەر مەن بالالارعا قامقورلىق جاسادى، كومەكتەسىپ - سۇيەمەلدەدى.
(كەلۋ قاينارى: اقسۋ ايماقتىق توعىسپالى مەديا ورتالىعىنان، ەرىكتى تىلشىلەر: حۋ شياۋشياۋ، فىڭ يۇڭ)
اۋدارعان: قادىر ماقان
