جەتەكشىلىك ەتۋ
− پارتيا 20 - قۇرىلتايىنان جۇڭگو كوممۋنيستىك پارتياسىنىڭ تابىسقا جەتۋ قۇپياسىنا نازار (1)
□ شينحۋا اگەنتتىگىنىڭ تىلشىلەرى جاڭ شياۋسۇڭ، ۋاڭ زىميڭ، گاۋ لەي
جەتەكشىلىك ەتۋ پارتيا 20 - قۇرىلتايىنىڭ ءارقايسى كەڭەستىك تارتىپتەرىمەن ساباقتاسىپ، پارتيا 20 - قۇرىلتايىنىڭ رۋحىندا ايگىلەندى −
شي جينپيڭ جولداستى ۇيتقى ەتكەن جاڭا كەزەكتى پارتيا ورتالىق كوميتەتىن سايلاپ شىعىپ، قۋاتتى ۇيتقى ايبىندى جورىققا جەتەكشىلىك ەتتى؛ پارتيا 19 - قۇرىلتايىنان بەرگى شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جاڭا دامۋشىلىقتارىن پارتيا ۋستاۆىنا جازىپ كىرگىزىپ، اقيقات نۇرى گۇلدەنۋ جولىنا جەتەكشىلىك ەتتى؛ پارتيا مەن مەملەكەتتىڭ بولاشاق ىستەرىنىڭ جاڭا جوباسىن كەسكىندەپ، ايقىن نىسانا ەكپىندەي ىلگەرىلەۋدىڭ باعدارىن ايقىن كورسەتتى.
بۇل − پارتيا ورتالىق كوميتەتىنىڭ توڭىرەگىنە تىعىز ىنتىماقتاسقان سەنترگە تارتۋ كۇشى، بۇل − عىلمي نازاريامەن قارۋلانعان جاۋىنگەر كۇش، بۇل − ۇلى ارمان ءۇشىن قاجىماي - تالماي كۇرەس جۇرگىزەتىن اتقارۋ كۇشى. جۇڭگو كوممۋنيستەرى بەرىك قۇرىش بولىپ ىنتىماقتاسىپ، ۇلى كۇرەس ارقىلى 100 جىلدىق ۇلى ءىستى جاراتىپ، جەڭىستەن جاڭا جەڭىسكە ۇزدىكسىز بەت الدى.
ۇيتقى جەتەكشىلىگى:
جالپى قۇرمەت تۇتاتىن جول باستاۋ رولىن ساۋلەلەندىردى
2022 - جىلى 10 - ايدىڭ 23 - كۇنى، حالىق سارايىنىڭ جينسى زالى تاريحي ساتكە كۋا بولدى.
جالپى جۇرتتىڭ ىنتىعا كۇتۋىندە، جاڭا عانا جاڭا كەزەكتى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ سايلانعان شي جينپيڭ ورتالىق كوميتەت ساياسي بيۋروسىنىڭ باسقا تۇراقتى مۇشەلەرىن باستاپ جۇڭگولىق، شەتەلدىك تىلشىلەرمەن كەزدەسىپ، جاڭا جورىقتا ەكپىندەي ىلگەرىلەۋدىڭ ايبىندى سەرتىن جاريالادى:
”مەن جاڭا كەزەك جۇڭگو كوممۋنيستىك پارتياسى ورتالىق كوميتەتىنىڭ باسشىلىق قۇرامىنداعىلار اتىنان بۇكىل پارتياداعى جولداستاردىڭ سەنىم ارتقاندىعىنا شىن جۇرەكتەن العىس ايتامىن. ءبىز، ءسوز جوق، پارتيانىڭ سيپاتى مەن باس ماقساتىن ەستە بەرىك ساقتاپ، ءوز بورىشتارىمىز مەن جاۋاپكەرشىلىكتەرىمىزدى ەستە بەرىك ساقتاپ، قىزمەتتىڭ تالابىنان شىعىپ، قىزمەتتى قۇلشىنا ىستەپ، پارتيا مەن حالىقتىڭ ماڭىزدى تاپسىرماسىن، ءسوزسىز، ورىندايمىز“.
وسى ساتتە، جاڭا ءداۋىر جول باستاۋشىسىنىڭ سەنىمى، جاۋاپكەرشىلىك ارقالاۋى تىكە تاراتۋ سيگنالى ارقىلى جۇڭحۋانىڭ بايتاق دالاسىنا تەگىس تارالىپ، بۇكىل پارتيانىڭ، بۇكىل ەلدەگى ءار ۇلت حالقىنىڭ سەنىمى بارىنشا نىعايدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ رول ۇستاپ، جول باستاۋىندا، 100 جىلدىق ءىرى پارتيا، ءسوز جوق، جاڭا ۇلى كۇرەس ارقىلى جاڭا تاريحي ۇلى ءىستى جاراتادى.
قۋاتتى باسشىلىق ۇيتقى بولۋ − پرولەتاريات ساياسي پارتياسىنىڭ ءومىرى مەن ولىمىنە، ءومىر ءسۇرۋى مەن قۇرىپ - جوعالۋىنا جانە سوتسياليزم ىستەرىنىڭ گۇلدەنۋى مەن قۇلدىراۋىنا، تابىسقا جەتۋى مەن ساتسىزدىككە ۇشىراۋىنا سايادى.
ماركسيزمدىك پارتيا قۇرۋ ءىلىمىنىڭ وسى كەلەلى پرينسيبى جۇڭگو كوممۋنيستىك پارتياسىنىڭ 100 جىلدىق ساپارىندا تالاي رەت اماليات ارقىلى دالەلدەندى.
پارتيا 18 - قۇرىلتايىنان بەرى جۇڭگوشا سوتسياليزم جاڭا داۋىرگە قادام تاستاپ، پارتيا مەن مەملەكەت ءدوپ كەلگەن جاعدايدىڭ كۇردەلىلىگى، كۇرەستىڭ قاتاڭدىعى، رەفورما، دامۋ، ورنىقتىلىق مىندەتتەرىنىڭ جاپالىلىعى دۇنيەدە سيرەك كەزدەسكەن، تاريحتا سيرەك كەزدەسكەن دارەجەدە بولدى.
كەلەلى مىندەتتى باتىلدىقپەن ارقالاپ، بۇكىل ەلدىڭ كۇشىن جۇمىلدىرىپ كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزىپ، جاپپاي دوڭگەلەك داۋلەتتى قوعام ورناتۋ نىساناسىن جەڭىسپەن جۇزەگە اسىردى؛ ۇزاق بولاشاقتى كوزدە ۇستاپ، جوعارى ساپالى دامۋدى تاباندىلىقپەن ىلگەرىلەتىپ، جۇڭگو ەكونوميكاسىنىڭ ورنىقتى قاداممەن الىسقا جەتۋىن جەبەدى؛ سايىستارعا توتەپ بەرىپ، ەڭ عىلمي، ەڭ ۇنەمدى ءادىستى قولدانىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋدا كەلەلى دە بەلسەندى جەتىستىكتەرگە قول جەتكىزدى؛ باتىلدىقپەن كۇرەس جۇرگىزىپ، كۇرەس بارىسىندا مەملەكەتتىڭ بەدەلى مەن وزەكتى مۇددەسىن قورعاپ، مەملەكەتتىڭ دامۋ جانە حاۋىپسىزدىك ىرىقتىلىق ۇقىعىن مىقتاپ يگەردى؛ وزىنە - ءوزى توڭكەرىس جاساپ، شىرىكتەسۋگە قارسى تۇرۋ كۇرەسىندە ۇستەم جەڭىسكە قول جەتكىزدى ءارى ونى جاپپاي بەكەمدەدى...
پارتيا مەن مەملەكەت ىستەرىنىڭ گۇلدەنۋى مەن قۇلدىراۋىنا، تابىسقا جەتۋى مەن ساتسىزدىككە ۇشىراۋىنا ساياتىن ماڭىزدى ساتتە، باس شۋجي شي جينپيڭ بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن باستاپ، بوگەتتەردى بۇزىپ، كەدەرگىلەردى الاستاپ، ەرەن ەڭبەك ءسىڭىرىپ، شىت جاڭا جاعداي اشتى.
جاڭا داۋىردەگى جۇڭحۋانىڭ بايتاق دالاسىنا كوز جىبەرسەك، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ باس قولباسشى شاتىرىندا وتىرىپ جەتەكشىلىك ەتۋىمەن، بۇكىل پارتيا جوعارىدان تومەنگە دەيىن ”دەنەنىڭ بىلەكتى ىسكە قوسقانىنداي، بىلەكتىڭ ساۋساقتى ىسكە قوسقانىنداي“، ءار شاحمات تاسى ءوز ەرەكشەلىگىن ايگىلەگەن، شاحمات تاسىنداي ءبىر تۇتاس جۇيەنىڭ اۋقىمى انىق جاندى كارتيناسى باياۋ جايىپ سالىندى.
جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ شەشۋشى مەزگىلگە وتكەندە، تالاي - تالاي ”جول تورىعان جولبارىس“، ”اياقتان قاعار تاس“ العا ىلگەرىلەۋ جولىندا كەزدەسىپ، ءبىر قىدىرۋ ”ەڭ كۇردەلى“، ”ەڭ سەزىمتال“ ماسەلە ءوزارا شىرمالدى. بىزدەي ءبىر ميلليارد 400 ميلليوننان استام حالقى بار ءىرى ەل، 96 ميلليوننان استام پارتيا مۇشەسى بار ءىرى پارتيا ۇيتقىنىڭ جەتەكشىلىگىن ءتىپتى دە قاجەت ەتتى.
بۇل − بۇكىل پارتيانىڭ ەركى، بۇل حالىقتىڭ تاڭداۋى.
يدەيالىق جەتەكشىلىك:
جۇڭگونى وزگەرتۋدىڭ اقيقات كۇشىن يگەردى
2022 - جىلى 10 - ايدىڭ 27 - كۇنى، يان - ان ياڭجياليڭدا قوڭىر كۇز.
پارتيا 20 - قۇرىلتايىنان كەيىنگى العاشقى جەرگىلىكتى ورىندا قىزمەت تەكسەرۋدە باس شۋجي شي جينپيڭ جۇڭگو كوممۋنيستىك پارتياسى 7 - قۇرىلتايىنىڭ جۇرتىنا كەلىپ، جۇڭگو كوممۋنيستىك پارتياسىنىڭ جەڭىسكە جەتۋ قۇپياسىن تاريحتىڭ تەرەڭ تۇكپىرىنەن ىزدەدى.
ماۋ زىدۇڭ يدەياسىنىڭ بۇكىل پارتياداعى جەتەكشى ورنىن تۇراقتاندىرىپ، ماۋ زىدۇڭ يدەياسىن پارتيا ۋستاۆىنا جازىپ كىرگىزدى... پارتيا 7 - قۇرىلتايى پارتيا تاريحىندا اسا ماڭىزدى ورىنعا يە، پارتيانىڭ كەيىن جەڭىستەن جاڭا جەڭىسكە ۇزدىكسىز بەت الۋىنا دۇرىس باعداردى ايقىن كورسەتىپ، دۇرىس جول اشتى.
پارتيا 20 - قۇرىلتايىنىڭ جابىلۋ ماجىلىسىندە پارتيا 20 - قۇرىلتايىنا قاتىناسقان ۋاكىلدەر سالتاناتپەن داۋىسقا سالىپ، قۇرىلتاي پارتيا 19 - قۇرىلتايىنان بەرگى شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جاڭا دامۋشىلىقتارىن پارتيا ۋستاۆىنا جازىپ كىرگىزۋدى ءبىر اۋىزدان ماقۇلدادى.
مۇراتى وسكەلەڭ، ماقساتى ۇلى پارتيا عىلمي يدەيانى يگەرە قالسا بولعانى، سان ماشاقاتتى باستان كەشىرسە دە العان بەتتەن قايتپاي جەڭىسكە جەتەدى.
اۋمالى - توكپەلى 100 جىلدىق تاريح پاراعىن اشساق، ماركسيزم - لەنينيزمگە، ماۋ زىدۇڭ يدەياسىنا، دىڭ شياۋپيڭ نازارياسىنا، ”ۇشكە ۋاكىلدىك ەتۋ“ ماڭىزدى يدەياسىنا، عىلمي دامۋ كوزقاراسىنا تاباندى بولىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرگەن جۇڭگو كوممۋنيستىك پارتياسى ماركسيزمگە تاباندىلىقپەن سەنۋمەن بىرگە، ماركسيزمگە عىلمي پوزيتسيامەن مامىلە جاساي دا ءبىلدى.
پارتيا 20 - قۇرىلتايىنىڭ بايانداماسىندا اتاپ كورسەتىلگەندەي: ”اماليات بىزگە جۇڭگو كوممۋنيستىك پارتياسىنىڭ نەلىكتەن ىسكەر بولۋى، جۇڭگوشا سوتسياليزمنىڭ نەلىكتەن جاقسى بولۋى، سايىپ كەلگەندە، ماركسيزمنىڭ جارامدى بولۋىندا، جۇڭگوشالانعان، زامانالانعان ماركسيزمنىڭ جارامدى بولۋىندا ەكەندىگىن ۇعىندىردى“.
پارتيا 18 - قۇرىلتايىنان بەرى جاڭا داۋىردەگى جۇڭگو كوممۋنيستەرى ماركسيزمگە ايقىن جۇڭگوشا ەرەكشەلىك، ۇلتتىق ەرەكشەلىك، داۋىرلىك ەرەكشەلىك بەرىپ، كوممۋنيستىك پارتيانىڭ بيلىك جۇرگىزۋ زاڭدىلىعىنا، سوتسياليستىك قۇرىلىس زاڭدىلىعىنا، ادامزات قوعامىنىڭ دامۋ زاڭدىلىعىنا دەگەن تانىمدى جاڭا تاريحي بيىككە كوتەرىپ، شي جينپيڭ جاڭا ءداۋىر جۇڭگوشا سوتسياليزم يدەياسى ارقىلى شوعىرلى ايگىلەدى.
شي جينپيڭ جولداستى ۇيتقى ەتكەن پارتيا ورتالىق كوميتەتى ءداۋىر نەگىزىن تياناق ەتىپ، داۋىرلىك ساۋالعا جاۋاپ بەرىپ، داۋىرلىك وزگەرىسكە جەتەكشىلىك ەتىپ، بيىك كوز ايامەن، تەرەڭ ويمەن جۇڭگوشا سوتسياليزم جولىندا جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ جاڭا تاراۋىن جازدى −
”ءتورت سەنىممەن“ ىنتىماقتاسا كۇرەس جۇرگىزۋدىڭ ۇلى كۇشىن ۇيىستىرىپ، ”بەستى ءبىر تۇلعالاندىرۋمەن“ جۇڭگوشا سوتسياليزم ءىسىن ورنالاستىرۋعا تاباندى بولىپ جانە ونى كەمەلدەندىرىپ، ”ءتورتتى جاپپاي ورىنداۋمەن“ ستراتەگيالىق ورنالاستىرۋدى سايكەستى ىلگەرىلەتىپ، ”جۇڭگو ۇلگىسىندەگى وسىزامانداندىرۋمەن“ جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتىپ، ”ادامزاتتىڭ تاعدىرلاس ورتاق تۇلعاسىن قۇرۋدى جەبەۋدىڭ“ كەڭ كوز اياسىمەن ادامزاتتىڭ بولاشاعى مەن تاعدىرىنا جارىق ءتۇسىردى...
100 جىلدىق وزگەرىس ىشىندە تۇرىپ جۇڭحۋا ۇلتىنىڭ گۇلدەنۋ ۇلى ءىسىن جوبالاپ، دۇنيە ءجۇزى كارتاسىنىڭ الدىندا تۇرىپ ادامزات تاعدىرىنىڭ بەتالىسى جونىندە تولعاندى، شي جينپيڭ جاڭا ءداۋىر جۇڭگوشا سوتسياليزم يدەياسى قۇدىرەتتى ۋاقىت پەن كەڭىستىكتە جالعاسۋ كۇشىن، رەالدىقتى ءتۇسىندىرۋ كۇشىن، امالياتتىق وزگەرتۋ كۇشىن ايگىلەدى.
نىسانالىق جەتەكشىلىك:
اينىماس مۇرات ەتەتىن كۇرەس باعدارىن ايقىن كورسەتتى
ۋاقىت ءساتىن 10 جىلدىڭ الدىنا شەگەرەيىك −
2012 - جىلى 11 - ايدىڭ 29 - كۇنى مەملەكەتتىك مۇراجايدا «گۇلدەنۋ جولى» كورمەسىن ەكسكۋرسيالاعاندا، باس شۋجي شي جينپيڭ قازىرگى ارقىلى بۇرىنعىنى ەسكە الىپ، نىق لەبىزبەن: ”مەنىڭشە، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ − جۇڭحۋا ۇلتىنىڭ تاياۋ زاماننان بەرگى ەڭ ۇلى ارمانى“، - دەدى.
ۇلى نىسانا ميللياردتاعان حالىقتىڭ تەلەگەي كۇشىن تاسقىنداتتى.
ەنگەلس بىلاي دەگەن بولاتىن: ”ءوزىنىڭ ماقساتىن بىلەتىن، وسى ماقساتقا قالاي جەتۋگە بولاتىنىن دا بىلەتىن ساياسي پارتيانى، وسى ماقساتقا جەتۋدى شىنداپ ويلايتىن ءارى وسى ماقساتقا جەتۋدە، ءسوز جوق، كەم بولسا بولمايتىن قايسار رۋحقا يە ساياسي پارتيانى ەشكىم جەڭە الماق ەمەس“.
ايبىندى نىسانامەن باعداردى دۇرىستاپ، كۇش ۇيىستىرعان جۇڭگو كوممۋنيستەرىنىڭ كوز اياسى قاشاندا كەڭ دە بەكەم بولىپ كەلدى.
ۇلت قۇرىپ - جوعالۋ قاتەرىندە قالعان ساتتە، پارتيا 2 - قۇرىلتايى ”جۇڭحۋا ۇلتىنىڭ بۇكىلدەي دەربەستىگىنە قول جەتكىزۋ“ باعدارناماسىن تۇراقتاندىرىپ، قۇرۋدان قۇتقارۋ جولىن ىزدەۋدىڭ تۋى ەتتى؛ جاڭا جۇڭگو قۇرىلعان باستاپقى مەزگىلدە ”جاڭا دۇنيە قۇرۋعا شەبەر بولۋ“ نىساناسى ىنتا - ىقىلاس تاسقىنداعان زاماندى تۇتاندىردى؛ رەفورما تولقىنى جوڭكىلگەن كەزدە، دوڭگەلەك داۋلەتتى قوعام قۇرۋ تالپىنىسى ميللياردتاعان حالىقتىڭ باقىتتى تۇرمىس جاراتۋ قوزعاۋشى كۇشىن وياتتى؛ جۇڭگوشا سوتسياليزم جاڭا داۋىرگە وتكەندە، وسىزاماندانعان قۋاتتى مەملەكەت قۇرۋ جوباسى ”بىلەك سىبانىپ قۇلشىنا ىستەۋدىڭ“ تەلەگەي كۇشىن ۇيىستىردى...
ۇلى مۇراتتى كوڭىل تورىنە قويۋمەن بىرگە، قاجىرلىلىقپەن ىستەۋگە دە شەبەر بولدى.
100 جىلدىق گۇلدەنۋ جولىندا جۇڭگو كوممۋنيستەرى ايبىندى جوسپاردى كەزەڭدىك نىسانامەن ۇشتاستىرىپ، ءبىر - ءبىر قادامنان ىلگەرىلەپ، ءبىر - بىردەن جۇزەگە اسىردى.
رەفورما جاساۋ، ەسىك اشۋدان كەيىن، پارتيامىز سوتسياليستىك وسىزامانداندىرۋ قۇرىلىسىنىڭ ”ءۇش قاداممەن ءجۇرۋ“ ستراتەگيالىق نىساناسىن ورتاعا قويدى.
پارتيا 19 - قۇرىلتايى تاريحي جاڭا ورىندى يگەرىپ، داۋىرلىك جاڭا ەرەكشەلىككە ۇيلەسىپ، ”ەكى قادامعا ءبولىپ ءجۇرىپ“، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋداي جاڭا ستراتەگيالىق ورنالاستىرۋدى جاسادى.
ەكەۋىن سالىستىرعاندا، جاڭا ورنالاستىرۋ وسىزامانداندىرۋ نىساناسىن، نەگىزىنەن، جۇزەگە اسىرۋدى تۇپ - تۋرا 15 جىل العا ىلگەرىلەتتى.
جوبا، بەلگىلەنگەن باعدار، نىساناعا قاراي ورنىقتى ىلگەرىلەدى.
1953 - جىلدان بۇگىنگە دەيىن ەلىمىز ءۇرتىس 14 ”بەسجىلدىق جوبانى (جوسپار)“ اتقاردى.
ءاربىر جوبا (جوسپار) بەينە ءبىر ەسكەرتكىش سياقتى جۇڭگونىڭ ”ءبىر اۆتوموبيل، ءبىر ۇشاق، ءبىر تانكى، ءبىر تراكتور دا جاساي الماۋدان“ تاس جولدارى قايشالىسقان، پورتتارى 5 مۇحيتقا ۇلاسقان، ”تيانحى“ عارىشقا شىققان، ”جۋرۇڭ“ مارسقا بارلاۋ جۇرگىزگەنگە دەيىن ۇلى شارىقتاۋلارىن جالعادى.
ارمان كۇشتى جەل سياقتى، جەلكەندى كەرەدى؛ نىسانا ماياك سياقتى، جورىققا جەتەكشىلىك ەتەدى.
پارتيا 20 - قۇرىلتايىنىڭ بايانداماسى اتوي دابىلىن تاعى قاقتى: ”قازىردەن باستاپ جۇڭگو كوممۋنيستىك پارتياسىنىڭ وزەكتى مىندەتى − بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعىپ، ەكىنشى 100 جىلدىق كۇرەس نىساناسىن جۇزەگە اسىرىپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋ“.
بايتاق دالادا، اۋىل - قىستاقتى گۇلدەندىرۋ شايقاس الاڭىندا شايقاس قاۋىرت جۇرگىزىلۋدە، بىرگە بايۋدىڭ شايقاس دابىلى قاعىلدى، جۇڭگو ۇلگىسىندەگى وسىزامانداندىرۋ جوسپارى بىرتىندەپ رەالدىققا اينالۋدا... قالىڭ پارتيا مۇشەلەرى، كادرلار، بۇقارا تاستى تاۋعا يتەرىپ شىعاراتىن قايسارلىقپەن جانە كەدەرگىلەردەن اتتاپ وتەتىن ەرلىكپەن بارعان سايىن ايقىندالعان جول كارتاسى مەن قۇرىلىس كەستەسىن بويلاپ، ورتاق ۇلى نىسانانى مۇرات ەتىپ العا ىلگەرىلەۋدە.
مۇراتتان جازباي العا ىلگەرىلەسەك، الىس بولسا دا، ءسوز جوق، جەتەمىز.
مىنە بۇل − ارماندى كوڭىل تورىنە قويعان، نىساناسى ايقىن جۇڭگو كوممۋنيستىك پارتياسىنىڭ ەڭ شىنايى بەينەسى.
(شينحۋا اگەنتتىگىنىڭ 12 - ايدىڭ 20 - كۇنى بەيجيڭنەن بەرگەن حابارى)
