ما شيڭرۇي تارباعاتاي ايماعىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
سالىستىرمالى باسىمدىقتى ساۋلەلەندىرىپ، ەرەكشە كاسىپ سالالارىن زورايتىپ، اۋدان ءوڭىرى ەكونوميكاسىنىڭ جوعارى ساپالى دامۋىن ىلگەرىلەتۋ كەرەك
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 12 - ايدىڭ 20 - كۇنى شاۋەشەكتەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 12 - ايدىڭ 20 - كۇنى تارباعاتاي ايماعىنىڭ ءدوربىلجىن اۋدانى، تولى اۋدانى سياقتى جەرلەرگە بارىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرۋ، تياناقتاندىرۋ، ورتالىقتىڭ ەكونوميكالىق قىزمەت ءماجىلىسىنىڭ ءتۇرلى ورنالاستىرۋلارىنىڭ تياناقتانۋىن، ورىندالۋىن ىلگەرىلەتۋ جونىندە اۋدان وڭىرىندەگى ەرەكشە كاسىپ سالالارىنىڭ دامۋى، نەگىزگى ساتى ۇيىمدىق قۇرىلىسى، اۋىل - قىستاقتى گۇلدەندىرۋ، ەكولوگيانى قورعاۋ سياقتى قىزمەتتەرگە ىشكەرىلەي تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن ونان ارى بىرلىككە كەلتىرىپ، نازاردى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرۋگە شوعىرلاندىرىپ، ورىندى، بەتالىستى ءدال تاۋىپ، سالىستىرمالى باسىمدىقتى ساۋلەلەندىرىپ، ەرەكشەلىككە، باسىمدىققا يە كاسىپ سالالارىن جەتىلدىرىپ، زورايتىپ، اۋدان ءوڭىرى ەكونوميكاسىنىڭ جوعارى ساپالى دامۋىن ىلگەرىلەتىپ، حالىق تۇرمىسىنا اناعۇرلىم كوپ، اناعۇرلىم جاقسى تيىمدىلىك جاساپ، جۇرت تىلەگىن ۇيىستىرۋ كەرەك.
ءدوربىلجىن اۋدانى (بيڭتۋان مەن جەرگىلىكتى ورىن، لياۋياڭ) ونەركاسىپ باقشا رايونى لياۋنيڭ ولكەسىنىڭ كومەكتەسىپ سالىپ بەرۋ ورايىنان ويداعىداي پايدالانىپ، جاڭاشا وسىزاماندانعان ونەركاسىپ باقشا رايونىن قۇردى. ما شيڭرۇي شينتيانجۇن ۇنى، لۇڭحۇييۋان ءدارى - دارمەك كاسىبى سياقتى كاسىپورىندارعا بارىپ، باقشا رايونى مەن كاسىپورىن قۇرىلىسىنىڭ دامۋى جونىندەگى تانىستىرۋدى تىڭدادى؛ شينجياڭ قۇلىستاي مال شارۋاشىلىعى شەكتى سەرىكتەستىگىنە كەلىپ، ەرەكشە مال شارۋاشىلىعىن دامىتۋ قىزمەتىنە تەكسەرۋ - زەرتتەۋ جۇرگىزدى. ما شيڭرۇي بىلاي دەپ باسا دارىپتەدى: وڭىرلىك ورىن، بايلىق، ساياسات، شينجياڭعا كومەكتەسۋ سياقتى جاقتارداعى باسىمدىقتاردى ويداعىداي ساۋلەلەندىرىپ، ساپالى ءبيداي، مال شارۋاشىلىق ونىمدەرى سياقتىلاردى كاسىپ سالالاندىرىپ دامىتۋدىڭ كومەسكى كۇشىن ءونىمدى اشىپ، ەرەكشە كاسىپ سالالارىن جەتىلدىرىپ، زورايتىپ، شينجياڭنىڭ باسىمدىققا يە كاسىپ سالالارىنىڭ شوعىرلانىپ دامۋىنا قىزمەت وتەۋ جانە تىرەك بولۋ كەرەك.
ءدوربىلجىن اۋدانى قالا ماڭى اۋىلى گانچۋان قىستاعى قالاعا جاقىن بولۋ باسىمدىعىنا سۇيەنىپ، ەرەكشە اس - سۋ، سەيىل - سەرۋەن سياقتى اۋىل - قىستاق ساياحات كاسىبىن زور كۇشپەن دامىتتى. ما شيڭرۇي نەگىزگى ساتىداعى جاۋاپتى جولداستار قاتارلىلارمەن ىشكەرىلەي پىكىر اۋىستىرىپ، ولاردى جەرگىلىكتى جاعدايعا قاراي اۋىل - قىستاقتى گۇلدەندىرۋدىڭ جولى مەن شارالارىن جوبالاپ، اۋىل - قىستاق ساياحاتى، سەيىل - سەرۋەن اۋىل شارۋاشىلىعى سياقتى جاڭا كاسىپ سالالارىن، جاڭا كاسىپ كۇيلەرىن بەلسەنە دامىتىپ، ءوندىرۋدى، وڭدەۋدى، ساتۋدى ساباقتاستىرىپ، اۋىل شارۋاشىلىعىن، مادەنيەتتى، ساياحاتتى توعىستىرىپ، ءار ۇلت بۇقاراسىنىڭ تۇرمىسىن ونان ارى جاقسارتۋعا شابىتتاندىردى.
كوپ جىلدىق ەكولوگيالىق قۇرىلىستان كەيىن مايتاس جەلدى وڭىرىندە كەزىندەگى ”جەل ءوتى“ ”جاڭا شۇراتقا“ اينالدى. ما شيڭرۇي سارعۋسىن ەكولوگيالىق ورتا قۇرىلىسى ينجەنەرياسىن باسقارۋ ورتالىعىنا كەلىپ، ىقتاسىن ورمان قۇرىلىسى، قۇلىستاي جايلاۋىن قالپىنا كەلتىرۋ سياقتى جۇمىستاردىڭ ناتيجەلەرىن ۇعىسىپ، كوپشىلىكتى ۇزدىكسىز كۇرەس جۇرگىزىپ، ورمان بەلدەۋى قۇرىلىسى مەن ەكولوگيانى قورعاۋ، قالپىنا كەلتىرۋ قىزمەتىن كۇشەيتىپ، ورمان، جايلىم بايلىعىنىڭ جالپى مولشەرى مەن ساپاسىن جوعارىلاتىپ، ەكولوگيالىق ورتانى ويداعىداي قورعاپ، كورىكتى شينجياڭعا كورىك قوسۋعا شابىتتاندىردى. مەملەكەت ەلەكتر تورى مايتاس جەل ەلەكتر الاڭىنىڭ اينالىم جاعدايىنا تەكسەرۋ - زەرتتەۋ جۇرگىزگەندە، ما شيڭرۇي بىلاي دەپ باسا دارىپتەدى: ”3 بازا، ءبىر ارنا“ قۇرىلىسىن ارقاۋ ەتىپ، ورتالىق كاسىپورىندارىنىڭ باستاماشىلىق ەتۋ، جەتەكتەۋ رولىن ساۋلەلەندىرىپ، تازا ەنەرگيانى دامىتۋ كولەمىن كەڭەيتىپ، كاسىپ سالاسى تىزبەگىنىڭ وسىزاماندانۋ دەڭگەيىن جوعارىلاتىپ، سول جەردىڭ وزىندە تۇتىنۋ، قابىلداۋ ارنالارىن كەڭەيتىپ، شينجياڭنىڭ جاڭا ەنەرگيا كاسىپ سالاسى شوعىرىن زورايتۋ، الۋەتتەندىرۋ كەرەك.
ما شيڭرۇي تاعى تولى اۋداندىق ەلەكتروندىق ساۋدا ىستەرى الەۋمەتتىك قىزمەت وتەۋ ورتالىعىن ارالاپ كورىپ، اۋىل - قىستاقتاعى ەلەكتروندىق ساۋدانى دامىتۋ، ەرەكشە ونىمدەردى ساتۋ، شارۋالاردىڭ كىرىسىن ارتتىرۋىنا دەم بەرۋ سياقتى قىزمەتتەردى ۇعىسىپ، اۋدان، اۋىل، قىستاق ەلەكتروندىق ساۋدا زات اينالىمى جۇيەسىن كەمەلدەندىرىپ، اۋىل - قىستاق ەلەكتروندىق ساۋداسىنا ساياساتتىق قولداۋ كورسەتۋ، تۇعىر ورناتۋ، دارىندى جەتىلدىرۋ سياقتىلاردى كۇشەيتىپ، شينجياڭنىڭ ەرەكشە اۋىل شارۋاشىلىق قوسىمشا ونىمدەرىنىڭ كەڭ بازارعا بەت الۋىن ىلگەرىلەتىپ، اناعۇرلىم كوپ ەگىنشى - مالشىلاردى كىرىستى ارتتىرىپ بايۋعا جەتەكتەۋدى باسا دارىپتەدى.
ما شيڭرۇي تەكسەرۋ - زەرتتەۋ بارىسىندا بىلاي دەپ باسا دارىپتەدى: باس شۋجي شي جينپيڭنىڭ شينجياڭ جونىندەگى جەلىلەس ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن ىشكەرىلەي دايەكتىلەندىرىپ، تياناقتاندىرىپ، جوعارى ساپالى دامۋ نەگىزگى تاقىرىبىمەن تىعىز بايلانىستىرىپ، كاسىپ سالاسىنىڭ نەگىزىن بەكەمدەپ، دامۋدىڭ قوزعاۋشى قۋاتىن جەتىلدىرىپ، ەكونوميكالىق قۋاتتى زورايتىپ، اۋدان ءوڭىرى ەكونوميكاسىنىڭ دامۋىندا ۇزدىكسىز جاڭا بەينە جارىققا شىعۋىن ىلگەرىلەتۋ كەرەك. ەرەكشەلىكتى تياناق ەتىپ باسىمدىقتى ساۋلەلەندىرۋگە تاباندى بولىپ، جىبەك جولى ەكونوميكالىق بەلدەۋى وزەكتى رايونىنداعى، تارباعاتاي ءتۇيىندى دامىتۋ، ەسىك اشۋ سىناق رايونى قۇرىلىسىنداعى جانە ”8 ءىرى كاسىپ سالاسى شوعىرى“ قۇرىلىسىنداعى ورنى مەن رولىن ءدال تاۋىپ، بايلىق ارتىقشىلىعى، كاسىپ سالاسى شارت - جاعدايى، وڭىرلىك ورىن سياقتى جاقتارداعى باسىمدىقتاردى ويداعىداي ساۋلەلەندىرىپ، ەرەكشەلەنگەن، پارىقتى دامۋدى عىلمي جوبالاۋ، ىلگەرىلەتۋ كەرەك. اۋدان ءوڭىرى ەكونوميكاسىنىڭ دامۋ ساپاسىن جوعارىلاتىپ، اۋدان وڭىرىندە حالىقتى بايىتۋدىڭ وزىندىك ەرەكشەلىككە يە كاسىپ سالالارىن زور كۇشپەن دامىتىپ، باسىمدىققا يە جەتەكشى كاسىپ سالالارىن جەتىلدىرىپ، كاسىپ سالالارىنىڭ توعىسپالى دامۋ دەڭگەيىن جوعارىلاتىپ، قالا مەن اۋىلدىڭ توعىسپالى دامۋى مەن وڭىرلەردىڭ سايكەسە دامۋىن جەدەلدەتىپ، قالا، اۋىل قۇرىلىسى مەن الەۋمەتتىك قىزمەت وتەۋ دەڭگەيىن جوعارىلاتىپ، اۋىل - قىستاقتى جاپپاي گۇلدەندىرۋدى جەدەلدەتىپ، دامۋ جەتىستىكتەرىنەن ءار ۇلت بۇقاراسىن يگىلىكتەندىرۋدى ىلگەرىلەتۋ كەرەك. پارتيا قۇرىلىسىن مىقتى يگەرىپ، نەگىزگى ساتىنىڭ نەگىزىن بەكەمدەپ، نەگىزگى ساتىنى اۋقىمدى تۇردە يگەرۋدىڭ ايقىن بەتالىسىن مىقتاپ ورناتىپ، پارتيا قۇرىلىسى ارقىلى نەگىزگى ساتىداعى قوعامدىق باسقارۋدى جوعارىلاتۋعا جەتەكشىلىك ەتىپ، نەگىزگى ساتىنىڭ جاۋىنگەرلىك قامالىن كۇشەيتىپ، اناعۇرلىم كوپ بايلىقتىڭ نەگىزگى ساتىعا بەيىمدەلۋىن ىلگەرىلەتىپ، نەگىزگى ساتىنى باسقارۋدىڭ قوعامدانۋ، زاڭمەن باسقارىلۋ، زەردەلىلەنۋ، ماماندانۋ دەڭگەيىن ۇزدىكسىز جوعارىلاتىپ، اۋدان ءوڭىرى ەكونوميكاسىنىڭ جوعارى ساپالى دامۋىنا پارمەندى قامتاماسىزدىق ازىرلەۋ كەرەك. ەكولوگيانى الدىمەن ەسكەرەتىن جاسىل دامۋدى كۇشەيتىپ، ەكولوگيالىق ورتانى قورعاۋدى تاباندىلىقپەن ويداعىداي يگەرىپ، تاۋ، سۋ، ورمان، اتىز، كول، جايلىم، قۇمدى ءبىر تۇلعالاندىرىپ قورعاۋدى جانە جۇيەلى جونگە سالۋدى ءبىر تۇتاس جوسپارلاپ، تازا ءوندىرىستى دامىتىپ، جاسىل، تومەن كومىر قىشقىل گازدى دامۋدى جەبەپ، ەكولوگيانى الدىمەن ەسكەرۋگە تاباندى بولۋدىڭ، جوعارى ساپالى دامۋدى ىلگەرىلەتۋدىڭ، جوعارى ساپالى تۇرمىس جاراتۋدىڭ ورگانيكالى ۇشتاسۋىن، ءبىر - بىرىنە ساي كەلۋىن ىلگەرىلەتۋ كەرەك. دامۋدىڭ بىرىككەن كۇشىن ۇيىستىرىپ، بەلسەنە ىسكەرلىك كورسەتىپ، قالىڭ كادرلار مەن بۇقارانىڭ ورنىقتىلىقتى ساقتاۋداعى، دامۋعا ۇمتىلۋداعى، رەفورمانى جەبەۋدەگى بەلسەندى رولىن ساۋلەلەندىرىپ، بيڭتۋان مەن جەرگىلىكتى ورىننىڭ بىرلەسە قيمىلداۋىن كۇشەيتىپ، شينجياڭعا كومەكتەسۋ بايلىعىنان ويداعىداي پايدالانىپ، ءار جاقتاعى كۇشتەردى ۇيىستىرىپ، بۇكىل قوعامنىڭ ءىس تىندىرىپ، ناتيجە شىعارۋ ومىرشەڭدىك كۇشىن قاۋلاتىپ، جاڭا كەزەڭدەگى دامۋدىڭ نىساناسىن، وي جەلىسىن، شارالارىن مۇقيات، ويداعىداي جوسپارلاپ، شىنايى يگەرىپ، ناقتى ىستەپ، جوعارى ساپالى دامۋدىڭ ءتۇرلى قىزمەتتەرىن تىڭعىلىقتى تياناقتاندىرۋ كەرەك.
قادەن كابەن قاتارلىلار تەكسەرۋ - زەرتتەۋگە قاتىناستى.
