تيانشان تورى
تيانشان تورى   ›   جاڭالىقتار   ›   شينجياڭ حابارلارى

جاڭالىق اشۋ ارقىلى سۋ يگىلىگى ىستەرىنىڭ دامۋىنا دەم بەرەمىز

  شينجياڭ سۋ يگىلىگى، سۋ ەلەكتر عىلمي زەرتتەۋ مەكەمەسى:

  جاڭالىق اشۋ ارقىلى سۋ يگىلىگى ىستەرىنىڭ دامۋىنا دەم بەرەمىز

  □ انار بۇلت \ شينجياڭ گازەتىنىڭ ءتىلشىسى ليۋ دۇڭلاي

  12 - ايدىڭ 14 - كۇنى تۇستەن بۇرىن، ءۇرىمجى قالاسى يان - ىرۋو جولىندا قار ۇشقىنداپ تۇردى، شينجياڭ سۋ يگىلىگى، سۋ ەلەكتر عىلمي زەرتتەۋ مەكەمەسى سۋ يگىلىگى ينجەنەرياسى، وزەن باسقارۋ ينجەنەرياسى زەرتتەۋ ورنىنىڭ سىناقتان وتكىزۋ زالىندا قاتار - قاتار مودەلدەر ءجيى ءتىزىلىپتى، كەيبىرەۋى قۇرالىپ بولسا، كەيبىرەۋى قۇرالىپ جاتىر ەكەن. وسىلاردىڭ بارلىعى شينجياڭنىڭ سۋ يگىلىگى، سۋ ەلەكتر قۇرىلىسىنداعى ءىس جۇزىندىك ماسەلەلەردى شەشۋگە پايدالانىلادى.

  ”مىنا جەلبەزەك ۇلگىسىندە ءسۇزىپ قۇم تۇندىرۋ كولشىگىنىڭ مودەلى مەملەكەتتىك جاراتىلىستىق عىلىم قورىنىڭ نىسانى، جەلبەزەك ۇلگىسىندە ديناميكالى تۇردە ۇزدىكسىز ءسۇزۋ، اعىندى ورنىقتىرۋ قۇرىلعىسىن زەرتتەۋدى وبيەكتى ەتىپ، وسىنداي قۇم تۇندىرۋ كولشىگىندەگى سۋ مەن قۇمنىڭ ارەكەت ەرەكشەلىگىنە جانە قۇمدى شىعارۋ مەحانيزمىنە زەرتتەۋ جۇرگىزىپ، وسى ارقىلى شينجياڭنىڭ اۋىل شارۋاشىلىعىنداعى جوعارى ءونىمدى سۋ ۇنەمدەۋ بارىسىنىڭ قۇم ءسۇزۋ بۋىنىنا نازاريالىق جانە امالياتتىق دايەك ازىرلەيدى“. وسى مەكەمەنىڭ سۋ يگىلىگى ينجەنەرياسىن زەرتتەۋ ورنىنىڭ ورىنباسار باستىعى جۋ بيندى بىلاي دەدى: ”قۇم ءسۇزۋ − وزەن سۋى تامشىلاتىپ سۋارۋ جۇيەسىنە كىرۋدەن بۇرىن، ءسوزسىز، ورىندالاتىن ءتارتىپ، كوپ ءتۇرلى ءتاسىلى بولادى، مۇندا جەلبەزەك ۇلگىسىندە قۇم ءسۇزۋ، قۇم تۇندىرۋ كولشىگى ينجەنەريالىق قۇم ءسۇزۋ ادىستەرىنىڭ ىشىندەگى ۇيلەسىمدىلىگى ءبىرشاما كەڭ ءتۇرى“.

  شينجياڭ سۋ يگىلىگى، سۋ ەلەكتر عىلمي زەرتتەۋ مەكەمەسىندە بولمە سىرتىنداعى قاقاعان اياز بەن بولمە ىشىندەگى دىر - دۋعا تولى زەرتتەۋ، سىناقتان وتكىزۋ كورىنىسى ايقىن پارىقتالىپ تۇر. ”ءبىز سۋ يگىلىگى عىلمي زەرتتەۋىنە رەفورما جاساۋ، جاڭالىق اشۋ قىزمەتىن جانە زەرتتەلۋ ۇستىندەگى مەملەكەتتىك جانە اۆتونوميالى رايوندىق ءتۇيىندى عىلمي زەرتتەۋ نىساندارى قىزمەتىن ۇزدىكسىز ىلگەرىلەتىپ، نازاردى نەگىزگى جاۋاپكەرشىلىككە، نەگىزگى كاسىپكە شوعىرلاندىرىپ، سۋ يگىلىگى عىلمي زەرتتەۋ ىستەرىنىڭ جوعارى ساپالى دامۋىن ىلگەرىلەتەمىز“، - دەدى وسى مەكەمەنىڭ عىلمي زەرتتەۋدى، ءوندىرىستى باسقارۋ باسقارماسىنىڭ باستىعى گو جين.

  شينجياڭ سۋ يگىلىگى، سۋ ەلەكتر عىلمي زەرتتەۋ مەكەمەسىنىڭ ءارقايسى زەرتتەۋ ورىندارىن ارالاپ جۇرگەن ءتىلشى وسى اراداعى ءارقايسى عىلمي زەرتتەۋ نىساندارىنىڭ اسا كۇشتى امالياتتىلىعى مەن باعىتتامالىلىعىنان تەرەڭ اسەر الدى. مىسالى، ”تۇزدى سۋ تامشىلاتىپ سۋارىلعان ماقتا اتىزىندا بيولوگيالىق باكتەريا تىڭايتقىشىن بەرۋدىڭ توپىراق ميكروحابيتاتى اسەرى جانە ازوتتى ازايتىپ ءوسىرۋ ۇلگىسى“، ”كولەمدەندىرىلگەن ءوز قىسىمىمەن سۋاراتىن قۇبىر جەلىسىنىڭ حاۋىپسىز سۋ جەتكىزۋ شەشۋشى تەحنيكاسىن زەرتتەۋ“، ”ورتا، شاعىن وزەندەر جانە ولاردىڭ جاعالاۋ ەكولوگياسى بويىنشا الدىن الۋ، رەتتەۋدىڭ جۇيەلى تەحنيكالارىن زەرتتەۋ“ سياقتىلاردىڭ ءبارى شينجياڭنىڭ اۋىل شارۋاشىلىعى، سۋ يگىلىگى، سۋ ىستەرى دامۋىنىڭ شەشۋشى سالالارىنداعى شەشۋشى ماسەلە بولىپ تابىلادى.

  ”قازىر ءبىز 2022 - جىلعى بۇكىل شينجياڭنىڭ سۋاراتىن سۋىنىڭ ءونىمدى كوەففيتسەنتىن ەسەپتەۋ، تالداۋ جاساۋ قىزمەتىن ورىستەتۋدەمىز، جاۋاپتى تاراۋلارعا سايكەسىپ ساندى مالىمەت جيناۋ، قۋزاۋ - جەتەكشىلىك ەتۋ، سونداي - اق ءارقايسى سۋارۋ اۋماقتارىنىڭ كوەففيتسەنتىن ەسەپتەۋ، ناتيجەسىن تەكسەرۋ قىزمەتتەرىن ىستەۋدەمىز، سونىمەن بىرگە سۋ بايلىعىن باسقارۋ تاراۋلارىمەن سايكەسىپ، بۇكىل شينجياڭداعى ءتۇيىندى وزەن - كولدەردىڭ نەگىزگى ەكولوگيالىق سۋ مولشەرىنىڭ (اعىن مولشەرىن) نىساناسىن تۇراقتاندىرۋ قىزمەتىن ىلگەرىلەتىپ، وزەن - كولدەردىڭ ەكولوگيالىق ورتاسىن قالپىنا كەلتىرۋگە تەحنيكالىق تىرەك ازىرلەيمىز“، - دەدى گو جين.

  شينجياڭ سۋ يگىلىگى، سۋ ەلەكتر عىلمي زەرتتەۋ مەكەمەسى پارتكومىنىڭ شۋجيى جاڭ جياڭحۇي تىلشىگە بىلاي دەدى: بۇدان بىلاي جاڭا داۋىردەگى سۋ يگىلىگى عىلمي زەرتتەۋى رەفورماسىنىڭ، دامۋىنىڭ تىڭ تالاپتارىن ونان ارى ءدال يگەرىپ، مەملەكەتتىك جانە اۆتونوميالى رايوندىق ءتۇيىندى عىلمي زەرتتەۋ ارناۋلى نىسانىنا بەلسەنە قول جەتكىزىپ، ءتۇيىندى عىلمي زەرتتەۋ قىزمەتىن ۇزدىكسىز ويداعىداي ىستەپ، عىلىم - تەحنيكادا ءوز كۇشىنە سۇيەنىپ، ءوزىن - ءوزى الۋەتتەندىرۋدى جۇزەگە اسىرۋ، مەملەكەتتىڭ سۋ حاۋىپسىزدىگىن قامتاماسىزداندىرۋ قۋاتىن جوعارىلاتۋ ءۇشىن مىعىم دا پارمەندى تەحنيكالىق تىرەك جانە قامتاماسىزدىق ازىرلەيمىز.

  ”بۇكىل مەكەمەدە جوعارىدان تومەنگە دەيىن پارتيا 20 - قۇرىلتايىنىڭ رۋحىن جەتەكشى ەتىپ، سۋ بايلىعىن جوعارى ونىممەن پايدالانۋدى جانە ۇيلەسىمدى ۇلەستىرۋدى ىشكەرىلەي زەرتتەپ، شينجياڭنىڭ ءتۇيىندى سۋ يگىلىگى ينجەنەرياسىنا، وسى زامانعى سۋارمالى اۋماق قۇرىلىسىنا، جوعارى ونىممەن سۋ ۇنەمدەۋدىڭ ساپاسىن جوعارىلاتىپ، ونىمدىلىگىن ارتتىرۋعا قىزمەت وتەپ، عىلمي تاقىرىپتىق زەرتتەۋ جانە تەحنيكالىق قىزمەت وتەۋ جۇمىستارىنىڭ سەرپىنىن ارتتىرىپ، شەشۋشى سۋ يگىلىگى عىلمي زەرتتەۋ وزەكتى تەحنيكاسىندا سەرپىلىس جاساپ، جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقارىپ، ’14 - بەسجىلدىقتاعى‘ مەملەكەتتىك، اۆتونوميالى رايوندىق عىلمي زەرتتەۋ نىساندارى جانە سۋ يگىلىگى عىلىم - تەحنيكالىق ارناۋلى نىساندارى سياقتى عىلىم - تەحنيكادا جاڭالىق اشۋ قىزمەتتەرىن جوعارى ساپالى ىلگەرىلەتىپ، سۋ يگىلىگى عىلمي زەرتتەۋ ىستەرىنىڭ جوعارى ساپالى دامۋىن شىن مانىندە ىلگەرىلەتەدى“، - دەدى جاڭ جياڭحۇي.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.