تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ رەسەي ءبىر تۇتاس رەسەي پارتياسىنىڭ ءتوراعاسى مەدۆەدەۆپەن كەزدەستى

  شينحۋا اگەنتتىگىنىڭ 12 - ايدىڭ 21 - كۇنى بەيجيڭنەن بەرگەن حابارى. 12 - ايدىڭ 21 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ دياۋيۇيتاي مەملەكەتتىك قوناق سارايىندا جۇڭگو كوممۋنيستىك پارتياسىنىڭ ۇسىنىسى بويىنشا جۇڭگوعا ساپارلاي كەلگەن رەسەي ءبىر تۇتاس رەسەي پارتياسىنىڭ ءتوراعاسى مەدۆەدەۆپەن كەزدەستى.

  شي جينپيڭ مەدۆەدەۆكە پۋتين زۇڭتۇڭعا دەگەن ىقىلاستى سالەمى مەن ىزگى تىلەگىن جەتكىزۋدى ايتىپ، بىلاي دەپ اتاپ كورسەتتى: جۇڭگو كوممۋنيستىك پارتياسىنىڭ 20 - قۇرىلتايى جاپپاي سوتسياليستىك وسىزاماندانعان قۇدىرەتتى مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋ وزەكتى مىندەتىن ايقىندادى. بىزدە جۇڭگو ۇلگىسىندەگى وسىزامانداندىرۋ جولىمەن ويداعىداي جۇرەتىن ءارى دۇنيە ءجۇزىنىڭ بەيبىتشىلىگى مەن گۇلدەنۋىنە اناعۇرلىم كوپ وراي ازىرلەيتىن مىعىم جىگەر، تولىق سەنىم بار. جۇڭگو كوممۋنيستىك پارتياسى مەن ءبىر تۇتاس رەسەي پارتياسىنىڭ مەحانيزمدەنگەن بارىس - كەلىستى ۇزاق ۋاقىت ورىستەتۋى جۇڭگو مەن رەسەيدىڭ ساياسي ءوزارا سەنىمدىلىگىن بەكەمدەيتىن، ەكى ەلدىڭ ءوزارا پايدا جەتكىزۋ سەلبەستىگىن ىلگەرىلەتەتىن، ەكى ەلدىڭ ستراتەگيالىق سايكەسۋىن ايگىلەيتىن ەرەكشە ارناعا جانە تۇعىرعا اينالىپ، جاڭا داۋىردەگى جۇڭگو - رەسەي قارىم - قاتىناسىنىڭ ورنىقتى قاداممەن الىسقا جەتۋىنە پارمەندى تىرەك ازىرلەدى. كەزەكتە جۇڭگو مەن رەسەيدىڭ بيلىك باسىنداعى پارتيالارىنىڭ بارىس - كەلىسى ”ءۇشىنشى 10 جىلعا“ اياق باستى. ەكى پارتيانىڭ ەل باسقارۋ تاجىريبەلەرىن، دامۋ ستراتەگيالارىن ۇشتاستىرۋدى جەبەۋ، ساياسي پارتيالاردىڭ حالىقاراداعى كوپ جاقتى سەلبەستىگىن ىلگەرىلەتۋ سياقتىلاردى ۇزدىكسىز ارقاۋ ەتە وتىرىپ ىشكەرىلەي پىكىر اۋىستىرىپ، بيلىك باسىنداعى پارتيالار قۇرىلىسىندا ءوزارا ۇيرەنىپ، ءوزارا ۇلگى الىپ، جۇڭگو مەن رەسەيدىڭ جالپى بەتتىك ستراتەگيالىق ىستەستىگىن تەرەڭدەتۋگە اقىل - پاراساتتارى مەن كۇش - قۋاتتارىن ارناۋىن ءۇمىت ەتەمىن.

  شي جينپيڭ بىلاي دەپ اتاپ كورسەتتى: وتكەن 10 جىلدا جۇڭگو − رەسەي قارىم - قاتىناسى حالىقارالىق اۋمالى - توكپەلى جاعدايدىڭ سىنىنان سۇرىنبەي ءوتىپ، باستان - اياق اقاۋسىز، ورنىقتى، جوعارى دەڭگەيدە دامىدى. جۇڭگو مەن رەسەيدىڭ جاڭا داۋىردەگى جالپى بەتتىك ستراتەگيالىق ىستەستىك سەرىكتەستىك قارىم - قاتىناستى دامىتۋى ەكى جاقتىڭ ءوز ەلىنىڭ جاعدايىن نەگىزگە الا وتىرىپ شىعارعان ۇزاق بولاشاقتىق ستراتەگيالىق تاڭداۋى. جۇڭگو جاق رەسەي جاقپەن بىرگە جاڭا داۋىردەگى جۇڭگو - رەسەي قارىم - قاتىناسىن ۇزدىكسىز العا ىلگەرىلەتىپ، الەمدىك باسقارۋدىڭ اناعۇرلىم ءادىل، ۇيلەسىمدى بەتالىسقا قاراي دامۋىن بىرگە ىلگەرىلەتۋدى قالايدى.

  شي جينپيڭ مىنالاردى ءبىلدىردى: ۋكراينا داعدارىسى ماسەلەسىندە جۇڭگو جاق قاشاندا ءىستىڭ اق پەن قاراسىنا، دۇرىسى مەن بۇرىسىنا قاراي ءوزىنىڭ تۇرعىسى مەن ساياساتىن بەلگىلەپ، وبيەكتيۆ، ءادىل تۇرعى ۇستانىپ، بەلسەندى تۇردە راقايلاسۋعا، كەلىسسوز وتكىزۋگە جەبەپ كەلەدى. قاتىستى جاقتاردىڭ بايىپتى، ۇستامدى بولىپ، جاپپاي تىلدەسۋ ورىستەتىپ، حاۋىپسىزدىك سالاسىنداعى ورتاق ءجىتى قاداعالاپ وتىرعان ىستەردى ساياسي تاسىلمەن شەشۋدى ءۇمىت ەتەمىن.

  مەدۆەدەۆ، اۋەلى، پۋتين زۇڭتۇڭنىڭ ءتوراعا شي جينپيڭگە ءوز قولىمەن جازعان حاتىن تابىستاپ، پۋتيننىڭ شي جينپيڭگە دەگەن دوستىق سالەمى مەن ىزگى تىلەگىن جەتكىزدى. مەدۆەدەۆ شي جينپيڭنىڭ جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ جالعاستى سايلانعاندىعىن قىزۋ قۇتتىقتادى، جۇڭگو كوممۋنيستىك پارتياسى 20 - قۇرىلتايىنىڭ ءبىر قىدىرۋ كەلەلى جەتىستىككە قول جەتكىزگەندىگىن قۇتتىقتاپ مىنالاردى ءبىلدىردى: جۇڭگو كوممۋنيستىك پارتياسىنىڭ جۇڭگوعا باسشىلىق ەتىپ اناعۇرلىم زور دامۋعا قول جەتكىزۋى ءبىر ميلليارد 400 ميلليون جۇڭگو حالقىن باقىتقا كەنەلتىپ عانا قويماي، تۇتاس دۇنيە ءجۇزى جونىنەن دە ءمانى زور، جۇڭگو كوممۋنيستىك پارتياسىنىڭ 20 - قۇرىلتايى جاساعان شەشىمدەردىڭ، ورنالاستىرۋلاردىڭ ءونىمدى تياناقتاناتىندىعىنا سەنەمىن. ءبىر تۇتاس رەسەي پارتياسىنىڭ جۇڭگو كوممۋنيستىك پارتياسىمەن سەلبەستىگى رەسەي − جۇڭگو ەكى ەل قارىم - قاتىناسىنىڭ ماڭىزدى قۇرامداس بولىگى. تاياۋ جىلداردان بەرى، ەكى پارتيانىڭ قارىم - قاتىناسى جوعارى دەڭگەيدەگى دامۋدى ساقتادى، ەكى جاق كەڭ كولەمدى اۋىس - كۇيىس، سەلبەستىك ورىستەتتى. ءبىر تۇتاس رەسەي پارتياسى جۇڭگو كوممۋنيستىك پارتياسىمەن ەل باسقارۋ تاجىريبەلەرى جونىندە اۋىس - كۇيىستى كۇشەيتىپ، ەكى ەل مەملەكەت باسشىلارىنىڭ كەلىسكەن ماڭىزدى ورتاق تانىمدارىن ويداعىداي تياناقتاندىرىپ، ەكى ەلدىڭ ەكونوميكا - ساۋدا، ەنەرگيا، اۋىل شارۋاشىلىعى سياقتى سالالارداعى سەلبەستىگىن بەلسەنە ىلگەرىلەتىپ، سىرتتىڭ تۇسىرگەن ءتۇرلى قىسىمدارى مەن ادىلەتسىز شارالارىنا بىرگە توتەپ بەرىپ، رەسەي مەن جۇڭگونىڭ جالپى بەتتىك ستراتەگيالىق ىستەستىك سەرىكتەستىك قارىم - قاتىناسىنىڭ اناعۇرلىم زور دامۋدى جۇزەگە اسىرۋىن ىلگەرىلەتۋدى قالايدى. ۋكراينا داعدارىسىنىڭ تۋىلۋىنىڭ وزىندىك سەبەبى بار، ەرەكشە كۇردەلى، رەسەي ءدوپ كەلگەن ماسەلەنى بەيبىتشىلىك كەلىسسوزى ارقىلى شەشۋدى قالايدى.

  ەكى جاق تاعى ورتاق كوڭىل ءبولىپ وتىرعان باسقا دا حالىقارالىق، وڭىرلىك ماسەلەلەر جونىندە پىكىر اۋىستىردى.

  ۋاڭ ي قاتارلىلار كەزدەسۋگە قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.