تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ اۆستراليانىڭ گۋبەرناتورىمەن جانە زۇڭليىمەن جۇڭگو مەن اۆستراليانىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى

  شي جينپيڭ اۆستراليانىڭ گۋبەرناتورىمەن جانە زۇڭليىمەن جۇڭگو مەن اۆستراليانىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى

  لي كىچياڭ اۆستراليانىڭ زۇڭليىمەن ءوزارا قۇتتىقتاۋ تەلەگرامماسىن جولدادى

  شينحۋا اگەنتتىگىنىڭ 12 - ايدىڭ 21 - كۇنى بەيجيڭنەن بەرگەن حابارى. 12 - ايدىڭ 21 - كۇنى مەملەكەت ءتوراعاسى شي جينپيڭ اۆستراليانىڭ گۋبەرناتورى حىرليمەن جانە زۇڭليى البانەسپەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعىن قۇتتىقتادى.

  شي جينپيڭ بىلاي دەپ اتاپ كورسەتتى: جۇڭگو مەن اۆستراليا ديپلوماتيالىق قارىم - قاتىناس ورناتقان 50 جىلدان بەرى، ءار سالاداعى ناقتى سەلبەستىكتەر سۇبەلى جەتىستىكتەرگە قول جەتكىزىپ، ەكى ەل حالىقتارىن ناقتى قۇت - ىرىسقا كەنەلتتى. جۇڭگو مەن اۆستراليا ازيا - تىنىق مۇحيت وڭىرىندەگى ماڭىزدى ەلدەر رەتىندە، جۇڭگو مەن اۆستراليا قارىم - قاتىناسىنىڭ اقاۋسىز، ورنىقتى دامۋى ەكى ەل حالىقتارىنىڭ ءتۇبىرلى مۇددەسىنە ۇيلەسەدى، ازيا - تىنىق مۇحيت ءوڭىرى مەن دۇنيە ءجۇزىنىڭ بەيبىتشىلىگىن، ورنىقتىلىعىن جانە گۇلدەنۋىن جەبەۋگە دە ءتيىمدى. مەن جۇڭگو مەن اۆستراليا قارىم - قاتىناسىنىڭ دامۋىنا ايرىقشا ءمان بەرەمىن، اۆستراليا جاقپەن بىرگە قۇلشىنىپ، ديپلوماتيالىق قارىم - قاتىناس ورناتقاندىعىنىڭ 50 جىلدىعىن وراي ەتىپ، ءوزارا قۇرمەت ەتۋ، ءوزارا پايدا جەتكىزىپ، بىرگە يگىلىككە كەنەلۋ پرينسيبىنە تاباندى بولىپ، جۇڭگو - اۆستراليا جالپى بەتتىك ستراتەگيالىق سەرىكتەستىك قارىم - قاتىناسىنىڭ باياندى دامۋىن جەبەپ، ەكى ەل مەن ەكى ەل حالىقتارىن ۇزدىكسىز باقىتقا كەنەلتۋدى قالايمىن.

  حىرلي مىنالاردى ءبىلدىردى: 50 جىلدىڭ الدىنداعى تاريحي شەشىم اۆستراليا مەن جۇڭگو قارىم - قاتىناسىنىڭ دامۋىنا جول اشىپ، ەكى ەلگە دە ەكونوميكالىق ارتۋ جانە وراي الا كەلدى. بولاشاققا كوز جىبەرسەك، اۆستراليا جاق جالپى بەتتىك ستراتەگيالىق سەرىكتەستىك قارىم - قاتىناسى ورنىنا بويسۇنۋعا كۇش سالىپ، ءوزارا قۇرمەت ەتۋ، ءوزارا پايدا جەتكىزۋ رۋحىن نەگىز ەتىپ، جۇڭگومەن ورنىقتى جانە سىندارلى قارىم - قاتىناستى دامىتتى.

  سول كۇنى مەملەكەتتىك كەڭەستىڭ زۇڭليى لي كىچياڭ اۆستراليانىڭ زۇڭليى البانەسپەن ءوزارا قۇتتىقتاۋ تەلەگرامماسىن جولدادى. لي كىچياڭ مىنالاردى ءبىلدىردى: جۇڭگو مەن اۆستراليا ەكى جاقتىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعىن وراي ەتىپ، ءار سالاداعى اۋىس - كۇيىس پەن سەلبەستىكتى تەرەڭدەتىپ، جۇڭگو مەن اۆستراليا قارىم - قاتىناسىنىڭ ۇزدىكسىز اقاۋسىز، ورنىقتى دامۋىن بىرگە جەبەپ، ەكى ەل حالىقتارىن ءتىپتى دە مول قۇت - ىرىسقا كەنەلتۋىن ءۇمىت ەتەمىن.

  البانەس مىنالاردى ءبىلدىردى: 1972 - جىلى ۋيتلام زۇڭلي باسشىلىق ەتكەن اۆستراليا جۇمىسشى پارتياسى ۇكىمەتى جۇڭحۋا حالىق رەسپۋبليكاسىمەن ديپلوماتيالىق قارىم - قاتىناس ورناتۋدى ۇيعارۋى باتىلدىقتى جانە كورەگەندىكتى قاجەت ەتكەن ءىس ەدى. وسى دۇرىس شەشىم ەكى ەلدىڭ سەرپىندى، باياندى جانە ءوزارا تيىمدىلىك جەتكىزەتىن قارىم - قاتىناستى دامىتۋىنا جول اشتى. مەن ورنىقتى اۆستراليا - جۇڭگو قارىم - قاتىناسىنىڭ ەكى ەلدىڭ مۇددەسىنە ۇيلەسەتىندىگىنە كامىل سەنەمىن. مەن جۇڭگو جاقپەن بىرگە ءوزارا قۇرمەت ەتۋ، ءوزارا پايدا جەتكىزۋ نەگىزىندە، اۆستراليا - جۇڭگو جالپى بەتتىك ستراتەگيالىق سەرىكتەستىك قارىم - قاتىناسىنىڭ ونان ارى دامۋىن ۇزدىكسىز جەبەۋدى ءۇمىت ەتەمىن.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.