جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «پىكىر» باسىپ تاراتتى
وسى زامانعى كاسىپتىك وقۋ - اعارتۋ جۇيەسى قۇرىلىسى رەفورماسىن تەرەڭدەتۋ كەرەك
شينحۋا اگەنتتىگىنىڭ 12 - ايدىڭ 21 - كۇنى بەيجيڭنەن بەرگەن حابارى. جاقىندا، جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «وسى زامانعى كاسىپتىك وقۋ - اعارتۋ جۇيەسى قۇرىلىسى رەفورماسىن تەرەڭدەتۋ جونىندەگى پىكىردى» باسىپ تاراتتى ءارى حابارلاندىرۋ شىعارىپ، وڭىرلەردىڭ، تاراۋلاردىڭ ءىس جۇزىندىكپەن ۇشتاستىرا وتىرىپ مۇقيات دايەكتىلەندىرۋىن، تياناقتاندىرۋىن تالاپ ەتتى.
«پىكىردە» مىنالار تالاپ ەتىلدى: پارتيانىڭ كاسىپتىك وقۋ - اعارتۋ قىزمەتىنە جاپپاي باسشىلىعىنا تاباندى بولىپ جانە ونى كۇشەيتىپ، وسى زامانعى كاسىپتىك وقۋ - اعارتۋدىڭ جوعارى ساپالى دامۋىن ىلگەرىلەتۋدى اناعۇرلىم كورنەكتى ورىنعا قويىپ، وقۋشىلاردىڭ جان - جاقتى دامۋى مەن ەكونوميكالىق، قوعامدىق دامۋعا قىزمەت وتەۋگە تاباندى بولىپ، كاسىپتىك مەكتەپتەردىڭ شەشۋشى قابىلەتىن جوعارىلاتۋدى نەگىز، ءوندىرىس پەن وقىتۋدىڭ توعىسۋىن تەرەڭدەتۋدى ءتۇيىن، كاسىپتىك وقۋ - اعارتۋ مەن ادەتتەگى ورتا مەكتەپتەردىڭ توعىسۋىن ىلگەرىلەتۋدى تەتىك، عىلىم مەن وقىتۋدىڭ توعىسۋىن جاڭا بەتالىس ەتىپ، ءار جاقتىڭ بەلسەندىلىگىن تولىق جۇمىلدىرىپ، كاسىپتىك وقۋ - اعارتۋدىڭ، جوعارى دارەجەلى وقۋ - اعارتۋدىڭ، ۇستەمە وقۋ - اعارتۋدىڭ سايكەسە جاڭالىق اشۋىن ءبىر تۇتاس جوسپارلاپ، وسى زامانعى كاسىپتىك وقۋ - اعارتۋ جۇيەسى قۇرىلىسى رەفورماسىن ءتارتىپتى، ءونىمدى ىلگەرىلەتىپ، كاسىپتىك وقۋ - اعارتۋدىڭ ساپاسىن، بەيىمدەلگىشتىگىن جانە باۋراعىشتىعىن شىن مانىندە جوعارىلاتىپ، اناعۇرلىم كوپ جوعارى ساپالى تەحنيكالىق شەبەرلىك دارىندىلارىن، ايتۋلى شەبەرلەردى، ءىرى ەل ۇستالارىن باۋلىپ، وقۋ - اعارتۋدا قۇدىرەتتى ەل، عىلىم - تەحنيكادا قۇدىرەتتى ەل، دارىندىلار جاعىندا قۇدىرەتتى ەل قۇرۋدى جەدەلدەتۋگە بەرىك نەگىز قالاۋ كەرەك.
«پىكىردە» ورتاعا قويىلعان ستراتەگيالىق مىندەت مىناۋ: ولكە وڭىرىندىك وسى زامانعى كاسىپتىك وقۋ - اعارتۋ جۇيەسى قۇرىلىسىنىڭ جاڭا ۇلگىسى جاعىندا ىزدەنىس جاساپ، قالا وڭىرىندىك ءوندىرىس پەن وقىتۋ بىرلەسكەن تۇلعاسىن قۇرۋ، كاسىپ سالاسىنىڭ ءوندىرىس پەن وقىتۋ توعىسۋ ورتاق تۇلعاسىن قۇرۋ.
«پىكىردە» ايقىندالعان ءتۇيىندى قىزمەت مىناۋ: كاسىپتىك مەكتەپتەردىڭ شەشۋشى وقىتۋ قابىلەتىن جوعارىلاتىپ، ”قوس مىندەتتىك“ وقىتۋشىلار قوسىنى قۇرىلىسىن كۇشەيتىپ، اشىق وڭىرلىك ءوندىرىس پەن وقىتۋدى توعىستىرۋ اماليات ورتالىعىن قۇرىپ، وقۋشىلاردىڭ ءوسىپ - جەتىلۋ، دارىندى بولۋ ارناسىن كەڭەيتىپ، حالىقارالىق اۋىس - كۇيىس پەن سەلبەستىك مەحانيزمىندە جاڭالىق اشۋ.
