ءوز حابارىمىز. جۋىقتا اۆتونوميالى رايوندىق پارتكوم ۇگىت ءبولىمى (وركەنيەت كەڭسەسى)، اۆتونوميالى رايوندىق پارتكوم وقۋ - اعارتۋ قىزمەت كوميتەتى، اۆتونوميالى رايوندىق وقۋ - اعارتۋ مەڭگەرمەسى، اۆتونوميالى رايوندىق وداق كوميتەتى، اۆتونوميالى رايوندىق ايەلدەر بىرلەستىگى، اۆتونوميالى رايوندىق كەلەسى ۇرپاققا قامقورلىق قىزمەت كوميتەتى بىرلەسىپ 2022 - جىلعى اۆتونوميالى رايوننىڭ ”جاڭا داۋىردەگى جاقسى ورەندەردىڭ“ العاباسار ىزگى ىستەرى ءتىزىمىن جاريالادى.
وسى 10 ورەننىڭ وزات تيبى بۇكىل شينجياڭنىڭ جەر - جەرىندەگى ورتا، باستاۋىش مەكتەپتەردە ”جاڭا داۋىردەگى جاقسى ورەندەردەن“ ۇيرەنۋ، ۇگىتتەۋ قيمىلىن كەڭىنەن ورىستەتۋ نەگىزىندە، جەر - جەر كورسەتۋ، ساتىلار بويىنشا سارالاۋ، ماماندار باعالاۋ، مەديالاردا اشىق جاريالاۋ سياقتى تارتىپتەر ارقىلى تاڭدالىپ شىققان قاسىمىزداعى ورەن ۇلگىلەرى. ولار پارتيانى ءسۇيىپ، وتاندى ءسۇيىپ، ءمورالدى دا ءبىلىمدى، جالىندى بولىپ، قۇلشىنا ۇيرەنىپ، بەرىلە زەرتتەۋ، باتىلدىقپەن ءوز كۇشىنە سۇيەنىپ، ءوزىن الۋەتتەندىرۋ، قىزىل گەندى جالعاستىرۋ، تاڭداۋلى ءداستۇردى ساۋلەلەندىرۋ، ۇلتتار ىنتىماعىن جەبەۋ، ىندەتتەن ساقتانۋ - تىزگىندەۋگە ات سالىسۋ، سونداي - اق الەۋمەتتىك يگىلىك ىستەرىنە ىنتالى بولۋ سياقتى جاقتاردا بەينەسى ۇزدىك، ىزگى ىستەرى كورنەكتى بولىپ، العا باسۋ، ىزگىلىككە ۇمتىلۋ، قارتتارعا قايىرىمدى بولۋ، جاقىندارىنا جان اشىر بولۋ، وتانعا ادال بولۋ، حالىققا ادال بولۋ سىندى قىمباتتى قاسيەتتى جانە ۇلى مۇرات ورناتۋ، جۇڭگو ارمانىن جۇزەگە اسىرۋعا قاي - قاشان دا دايىن بولۋ سىندى جاۋاپكەرشىلىك ارقالاۋ رۋحىن ايگىلەدى.
2022 - جىلعى اۆتونوميالى رايوندىق ”جاڭا داۋىردەگى جاقسى ورەن“ اتاعىنا يە بولعان وقۋشىلار جەكە - جەكە مىنالار: حوتان ايماعى گۇما اۋدانى چودا اۋىلى سەنترلى باستاۋىش مەكتەبىنەن ءىلمينۇر ءومارابىلا، ءۇرىمجى قالالىق 64 - ورتا مەكتەبىنەن ۋاڭ لينگو (قازىر ءۇرىمجى قالالىق تاجىريبە مەكتەبىندە وقيدى)، بۇراتالا موڭعۇل اۆتونوميالى وبلىسى اراسان اۋدانى قالاشىق باستاۋىش مەكتەبىنەن سىرۇڭ (قازىر اراسان اۋداندىق ورتالاۋ مەكتەبىندە وقيدى)، ىلە قازاق اۆتونوميالى وبلىسى نىلقى اۋداندىق ۋجين تاجىريبە مەكتەبىنەن ءمانزيرا نۇرادىن، قارامايلى قالالىق 15 - باستاۋىش مەكتەبىنەن لۋ ييان (قازىر قارامايلى قالالىق 7 - ورتا مەكتەبىندە وقيدى)، سانجى حۇيزۋ اۆتونوميالى وبلىستىق تاجىريبە باستاۋىش مەكتەبىنەن جاڭ زىچىڭ، سانجى حۇيزۋ اۆتونوميالى وبلىستىق ەرەكشە وقۋ - اعارتۋ مەكتەبىنەن جاڭ يۇيتاڭ، قۇمىل قالاسى يۇيحا تاجىريبە مەكتەبىنەن سادىردين ءسايدۇل، تارباعاتاي ايماعى شاۋەشەك قالالىق 10 - باستاۋىش مەكتەبىنەن قادىس ءورساي (قازىر شاۋەشەك قالالىق 1 - ورتا مەكتەبىندە وقيدى)، قىزىلسۋ قىرعىز اۆتونوميالى وبلىسى ۇلۇقشات اۋدانى قىزىلوي اۋىلى باستاۋىش مەكتەبىنەن گۇلزادا قىلىشبەك.
سوڭعى جىلدارى اۆتونوميالى رايون ”ونەگە كورسەتىپ ادام تاربيەلەۋ“ ءتۇبىرلى مىندەتىن ارقاۋ ەتىپ، ”ومىردەگى العاشقى تۇيمەنى جاقسى تۇيمەلەۋدى“ نەگىزگى تاقىرىپ، سوتسياليستىك وزەكتى قۇن كوزقاراسىن جەتىلدىرۋدى جانە امالياتتا ايگىلەۋدى نەگىزگى جەلى ەتىپ، ”جاڭا داۋىردەگى جاقسى ورەن“ باعالاۋ قيمىلىن ءۇرتىس تالاي جىل ورىستەتىپ، ازامات جاسىنا تولماعانداردىڭ قاسىنداعى العاباسار تيپتەردى بايقاۋ ارقىلى ءار ۇلت جاستارىنىڭ، ورەندەرىنىڭ ۇيرەنەتىن ۇلگىسى، ۇلگى تۇتار ونەگەسى، ۇمتىلار نىساناسى بولۋىنا مۇمكىندىك جاساپ، احىلاق، اقىل - وي، دەنە، ەستەتيكا، ەڭبەك جاعىنان جان - جاقتى جەتىلگەن سوتسياليزم قۇرىلىسشىلارى مەن ءىزباسارلارى، ۇلتتىڭ گۇلدەنۋى ۇلى مىندەتىن ارقالايتىن ءداۋىر جاڭا ادامدارى بولۋعا قۇلشىنۋىنا مۇمكىندىك جاسادى.
12 - ايدىڭ 21 - كۇنىنەن باستاپ، 2022 - جىلعى اۆتونوميالى رايوننىڭ ”جاڭا داۋىردەگى جاقسى ورەندەردىڭ“ العاباسار ىزگى ىستەرى شينجياڭ راديو - تەلەۆيزيا ستانسياسىنىڭ ەكونوميكا، تۇرمىس ارناسى، بالالار ارناسى، سونداي - اق ۋيشين الەۋمەتتىك تۇعىرى، جىبەك جولى دىبىس - كەسكىن APPى سياقتى توعىسپالى مەديا تۇعىرلارىندا ۇزدىكسىز تاراتىلدى.
