شينجياڭنىڭ اۋىل شارۋاشىلىعى:
تۇتاس كاسىپ سالاسى تىزبەگىن جەتىلدىرىپ، ەرەكشە ماركانى جارقىراتتى
□ انار بۇلت \ شينجياڭ گازەتىنىڭ ءتىلشىسى ليۋ ي
كاسىپ سالاسىن گۇلدەندىرۋ − اۋىل - قىستاقتى جاپپاي گۇلدەندىرۋدىڭ نەگىزى جانە تەتىگى، اۋىل - قىستاقتا جۇمىستاندىرۋدى كەڭەيتۋ، شارۋالاردىڭ كىرىسىن ارتتىرۋ جونىنەن ماڭىزدى رولعا يە. اۋىل - قىستاق 1 -، 2 -، 3 - كاسىپتەرىنىڭ توعىسا دامۋىن ارقاۋ ەتىپ، تۇتاس رايون وسى زامانعى اۋىل - قىستاق كاسىپ سالاسى جۇيەسىن جەدەل قالىپتاستىردى، اسىرەسە، مەملەكەت بويىنشا ساپالى ەگىن، مال شارۋاشىلىق ونىمدەرىمەن قامدايتىن ماڭىزدى بازا قۇرۋدى ارقاۋ ەتىپ، استىق، ماي، ماقتا جانە توقىما بۇيىم، كيىم - كەشەك، جاسىل ورگانيكالى جەمىس - جيدەك، كوكونىس، ساپالى مال شارۋاشىلىق ونىمدەرى سياقتى كاسىپ سالاسى شوعىرىن قۇرۋدى جەدەلدەتىپ، اۋىل شارۋاشىلىعىنىڭ تۇتاس كاسىپ سالاسى تىزبەگىن جەتىلدىرىپ، دامىتىپ، شارۋالاردىڭ كىرىسىن ارتتىرۋدى جەبەۋدىڭ ۇزاق ۋاقىتتىق ءونىمدى مەحانيزمىن قالىپتاستىرىپ، شينجياڭ اۋىل شارۋاشىلىعىنىڭ ەرەكشە ماركاسىن جارقىراتتى.
بايلىق باسىمدىعىن تياناق ەتىپ، شوعىرلى دامۋدى جەبەدى
شينجياڭنىڭ وزگەشە كۇن نۇرى، جىلۋ، سۋ، توپىراق بايلىعى باسىمدىعى ەرەكشە كاسىپ سالالارىن دامىتۋدىڭ شەكسىز كومەسكى كۇشىن جەتىلدىردى، جۇقا قابىقتى جاڭعاق، كورلا المۇرتى، ءجۇزىم، ىلە تۇلپارى، ماقتا، قوڭىر سيىر سياقتى 6 ءتۇرلى ابزال، ەرەكشە كاسىپ سالاسى شوعىرىن قۇرۋ ءوتىنىشى ارت - ارتىنان ءساتتى جولداندى جانە قۇرىلدى، نازاردى تۇتاس رايون كولەمىندەگى نەگىزى جاقسى، كولەمى كەڭ، ەرەكشە، باسىمدىعى ءبىرشاما كورنەكتى جەتەكشى كاسىپ سالالارىنا شوعىرلاندىرىپ، جەتەكشى كاسىپ سالالارىنىڭ اۋدان كولەمىندەگى ”بولەكتىك شارۋاشىلىقتان“ تۇتاس رايوننىڭ ”بەلدەۋلىك شارۋاشىلىعىنا“ قاراي ويىسۋىن ىلگەرىلەتتى.
بيىل 6 - ايدا 29 - كەزەكتى بەلگيا بريۋسسەل حالىقارالىق ءجۇزىم شارابى سيلىقتى جارىسىنىڭ الەمدىك تىزىمدىگى (CMB) جاريالاندى، جۇڭشين گوان ءجۇزىم شارابى شارۋاشىلىعىنىڭ قاراستىلىعىنداعى ونىمدەر 3 تۇردەن التىن مەدال الىپ، ءونىم ساپاسى مەن ناقتى قۋاتى ارقىلى تيانشاننىڭ سولتۇستىك باۋرايىنداعى ءجۇزىم شارابىنىڭ ءونىم ساپاسى مەن ناقتى قۋاتىن ايگىلەدى.
سانجى حۇيزۋ اۆتونوميالى وبلىسى شاراپ اشىتاتىن ءجۇزىمدى ولشەمدى ەگۋ بازاسىن جانە شاراپ قورجاسى قۇرىلىسىن ۇزدىكسىز ىلگەرىلەتىپ، تيانشاننىڭ سولتۇستىك باۋرايىنداعى ءجۇزىم شارابى وندىرىلەتىن جەردى ولشەمدەندىرۋ جۇيەسىن ورناتىپ، ماركانىڭ ىقپال كۇشىن ۇزدىكسىز ارتتىردى.
”كاسىپورىن قۇتىبي اۋدانىنىڭ كليمات ورتاسى باسىمدىعىنا تايانىپ، ءجۇزىم شارابى كاسىپ سالاسىن بەلسەنە ورنالاستىردى، قازىرگە دەيىن قىشقىل قىزىل، قىزعىلتىم سياقتى 2 ۇلكەن جەلى بويىنشا 7 ءتۇرلى ءجۇزىم شارابى ءونىمىن زەرتتەپ اشىپ، ءوندىرىپ، ءونىمدى ينتەرنەت جەلىسىندە، ينتەرنەت جەلىسىنەن تىس ارنا ارقىلى بۇكىل ەلىمىزدىڭ جەر - جەرىندە ساتتى“. شينجياڭ ياجۇڭ دىيۋان اۋىل شارۋاشىلىق عىلىم - تەحنيكا شەكتى سەرىكتەستىگىنىڭ باسالقاسى تاڭ چاۋ بىلاي دەدى: كاسىپورىن ءجۇزىم شارابى كاسىپ سالاسىن ورنالاستىرۋ بارىسىندا كاسىپ سالاسى تىزبەگىنىڭ جوعارى، تومەن بۋىندارىن رەتتەۋ - بىرىكتىرۋگە بىردەي ءمان بەرىپ، ءوندىرىس بۋىنىندا ولشەمدى جەتىلدىرۋ تەحنيكاسىنان پايدالانىپ، شاراپ اشىتاتىن ءجۇزىمنىڭ ءونىم ساپاسىن جوعارىلاتىپ، باستاماشى سەلبەستىك كووپەراتيۆى ارقىلى ماڭايداعى مىڭنان استام شارۋا وتباسىنىڭ كىرىسىن ارتتىرۋىنا جەتەكشىلىك ەتتى. سونىمەن قاتار كاسىپورىن شاراپ قورجالارىن تايانىش ەتىپ شاراپ قورجالارى ساياحات كاسىبى كۇيىن اشىپ، رەت سانى بويىنشا جىلىنا ورتا ەسەپپەن 30 مىڭ ساياحاتشى قابىلدادى.
بۇگىنگى كۇندە شوعىرلانۋ دەڭگەيى جوعارى، كاسىپ سالاسىنىڭ تۇلعالانۋى كۇننەن - كۇنگە كەمەلدەنگەن ءبىر سىپىرا ەرەكشە كاسىپ سالالارى شوعىرى تيانشان باۋرايىندا تولىسىپ كەلەدى. تۇتاس رايون ەرەكشە كاسىپ سالاسى شوعىرىن قالىپتاستىرۋ بارىسىندا شوعىردىڭ ولشەمدەنگەن ءوندىرىس ورەسىن جوعارىلاتۋ، سونداي - اق اۋىل شارۋاشىلىق ونىمدەرىن العاشقى ادىمدا مانەرلەۋ، جىنتىكتەي مانەرلەۋ جانە زات اينالىم قۇرىلعىلارى، جابدىقتارى قۇرىلىسى سياقتى جاقتاردان ءتۇيىندى تۇردە قولداۋ كورسەتىپ، ءتۇرلى اۋىل شارۋاشىلىعى تيجارات تۇلعالارىنىڭ شارۋالارمەن كاسىپ سالاسىنىڭ دامۋ پايداسىنان ۇيلەسىمدى بىرگە يگىلىكتەنۋىن جەبەپ، اۋىل - قىستاقتىڭ گۇلدەنۋىن جاپپاي ىلگەرىلەتۋگە، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جەدەلدەتۋگە پارمەندى تىرەك ازىرلەدى.
قازىرگە دەيىن تۇتاس رايونداعى 6 باسىمدىققا يە ەرەكشە كاسىپ سالاسى شوعىرىنىڭ ءونىم قۇنى جاپپاي 10 ميلليارد يۋاننان استى، اۋىل شارۋاشىلىعى كاسىپ سالاسى بويىنشا قۋاتتى 2 قالاشىقتاعى جەتەكشى كاسىپ سالالارىنىڭ ءونىم قۇنى ءبىر ميلليارد يۋاننان اسىپ، كاسىپ سالاسى شوعىرىن شوعىرلى دامىتۋدا كورنەكتى ونىمدىلىككە قول جەتكىزدى.
نازاردى جىنتىكتەي مانەرلەۋگە شوعىرلاندىرىپ، كاسىپ سالاسى تىزبەگىن ۇزارتتى
اۋىل شارۋاشىلىعىنىڭ جوعارى ساپالى دامۋىنىڭ تەتىگى كاسىپ سالاسىندا، كاسىپ سالاسىنىڭ جاندانۋىنىڭ، دامۋىنىڭ تەتىگى كاسىپ سالاسى تىزبەگىندە. تۇتاس رايون نازاردى اۋىل شارۋاشىلىق ونىمدەرىن مانەرلەۋ كاسىبىنە شوعىرلاندىرىپ، اۋىل شارۋاشىلىعىنىڭ تۇتاس كاسىپ سالاسى تىزبەگىن جەتىلدىرىپ، دامىتىپ، كاسىپ سالاسىن دامىتۋدا ءوندىرىستى يگەرۋدەن تىزبەكتى يگەرۋگە، ءونىمدى يگەرۋدەن كاسىپ سالاسىن يگەرۋگە، بۋىندى يگەرۋدەن جۇيەنى يگەرۋگە قاراي بۇرىلىس جاساۋدى ىلگەرىلەتىپ، اۋىل شارۋاشىلىق كاسىپ سالاسىنىڭ قۇنىنىڭ ارتۋ، ونىمدىلىگىنىڭ جوعارىلاۋ ءورىسىن ۇزدىكسىز كەڭەيتىپ، اۋىل - قىستاق كاسىپ سالاسىنىڭ دامۋ ورەسىن جوعارىلاتتى.
ماقتا − شينجياڭنىڭ ەرەكشە اۋىل شارۋاشىلىعىنىڭ تانىسقىسى، ماقتا وندىرەتىن باستى رايون − شايار اۋدانى ورنالاستىرعان ماقتانىڭ تۇتاس كاسىپ سالاسى ەرەكشە كاسىپ سالاسى ارقىلى تۇتاس كاسىپ سالاسى تىزبەگىن جەتىلدىرۋدىڭ تيپتىك ۋاكىلىنە اينالدى. گاۋ فىڭچين شينجياڭ شوۋشين تۇقىم شارۋاشىلىعى عىلىم - تەحنيكا شەكتى جاۋاپكەرشىلىك سەرىكتەستىگى، شايار شوۋشين ماقتا توقىماشىلىق شەكتى جاۋاپكەرشىلىك سەرىكتەستىگى، شايار جينسۇڭ شارۋاشىلىق كيىم - كەشەك شەكتى جاۋاپكەرشىلىك سەرىكتەستىگى سىندى 3 سەرىكتەستىكتىڭ جاۋاپتىسى. سوڭعى جىلدارى ول شايار اۋدانىنداعى ماقتا كاسىپ سالاسىنىڭ ۇزدىكسىز تىزبەكتى ۇزارتۋىنا، تىزبەكتى تولىقتاۋىنا، تىزبەكتى كۇشەيتۋىنە، تىزبەكتى كەڭەيتۋىنە سۇيەنىپ، ىستەرىن بارعان سايىن زورايتا ءتۇستى.
”ءبىز ىلگەرىندى - كەيىندى ساپالى تۇقىم جەتىلدىرۋ سەرىكتەستىگىن، شيتتەۋ زاۆودىن، توقىماشىلىق فابريكاسىن، كەزدەمە فابريكاسىن قۇرىپ، ماقتا كاسىپ سالاسىنىڭ دامۋ ونىمدىلىگىن ۇزدىكسىز جوعارىلاتتىق“. گاۋ فىڭچين بىلاي دەدى: كاسىپورىن ۇزدىكسىز ءۇي توقىماشىلىق بۇيىمدارى، كيىم - كەشەك سياقتى ونىمدەردى اشىپ، ماقتانىڭ ءبىر تال ۇرىعىنان ءبىر پار كيىمگە دەيىنگى تۇتاس كاسىپ سالاسى تىزبەگىنىڭ دامۋىن ورىندايدى.
قازىر شايار اۋدانىنىڭ ％50كە جۋىق ماقتاسى سول جەردىڭ وزىندە توقىما بۇيىمدارىنا اينالدىرىلىپ، كولەمدەنگەن تيجارات، ولشەمدەنگەن ءوندىرىس، ماشينالانعان جۇمىس ارقىلى ماقتانىڭ تۇتاس كاسىپ سالاسى تىزبەگىنىڭ دامۋ ۇلگىسى العاشقى ادىمدا قالىپتاستى.
رايونىمىزدىڭ ەرەكشە ءسۇت ونىمدەرى كاسىبى سالاسىنداعى ايتۋلى كاسىپورىن رەتىندە، شينجياڭ ۋاڭيۋان بيو عىلىم - تەحنيكا توبى دا تۇتاس كاسىپ سالاسى تىزبەگىن كەمەلدەندىرىپ قۇرۋ، توعىسا دامۋ ارناسىن قالىپتاستىرۋ بارىسىندا ۇزدىكسىز ىزدەنىس جاساپ العا باسۋدا. كاسىپورىن ءونىم ساپاسى، تەحنولوگيا، قىزمەت وتەۋ سىندى 3 جاقتا بىردەي كۇش سالىپ، تۇيە ءسۇتىن ءوز قالپىندا ساقتاۋ سياقتى قاتىستى وزەكتى تەحنيكالاردان قامال الدى، سونداي - اق بۋرىلتوعاي اۋدانىنان ساياحات، كۇتىنۋ، مادەنيەت سياقتىلار ءبىر تۇلعالاندىرىلعان جۇڭگو تۇيە شاعىن قالاشىعى نىسانىن بەلسەنە ورنالاستىرىپ، سول جەردەگى شارۋالاردىڭ كىرىستەرىن ارتتىرىپ، بايۋىنا جەتەكشىلىك ەتتى.
”كاسىپورىن تۇيە ءسۇتىن، تۇيە ءسۇتى تالقانىن، تۇيە ءسۇتى تابلەتكاسىن ءوندىرىپ قانا قالماستان، تۇيە ءجۇنى ونىمدەرىن، تۇيە ءسۇتى ەڭلىك بۇيىمدارىن، قۋاتتىق بۇيىمدارىن زەرتتەپ اشتى، الداعى جەردە تۇيە كاسىپ سالاسى تىزبەگىن ۇزدىكسىز ۇزارتىپ، عىلىم - تەحنيكانى نەگىز ەتكەن تۇيە ونىمدەرىن جىنتىكتەي مانەرلەۋ سىندى دامۋ جولىمەن جۇرەدى“، - دەدى شينجياڭ ۋاڭيۋان بيو عىلىم - تەحنيكا توبىنىڭ القا باستىعى چىن گاڭلياڭ.
جىل باسىنان بەرى، تۇتاس رايون استىق، ماي، ماقتا جانە توقىما بۇيىم، كيىم - كەشەك، جاسىل ورگانيكالى جەمىس - جيدەك، كوكونىس، ساپالى مال شارۋاشىلىق ونىمدەرى سياقتى كاسىپ سالاسى شوعىرىن ارقاۋ ەتىپ ءتۇيىندى كاسىپ سالاسى تىزبەگىن قۇرۋ ارەكەتىن اتقارىپ، جەر - جەردى جەرگىلىكتى جاعدايعا قاراي اۋىل شارۋاشىلىعى تۇتاس كاسىپ سالاسى تىزبەگىنىڭ ءتۇيىندى تىزبەگىن تۇراقتاندىرۋىنا جەتەكشىلىك ەتىپ، اۋىل شارۋاشىلىعى ءتۇيىندى تىزبەگى ارقىلى اۋىل شارۋاشىلىعىنىڭ جوعارى ساپالى دامۋ ارناسىن بىرتىندەپ قالىپتاستىرۋعا ءارى ۇزدىكسىز كەمەلدەندىرۋگە جەتەكشىلىك ەتىپ، اۋىل شارۋاشىلىعى ءوندىرىسىنىڭ جالپىلىق ونىمدىلىگىنىڭ ورنىقتى ارتۋىن جۇزەگە اسىردى.
باستاماشى كاسىپورىنداردى جەتىلدىرىپ، دامۋ ومىرشەڭدىك كۇشىن ارتتىردى
كاسىپورىن − ەكونوميكانىڭ دامۋ كلەتكاسى ءارى كاسىپ سالاسى تىزبەگىن قۇرۋدىڭ باستى تۇلعاسى. رايونىمىز جەتەكشىلىك ەتۋ مەن جەتىلدىرۋدى ۇشتاستىرۋعا تاباندى بولىپ، باستاماشى كاسىپورىنداردى تانۋ، باعالاۋ جانە باقىلاۋ، تەكسەرۋ قىزمەتىن ورىستەتۋدى ۇدايىلاندىرىپ، كاسىپورىننىڭ دامۋىنا تاماشا ورتا جاراتىپ، باستاماشى كاسىپورىنداردىڭ ناقتى قۋاتىن ۇزدىكسىز نىعايتتى.
شينجياڭ شي - ىردان ازىق - تۇلىك شەكتى سەرىكتەستىگى اۋىل شارۋاشىلىعىن كاسىپ سالالاندىرۋ كاسىپورنى رەتىندە، قاراستى ”شي - ىردان“ جەلىلەس بۇرىش ونىمدەرىن بۇكىل ەل بازارىندا ساتتى، ”شي - ىردان“ ماركاسى ىلگەرىندى - كەيىندى شينجياڭداعى ايگىلى ماركا جانە جۇڭگوداعى اتاقتى ماركا اتاعىن الدى. شينجياڭ شي - ىردان ازىق - تۇلىك شەكتى سەرىكتەستىگىنىڭ القا باستىعى چىڭ حۋا بىلاي دەدى: كاسىپورىن قۇرىلعان 20 نەشە جىلدان بەرى، قاتىستى تاراۋلار ساۋدا ماركاسىن تىركەتۋ، نەسيە الۋ، بازار اشۋ سياقتى جاقتاردا كوپتەگەن مەيىرلى قىزمەت وتەپ، كاسىپورىنداردىڭ قيىن وتكەلدەن ءوتىپ، بىرتىندەپ دامىپ زورايۋىنا كومەكتەستى.
بيىل جىل باسىندا ءوندىرىستىڭ قاۋىرت ماۋسىمىنا وتكەن شي - ىردان ءوندىرىس قۋاتىنىڭ ارتۋى سەبەپتى قوراپتاۋ ماتەريالىنىڭ جەتىسپەي قالۋ قيىنشىلىعىنا جولىقتى، تۇرعان جەرىندەگى ونەركاسىپ جانە ينفورماتسيالاندىرۋ تاراۋلارى حابار تاپقاننان كەيىن، دەر كەزىندە كاسىپورىننىڭ قوراپتاۋ كاسىپورىندارىمەن تۇيىلىسۋىنە كومەكتەسىپ، كوز الداعى قيىنشىلىقتى شەشىپ، كاسىپورىننىڭ قامداۋ تىزبەگى مەن كاسىپ سالاسى تىزبەگىن ونان ارى اقاۋسىزداندىردى.
اۋىل شارۋاشىلىعىن كاسىپ سالالاندىرۋداعى باستاماشى كاسىپورىنداردى بەلسەنە جەتىلدىرۋدە، دامىتۋدا، زورايتۋدا، باستاماشى كاسىپورىنداردىڭ باستاماشىلدىقپەن شارۋالار سەلبەستىك كووپەراتيۆىمەن، وتباسى ەگىس الاڭىمەن، قالىڭ شارۋالارمەن جۇمىس ءبولىسى بويىنشا سەلبەسۋىنە قولداۋ كورسەتىپ، وندىرىستە كاسىپ بويىنشا جۇمىس بولىسەتىن، پايدادان بىرگە يگىلىكتەنەتىن اۋىل شارۋاشىلىعىن كاسىپ سالالاندىرۋ بىرلەسكەن تۇلعاسىن قۇرۋمەن بىرگە، رايونىمىز باستاماشى كاسىپورىنداردىڭ دامۋىن قولداۋدى وراي ەتىپ، تۇتاس كاسىپ سالاسى تىزبەگى قۇرىلىسىن دانەكەر ەتىپ، اۋىل شارۋاشىلىعى تۇتاس كاسىپ سالاسى تىزبەگىنىڭ ءتۇيىندى تىزبەگى قۇرىلىسىن اتقارۋ جوباسىن جاساپ، تىزبەك يەسى كاسىپورنى مەن ماماندار ۇجىمىن تۇراقتاندىرىپ، جوعارى، ورتا، تومەن اعارداعى كەمەلدى بۋىنداردى بىرىكتىرىپ، تۇتاس تىزبەكتەگى ءتۇرلى تيجارات تۇلعالارىن توپتاپ، كاسىپ سالاسىنىڭ دامۋ ومىرشەڭدىگىن ونان ارى كۇشەيتىپ، باستاماشى كاسىپورىننىڭ جەتەكتەۋ ورەسىن جوعارىلاتتى.
بيىل جىل باسىنان بەرى، ىندەت اكەلگەن ءتيىمسىز ىقپالعا ءونىمدى توتەپ بەرۋ ءۇشىن، جەر - جەر كاسىپورىنداردى قيىنشىلىق قىسپاعىنان قۇتىلدىرۋ قىزمەتىن كۇشەيتىپ، اۆتونوميالى رايوننىڭ اۋىل شارۋاشىلىعى، اۋىل - قىستاق تاراۋلارى «اۆتونوميالى رايوننىڭ باستاماشى كاسىپورىنداردىڭ زورايۋىن، قۋاتتانۋىن جەبەۋ جونىندەگى اتقارۋ پىكىرىن» شىعارىپ، ىلگەرىندى - كەيىندى ”باستاماشى كاسىپورىندارعا قىزمەت وتەۋ ايى“ قيمىلىن ورىستەتىپ، باستاماشى كاسىپورىندار ارناۋلى تاقىرىپتىق اڭگىمە ءماجىلىسىن اشىپ، كاسىپورىنداردىڭ ءوندىرىس بارىسىنداعى قيىن ماسەلەلەرىن شەشىپ، كاسىپورىنداردىڭ ورنىقتى، اقاۋسىز دامۋىنا كومەكتەستى.
ۇكىمەت فۋنكتسيالىق تاراۋلارىنىڭ ەتەنە قىزمەت وتەۋى كوپتەگەن باستاماشى كاسىپورىنداردىڭ الاڭسىز دامۋىنداعى ”تىنىشتاندىرعىش دارىسىنە“ اينالدى. قازىر رايونىمىزدا مەملەكەت، اۆتونوميالى رايون، ايماق - وبلىس، اۋدان - قالا 4 دارەجەلى باستاماشى كاسىپورىندار 1400گە جەتتى، مۇنىڭ ىشىندە اۆتونوميالى رايون دارەجەلى 500، مەملەكەت دارەجەلى 57 كاسىپورىن بار، نەگىزى جاقسى، تۇرتكىلىك جانە جەتەكتەۋ رولى كۇشتى، بازارداعى باسەكەلىك قۋاتى زور ءبىر توپ باستاماشى كاسىپورىن شينجياڭ اۋىل شارۋاشىلىعىنىڭ جوعارى ساپالى دامۋىن اناعۇرلىم بيىك ساتىعا كوتەرۋگە باستاۋدا.
