تيانشان تورى
تيانشان تورى   ›   ۇيرەنۋ   ›   شولۋ

وزىمەن ساناسپاۋ

  وزىمەن ساناسپاۋ

  − پارتيا 20 - قۇرىلتايىنان جۇڭگو كوممۋنيستىك پارتياسىنىڭ تابىسقا جەتۋ قۇپياسىنا نازار (2)

  □ شينحۋا اگەنتتىگىنىڭ تىلشىلەرى

  ”حالىقتى بارىنەن جوعارى قويۋعا، ءسوز جوق، تاباندى بولۋ كەرەك“، ”حالىقتى وزەك ەتكەن دامۋ يدەياسىنا تاباندى بولۋ كەرەك“، ”مەملەكەت دەگەنىمىز حالىق، حالىق دەگەنىمىز مەملەكەت“... پارتيا 20 - قۇرىلتايىنىڭ بايانداماسىندا ”حالىق“ دەگەن ءسوز 170 نەشە رەت كەزدەستى.

  جۇڭگو حالقىنىڭ باقىتىن كوزدەيدى، جۇڭحۋا ۇلتىنىڭ گۇلدەنۋىن كوزدەيدى. جۇڭگو كوممۋنيستىك پارتياسىنىڭ وزىندىك ەرەكشە مۇددەسى جوق، قاي كەزدە دە بۇقارانىڭ مۇددەسىن ءبىرىنشى ورىنعا قويادى، مىنە بۇل ”وزىمەن ساناسپاۋدىڭ“ وسكەلەڭ ورەسى، بۇل ”حالىقتىڭ ءۇمىتىن اقتاۋداعى“ بورىش ارقالاۋ.

  وزىمەن ساناسپاۋ − قاسيەتىن وزگەرتپەۋ

  ”جۇڭگو كوممۋنيستىك پارتياسى − حالىقتىڭ پارتياسى، حالىق ءۇشىن قىزمەت ىستەيتىن پارتيا“ − 10 - ايدىڭ 26 - كۇنى باس شۋجي شي جينپيڭ تاعى دا شانبەيگە باردى، يان - ان انساي رايونى گاۋچياۋ قالاشىعى نانگوۋ قىستاعىندا اۋىلداستار الدىندا باس شۋجي تەرەڭ سۇيىسپەنشىلىكپەن تولعانا سويلەدى.

  يان - اندا اۋىلعا تۇسكەن كەزدە ءبىر ماقالانى شي جينپيڭ قايتا - قايتا كورىپ، قايتا - قايتا وقيتىن. بۇل «حالىق ءۇشىن قىزمەت ىستەيىك» دەگەن ماقالا ەدى. ماقالادا: ”ءبىزدىڭ بۇل قوسىنىمىز مۇلدە حالىقتى ازات ەتۋدى ويلادى، بۇكىلدەي حالىقتىڭ مۇددەسى ءۇشىن ءۇزىلدى - كەسىلدى قىزمەت ىستەدى“دەپ جازىلعان ەدى.

  ءدال سول يان - اندا پارتيانىڭ 7 - قۇرىلتايى تۇڭعىش رەت ”بۇكىل ىنتا - پەيىلىمەن جۇڭگو حالقى ءۇشىن قىزمەت ىستەۋ رۋحىنا يە بولۋدى“ پارتيا ۆستاۋىنا جازدى. جۇڭگو كوممۋنيستەرىنىڭ ءتۇبىرلى ماقساتى رەتىندە، «حالىق ءۇشىن قىزمەت ىستەيىك» كەيىن جۇڭنانحايداعى شينحۋامىننىڭ ىشىندەگى سۋرەتتى قابىرعاعا ويىپ جازىلدى.

  پارتيا 20 - قۇرىلتايىنىڭ بايانداماسىندا مىنالار باسا دارىپتەلدى: ”حالىقتىق سيپات ماركسيزمنىڭ نەگىزگى قاسيەتى“، ”حالىقتى باقىتقا كەنەلتۋ − جالپى ءۇشىن پارتيا قۇرۋدىڭ، حالىق ءۇشىن بيلىك جۇرگىزۋدىڭ ماندىك تالابى“...

  شولاق كورپەنىڭ حيكاياسى ۋاقىت وتكەن سايىن جاڭاردى.

  2020 - جىلى 9 - ايدا حۋناندا قىزمەت تەكسەرىپ جۇرگەن باس شۋجي شي جينپيڭ شۇي شيەشيۋدىڭ نەمەرەسى جۋ شياۋحۇڭنىڭ وتباسىنا ارنايى امانداسا باردى. شىت جاڭا 3 قاباتتى شاعىن عيماراتتا ءبىر وتباسى ادامدارى توتەنشە قۋانىشتى بەينەدە كەرەمەت وزگەرىستى اڭگىمەلەۋدە.

  ”بۇرىن قىزىل ارميا بىزگە شولاق كورپە بەرگەن، قازىر پارتيا ءبىزدى باقىتتى تۇرمىسقا كەنەلتىپ وتىر“. جۋ شياۋحۇڭ جۇرەك ءۇنىن قاراپايىم دا شىنايى سوزدەرمەن وسىلايشا جەتكىزدى.

  ”كوممۋنيستەر وزدەرىندە ءبىر عانا كورپە بولا تۇرسا دا، جارتىسىن كەسىپ بۇقاراعا بەردى... مىنە وسىنداي بولعاندىقتان، بۇقارا كوممۋنيستىك پارتيانى ءوز پارتياسى، بۇقارانىڭ پارتياسى رەتىندە قارايدى“. باس شۋجي شي جينپيڭ نىق سەنىممەن سويلەدى.

  پارتيا 18 - قۇرىلتايىنان بەرى، باس شۋجي شي جينپيڭ قايتا - قايتا كوممۋنيستەردىڭ باسىپ وتكەن بوران - شاشىندى جولىن بويلاپ، پارتيانىڭ اۋەلگى ماقسات، بورىشىن ەسكە ءتۇسىردى −

  2017 - جىلى 12 - ايدا حۋايحاي شايقاسى ەسكەرتكىش سارايىندا ”شاعىن قول اربامەن قولعا كەلتىرگەن جەڭىستى“ قايتالاي ەسكە الدى؛ 2021 - جىلى 9 - ايدا جۇڭگو كوممۋنيستىك پارتياسى سۇيدى ايماقتىق پارتكومنىڭ كونە تۇراعىندا ”مىزعىماي بۇقارا جاقتا تۇرۋ كەرەك“ دەگەندى ەسكە الدى؛ 2022 - جىلى 8 - ايدا لياۋشىن شايقاسى ەسكەرتكىش سارايىندا ”مۇنداي المانى ءبىزدىڭ قازىر دە جەۋىمىزگە بولمايدى“ دەپ ءسۇيىنىش ءبىلدىردى...

  ”قالاي العا تارتساق تا، باسىپ وتكەن جولىمىزدى ەستەن شىعارماۋىمىز؛ قانشا الىسقا ۇزاپ، قانشا نۇرلى بولاشاققا قادام قويساق تا، باستان وتكەندى ەستەن شىعارماۋىمىز، نە ءۇشىن اتتانعانىمىزدى ەستەن شىعارماۋىمىز كەرەك“. باس شۋجي شي جينپيڭنىڭ تەرەڭ سۇيىسپەنشىلىككە تولى ءسوزى ”مەن كىممىن، كىم ءۇشىن ىستەيمىن، كىمگە سۇيەنەمىن“ دەگەن تاقىرىپقا ىشكەرىلەي جاۋاپ بەرىپ، جۇڭگو كوممۋنيستەرىنىڭ ساياسي قاسيەتىن ايگىلەدى.

  وزىمەن ساناسپاۋ حالىقتىڭ قۇت - ىرىسى ءۇشىن

  ”سىزدەرگە امانداسۋعا، شۇيىركەلەسۋگە كەلدىم“. 2022 - جىلى كوكتەم مەرەكەسى قارساڭىندا قاپالاقتاپ جاۋىپ تۇرعان قارعا قاراماي، باس شۋجي شي جينپيڭ سانشي دۋانسۇن قىستاعىنداعى ساي ۋىنميڭنىڭ وتباسىنا كەلدى.

  ”قوي باعۋدىڭ كىرىسى قانداي“، ”قوي باعۋدان سىرت تاعى قانداي ەگىن سالدىڭىز“، باس شۋجي مەن لاۋسايدىڭ وتباسىنداعىلار قوناق بولمەدە قورالانا وتىرىپ، كىرىس - شىعىس ەسەپتەرىن تاپتەشتەپ ەسەپتەي باستادى.

  ”جۇڭگو كوممۋنيستىك پارتياسىنىڭ بيلىك جۇرگىزۋدەگى بىردەن - ءبىر تاڭداۋى حالىق بۇقاراسى ءۇشىن يگى ءىس ىستەۋ، حالىق بۇقاراسىنىڭ باقىتتى تۇرمىسى ءۇشىن جان قيارلىقپەن سايىسۋ، ۇلەس قوسۋ، قىزمەت ەتۋ بولىپ تابىلادى“. باس شۋجيدىڭ ءسوزى جۇرت جۇرەگىن مەيىرگە بولەدى.

  10 جىلدىڭ الدىندا تاعى سول قاقاعان قىس كەزىندە، تاياۋدا عانا باس شۋجي مىندەتىنە تاعايىندالعان شي جينپيڭ قارلى بورانعا قاراماي، تايحاڭشان تاۋىنىڭ قويناۋىنداعى فۋپيڭعا كەلىپ ”ناعىز كەدەيلىكتى كورىپ“، كەدەيلىكتەن ارىلتۋدان قامال الۋعا اتتانىسقا كەلتىرۋ بۇيرىعىن جاريالادى.

  ەكى رەت قارلى جول باسۋ بارلىعى حالىق ءۇشىن ەدى.

  لۋديڭچياۋ كوپىرىندەگى اتويلاپ العا ۇمتىلۋ ”كەدەي جۇرت ءۇشىن“ بولاتىن؛ قۇربانداردىڭ ەرلىكپەن قۇربان بولۋى ”كەدەيلىكتىڭ ورنىنا مولشىلىق ورناعان، اۋرۋدىڭ ورنىن ساۋ - سالاماتتىق باسقان“ ارمانداعىداي مەملەكەت قۇرۋ ءۇشىن بولاتىن... 100 نەشە جىلدان بەرى، كوممۋنيستەردىڭ بارلىق ”وزىمەن ساناسپاعان“ كۇرەسى مەن قۇربان بەرۋى تۇگەلدەي حالىقتىڭ قۇت - ىرىسى ءۇشىن بولىپ كەلدى.

  ”حالىقتىڭ تاماشا تۇرمىسقا دەگەن تالپىنىسى − ءبىزدىڭ كۇرەس نىسانامىز“. 2012 - جىلى 11 - ايدىڭ 15 - كۇنى باس شۋجي شي جينپيڭ مىندەتكە ەندى عانا تاعايىندالعان كەزدە وسىنداي شىنايى، قاراپايىم ءسوزى ارقىلى جاڭا ءداۋىردىڭ ”جاۋاپناماسىن“ جازا باستادى.

     حالىقتىڭ قامىن ءارقاشان كوكەيىمنەن شىعارمايمىن؛ حالىقتىڭ قالاۋىن مەن، ءسوز جوق، ورىنداۋعا ۇمتىلامىن.

  10 جىلدا باس شۋجي شي جينپيڭنىڭ قايتا - قايتا نەگىزگى ساتىعا ىشكەرىلەي بارىپ، كەدەيلەردىڭ حال - جايىن ءبىلىپ، مۇڭ - مۇقتاجىن سۇراپ، حالىق جاعدايىن كوزدەن كەشىرىپ، حالىق ۇنىنە قۇلاق اسىپ، حالىق پىكىرىن قابىلداۋى تەك قانا ”حالىقتىڭ تۇرمىسىنىڭ كۇن سايىن جاقسارۋىنا، جىلدان - جىلعا جاقسى تۇرمىس كەشىرۋىنە مۇمكىندىك جاساۋ“ ءۇشىن ەدى.

  بۇل جاڭا داۋىردەگى جۇڭگو كوممۋنيستەرىنىڭ تەرەڭ سۇيىسپەنشىلىكپەن ءتۇسىندىرۋى − ”مەن ’وزىممەن ساناسپاۋ‘ كۇيىمەن جۇڭگونىڭ دامۋى ءۇشىن ءوزىمدى ارناۋعا پەيىلمىن“.

  اۋرۋدىڭ ازابى جانىنا باتقانىنا قاراماي، تاۋلى وڭىردەگى قىزداردىڭ ءبىلىم الۋ جولىن نۇرلاندىرعان جاڭ گۇيمەي، ”سالدانا باستاعان دەنەسىن سۇيرەتىپ“ زۇلىم ىندەتپەن كۇرەس جاساعان ”حالىق قاھارمانى“ جاڭ ديڭيۇي، جاستىق كوكتەمىنىڭ گۇل داۋرەنىن كەدەيلەردى سۇيەمەلدەۋ جولىندا اياقتاتقان قىستاقتا تۇراتىن ءبىرىنشى شۋجي حۋاڭ ۋىنشيۋ...

     ”وزىمەن ساناسپاي“ جانىن قۇربان ەتسە دە وكىنبەيتىن تالايلاعان ادامدار ”مەملەكەتتىڭ زور ءىسىنىڭ“ تارتىمدى جاۋاپناماسىن جازدى.

  ادامداردىڭ ورتاشا مەجەلى عۇمىرى 2. 78 جاسقا ءوستى؛ تۇرعىنداردىڭ جان باسىندىق قولداعى تابىسى 16 مىڭ 500 يۋاننان 35 مىڭ 100 يۋانعا كوبەيدى؛ قالا - قالاشىقتاعى جاڭادان جۇمىستانعاندار جىلىنا ورتا ەسەپپەن 13 ميلليون ادامنان استى؛ دۇنيە ءجۇزى بويىنشا كولەمى ەڭ ۇلكەن وقۋ - اعارتۋ جۇيەسى، قوعامدىق قامتاماسىزداندىرۋ جۇيەسى، ەمدەۋ - دەنساۋلىق ساقتاۋ جۇيەسى ورناپ، وقۋ - اعارتۋدىڭ جالپىلاسۋ دەڭگەيىندە تاريحي سەكىرۋ جۇزەگە اسىپ، نەگىزدىك زەينەتكەرلىك قامسىزداندىرۋى ءبىر ميلليارد 40 ميلليون ادامدى قامتىپ، نەگىزدىك ەمدەۋ قامسىزداندىرۋىنا قاتىناسۋ مولشەرى %95كە تۇراقتادى... پارتيا 20 - قۇرىلتايىنىڭ بايانداماسىندا قوماقتى ناتيجە كورسەتكىشى كورسەتىلدى.

  پارتيانىڭ بەكىمى حالىقتىڭ تىلەگىمەن ۇلاسىپ، مەملەكەت ساياساتى حالىق قالاۋىمەن ورتاق ۇندەستىك قالىپتاستىردى. حارۆەرد داشۋەسى كەننەدي شۋەيۋانىنىڭ ءۇرتىس 10 جىل جۇڭگودا ورىستەتكەن حالىق رايىن تەكسەرۋ ناتيجەسىنىڭ كورسەتۋىنشە، جۇڭگو حالقىنىڭ ۇكىمەتكە دەگەن رازىلىعى جىل سايىن %90تەن جوعارى بولۋدى ساقتاعان.

  ”دۇنيە جۇزىندەگى ەڭ ۇلكەن باقىت حالىقتىڭ باقىتى ءۇشىن كۇرەس جۇرگىزۋدەن ارتىق بولماس“. بۇل − 100 جىلدىق ءىرى پارتيانىڭ بوگەتتەردى جارىپ وتكەن كۇش - قۋاتىنىڭ قاينارى، سان ۇرپاق كوممۋنيستەردىڭ ارقا سۇيەر سەنىم تاعانى.

  وزىمەن ساناسپاۋ − كۇش - قۋاتتىڭ قاينارى

  اسقارالى باۋتاشان، جوڭكىلە اققان يانحى. توڭكەرىستىك قاسيەتتى جەر يان - ان ءبىر ساياسي پارتيانىڭ السىزدەن قۇدىرەتتەنۋگە بەت الۋىنا، سان قاتەردەن امان قالىپ، شارىقتاپ كوركەيۋگە بەت الۋىنا كۋا بولدى. كوپتەگەن ادامدار وسى قاسيەتتى جەرگە ات باسىن بۇرىپ، ”جۇڭگو كوممۋنيستىك پارتياسىنىڭ نە ءۇشىن جارامدى بولۋىنىڭ“ قۇپياسىن قاراستىردى.

  مۇنىڭ جاۋابى ءدال وسى سارى توپىراق سياقتى قاراپايىم −

  ءوز كەزىندە «قىزىل جۇلدىز جۇڭگونى نۇرلاندىردىنىڭ» اۆتورى ەدگار سنو: جۇڭگو كوممۋنيستىك پارتياسى قاشاندا باسىم كوپ ساندى حالىق بۇقاراسىنان كۇش - قۋات قابىلداپ وتىرعان، - دەپ اسەرلەنە تولعاعان ەكەن.

  قازىرگى تاڭدا 100 جىلدىق شۇعىلالى ساپاردى باسىپ وتكەن، ءبىر ميلليارد 400 ميلليوننان استام جان سانى بار ءىرى ەلگە بيلىك جۇرگىزگەن دۇنيە جۇزىندەگى ەڭ ۇلكەن ساياسي پارتيا بۇعان اۋەلگىسىندەي ەش مىزعىمادى −”العا باسۋ جولىندا مەيلى بوران - شاشىن بولسىن، الدە اساۋ تولقىندار بولسىن، حالىق ماڭگى ءبىزدىڭ ەڭ بەرىك سۇيەنىشىمىز، ەڭ قۋاتتى كۇشىمىز“.

  وزىمەن ساناسپاۋ سەنترگە تارتۋدىڭ تەلەگەي كۇشىن ۇيىستىردى.

  14 جاستاعى قىز بالادا قانشالىقتى كۇش بولادى؟

  1949 - جىلى 4 - ايدىڭ 20 - كۇنى تۇندە چاڭجياڭنان ءوتۋ شايقاسى باستالادى. گومينداڭ ارمياسى 20 نەشە مىڭ قايىقشىنىڭ ولىمنەن قورىقپاي ازاتتىق ارميانى وزەننەن وتكىزەرىن مۇلدە ويلاماعان ەدى. جاسى ەڭ كىشكەنە قايىقشى 14 جاستاعى ما ماۋجيە بولاتىن.

  تاريح وسىنداي كۇش - قۋاتتى انىق ەستەلىككە الدى − توتەنشە حاۋىپتى جاعدايدا، سانسىزداعان ”ما ماۋجيەنىڭ“ تاڭداۋى جاعدايدى وزگەرتتى.

  گىڭزى جىلىندا ىندەت تۇتقيىل تاپ بەرىپ، ميلليارد حالىق سانالى تۇردە ۇيدە ساقتاندى - تىزگىندەدى، سانسىز الەۋمەتتىك اۋماق قىزمەتكەرى كۇنى - ءتۇنى قىزمەت ورىندارىنان تاپجىلمادى، قالىڭ عىلمي زەرتتەۋ قىزمەتكەرلەرى قايراتتانا قامال الدى، سان مىڭداعان ەرىكتىلەر ءۇنسىز ۇلەس قوستى... ”وسى رەتكى ىندەتتى جەڭۋدە جۇڭگو حالقى بىزگە كۇش - قۋات جانە سەنىم بەردى“.

  حۋايحاي شايقاسىنىڭ جەڭىسىنە بۇقارانىڭ قول ارباسىنىڭ ارقاسىندا قول جەتسە، چاڭجياڭنان ءوتۋ شايقاسىنىڭ جەڭىسىنە بۇقارانىڭ شاعىن قايىعىنىڭ ارقاسىندا قول جەتكەن، سوتسياليستىك وسىزامانداندىرۋ قۇرىلىسىنىڭ جەڭىسىنە حالىق بۇقاراسىنىڭ قوس قولىمەن قول جەتكىزىلگەن.

  باس شۋجي شي جينپيڭ پارتيا 20 - قۇرىلتايىنىڭ بايانداماسىندا سالتاناتتى تۇردە بىلاي دەپ جاريالادى: ”جاڭا داۋىردەگى ۇلى تابىستارعا پارتيا مەن حالىق بىرگە قۇلشىنۋ ارقىلى قول جەتكىزگەن، ەڭبەك ەتۋ ارقىلى قول جەتكىزگەن، كۇرەس جۇرگىزۋ ارقىلى قول جەتكىزگەن“!

     وزىمەن ساناسپاۋ شەكسىز جاسامپازدىق قۋاتتى تۋىنداتتى.

  4 - ايدىڭ 15 - كۇنىنەن 5 - ايدىڭ 16 - كۇنىنە دەيىن، پارتيا 20 - قۇرىلتايىنا قاتىستى قىزمەتتەرگە ينتەرنەتتە پىكىر الۋ قيمىلى ورىستەتىلدى.

  بۇل پارتيا تاريحىندا پارتيانىڭ مەملەكەتتىك قۇرىلتايىنا قاتىستى قىزمەتتەر جونىندە بۇكىل پارتيادان، بۇكىل قوعامنان تۇڭعىش رەت اشىق پىكىر الىنۋى ەدى. حالىق بۇقاراسىنىڭ بەلسەنە ات سالىسۋىنىڭ ارقاسىندا، قيمىل كەزىندە جيىنى 8 ميلليون 542 مىڭنان استام ءتۇرلى ۇسىنىس - پىكىر، لەبىز جينالىپ، ءارىپ سانى 290 ميلليوننان استى.

  تىنىشتىق - بىلىقپالىق، گۇلدەنۋ - قۇلدىراۋ سىندى تاريح پەريودىنان قالاي اتتاپ ءوتتى؟ ءوز كەزىندە ماۋ زىدۇڭ جولداس يان - انداعى جەر تولەدە مۇنىڭ ءبىرىنشى جاۋابىن بەرگەن بولاتىن، ياعني حالىق ۇكىمەتتى باقىلاۋ. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانى جاپپاي قاتاڭ باسقارۋدىڭ امالياتى بارىسىندا ەكىنشى جاۋابىن بەردى، ياعني پارتيانىڭ وزىنە - ءوزى توڭكەرىس جاساۋى.

  ۋاقىت كەڭىستىگىنەن اتتاپ وتكەن 2 جاۋاپ 100 جىلدىق ءىرى پارتيانىڭ ومىرشەڭدىك كۇشىن ماڭگى ساقتاۋداعى قۇپيالىعىن ۇعىندىردى −

  ”وزىندىك ەرەكشە مۇددەسى بولماعان“ سوڭ بۇكپەسىز سويلەۋدى، حالىقتىڭ باقىلاۋىن قابىلداۋدى قالايدى؛ ”وزىندىك ەرەكشە مۇددەسى بولماعان“ سوڭ پىشاقتىڭ ءدۇزىن ىشكە قاراتىپ، وزىنە - ءوزى توڭكەرىس جاسايتىن باتىلدىققا جانە سەنىمگە يە.

  ”باسىپ وتكەن جولىمىزدا ءبىز حالىققا تىعىز سۇيەنىپ، تاريح بەتىندە قالارلىق تالاي - تالاي جاۋاپنامالاردى تاپسىردىق. بولاشاقتى بەتكە العاندا، ءبىز ءالى دە حالىققا سۇيەنىپ، جاڭا تاريحي ۇلى ىستەردى جاراتۋىمىز كەرەك“.

  جاڭا جورىقتا باستان - اياق حالىقپەن قيىن - قىستاۋ شاقتاردى بىرگە وتكەرىپ، حالىقپەن تىلەكتەس بولىپ، باستان - اياق حالىقتىڭ ويلاعانىن ويلاپ، حالىقتىڭ تاپسىرماسىن ورىنداعان جۇڭگو كوممۋنيستەرى، ءسوز جوق، جاڭا شۇعىلالى ناتيجەلەر جاراتادى.

  (تىلشىلەر جۋ جيچاي، شى يۇيسىن، رىن چينچين، جاڭ يان) (شينحۋا اگەنتتىگىنىڭ 12 - ايدىڭ 21 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.