شينحۋا اگەنتتىگىنىڭ 12 - ايدىڭ 23 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 12 - ايدىڭ 23 - كۇنى تۇستەن كەيىن جۇڭنانحايدىڭ يىڭتاي سارايىندا بەيجيڭگە قىزمەتتەن ەسەپ بەرۋگە كەلگەن شياڭگاڭ ەرەكشە اكىمشىلىك رايونىنىڭ اكىمى لي جياچاۋمەن كەزدەسىپ، ونىڭ شياڭگاڭنىڭ كەزەكتەگى جاعدايىنان جانە ەرەكشە اكىمشىلىك رايون ۇكىمەتىنىڭ قىزمەت احۋالىنان بەرگەن مالىمەتىن تىڭدادى.
شي جينپيڭ مىنالاردى ءبىلدىردى: لي جياچاۋ ەرەكشە اكىمشىلىك رايوننىڭ اكىمى مىندەتىن وتەگەننەن بەرى جاڭا كەزەكتى شياڭگاڭ ەرەكشە اكىمشىلىك رايونى ۇكىمەتىنە جەتەكشىلىك ەتىپ، باتىلدىقپەن جاۋاپكەرشىلىك ارقالاپ، ناقتى جۇمىستار ىستەپ، ىسكەرلىك كورسەتىپ، قوعامداعى ءار سالاداعىلاردى ىنتىماقتاستىرىپ، مەملەكەت حاۋىپسىزدىگىن باتىل قورعاپ، ەكونوميكانىڭ ومىرشەڭدىك كۇشىن بار كۇشپەن قالپىنا كەلتىرىپ، بۇقارا ءجىتى قاداعالاپ وتىرعان ماسەلەلەرگە بەلسەنە جاۋاپ قايتارىپ، جۇڭگو كوممۋنيستىك پارتياسى 20 - قۇرىلتايىنىڭ رۋحىن مۇقيات ۇيرەنىپ، ۇگىتتەپ، دايەكتىلەندىرىپ، ”وتانشىلداردىڭ شياڭگاڭدى باسقارۋىنىڭ“ جاڭا بەينەسىن ايگىلەپ، شياڭگاڭ ”ءبىر ەل، ەكى ءتۇزىم“ دۇرىس ارناسىمەن نىق قاداممەن العا ىلگەرىلەدى. ورتالىق ەرەكشە اكىمشىلىك رايوننىڭ اكىمى لي جياچاۋدىڭ جانە ەرەكشە اكىمشىلىك رايون ۇكىمەتىنىڭ قىزمەتىن تولىق تۇراقتاندىرادى.
شي جينپيڭ بىلاي دەپ باسا دارىپتەدى: جۇڭگو كوممۋنيستىك پارتياسىنىڭ 20 - قۇرىلتايى جاڭا داۋىردەگى جاڭا جورىقتاعى پارتيا مەن مەملەكەتتىڭ ءتۇرلى ىستەرىنىڭ دامۋى جونىندە جان - جاقتى ورنالاستىرۋلار جاسادى. ”ءبىر ەل، ەكى ءتۇزىم“ − جۇڭگوشا سوتسياليزمنىڭ ۇلى جاسامپازدىعى، شياڭگاڭنىڭ، اۋمىننىڭ وتان قۇشاعىنا ورالعاننان كەيىن ۇزاق ۋاقىت گۇلدەنۋىن، ورنىقتىلىعىن ساقتاۋداعى ەڭ تاماشا تۇزىمدىك ورنالاستىرۋ. ورتالىق ”ءبىر ەل، ەكى ءتۇزىم“ باعىتىن جاپپاي، دالمە - ءدال، بۇلجىماي دايەكتىلەندىرىپ، ەرەكشە اكىمشىلىك رايوننىڭ اكىمى مەن ەرەكشە اكىمشىلىك رايون ۇكىمەتىنىڭ زاڭ بويىنشا بيلىك جۇرگىزۋىن بار كۇشپەن قولدايدى، شياڭگاڭنىڭ وزگەشە باسىمدىعىن تولىق ساۋلەلەندىرىپ، حالىقارالىق سەلبەستىكتى كەڭ كولەمدە ورىستەتىپ، مەملەكەتتىڭ دامۋ كەلەلى جاعدايىمەن اناعۇرلىم ويداعىداي توعىسىپ، جۇڭحۋا ۇلتىنىڭ ۇلى گۇلدەنۋىنىڭ تاريحي ۇردىسىندە تىڭ دا اناعۇرلىم زور ۇلەس قوسۋىن بار كۇشپەن قولدايدى. جاڭا داۋىردەگى جاڭا جورىقتا شياڭگاڭنىڭ بولاشاعى نۇرلى، شەكسىز تاماشا بولادى!
حان جىڭ، ديڭ شۋەشياڭ، شيا باۋلۇڭ قاتارلىلار كەزدەسۋگە قاتىناستى.
شينحۋا اگەنتتىگىنىڭ 12 - ايدىڭ 23 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 12 - ايدىڭ 23 - كۇنى تۇستەن كەيىن جۇڭنانحايدىڭ يىڭتاي سارايىندا بەيجيڭگە قىزمەتتەن ەسەپ بەرۋگە كەلگەن اۋمىن ەرەكشە اكىمشىلىك رايونىنىڭ اكىمى حى يچىڭمەن كەزدەسىپ، ونىڭ اۋمىننىڭ كەزەكتەگى جاعدايىنان جانە ەرەكشە اكىمشىلىك رايون ۇكىمەتىنىڭ قىزمەت احۋالىنان بەرگەن مالىمەتىن تىڭدادى.
شي جينپيڭ مىنالاردى ءبىلدىردى: وسى ءبىر جىلدا ەرەكشە اكىمشىلىك رايوننىڭ اكىمى حى يچىڭ ەرەكشە اكىمشىلىك رايون ۇكىمەتىنە جەتەكشىلىك ەتىپ، بايسالدىلىقپەن بيلىك جۇرگىزىپ، شىنايى يگەرىپ، ناقتى ىستەپ، قوعامدىق كەلەلى جاعدايدىڭ ورنىقتىلىعىن ساقتاپ، جۇڭگو كوممۋنيستىك پارتياسى 20 - قۇرىلتايىنىڭ رۋحىن دەن قويا ۇيرەنىپ، ۇگىتتەپ، دايەكتىلەندىرىپ، اۋمىننىڭ مەملەكەت حاۋىپسىزدىگىن قورعاۋ زاڭىنا وزگەرىس ەنگىزۋدى ورنىقتى ىلگەرىلەتىپ، اۋمىننىڭ لاتاريا زاڭىنا وزگەرىس ەنگىزۋدى جانە جاڭا كەزەكتى لاتاريا تيجاراتى ۇقىعى مەردىگەرلىگىنە تالاسۋدى ۇيلەسىمدى ءبىر جاقتى ەتىپ، حىڭچين - گۋاڭدۇڭ - اۋمىن ىشكەرىلەي سەلبەسۋ رايونى قۇرىلىسىن تىڭعىلىقتى ىلگەرىلەتتى. ورتالىق ەرەكشە اكىمشىلىك رايوننىڭ اكىمى حى يچىڭنىڭ جانە ەرەكشە اكىمشىلىك رايون ۇكىمەتىنىڭ قىزمەتىن تولىق تۇراقتاندىرادى.
شي جينپيڭ بىلاي دەپ باسا دارىپتەدى: ورتالىق ”ءبىر ەل، ەكى ءتۇزىم“ باعىتىن جاپپاي، دالمە - ءدال، بۇلجىماي دايەكتىلەندىرەدى، اۋمىن ەرەكشە اكىمشىلىك رايونىنىڭ وزىندىك باسىمدىعى مەن ەرەكشەلىگىن تولىق ساۋلەلەندىرىپ، اۋمىن ەرەكشەلىگىنە يە ”ءبىر ەل، ەكى ءتۇزىم“ امالياتىندا قۇلشىنا جاڭا جاعداي اشىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋعا تىڭ دا اناعۇرلىم زور ۇلەس قوسۋىن بار كۇشپەن قولدايدى.
حان جىڭ، ديڭ شۋەشياڭ، شيا باۋلۇڭ قاتارلىلار كەزدەسۋگە قاتىناستى.
