شينحۋا اگەنتتىگىنىڭ 12 - ايدىڭ 23 - كۇنى بەيجيڭنەن بەرگەن حابارى. 12 - ايدىڭ 22 - كۇنى مەملەكەت ءتوراعاسى شي جينپيڭ ناتاشا پيرس مۇسارعا قۇتتىقتاۋ تەلەگرامماسىن جولداپ، ونىڭ سلوۆەنيا رەسپۋبليكاسىنىڭ زۇڭتۇڭى بولىپ تاعايىندالعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: سوڭعى جىلدارى جۇڭگو مەن سلوۆەنيانىڭ قارىم - قاتىناسى ورنىقتى دامۋدى ساقتادى. ەكى ەل ساياسي ءوزارا سەنىمدىلىكتى ۇزدىكسىز نىعايتىپ، دامۋ ستراتەگياسىن ءتۇيىلىستىرۋدى كۇشەيتىپ، ءتۇرلى سالاداعى ناقتى ىستەر سەلبەستىگىندە سۇبەلى جەتىستىكتەرگە قول جەتكىزدى. مەن جۇڭگو - سلوۆەنيا قارىم - قاتىناسىنىڭ دامۋىنا ايرىقشا ءمان بەرەمىن، مۇسار زۇڭتۇڭمەن بىرگە قۇلشىنىپ، ەكى ەلدىڭ ءداستۇرلى دوستىعىن بەكەمدەپ، ءتۇرلى سالاداعى اۋىس - كۇيىستى، سەلبەستىكتى تەرەڭدەتىپ، جۇڭگو - سلوۆەنيا قارىم - قاتىناسىنىڭ ءتىپتى دە جوعارى دەڭگەيگە قادام تاستاۋىن ىلگەرىلەتىپ، ەكى ەلدى جانە ەكى ەل حالقىن باقىتقا كەنەلتۋدى قالايمىن.
