ەركىن تۇنياز سانجى حۇيزۋ اۆتونوميالى وبلىسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
ورايدى مىقتى يگەرىپ، ەكونوميكانىڭ جوعارى ساپالى دامۋىن جەدەل ىلگەرىلەتۋ كەرەك
انار بۇلت \ شينجياڭ گازەتىنىڭ ءتىلشىسى لياڭ ليحۋا 12 - ايدىڭ 23 - كۇنى جەمسارىدان حابارلايدى. جۋىقتا اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز سانجى حۇيزۋ اۆتونوميالى وبلىسىنىڭ موري قازاق اۆتونوميالى اۋدانىنا، شونجى اۋدانىنا، جەمسارى اۋدانىنا بارىپ، ەنەرگيا كاسىپ سالاسى، اۋىل شارۋاشىلىعى، جابدىق جاساۋ كاسىبى، ءىرى نىسان قۇرىلىسى سياقتىلار جونىندە تەكسەرۋ - زەرتتەۋ جۇرگىزىپ، كەلەر جىلعى ەكونوميكالىق قىزمەتتى ويداعىداي ىستەۋ جونىندەگى ۇسىنىس - پىكىرلەردى تىڭدادى. ول بىلاي دەپ باسا دارىپتەدى: پارتيا 20 - قۇرىلتايىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ورتالىقتىڭ ەكونوميكالىق قىزمەت ءماجىلىسىنىڭ ورنالاستىرۋلارىنىڭ تياناقتانۋىن، ورىندالۋىن ىلگەرىلەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، ”ەكىنى ءبىر تۇتاس جوسپارلاۋدى“ جوعارى ونىمدىلىكپەن ويداعىداي ىستەپ، باسىمدىقتى ساۋلەلەندىرىپ، ورايدى مىقتى يگەرىپ، دامۋ سەنىمىن سەرپىلتىپ، ەكونوميكانىڭ جوعارى ساپالى دامۋىنىڭ جاڭا جاعدايىن اشۋ كەرەك.
موري قازاق اۆتونوميالى اۋدانى حالىق تۇرمىسى ونەركاسىپ باقشا رايونىندا، ەركىن تۇنياز حۋاديان توبىنىڭ 250 مىڭ كيلوۆات فوتوۆولتتىق ەلەكتر تاراتۋ نىسانىنىڭ جانە دۇڭفاڭ ەلەكتر جاڭا ەنەرگيا جابدىقتارى بازاسى نىسانى قۇرىلىسىنىڭ احۋالىن ەگجەي - تەگجەيلى ۇعىستى. ول بىلاي دەپ باسا دارىپتەدى: جاڭا ەنەرگيا كاسىپ سالاسىنىڭ دامۋىن جەدەلدەتىپ، كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ نىساناسىن تياناقتاندىرىپ، بازاردىڭ رولىن ساۋلەلەندىرۋگە ءمان بەرىپ، جاڭا ەنەرگيا تۇتاس كاسىپ سالاسى تىزبەگىنىڭ دامۋىن ىلگەرىلەتۋ كەرەك.
ەركىن تۇنياز شونجى جانبۇلاق اۋەجايى قۇرىلىس ورنىنا كەلىپ، سول جەردىڭ وزىندە نىساننىڭ جۇرگىزىلۋ جاعدايىن تەكسەردى. ول بىلاي دەپ اتاپ كورسەتتى: قاتىناستا قۋاتتى ەل قۇرۋ سىناق ءتۇيىنى رايونى ورايىن مىقتى يگەرىپ، قىزمەت ارناۋلى بانىن قۇرىپ، بىرلەسىپ سەلبەسىپ، ينجەنەريانىڭ ساپاسىنا شىنايى كەپىلدىك ەتۋ، اۋەجايدىڭ يقۋاتىن تۇراقتاندىرۋدى قامتاماسىز ەتۋ، ءوندىرىس حاۋىپسىزدىگىنە شىنايى كەپىلدىك ەتۋ العى شارتىندا، نىسان قۇرىلىسى اياق الىسىن جەدەلدەتۋ كەرەك.
جەمسارى اۋدانى شينجياڭ چۋاڭشيڭ اۋىل شارۋاشىلىق ونىمدەرىن اشۋ توبى شەكتى سەرىكتەستىگىندە ەركىن تۇنياز كاسىپورىن جاۋاپتىلارىمەن ىشكەرىلەي پىكىر اۋىستىرىپ، اۋىل شارۋاشىلىق ونىمدەرىن مانەرلەۋ، ساتۋ سياقتى احۋالداردى ەگجەي - تەگجەيلى ۇعىستى. ول بىلاي دەپ باسا دارىپتەدى: ساپا ارقىلى اۋىل شارۋاشىلىعىن گۇلدەندىرۋگە، جاسىلداندىرۋ ارقىلى اۋىل شارۋاشىلىعىن گۇلدەندىرۋگە، ايگىلى ماركا ارقىلى اۋىل شارۋاشىلىعىن كۇشەيتۋگە تاباندى بولىپ، باستاماشى كاسىپورىنداردى ەنگىزىپ، اۋىل شارۋاشىلىق ونىمدەرىن مانەرلەۋ كاسىبىن زورايتىپ، 1 -، 2 -، 3 - كاسىپ سالاسىنىڭ توعىسا دامۋىن جەبەپ، ءتىپتى دە كوپ ەگىنشىلەردى جۇمىستانىپ كىرىسىن ارتتىرۋعا باستاۋ كەرەك.
جەمسارى اۋدانى شينجياڭ باۋميڭ كەن شارۋاشىلىعى ونەركاسىپ باقشا رايونىندا ەركىن تۇنياز شينجياڭ باۋميڭ كەن شارۋاشىلىعى شەكتى سەرىكتەستىگىنىڭ جانە شينجياڭ حۋيىڭ كاسىپورىن باسقارۋ شەكتى سەرىكتەستىگىنىڭ قاتىستى جاۋاپتىلارىمەن ىشكەرىلەي پىكىر اۋىستىرىپ، كەن اشۋ ءتارتىبى، ءوندىرىس قۋاتى، ءونىم مولشەرى، قورشاعان ورتانى قورعاۋ، ءوندىرىس حاۋىپسىزدىگى سياقتى جاعدايلاردى ەگجەي - تەگجەيلى ۇعىستى. ول بىلاي دەپ باسا دارىپتەدى: نازاردى ”كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ“ نىساناسىنا شوعىرلاندىرىپ، عىلىم - تەحنيكادا جاڭالىق اشۋدى كورنەكتىلەندىرىپ، زەردەلى، تازا، جاسىل دامۋدى ىلگەرىلەتىپ، ەنەرگيادان تازا، تومەن كومىر قىشقىل گازدى، حاۋىپسىز، جوعارى ءونىمدى پايدالانۋدى جەدەلدەتۋ كەرەك.
تەكسەرۋ - زەرتتەۋ بارىسىندا ەركىن تۇنياز بىلاي دەپ باسا دارىپتەدى: كەلەر جىلعى ەكونوميكالىق قىزمەتتى ويداعىداي ىستەۋدە يدەيا مەن ارەكەتتى ورتالىقتىڭ ەكونوميكالىق قىزمەت ءماجىلىسىنىڭ، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىمەن شىن مانىندە بىرلىككە كەلتىرىپ، باس شۋجي شي جينپيڭنىڭ شينجياڭ جونىندەگى جەلىلەس ماڭىزدى ءسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن دايەكتىلەندىرۋمەن، تياناقتاندىرۋمەن بىرلەستىرىپ، اۆتونوميالى رايوندىق پارتكومنىڭ ورنالاستىرۋى، تالابى بويىنشا، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، ەكونوميكانىڭ، قوعامنىڭ جەدەل قالپىنا كەلۋ اۋقىمىن ۇزدىكسىز بەكەمدەپ، كەڭەيتىپ، مەجەنى ورنىقتىرىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ شينجياڭدا تياناقتانىپ ونىمدىلىك كورسەتۋىنە شىنايى كەپىلدىك ەتۋ كەرەك. ءداستۇرلى كاسىپ سالاسىن جاڭالاۋدى، دەڭگەيىن جوعارىلاتۋدى جانە ستراتەگيالىق جاڭادان گۇلدەنگەن كاسىپ سالاسىن جەتىلدىرۋدى، زورايتۋدى مىقتى يگەرىپ، ”8 ءىرى كاسىپ سالاسى شوعىرى“ قۇرىلىسىن ويداعىداي يگەرىپ، وسىزاماندانعان كاسىپ سالاسى جۇيەسىن جەدەل قۇرۋ كەرەك. رەفورما جاساۋدى تەرەڭدەتىپ، ەسىك اشۋدى كەڭەيتىپ، حالىقارا، ەل ءىشى سىندى ەكى بازاردان، ەكى ءتۇرلى بايلىقتان اناعۇرلىم ويداعىداي پايدالانىپ، توڭىرەكتەگى مەملەكەتتەرمەن سەلبەستىكتى كەڭەيتۋ كەرەك. بازار نەگىزگى تۇلعالارىنىڭ قيىنشىلىعىن بەلسەنە شەشىپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن قالىپتاستىرىپ، ساۋداگەر شاقىرىپ قارجى ەنگىزۋ تەبىنىن كۇشەيتۋ كەرەك. ءار جاقتىڭ جاۋاپكەرشىلىگىن قاتايتىپ، ءوندىرىس حاۋىپسىزدىگىن مىقتى يگەرۋ كەرەك. جوعارى ولشەمدى ەگىنجاي قۇرىلىسىن جەدەلدەتىپ، اۋىل شارۋاشىلىعىنىڭ عىلىم - تەحنيكالىق تىرەگىن كۇشەيتىپ، استىق حاۋىپسىزدىگىن قامتاماسىز ەتۋگە ۇلەس قوسۋ كەرەك.
