شينجياڭ جەمىس - جيدەك كاسىبى توبى:
ساتىپ الۋ، ساتۋ ەكى تورىن بەكەمدەپ، شينجياڭ جەمىس - جيدەگىنە تاماشا بولاشاق اشتى
□ انار بۇلت \ شينجياڭ گازەتىنىڭ ءتىلشىسى تو يا
بيىل 11 - ايدىڭ سوڭىنا دەيىن، شينجياڭ جەمىس - جيدەك كاسىبى توبى شەكتى سەرىكتەستىگى (تومەندە قىسقارتىلىپ ”شينجياڭ جەمىس - جيدەك كاسىبى توبى“ دەلىنەدى) جيىنى 349 مىڭ 900 توننا ءار ءتۇرلى اۋىل شارۋاشىلىعى ونىمدەرىن ساتىپ الدى، 401 مىڭ 500 توننا اۋىل شارۋاشىلىعى ونىمدەرىن ساتتى. 12 - ايدان بەرى شينجياڭ جەمىس - جيدەك كاسىبى توبى بۇكىل رايونداعى جەمىس - جيدەك شىعاتىن 12 نەگىزگى جەردە سالىنعان قامبادا ساقتاۋ، وڭدەۋ، ساۋدالاۋ، شوعىرلى ۇلەستىرۋ ورتالىعىنا سۇيەنىپ، شىلان، جاڭعاق، مەيىز سياقتى جەمىس ورمانى ونىمدەرىن ساتىپ الۋ سەرپىنىن ارتتىردى، سونىمەن ءارقايسى ساۋدا بازارلارى قاربالاستىققا ءتۇستى.
شينجياڭنىڭ ەرەكشە جەمىس ورمانىن كاسىپ سالالاندىرىپ دامىتۋدى ارقاۋ ەتتى، سوڭعى جىلدارى اۆتونوميالى رايوندىق قامداۋ - ساتۋ سەلبەستىك كووپەراتيۆىنە قاراستى شينجياڭ جەمىس - جيدەك كاسىبى توبى مەملەكەتتىك اۋىل شارۋاشىلىعىن كاسىپ سالالاندىرۋداعى ءتۇيىندى جەتەكشى كاسىپورىندىق رولىن تولىق ساۋلەلەندىرىپ، شينجياڭ ىشىندەگى ساتىپ الۋ تورى، شينجياڭ سىرتىنداعى ساتۋ تورى سىندى ”ەكى تور“ قۇرىلىسىن بار كۇشپەن ىلگەرىلەتىپ، تومەنگى شەكتەن تۇسىرمەي قامتاماسىزداندىرۋ، جاڭا ونىمدەردى زەرتتەۋ - اشۋ، جالپىلاستىرۋ، ماركانىڭ داڭقىن اسىرۋ ارقىلى شينجياڭنىڭ ەرەكشە جەمىس ورمانى كاسىپ سالاسى تىزبەگىنىڭ ساپاسىن، ونىمدىلىگىن ونان ارى جوعارىلاتىپ، ەرەكشە اۋىل شارۋاشىلىعى ونىمدەرىنىڭ تاۋارعا اينالۋ مولشەرىن ۇزدىكسىز جوعارىلاتتى.
بازارعا اماناتتاپ ساتىپ الۋ ارقىلى، جەمىس وسىرەتىن شارۋالاردىڭ كىرىستى ارتتىرۋىن قامتاماسىزداندىردى
12 - ايدىڭ 14 - كۇنى چارقىلىق اۋدانى تىكەنلىك قالاشىعىنىڭ توعىسپالى كاسىپ سالاسى باقشاسىنا ورنالاسقان چارقىلىق گوشۋ اۋىل شارۋاشىلىعى شەكتى سەرىكتەستىگىندە (تومەندە قىسقارتىلىپ ”چارقىلىق گوشۋ سەرىكتەستىگى“ دەلىنەدى) جۇمىسشىلار ءوندىرىس جەلىسىندە شىلاندى سۇرىپتاۋدا، جۋۋ، كەپتىرۋ سياقتى وڭدەۋ بۋىندارى ارقىلى شىلاندار ادەمى قوراپتالعان قۇرعاق جەمىس بۇيىمدارىنا اينالادى.
”ءۇيىمىزدىڭ شىلانىن 11 - ايدىڭ باسىندا چارقىلىق گوشۋ سەرىكتەستىگىنە ساتىپ بەرگەنبىز، بيىل تەك شىلاننىڭ وزىنەن 70 مىڭ يۋان اقشا تاپتىق، سەرىكتەستىكتىڭ شىعارعان ساتىپ الۋ باعاسىنا ريزامىن“. تىكەنلىك قالاشىعى سايباق قىستاعىنداعى شىلان وسىرەتىن شارۋا جوۋ شياۋحۋا بىلاي دەدى: ”ىندەتتىڭ ىقپالىنان بيىل كەلىپ شىلان ساتىپ الاتىن سىرت جەرلىك ساۋداگەرلەردىڭ ازايعانى انىق، باستابىندا شىلان باعاسىنىڭ قۇلدىراپ كەتۋىنەن الاڭداعان ەدىم، ايتسە دە گوشۋ سەرىكتەستىگىنىڭ ساتىپ الۋ باعاسى بىزگە دەمەۋ بولىپ، ءبىزدى الاڭسىز ەتتى“.
شينجياڭ جەمىس - جيدەك كاسىبى توبىنىڭ تارماق سەرىكتەستىگى رەتىندە، 2019 - جىلى قۇرىلعان چارقىلىق گوشۋ سەرىكتەستىگى ”ينتەرنەت جەلىسىندەگى ەلەكتروندىق ساۋدا ايىرباس تۇعىرى مەن ينتەرنەت جەلىسىنەن تىس وندىرىلگەن جەرىندەگى تولايىم تاراتۋ ايىرباس بازارىن ءبىر تۇلعالاندىرۋ“ ۇلگىسىن ەنگىزدى، قازىر ساتىپ الۋ، ساقتاۋ، وڭدەۋ، ساۋدالاۋ، ايىرباس جانە جەتكىزۋ ورتالىعى سياقتىلاردى قامتىعان امبەباپ بازار سالىنىپ بولدى. شىلاننىڭ قالىپتى ساتىپ الىنۋىنا كەپىلدىك ەتۋ ءۇشىن، جەرگىلىكتى ۇكىمەتتىڭ قولداۋىندا، 11 - ايدىڭ 6 - كۇنىنەن باستاپ، چارقىلىق گوشۋ سەرىكتەستىگى شىلاندى ساتىپ الۋدىڭ جاسىل ارناسىن اشىپ، 12 - ايدىڭ 15 - كۇنىنە دەيىن 4980 توننا چارقىلىق شىلانىن ساتىپ الدى.
”ىندەت جەر - جەردىڭ شىلانىنىڭ ساتىلۋىنىڭ ىركىلىسسىز بولماۋىن تۋدىرىپ، بۇكىل ەلدىڭ شىلان ساتىپ الۋ باعاسىن ىقپالعا ۇشىراتتى، ءبىزدىڭ ساتىپ الۋ ولشەمىمىز، ەڭ الدىمەن، شىلان وسىرەتىن شارۋالاردىڭ يگىلىككە كەنەلۋىن قامتاماسىز ەتۋ، وسىنى تومەنگى شەكتەن تۇسىرمەۋ كەرەك“، - دەدى چارقىلىق گوشۋ سەرىكتەستىگىنىڭ ديرەكتورى ياڭ تاۋ.
”قازىر ءبىز حىنان، حىبەي، گۋاڭدۇڭ سياقتى جەرلەرگە جىبەرەتىن شىلان 2000 نەشە تونناعا جەتتى. ساتۋ سەرپىنىن ارتتىرۋ ءۇشىن، ءبىز تاعى شىلان مەرزىمدەمەلى تاۋارىن وتكەرۋ قويماسىنا توعىسپالى كاسىپ سالاسى باقشاسىن سالۋعا بەلسەنە قول جەتكىزىپ، شىلان ساتۋ ءۇشىن جاڭا ارنا اشتىق“، - دەدى ياڭ تاۋ.
اۆتونوميالى رايوننىڭ ءبىر تۇتاس ورنالاستىرۋى بويىنشا، 2019 - جىلدان بەرى شينجياڭ جەمىس - جيدەك كاسىبى توبى جەمىس ورمانى ونىمدەرىن بازارعا اماناتتاپ ساتىپ الۋ قىزمەتىن ءبىر تۇتاس جوسپارلاپ ىلگەرىلەتۋدى باستاپ، ءارقايسى ءىرى فينانس قۇرىلىمدارىمەن بەلسەنە سەلبەستىك جاساۋ ارقىلى ءىس جۇزىندىك ارەكەتتەرىمەن اۋىل شارۋاشىلىعى ونىمدەرىنىڭ بازارداعى باعاسىن ورنىقتىرىپ، شارۋالاردىڭ كىرىسىن ارتتىرۋعا شىنايى كەپىلدىك ەتتى. بيىل 9 - ايدان بەرى شينجياڭ اۋىل - قىستاق امانات - قارىز كووپەراتيۆى، اۋىل شارۋاشىلىعىن دامىتۋ بانكەسىنىڭ شينجياڭ بولىمشە بانكەسى جەمىس ورمانى ونىمدەرىن بازارعا اماناتتاپ ساتىپ الۋ قىزمەتىنە بار كۇشپەن قولداۋ كورسەتتى.
تىزبەكتى ۇزارتۋ ارقىلى جەمىس ورمانى ونىمدەرىنىڭ ”ساپتىعىن“ جوعارىلاتتى
”شىلان قالاسى“ اتالعان ماكىت اۋدانىندا شىلان ەگىلەتىن جەر اۋدانى 560 مىڭ مۋعا جەتەدى. جەرگىلىكتى ورىننىڭ شىلان ەگىمشىلىگى باسىمدىعىن ساۋلەلەندىرۋ ءۇشىن، شينجياڭ جەمىس - جيدەك كاسىبى توبى بەلسەنە ورنالاستىرىپ، 2021 - جىلى سول جەردە ماكىت گوشۋ ەكولوگيالىق اۋىل شارۋاشىلىعى قامداۋ تىزبەگى شەكتى سەرىكتەستىگىن قۇرىپ، توپتىڭ جەمىس ونىمدەرىن وڭدەۋ، قامبادا جاس كۇيىندە ساقتاۋ سياقتى سالالارداعى بازار بايلىعى مەن ماماندانعان ۇجىمىنا سۇيەنىپ، ماكىت شىلانىنىڭ ساپاسىن قىسقا ۋاقىت ىشىندە وزگەرتتى.
2021 - جىلى وسى سەرىكتەستىك جەرگىلىكتى ورىندا 24 مىڭ 800 توننا شىلاندى بازاردان اماناتتاپ ساتىپ الدى، بيىلعى ساتىپ الۋ قىزمەتى تارتىپپەن جۇرىلۋدە. ماكىت گوشۋ ەكولوگيالىق اۋىل شارۋاشىلىعى قامداۋ تىزبەگى شەكتى سەرىكتەستىگىنىڭ ورىنباسار ديرەكتورى ۋاڭ ۋي بىلاي دەدى: ”قازىر سەرىكتەستىك شىلاندى باستاپقى وڭدەۋدەن مايعا شىجعىرىلعان شىلان، شىلان قانت، شىلان توسابى سياقتى جىنتىكتەي وڭدەۋگە قاراي بۇرىلىس جاساپ، جاڭا ونىمدەرگە قاراي كەڭەيتۋمەن بىرگە، شىلاننىڭ قوسىمشا قۇنىن زور كولەمدە جوعارىلاتتى. شىلان وڭدەۋ ءوندىرىس جەلىسى 7گە كوبەيدى، ءار كۇنى ءار ءتۇرلى شىلاننان 150 تونناسىن وڭدەي الادى. مۇنىڭ ىشىندە، بيىل جاڭادان شىلاندى مايعا شىجعىرۋ ءوندىرىس جەلىسى قوسىلدى، جىلىنا 5000 توننادان استام مايعا شىجعىرىلعان شىلاندى ءبىر جاقتى ەتە الادى، ءار كيلوگرامىنىڭ باعاسى ادەتتەگى شىلانعا قاراعاندا ءبىر ەسەلەنەدى“.
ماكىت اۋدانىنىڭ گوشۋ سەرىكتەستىگى سياقتى شينجياڭ جەمىس - جيدەك كاسىبى توبى تۇتاس كاسىپ سالاسى تىزبەگىن كەڭەيتۋ ارقىلى ءونىمنىڭ قۇنىن ارتتىرىپ، ونىمدىلىگىن جوعارىلاتۋدى جۇزەگە اسىرىپ، شىلان، جاڭعاق سياقتىلاردىڭ وندىرىلگەن جەرىندەگى ءالسىز بۋىندارىنا مەڭزەس، بۇكىل شينجياڭدا 76 ءونىم ءوندىرىس جەلىسىن قۇردى، قامبادا جاس كۇيىندە ساقتاۋ، جەمىس ونىمدەرىن وڭدەۋ، ساپاسىن مەڭگەرۋ، قامداۋ تىزبەگىن باسقارۋ سياقتى تۇتاس كاسىپ سالاسى تىزبەگىندە عىلىم - تەحنيكا جەتىستىكتەرىن قولدانىپ كادەگە جاراتۋدى زور كۇشپەن ىلگەرىلەتتى.
جوعارى ساپالى ونىمدەر بازاردىڭ قارسى الىنۋىنا بولەندى
12 - ايدىڭ 17 - كۇنى گۋاڭجوۋ قالاسى باييۇن رايونىنىڭ يۋەكىن جولىنا ورنالاسقان گوشۋ تىكە تيجارات دۇكەنىندە اقسۋ الماسى، ءدامدى جاڭعاعى سياقتى شينجياڭنىڭ ەرەكشە اۋىل شارۋاشىلىعى ونىمدەرى جەرگىلىكتى ورىنداعى ساتىلۋى كۇسەت اناناس، بۇلدىرگەن سياقتى جەمىستەرمەن بىرگە كورنەكتى جەرگە قويىلىپتى، كوپتەگەن الارماندار دۇكەن ىشىندە تاڭداپ ساتىپ الىپ ءجۇر.
وسى دۇكەن شينجياڭ جەمىس - جيدەك كاسىبى توبىنا قاراستى گوشۋ ەكولوگيالىق اۋىل شارۋاشىلىعى شەكتى سەرىكتەستىگىنىڭ 1000 دۇكەنىنىڭ ءبىرى، نەگىزىنەن، جاس جەمىستەردى ساتۋمەن اينالىسادى، سونىمەن بىرگە قۇرعاق جەمىس، جەمىس شىرىنى سياقتىلاردى ساتادى.
”بيىل جازداعى جاس جەمىس ماۋسىمىندا شينجياڭنان كەلگەن كىشكەنتاي اق ورىك، شينمەي، ءتاتتى المۇرت سياقتىلار گۋاڭدۇڭ قالا تۇرعىندارىنىڭ قاتتى قارسى الۋىنا بولەنىپ، كوپتەگەن قاريدارلاردى باۋرادى، مۇنىڭ ىشىندە، شينمەي ەڭ جاقسى قارسى الىنىپ، سول كەزدەگى دۇكەننىڭ ％30تىك جەكە تاۋار ساتۋ ۇلەسىن يەلەدى“، - دەدى گوشۋ ەكولوگيالىق اۋىل شارۋاشىلىعى شەكتى سەرىكتەستىگىنىڭ بازار باس باقىلاۋشىسى تاڭ يىڭ.
”شينجياڭنىڭ كوپتەگەن جاس جەمىستەرىنىڭ زات سورەسىندەگى مەرزىمى قىسقا بولعاندىقتان، ءبىزدىڭ قۇرعاق جەمىس ونىمدەرىمىز اناعۇرلىم وزگەشە بولۋى كەرەك. بىلتىردان باستاپ، 185 قاعاز جاڭعاقتان وندىرىلگەن ءشوپ ءيىستى دامدەندىرىلگەن جاڭعاقتىڭ ساتىلۋ مولشەرى زور كولەمدە ارتىپ، 1 كيلوگرام ەتىپ قوراپتالعان تۇتاس جاشىگىنىڭ بولشەك ساتىلۋ باعاسى 59 يۋان بولدى، قازىر وڭتۇستىك جۇڭگوداعى تولايىم ساتۋ بازارلارىندا قامداۋ قاجەتسىنۋدى قاناعاتتاندىرا الماي قالدى. مۇنان تىس، قابىعى ارشىلعان چارقىلىق شىلانىنىڭ بولاشاعى جاقسى، ونىڭ ءدامى ءتىل ءۇيىرىپ، ازىقتىق جاقتان حاۋىپسىز بولعاندىقتان قارسى الۋعا بولەنىپ وتىر“. تاڭ يىڭ بىلاي دەدى وڭتۇستىك جۇڭگو بازارىنداعى الارماندار جوعارى ساپالى جەمىستەردى، جىنتىكتەي وڭدەلگەن اۋىل شارۋاشىلىق ونىمدەرىن وتە ۇناتىپ وتىر، شينجياڭنىڭ جەمىس ورمانى ونىمدەرىنىڭ قوسىمشا قۇنىن ۇزدىكسىز جوعارىلاتىپ، ءونىمنىڭ دارەجەسىن جوعارىلاتىپ، ۇرپاق جاڭالاۋىن جەدەلدەتىپ، تۇتىنۋشىلاردىڭ جوعارى ساپالى تۇرمىسقا قاجەتىن قاناعاتتاندىرۋىن ءۇمىت ەتەمىز.
شينجياڭ سىرتىنداعى ساتۋ تورى قۇرىلىسىندا، قازىر شينجياڭ جەمىس - جيدەك كاسىبى توبى جەر - جەردەگى ايگىلى 3 - جاق تۇعىرلارىمەن سەلبەستىك جاساپ، ”شينجياڭ اۋىل شارۋاشىلىعى ونىمدەرى ايىرباس ورتالىعىن“ تۇعىر، ”باتىس ءوڭىر جەمىس باعىن“ ۋاكىل ەتكەن شينجياڭ اۋىل شارۋاشىلىعى ونىمدەرى ماركاسىن قالىپتاستىرىپ، 5000نان استام جاس كۇيىندەگى ونىمدەر، ارناۋلى سورەلەر جانە ساتۋ جەلى تۇيىندەرى بۇكىل ەلدەگى ءارقايسى ءىرى ورتالىق قالالارعا تارالدى.
شينجياڭ جەمىس - جيدەك توبىنىڭ ورىنباسار باس ديرەكتورى ۋاڭ جيان بىلاي دەدى: ”ەكى تور“ قۇرىلىسى ارقىلى 2018 - جىلدان 2021 - جىلعا دەيىن سەرىكتەستىك ءار ءتۇرلى اۋىل شارۋاشىلىعى ونىمدەرىنەن 10 ميلليون تونناعا تاياۋىن ساتىپ الدى، ساتتى، ايىرباسقا سالدى؛ ”سەرىكتەستىك + شارۋالار كاسىپتىك سەلبەستىك كووپەراتيۆى + شارۋالار“، ”بازا + تاپسىرىس + شارۋالار“ سياقتى تاسىلدەرگە سۇيەنىپ، تىكەلەي جانە جانامالاي حوتان، قاشقار، اقسۋ سياقتى جەرلەردەگى ءبىر ميلليوننان استام اۋىل - قىستاق حالقىن كىرىستەرىن ارتتىرۋعا جەتەكتەدى. بۇدان كەيىن سەرىكتەستىك ۇزدىكسىز كەڭەيتىپ، كاسىپ سالاسى تىزبەگىن كەمەلدەندىرىپ، ”جەمىس ورمانى+“ كوپ كاسىپ كۇيى دامۋ ءۇردىسىن قالىپتاستىرىپ، 1 -، 2 -، 3 - كاسىپتەردىڭ توعىسپالى دامۋىن جەبەپ، قالىڭ شارۋالاردى كىرىستەرىن ارتتىرۋعا ۇزدىكسىز جەتەكتەيدى.
