قايراتتانا ىسكە كىرىسىپ، اۋىل شارۋاشىلىعىندا قۋاتتى ەل قۇرۋدى جەدەلدەتەيىك
حالىق گازەتى باسماقالاسى
قولايلى ساتتەن پايدالانىپ العا ۇمتىلىپ ۇلى ىستەردى جاراتىپ، ۇزدىكسىز كۇرەس جۇرگىزىپ تىڭ داستان جازۋ كەرەك. 12 - ايدىڭ 23 - كۇنىنەن 24 - كۇنىنە دەيىن بەيجيڭدە وتكىزىلگەن ورتالىقتىڭ اۋىل - قىستاق قىزمەتى ءماجىلىسى بيىلعى اۋىل شارۋاشىلىعى، اۋىل - قىستاق، شارۋالار قىزمەتىن مۇقيات قورىتىندىلاپ، 2023 - جىلعى اۋىل شارۋاشىلىعى، اۋىل - قىستاق، شارۋالار قىزمەتىن اقىلداسىپ ورنالاستىردى. ماجىلىستە باس شۋجي شي جينپيڭ جاپپاي سوتسياليستىك وسىزاماندانعان قۋاتتى مەملەكەت قۇرۋدىڭ جالپى جاعدايىن، كەلەلى جاعدايىن كوزدە ۇستاي وتىرىپ، اۋىل شارۋاشىلىعىندا قۋاتتى ەل قۇرۋدىڭ، اۋىل شارۋاشىلىعىن، اۋىل - قىستاقتى وسىزامانداندىرۋدى جەدەل ىلگەرىلەتۋدىڭ، اۋىل - قىستاقتى گۇلدەندىرۋدى جاپپاي ىلگەرىلەتۋدىڭ ءبىرسىپىرا كەلەلى نازاريالىق جانە امالياتتىق ماسەلەلەرىن جۇيەلى بايىمداپ، قازىرگى جانە بۇدان كەيىنگى ءبىر مەزگىلدەگى اۋىل شارۋاشىلىعى، اۋىل - قىستاق، شارۋالار قىزمەتىنىڭ نىسانا - مىندەتىن، ستراتەگيالىق ءتۇيىنىن جانە نەگىزگى ۇمتىلىس بەتالىسىن ايقىنداپ بەردى، بۇل يدەيانى بىرلىككە كەلتىرۋ، تانىمدى تەرەڭدەتۋ، ورتاق تانىم ۇيىستىرۋ، اۋىل شارۋاشىلىعىندا قۋاتتى ەل قۇرۋدى جەدەلدەتۋدىڭ، اۋىل شارۋاشىلىعىن، اۋىل - قىستاقتى وسىزامانداندىرۋدى ىلگەرىلەتۋدىڭ جاڭا جاعدايىن قايراتتانا اشۋ جونىنەن كەلەلى دە تەرەڭ مانگە يە.
مەملەكەتتى قۇدىرەتتەندىرۋدە، الدىمەن، ءسوز جوق، اۋىل شارۋاشىلىعىن كۇشەيتۋ كەرەك، اۋىل شارۋاشىلىعى كۇشەيسە عانا مەملەكەت قۇدىرەتتەنەدى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى اۋىل شارۋاشىلىعى، اۋىل - قىستاق، شارۋالار ماسەلەسىن ويداعىداي شەشۋگە تاباندى بولۋدى بۇكىل پارتيا قىزمەتىندەگى ماڭىزدىنىڭ ماڭىزدىسى دەپ ءبىلىپ، ادامزات تاريحىنداعى كولەمى ەڭ ۇلكەن كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزىپ، مۇلدە كەدەيلىك ماسەلەسىن تاريحي سيپاتتى شەشىپ، اۋىل - قىستاقتى گۇلدەندىرۋ ستراتەگياسىن اتقارىپ، اۋىل شارۋاشىلىعىن، اۋىل - قىستاقتى ىلگەرىلەتۋدە تاريحي سيپاتتى تابىستارعا قول جەتكىزىپ، تاريحي سيپاتتى وزگەرىستەر تۋدىرىپ، پارتيا مەن مەملەكەت ىستەرىندە جاپپاي جاڭا جاعداي اشۋعا ماڭىزدى تىرەك ازىرلەدى. بيىل جىل باسىنان بەرى، اۋمالى - توكپەلى حالىقارالىق ورتا جانە جاپالى دا ماشاقاتتى ەل ءىشىنىڭ رەفورما، دامۋ، ورنىقتىلىق مىندەتتەرى الدىندا، ەلىمىز اۋىل شارۋاشىلىعى، اۋىل - قىستاق، شارۋالار جونىندەگى ءتۇرلى قىزمەتتەردى تىڭعىلىقتى ىلگەرىلەتىپ، بۇكىل مەملەكەتتىڭ استىق ءونىمى ءۇرتىس 8 جىل ءبىر تريلليون 300 ميلليارد جىڭنان استام دەڭگەيگە ورنىقتى ءارى جوعارى ونىمدىلىگى ارتتى، كەدەيلىكتەن ارىلتۋدان قامال الۋ جەتىستىكتەرى ۇزدىكسىز بەكەمدەلىپ، اۋىل - قىستاقتى گۇلدەندىرۋدە بەلەستىك كەلەلى تابىسقا قول جەتكىزىلدى. اماليات شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ اۋىل شارۋاشىلىعىنا ۇزدىكسىز باسا ءمان بەرۋ، اۋىل شارۋاشىلىعىن كۇشەيتۋ ستراتەگيالىق شەشىمىنىڭ بۇكىلدەي دۇرىس ەكەندىگىن، پارتيانىڭ اۋىل شارۋاشىلىعى، اۋىل - قىستاق، شارۋالار ساياساتىنىڭ سان ميلليونداعان شارۋانىڭ شىن جۇرەكتەن قولداۋىنا يە بولعاندىعىن تولىق ىسپاتتادى.
پارتيا 20 - قۇرىلتايى جاپپاي سوتسياليستىك وسىزاماندانعان مەملەكەت قۇرۋدىڭ ۇلى جوباسىن كەسكىندەگەن كەزدە، اۋىل شارۋاشىلىعى، اۋىل - قىستاق قىزمەتىنە جالپى تۇلعالىق ورنالاستىرۋ جاساپ، اۋىل - قىستاقتى گۇلدەندىرۋدى جاپپاي ىلگەرىلەتۋدى، اۋىل شارۋاشىلىعىندا قۋاتتى ەل قۇرۋدى جەدەلدەتۋدى ورتاعا قويدى. مىنانى، ءسوزسىز، تەرەڭ تانۋ كەرەك، جاپپاي سوتسياليستىك وسىزاماندانعان مەملەكەت قۇرۋدىڭ ەڭ جاپالى، ەڭ اۋىر مىندەتى ءالى دە اۋىل - قىستاقتا. اۋىل شارۋاشىلىعىندا قۋاتتى ەل بولۋ − سوتسياليستىك وسىزاماندانعان قۇدىرەتتى ەل بولۋدىڭ نەگىزى، حالىقتىڭ تاماشا تۇرمىس قاجەتىن قاناعاتتاندىرۋ، جوعارى ساپالى دامۋدى جۇزەگە اسىرۋ، مەملەكەت حاۋىپسىزدىگى نەگىزىن بەكەمدەۋ تۇگەلدەي اۋىل شارۋاشىلىعىنىڭ دامۋىنان قول ۇزە المايدى. باس شۋجي شي جينپيڭ اۋىل شارۋاشىلىعىن وسىزامانداندىرۋدىڭ جالپى زاڭدىلىعى مەن ەلىمىزدىڭ مەملەكەت جاعدايىن، اۋىل شارۋاشىلىعى جاعدايىن عىلمي يگەرىپ، اۋىل شارۋاشىلىعىندا قۋاتتى ەل قۇرۋدىڭ نەگىزدىك تالابىن جانە جۇڭگوشا ەرەكشەلىگىن ايقىن ورتاعا قويدى ءارى ستراتەگيالىق ورنالاستىرۋ جاسادى. ءبىز يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن جانە پارتيا ورتالىق كوميتەتىنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى شەشىمدەرىمەن، ورنالاستىرۋلارىمەن بىرلىككە كەلتىرىپ، اۋىل شارۋاشىلىعىندا قۋاتتى ەل قۇرۋدى جەدەلدەتۋدى سوتسياليستىك وسىزاماندانعان قۇدىرەتتى ەل قۇرۋدىڭ ماڭىزدى ورنىنا قويىپ، جوعارى دەڭگەيدە جوبالاۋدى كۇشەيتىپ، بىرتىندەپ ىلگەرىلەپ، تىڭعىلىقتى ىستەپ، جەرگىلىكتى جاعدايعا قاراي ىستەپ، ناقتى ونىمدىلىككە ءمان بەرىپ، اۋىل شارۋاشىلىعى، اۋىل - قىستاق، شارۋالار قىزمەتىن عىلمي جوبالاپ جانە ىلگەرىلەتىپ، قامداۋ - قامتاماسىز ەتۋى قۋاتتى، عىلىم - تەحنيكالىق جابدىقتالۋى قۋاتتى، جۇمىس جۇرگىزۋ جۇيەسى قۋاتتى، كاسىپ سالاسى سەرپىمدىلىگى كۇشتى، باسەكەلىك قابىلەتى كۇشتى اۋىل شارۋاشىلىعىندا قۋاتتى ەل قۇرۋ كەرەك.
اۋىل شارۋاشىلىعىندا قۋاتتى ەل قۇرۋدى جەدەلدەتۋ − جاڭا داۋىردەگى جاڭا جورىقتا پارتيامىزدىڭ ”اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋدەگى ستراتەگيالىق ورنالاستىرۋى، ءسوزسىز، ستراتەگيالىق تاباندىلىقتى ساقتاپ، ۇزدىكسىز قاجىماي كۇش سالۋ كەرەك. اۋىل شارۋاشىلىعى قۋاتتى بولۋدا، باستىسى، استىقپەن جانە ماڭىزدى اۋىل شارۋاشىلىق ونىمدەرىمەن قامداۋ - قامتاماسىز ەتۋ قابىلەتى، ءسوزسىز، كۇشتى بولۋى كەرەك. استىق حاۋىپسىزدىگى نەگىزىن جان - جاقتىلى بەكەمدەپ، جاڭا كەزەكتى 100 ميلليارد جىڭدىق استىق ءوندىرىس قۋاتىن جوعارىلاتۋ ارەكەتىن اتقارىپ، ءوندىرىس قۋاتىن جوعارىلاتۋ، قۇرىلىمىن ساپالىلاندىرۋ، سەرپىمدىلىگىن كۇشەيتۋ، پايداسىن قامتاماسىز ەتۋ، جاۋاپكەرشىلىگىن ناقتىلاندىرۋ كەرەك. اۋىل - قىستاق كاسىپ سالاسىن، دارىندىلاردى، مادەنيەتتى، ەكولوگيانى، ۇيىمدى گۇلدەندىرۋدى ءبىر تۇتاس ورنالاستىرىپ، سايكەستى ىلگەرىلەتىپ، كەدەيلىكتەن ارىلعان وڭىرلەر مەن كەدەيلىكتەن ارىلعان بۇقارانىڭ ىشكى قوزعاۋشى كۇشىن كۇشەيتىپ، شارۋالاردىڭ كىرىستى ارتتىرىپ بايۋ ارناسىن امالدىڭ بارىنشا كەڭەيتۋ كەرەك. عىلىم - تەحنيكا جاسامپازدىعى مەن تۇزىمدە جاڭالىق اشۋدى سايكەستى ىلگەرىلەتىپ، جاڭا سالالاردى، جاڭا جارىس جولىن اشىپ، جاڭا قوزعالىس ەنەرگياسىنىڭ جاڭا باسىمدىعىن سومداپ، سانىن مولايتۋ مەن ساپاسىن جوعارىلاتۋدى جەدەل جۇزەگە اسىرۋ كەرەك. اۋىل شارۋاشىلىعىن وسىزامانداندىرۋ مەن اۋىل - قىستاقتى وسىزامانداندىرۋدى ءبىر تۇلعالاندىرا ىلگەرىلەتىپ، قونىسقا جايلى، كاسىپكە ىڭعايلى، جاراسىمدى دا كورىكتى اۋىل - قىستاق قۇرىپ، اۋىل - قىستاقتىڭ سىرتىنان ىشىنە دەيىن، سىرتقى كەلبەتى مەن رۋحى سايما - ساي جان - جاقتى دامۋىن جۇزەگە اسىرىپ، جالپى بەتتىك دارەجەسىن ءوسىرۋ كەرەك.
اۋىل - قىستاقتى گۇلدەندىرۋدى، اۋىل شارۋاشىلىعىندا قۋاتتى ەل قۇرۋدى جەدەلدەتۋدى جاپپاي ىلگەرىلەتۋدىڭ تەتىگى پارتيادا. پارتيانىڭ اۋىل شارۋاشىلىعى، اۋىل - قىستاق، شارۋالار قىزمەتىنە پارتيا باسشىلىق ەتۋ پرينسيبىنە، ءسوزسىز، بۇلجىماي تاباندى بولىپ، باسشىلىق ءتۇزىلىسى مەن قىزمەت مەحانيزمىن اقاۋسىزداندىرىپ، اۋىل شارۋاشىلىعىندا قۋاتتى ەل قۇرۋدى جەدەلدەتۋ ءۇشىن پارمەندى كەپىلدىك ازىرلەۋ كەرەك. بەس دارەجەلى شۋجيلەر اۋىل - قىستاقتى گۇلدەندىرۋدى مىقتى يگەرۋ تالابىن تياناقتاندىرىپ، تەكسەرۋ، باقىلاۋ - تەكسەرۋ مەحانيزمىن كەمەلدەندىرىپ، جاۋاپكەرشىلىكتى تياناقتاندىرۋ ارقىلى قىزمەتتى تياناقتاندىرۋدى، ساياساتتى تياناقتاندىرۋدى ىلگەرىلەتۋ كەرەك. اۋىل شارۋاشىلىعى، اۋىل - قىستاق، شارۋالار قىزمەتى قابىلەتىن جوعارىلاتىپ، قىزمەت ستيلىن جاقسارتىپ، ساياسيدا توسەلگەن، جاڭا ءداۋىر تالابىنا ۇيلەسەتىن، اۋىل شارۋاشىلىعىندا قۋاتتى ەل قۇرۋعا باسشىلىق ەتۋ قابىلەتى بار اۋىل شارۋاشىلىعى، اۋىل - قىستاق، شارۋالار قىزمەتى كادرلار قوسىنىن تۇلعالاۋ كەرەك. تەكسەرۋ - زەرتتەۋدى، شىندىققا جۇگىنىپ، ناقتى ءىس ىستەۋدى نەگىزگى شەبەرلىك دەپ ءبىلىپ، جۇيە كوزقاراسىن كۇشەيتىپ، بۇقارالىق كوزقاراستى بەرىك ورناتىپ، بۇقارالىق لۋشياندى دايەكتىلەندىرۋ كەرەك. جەرگىلىكتى ورىننان باۋلۋ مەن سىرتتان ەنگىزۋدى ءوزارا ۇشتاستىرۋعا تاباندى بولىپ، بايسالدى، تۇراقتاپ تۇرا الاتىن، جارامدى اۋىل - قىستاق دارىندىلار قوسىنىن كۇش سالا سومداۋ كەرەك. قىستاق پارتيا ۇيىمى باسشىلىعىنداعى قىستاق دارەجەلى ۇيىمدىق جۇيەنى اقاۋسىزداندىرىپ، نەگىزگى ساتىداعى كادرلاردىڭ اۋىرتپالىعىن ۇزدىكسىز جەڭىلدەتىپ، نەگىزگى ساتىداعى كادرلاردىڭ ءتىپتى دە كوپ زەيىن - زەردەسىن شارۋالارعا ناقتى ءىس ىستەپ بەرۋگە جۇمساۋىنا مۇمكىندىك جاساۋ كەرەك. ءار دارەجەلى پارتكومدار مەن ۇكىمەتتەر پارتيا ورتالىق كوميتەتىنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى كەلەلى باعىت - ساياساتتارىن جانە شەشىمدەرى مەن ورنالاستىرۋلارىن ىشكەرىلەي دايەكتىلەندىرىپ، ”مەملەكەتتىڭ زور ءىسىن“ ەستە بەرىك ساقتاپ، ساياسي جاۋاپكەرشىلىكتى ارقالاپ، شىنايى يگەرىپ، ناقتى ىستەپ، بارىن سالا كىرىسىپ، اۋىل شارۋاشىلىعىندا قۋاتتى ەل قۇرۋدى جەدەلدەتۋ بارىسىندا تىڭ تىنىس بايقاتىپ، جاڭا ىسكەرلىك تانىتۋى كەرەك.
ۇلى ىستەردى تىندىرۋ ارماننان باستالىپ، ناقتى ىستەۋمەن ورىندالادى. كەلەر جىل − پارتيا 20 - قۇرىلتايى رۋحىن جاپپاي دايەكتىلەندىرۋدە، تياناقتاندىرۋدا باستاما اشاتىن جىل، اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋدىڭ بورىشى داڭقتى، جاۋاپكەرشىلىگى اۋىر. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ،” ەكىنى قورعاۋدى“ ورىنداپ، نىسانانى كوزدەپ، قايراتتانا ىسكە كىرىسىپ، اۋىل - قىستاقتى گۇلدەندىرۋدى ماڭىزدى ءتۇيىن ەتكەن اۋىل شارۋاشىلىعى، اۋىل - قىستاق، شارۋالار جونىندەگى ءتۇرلى قىزمەتتەردى ويداعىداي مىقتى يگەرىپ، اۋىل شارۋاشىلىعىن، اۋىل - قىستاقتى وسىزامانداندىرۋدى زور كۇشپەن ىلگەرىلەتىپ، اۋىل شارۋاشىلىعىندا قۋاتتى ەل قۇرۋدى جەدەلدەتۋ ءۇشىن قۇلشىنا كۇرەس جۇرگىزۋىمىز كەرەك.
(شينحۋا اگەنتتىگىنىڭ 12 - ايدىڭ 24 - كۇنى بەيجيڭنەن بەرگەن حابارى)
