وزگەرىس
− پارتيا 20 - قۇرىلتايىنان جۇڭگو كوممۋنيستىك پارتياسىنىڭ تابىسقا جەتۋ قۇپياسىنا نازار (4)
□ شينحۋا اگەنتتىگىنىڭ تىلشىلەرى زوۋ ۋي، جياڭ لين، گاۋ جيڭ
”جاڭا ءداۋىردىڭ 10 جىلىنداعى ۇلى وزگەرىستەر“، ”ءبىر قىدىرۋ وزگەرىس سيپاتتى اماليات“، ”تاريحي وزگەرىس“، ” كەڭ كولەمدى ءارى تەرەڭ ەكونوميكالىق، قوعامدىق جۇيەلى وزگەرىس“...
”وزگەرىس“ − پارتيا 20 - قۇرىلتايىنىڭ بايانداماسىندا جۇرت نازارىن اۋدارعان كىندىك ءسوز.
ول − ۇلى جەتىستىك، سونداي - اق تابىسقا جەتۋدىڭ قۇپياسى. توقتاۋسىز وزگەرىس بارىسىندا، جۇڭگو كوممۋنيستىك پارتياسى حالىقتى باستاپ كۇردەلى، قۇبىلمالى جاعداي مەن سىن - سايىستارعا توتەپ بەرىپ، ەشقاشان قاتىپ - سەمبەي، ەشقاشان توقىراماي، كىبىرتىكتەمەي، وزگەرىستى تاني بىلەتىن پاراساتپەن، وزگەرىسكە ۇيلەسەتىن ءادىس - شارامەن، وزگەرۋگە ۇمتىلاتىن جۇرەكتىلىكپەن ماركسيزمنىڭ جۇڭگوشالانۋىن، زامانالانۋىن ىلگەرىلەتىپ، ۇزدىكسىز جەڭىستەن تىڭ جەڭىسكە جەتىپ وتىردى.
وزگەرىس جولى: ”تەك تاريحتىڭ اعىمىنا ۇيلەسىپ، بەلسەندىلىكپەن جاعدايعا سايكەسىپ، وزگەرۋگە ىرىقتىلىقپەن ۇمتىلعاندا عانا داۋىرمەن بىرگە جۇرۋگە بولادى“
11 - ايدىڭ 15 - كۇنى يندونەزيانىڭ بالي ارالى، 20 ەل توبى باسشىلارىنىڭ 17 - رەتكى باسشىلار ءماجىلىسى وسى جەردە اشىلدى.
”جۇڭگو بۇلجىماي بەيبىت دامۋ جولىمەن ءجۇرىپ، بۇلجىماي رەفورمانى تەرەڭدەتىپ، ەسىك اشۋدى كەڭەيتىپ، جۇڭحۋا ۇلتىنىڭ ۇلى گۇلدەنۋىن بۇلجىماي جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتەدى“.
ءتوراعا شي جينپيڭ ماڭىزدى ءسوز سويلەپ، حالىقارالىق قوعامعا جۇڭگونىڭ رەفورمامەن، دامۋمەن ءداۋىردىڭ سىن - سايىسىن بىرگە قارسى الاتىن، جارقىن بولاشاققا بىرگە جول اشاتىن بەكىمى مەن ارەكەتىن ايقىن ءتۇسىندىردى.
جالپاق الەمگە كوز سالساق، وزگەرىستىڭ ۇلكەن اۋقىم، جۇرت قالاۋى، بوگەۋ بەرمەس تاريح اعىمى ەكەندىگىن كورەمىز.
”ءبىز بۇرىنعىلار ىستەپ كورمەگەن ۇلى ىسپەن شۇعىلدانىپ وتىرمىز، تۋراشىلدىقتان اينىماعاندا عانا باعداردان اداسپاۋعا، اۋدارىپ تاستاۋ سيپاتتى قاتەلىك وتكىزبەۋگە بولادى، جاڭالىق اشقاندا عانا ءداۋىردى يگەرۋگە، داۋىرگە جەتەكشىلىك ەتۋگە بولادى“. پارتيانىڭ 20 - قۇرىلتايىندا باس شۋجي شي جينپيڭ وسىلاي دەپ باسا دارىپتەدى.
”اعىن سۋ ساسىمايدى، ەسىكتىڭ توپساسى شىرىمەيدى“. ”ۋاقىت سايىن جاڭالىق اشۋ، كۇن سايىن تۇلەۋ، اي سايىن جاڭارۋ“، ”كونەنىڭ ورنىن جاڭانىڭ باسۋى ۋاقىتتىڭ وزگەرۋىنە بولا توقتاپ قالمايدى“... وزگەرىس جايىنداعى جۇڭگو پاراساتى جۇڭحۋا مادەنيەتىنىڭ قۇنارلى توپىراعىنا تەرەڭ تامىر تارتقان.
وتكەن 100 جىلعا قايىرىلا قاراساق، ماركسيزمدى قاتىپ - سەمگەن دوگماعا بالايتىن يدەيانىڭ بۇعاۋىن تالقانداپ، اۋىل - قىستاق ارقىلى قالانى قورشاۋعا الۋداي توڭكەرىستىڭ تىڭ جولىمەن ءجۇردى؛ ءداۋىر قادامىنا ىلەسىپ، رەفورما جاساۋ، ەسىك اشۋداي ۇلى جاسامپازدىقتى جۇزەگە اسىردى؛ ”ەكىنى بىرلەستىرۋگە“ تاباندى بولىپ، جۇڭگوشا سوتسياليزمنىڭ جاڭا ءداۋىرىن اشتى... جۇرەكتىلىكپەن وزگەرىس جاساۋ جۇڭگو كوممۋنيستىك پارتياسىنىڭ باستان - اياق وزگەرمەگەن ايقىن قاسيەتى بولدى.
تاريحتىڭ ۇلكەن اۋقىمىن باعامداپ، ءداۋىر تولقىنىنىڭ الدىڭعى لەگىندە ءجۇردى.
جاڭا داۋىردەگى جۇڭگو كوممۋنيستەرى اناعۇرلىم كۇشتى تاريحي سانالىلىق جانە ىرىقتىلىق رۋحپەن وزگەرىسكە جەتەكشىلىك ەتتى، وزگەرىستى جەبەدى −
حالىق تىلەگى ارقىلى ”ەڭ ۇلكەن ساياسيدى“ ءتۇسىندىرىپ، حالىقتى وزەك ەتكەن دامۋ يدەياسىنا تاباندى بولدى؛ ءتۇزىلىس، مەحانيزمدەگى كەدەرگىلەردى جويىپ، رەفورمانى جاپپاي تەرەڭدەتۋ ارقىلى ءتۇزىمدى جانە باسقارۋ جۇيەسىن كەمەلدەندىردى، دامىتتتى؛ بۇكىل ادامزاتقا ورتاق قۇندىلىقتاردى اسىلعا بالاپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، ءداۋىردىڭ العا باسۋ اعىمىنا جەتەكشىلىك ەتتى...
نەعۇرلىم ۇلى ءىس بولعان سايىن، نەعۇرلىم ماشاقاتقا، قيىندىققا، قاتەرگە، بوگەتكە تولى بولادى، سولعۇرلىم قاجىرلىلىقپەن كۇرەس جۇرگىزۋدى، سولعۇرلىم وزگەرىس جاساپ، جاڭالىق اشۋدى قاجەت ەتەدى.
”ءداۋىردىڭ قادامىنا تىعىز ىلەسىپ، امالياتتىڭ دامۋىنا ۇيلەسىپ، جاڭا دۇنيە اتاۋلىعا قىزۋ ىنتامەن مامىلە جاساپ، تانىمدى ۇزدىكسىز ءورىس اشا كەڭەيتىپ جانە تەرەڭدەتىپ، بۇرىنعىلار ايتىپ كورمەگەن جاڭا سوزدەردى ايتۋعا باتىل بولىپ، بۇرىنعىلار ىستەپ كورمەگەن ىستەردى ىستەۋگە باتىل بولىپ، جاڭا نازاريا ارقىلى جاڭا امالياتقا جەتەكشىلىك ەتۋىمىز كەرەك“. باس شۋجي شي جينپيڭ پارتيا 20 - قۇرىلتاي بايانداماسىندا ايقىن بەتالىس كورسەتتى.
وزگەرىس ءمانى: ”كەز كەلگەن ۋاقىتتا، كەز كەلگەن جەردە سول شاقتاعى تاريحي شارت - جاعدايعا قاراي وزگەرىپ وتىرۋ كەرەك “
اڭعارلى اۋقىمعا قاراي وزگەرىپ وتىرادى، دانىشپان ءىستىڭ ىڭعايىنا قاراي قيمىلدايدى.
”كەز كەلگەن ۋاقىتتا، كەز كەلگەن جەردە سول شاقتاعى تاريحي شارت - جاعدايعا قاراي وزگەرىپ وتىرۋ كەرەك“. «كوممۋنيستىك پارتيا جارناماسىنداعى» تيپتىك بايىمداۋ ءالى دە اقيقات نۇرىن شاشىپ تۇر.
وزگەرىستىڭ ءمانى ماسەلەنى باعدار ەتۋگە تاباندى بولۋدا جاتىر.
پارتيانىڭ 20 - قۇرىلتايى جابىلىپ 3 كۇننەن سوڭ، «جەكە ساۋدا - ونەركاسىپشىلەردىڭ دامۋىن جەبەۋ ەرەجەسى» جاريالانىپ، ءبىر قىدىرۋ تۇزىمدىك ورنالاستىرۋلار جاسالىپ، جەكە ساۋدا - ونەركاسىپشىلەردىڭ ”شۇعىل، قيىن، ۋايىمداعان، ءزارۋ“ كورنەكتى ماسەلەلەرىن شەشۋگە، دامۋدىڭ ساپاسىن تۇتاس تۇلعالىق جاقتان جوعارىلاتۋعا ءتيىمدى بولدى.
پارتيا 20 - قۇرىلتايىنىڭ بايانداماسىندا ”ءبىز ماسەلە تانىمىن كۇشەيتۋىمىز كەرەك“، ”ماسەلەنى شىنايى شەشەتىن جاڭا ۇستانىمدى، جاڭا يدەيانى، جاڭا ءادىستى ۇزدىكسىز العا قويۋىمىز كەرەك“ دەپ باسا دارىپتەلدى.
ماسەلەنىڭ ىزىنە ءتۇسىپ، ماسەلەگە تۋرا بەتتەدى.
عىلىم - تەحنيكادا جاڭالىق اشۋ قابىلەتىنىڭ كۇشتى بولماۋىنا قاراتا، جاڭالىق اشۋ ارقىلى دامۋعا دەم بەرۋ ستراتەگياسى جەدەل اتقارىلدى؛ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ بارىسىندا جاڭا تاجىريبەلەر قورىتىندىلانىپ، ەلەۋلى ىندەتتەن ساقتانۋ - تىزگىندەۋ، قۇتقارۋ - ەمدەۋ جۇيەسىن جانە شۇعىل جاعدايعا توتەپ بەرۋ قابىلەتى قۇرىلىسىن كۇشەيتۋ جايلى ورنالاستىرۋ جاسالدى؛ ”كومىر قىشقىل گازىنىڭ شىعارىلۋىنىڭ جوعارعى مانىنە جەتىپ بارۋ“، ”ناۋقان تۇرىندە“ كومىر قىشقىل گازىنىڭ شىعارىلۋىن ازايتۋ سياقتى سىڭايلاردان ساقتانۋدا، كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋدى، كومىر قىشقىل گازىن بەيتاراپتاندىرۋدى بەلسەندى، ورنىقتى تۇردە ىلگەرىلەتۋ تالاپ ەتىلدى... پارتيا 20 - قۇرىلتايىنىڭ ورنالاستىرۋى بويىنشا ءبىر قىدىرۋ جاڭا شارالار قولعا الىنا باستادى.
وزگەرىستىڭ ءمانى رەفورمانىڭ، دامۋدىڭ، ورنىقتىلىقتىڭ ءوزارا بىرلىگىندە جاتىر.
جاڭا ءداۋىردىڭ 10 جىلىندا پارتيا حالىقتى باستاپ، اناعۇرلىم زور باتىلدىقپەن جانە سەرپىنمەن ىلگەرىلەتكەن رەفورما قاشاندا جۇڭگوشا سوتسياليزم جولىندا ۇزدىكسىز العا باسقان رەفورما بولىپ كەلەدى.
نەنى وزگەرتۋ، قالاي وزگەرتۋ ماسەلەسى، ءسوز جوق، جۇڭگوشا سوتسياليزم ءتۇزىمىن كەمەلدەندىرۋدىڭ جانە دامىتۋدىڭ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدىڭ باس نىساناسىنا ۇيلەسەتىن - ۇيلەسپەيتىندىگىن تۇپكى تياناق ەتۋى كەرەك.
تۇيىقتالىپ، قاتىپ - سەمىپ قالماۋ، تۋدى وزگەرتىپ، جالاۋدى اۋىستىرماۋ كەرەك. وزگەرتۋگە تيىستىلەرىن، وزگەرتۋگە بولاتىندارىن باتىل وزگەرتۋ، وزگەرتۋگە ءتيىس ەمەستەرىن، وزگەرتۋگە بولمايتىندارىن استە وزگەرتپەۋ كەرەك.
باس شۋجي شي جينپيڭ بىلاي دەپ باسا دارىپتەدى: ءتۇزىم سەنىمىن بەكەمدەۋ مەن ۇزدىكسىز رەفورمالاۋدى، جاڭالىق اشۋدى بىرلىككە كەلتىرىپ، ءتۇبىرلى ساياسي تۇزىمگە، نەگىزگى ساياسي تۇزىمگە تاباندى بولۋ نەگىزىندە، ءتۇزىم جۇيەسىن كەمەلدەندىرۋ مەن دامىتۋدى ۇزدىكسىز ىلگەرىلەتۋ كەرەك.
حالىقارالىق قوعام دا جۇڭگو كوممۋنيستىك پارتياسىنىڭ وزگەرىس جولىن زەرتتەۋدە.
ءۇندىستان بومبەي بايقاۋشىلار زەرتتەۋ قورىنىڭ بۇرىنعى ءتوراعاسى كۇلكارني: ساياسي تۇراقتىلىقتى ساقتاۋ مەن جۇرەكتىلىكپەن وزگەرۋدى ۇشتاستىرۋ جۇڭگو كوممۋنيستىك پارتياسىنىڭ تابىسقا جەتۋ سەبەبى، - دەيدى.
”مەنىڭ بايقاۋىمشا، جۇڭگو كوممۋنيستىك پارتياسى وزگەرىس پەن ۇلاسپالىلىقتى ءوزىنىڭ مەملەكەت باسقارۋ ءتۇزىمى مەن قۇرىلىمىنا مۇلتىكسىز توعىستىرعان“، - دەيدى پاكيستان ەۆروپا − ازيا عاسىر زەرتتەۋ ورنىنىڭ قۇرۋشى باستىعى يرفان شاحزاد تاكالۆي.
وزگەرىستىڭ ءمانى حالىق جاسامپازدىعىنىڭ ۇلى كۇشىن قاۋلاتۋدا جاتىر.
حالىق − تاريح دامۋىنىڭ قوزعاۋشى كۇش قاينارى، قوعامدىق وزگەرىستى بەلگىلەيتىن كۇش.
باس شۋجي شي جينپيڭ بىلاي دەپ اتاپ كورسەتتى: ”بۇقارانىڭ ءتول جاسامپازدىق رۋحىنا قۇرمەت ەتىپ، جوعارى دەڭگەيدە جوبالاۋدى كۇشەيتۋ مەن حالىقتان كەڭەس الۋعا تاباندى بولۋدى بىرلىككە كەلتىرىپ، جاندى دا جالىندى نەگىزگى ساتى امالياتىنان اقىل - پاراسات قابىلداۋ كەرەك“.
بيىل 4 -، 5 - ايلاردا پارتيا 20 - قۇرىلتايىنا قاتىستى قىزمەتتەر جونىندە ينتەرنەتتە پىكىر الۋ قيمىلى ورىستەتىلىپ، ينتەرنەت قولدانۋشىلارى قالدىرعان لەبىز 8 ميلليون 542 مىڭنان اسىپ، ولار 1675 پىكىر - ۇسىنىس بولىپ سارالانىپ، جيناقتالىپ، الداعى 5 جىلداعى، ءتىپتى ونان دا ۇزاق مەزگىلدەگى رەفورما، دامۋ ءۇشىن اقىل - پاراسات ارنادى.
12 - ايدىڭ 6 - كۇنى اشىلعان جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ماجىلىسىندە ”تۇتاس قوعامنىڭ ءىس تىندىرۋ، ناتيجە جاراتۋ ومىرشەڭدىگىن قاۋلاتىپ، كادرلاردىڭ باتىلدىقپەن ءىس تىندىرۋىنا، جەرگىلىكتى ورىننىڭ باتىلدىقپەن قامال الۋىنا، كاسىپورىنداردىڭ باتىلدىقپەن ىستەۋىنە، بۇقارانىڭ باتىلدىقپەن ءتول جاسامپازدىق جاراتۋىنا مۇمكىندىك جاساۋ“ ايقىن العا قويىلدى.
قازىر ەكونوميكالىق تۇزىلىستە تەرەڭ وزگەرىس تۋىلىپ، قوعامدىق قۇرىلىمدا تەرەڭ وزگەرىس بولىپ، مۇددەلەر اۋقىمى تەرەڭ رەتتەلىپ، يدەيا - كوزقاراستاردا تەرەڭ وزگەرىس جارىققا شىعىپ، ءار جاقتىڭ مۇددەسىن تەڭ ويلاستىرۋ بارعان سايىن قيىنداي تۇسۋدە.
جوعارى - تومەن بولىپ ءبىر نيەتكە بەكىگەندەر جەڭىسكە جەتۋگە بولادى. پارتيانىڭ تىلەگى مەن حالىقتىڭ قالاۋى بىرلىككە كەلتىرىلسە، پارتيانىڭ ارەكەتى مەن قالىڭ حالىقتىڭ جۇرەك ءۇنى بىرلەستىرىلسە، ءسوز جوق، وزگەرىس جاسايتىن، جاڭالىق اشاتىن قۋاتتى بىرىككەن كۇش ۇزدىكسىز توپتالادى.
وزگەرىس پاراساتى: ”داعدارىس بارىسىندا جاڭا وراي جەتىلدىرۋ، وزگەرىس بارىسىندا جاڭا جاعداي اشۋعا قۇلشىنۋ“
ساندى مالىمەتتەردىڭ كورسەتۋىنشە، بيىل الدىڭعى 11 ايدا بۇكىل ەلدەگى كولەمنەن جوعارى ونەركاسىپتىڭ ارتقان قۇنى سايكەس مەزگىلدەگىدەن ％8. 3، تۇراقتى مۇلىككە قوسىلعان قارجى سايكەس مەزگىلدەگىدەن ％3. 5، تاۋارلاردىڭ يمپورت - ەكسپورت جالپى سوماسى سايكەس مەزگىلدەگىدەن ％6. 8 ارتقان. حالىق شارۋاشىلىعى جالپى جاقتان قالپىنا كەلۋ بەتالىسىن ساقتاعان.
بيىل جىل باسىنان بەرى، بۇكىل ەلدە 25 مىڭ سۋ يگىلىگى نىسانىنىڭ قۇرىلىسى جاڭادان باستالىپ، جاڭا ەنەرگيالىق اۆتوكولىكتەردىڭ جالپى ساتىلۋى ءبىر ەسە ءوستى، ”18. 6“، ”قوس 11“ تۇتىنۋدىڭ ىستىق ىنتاسىن قاۋلاتتى... ىشكى سۇرانىس ۇزدىكسىز كەڭەيىپ، جۇڭگو ەكونوميكاسىنىڭ سەرپىمدىلىگى مەن نەگىزى نىعايا ءتۇستى.
ءداۋىردىڭ سۇراۋى جاۋاپ بەرگەن سايىن جاڭارىپ وتىرادى −
الەمدىك ساياسي - ەكونوميكالىق ورتادا تەرەڭ وزگەرىس تۋىلىپ، 100 جىلدىق وزگەرىس پەن عاسىرلىق ىندەت قاباتتاسقان جاعدايدا، ەلىمىزدىڭ دامۋى بۇرىن بولماعان سىرتقى سىن - سايىسقا ءدوپ كەلدى.
ەل ىشىندە دامۋدىڭ بىركەلكى بولماۋ، تولىق بولماۋ ماسەلەسى ءالى دە كورنەكتى، ءتۇيىندى سالالارداعى، شەشۋشى بۋىندارداعى رەفورما مىندەتى ءالى دە ماشاقاتتى بولىپ وتىر، كەيبىر سالالاردىڭ دامۋىندا ءالى دە ولقىلىقتار، ءالسىز بۋىندار ورىن تەبۋدە.
”داعدارىس بارىسىندا جاڭا وراي جەتىلدىرۋ، وزگەرىس بارىسىندا جاڭا جاعداي اشۋعا قۇلشىنۋ كەرەك“، باس شۋجي شي جينپيڭ بۇكىل پارتيانى، بۇكىل ەل حالقىن باستاپ جاڭاشىلدىقپەن جاۋاپ بەردى.
داعدارىس پەن وراي ەجەلدەن مەتال اقشانىڭ ەكى بەتى ءتارىزدى. داعدارىس پەن وراي ديالەكتيكاسىنان ويداعىداي پايدالانىپ، جاعداي مەن ورتانىڭ وزگەرىسىنە قاراي ۇزدىكسىز رەتتەلىپ، جاعدايعا دەر كەزىندە، عىلمي سايكەسكەندە عانا، داعدارىستى ورايعا اينالدىرۋعا بولادى.
2020 - جىلى 3 - ايدا باس شۋجي شي جينپيڭ جىجياڭدا قىزمەت تەكسەرگەندە كەڭ كولەمدە تەحنيكا ەنگىزەتىن، كەڭ كولەمدە ەكسپورتقا شىعاراتىن ورتا شارت - جاعدايىنىڭ وزگەرگەنىن ۇعادى. بەيجيڭگە قايتقان سوڭ كوپ وتپەي، ول جاڭا دامۋ ارناسىن قالىپتاستىرۋدى العا قويدى. 2 جىلدان بەرى جاڭا دامۋ ارناسىن قالىپتاستىرۋدا ۇزدىكسىز تىڭ قادامدار الىندى.
”جاڭا دامۋ جاعدايىن جەدەل قالىپتاستىرىپ، جوعارى ساپالى دامۋدى كۇش سالا ىلگەرىلەتۋ“، پارتيا 20 - قۇرىلتايىنىڭ بايانداماسى بۇعان ارناۋلى تاراۋمەن تۇسىنىك جاساپ، جاڭا ورنالاستىرۋ جاسادى.
دامۋ − وزگەرىستىڭ ونەرى. ساپا وزگەرىسىن، ونىمدىلىك وزگەرىسىن، قوزعاۋشى كۇش وزگەرىسىن ىلگەرىلەتۋدە، تۇپتەپ كەلگەندە، جاڭالىق اشۋعا سۇيەنۋ كەرەك.
عىلىم - تەحنيكادا جاڭالىق اشۋ ءىرى ەلدەر اراسىنداعى تەكە - تىرەستىڭ نەگىزگى مايدانىنا اينالدى. ءبىر ميلليارد 400 ميلليوننان استام حالقى بار، وركەندەپ كەلە جاتقان ءىرى ەل جوعارى دەڭگەيدەگى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جەدەل جۇزەگە اسىرۋى كەرەك، سوندىقتان جاڭالىق اشۋدىڭ قىسىمى اناعۇرلىم زور، قوزعاۋشى كۇشى اناعۇرلىم جەتكىلىكتى بولىپ وتىر.
جاڭا دامۋ ۇستانىمىندا ”جاڭالىق اشۋ“ ءبىرىنشى ورىنعا قويىلعان. پارتيا 20 - قۇرىلتايىنىڭ بايانداماسى ”مەملەكەتتى عىلىم - تەحنيكا، وقۋ - اعارتۋ ارقىلى كوركەيتۋ ستراتەگياسىن اتقارىپ، وسىزامانداندىرۋ قۇرىلىسىنىڭ دارىندىلار تىرەگىن كۇشەيتۋ“ جونىندە ارناۋلى ورنالاستىرۋ جاساپ، ”جاڭالىق اشۋدىڭ ءبىرىنشى قوزعاۋشى كۇش“ ەكەندىگىن باسا دارىپتەدى.
ۆيرتۋالدى رەاليتي (VR) كاسىپ سالاسىنىڭ شاپشاڭ دامۋىن ىلگەرىلەتەتىن شارالار شىعارىپ، ورتا، شاعىن كاسىپورىنداردىڭ سيفرلانۋعا قاراي تيپ وزگەرتۋىن جەدەلدەتىپ، عىلىم - تەحنيكالىق دارىندىلاردى باعالاۋ رەفورماسىن تۇيىندە سىناق ەتتى... پارتيا 20 - قۇرىلتايى جابىلعان سوڭ، جاڭالىق اشۋدى كوزدەگەن ءبىر قىدىرۋ شارالار ەدەل - جەدەل شىعارىلىپ، جوعارى ساپالى دامۋعا سارقىلماس قوزعاۋشى كۇش ازىرلەدى.
مۇنداي سىن - سايىس بۇرىن بولعان ەمەس، وعان جاقسى توتەپ بەرە الساق، بۇرىن بولماعان ورايلارعا يە بولامىز.
ءداۋىر اعىمىنا ۇيلەسىپ، حالىقتىڭ تالابىنا جاۋاپ قاتىپ، جۇرەكتىلىكپەن وزگەرىستى ىلگەرىلەتتى. شي جينپيڭ جولداستى ۇيتقى ەتكەن پارتيا ورتالىق كوميتەتى حالىقتى باستاپ، وزگەرىستى ءدال تانىپ، جاعدايعا عىلمي سايكەسىپ، ىرىقتىلىقپەن وزگەرىس جاساۋعا ۇمتىلىپ، ءسوز جوق، قامال الىپ، قيىندىقتاردى ەڭسەرۋ بارىسىندا باسىمدىققا، ىرىقتىلىققا، بولاشاققا قول جەتكىزىپ، جۇرتتى جالت قاراتارلىق اناعۇرلىم كوپ دۇنيە كەرەمەتىن جاراتادى.
(شينحۋا اگەنتتىگىنىڭ 12 - ايدىڭ 23 - كۇنى بەيجيڭنەن بەرگەن حابارى)
