اۆتونوميالى رايون ىندەتتەن ساقتانۋ - تىزگىندەۋ قىزمەتى بەينە ەكراندىق ورنالاستىرۋ ءماجىلىسىن اشتى
ما شيڭرۇي ءسوز سويلەدى
لي يفي قاتىناستى
انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، جاڭ يانفاڭ 12 - ايدىڭ 24 - كۇنى ۇرىمجىدەن حابارلايدى. 12 - ايدىڭ 24 - كۇنى تۇستەن بۇرىن اۆتونوميالى رايون ىندەتتەن ساقتانۋ - تىزگىندەۋ قىزمەتى بەينە ەكراندىق ورنالاستىرۋ ءماجىلىسىن اشىپ، باس شۋجي شي جينپيڭنىڭ ىندەتتەن ساقتانۋ - تىزگىندەۋ قىزمەتى جونىندەگى ماڭىزدى ءسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا كەزەڭدەگى ىندەتتەن ساقتانۋ - تىزگىندەۋ شارالارىن تولىق، دالمە - ءدال، جاپپاي يگەردى جانە اتقاردى، اۆتوموميالى رايوننىڭ جانە بيڭتۋاننىڭ ساقتانۋ - تىزگىندەۋ قىزمەتى تۋرالى مالىمەتىن تىڭدادى، قازىرگى جانە كەلەسى كەزەڭدەگى ءتۇيىندى مىندەتتەردى ورنالاستىردى. اۆتونوميالى رايوندىق پارتكومنىڭ شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى ما شيڭرۇي ماجىلىسكە قاتىناستى ءارى ءسوز سويلەپ، بىلاي دەپ باسا دارىپتەدى: يدەيا مەن ارەكەتتى پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، جاڭا كەزەڭدەگى ىندەتتەن ساقتانۋ - تىزگىندەۋدىڭ ءتۇرلى شارالارىن مۇقيات تياناقتاندىرىپ، ەمدەۋ، قۇتقارۋ قابىلەتىن زور كۇشپەن جوعارىلاتىپ، ءدارى - دارمەك ءوندىرۋ، زاپاس ساقتاۋ، قامداۋ تەبىنىن كۇشەيتىپ، ءتۇيىندى قاۋىمنىڭ ساقتانۋ - تىزگىندەۋىن ويداعىداي يگەرىپ، سالاماتتىقتى قامتاماسىز ەتۋگە، سالماقتى اۋرۋدان ساقتانۋعا بارىنشا كۇش سالىپ، ءار ۇلت بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن ويداعىداي قورعاپ، كەڭ تارالۋ مەزگىلىنەن ورنىقتى وتۋگە شىنايى كەپىلدىك ەتۋ كەرەك.
اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي قاتارلىلار ماجىلىسكە قاتىناستى.
ماجىلىستە اۆتونوميالى رايون جانە بيڭتۋاننىڭ ىندەت جاعدايى مەن توتەپ بەرۋ دايىندىعىنىڭ جاعدايى حابارلاندىرىلىپ، ءارقايسى ايماق، وبلىس، قالانىڭ ەمدەۋ بايلىعى زاپاسى، بۇقارانىڭ ناۋقاس كورسەتۋ، ءدارى - دارمەك پايدالانۋ، ءتۇيىندى قاۋىمنىڭ سالاماتتىعىنا قىزمەت وتەۋ سياقتى قىزمەتتەر ءبىر - بىرلەپ ورنالاستىرىلدى. ما شيڭرۇي قاتىستى جاۋاپتى جولداستارمەن ىشكەرىلەي پىكىر اۋىستىرىپ، جاعدايعا تالداۋ جاساپ، تۇجىرىمداپ، ءالسىز بۋىنداردى تەكسەرىپ تاۋىپ، ءتۇيىندى مىندەتتەر مەن شارالاردى اقىلداستى، ورنالاستىردى.
ما شيڭرۇي بىلاي دەپ اتاپ كورسەتتى: كەزەكتە تۇتاس رايوننىڭ ىندەت جاعدايى جالپى جاقتان ورنىقتى، ەمدەۋ، قۇتقارۋ ءتارتىبى ورنىقتى، الايدا ”قوس مەرەكە“ كەزىندە ادامداردىڭ جىلجىمالىلىعى ارتۋ جانە قىس، كوكتەم ماۋسىمىندا كوپ اۋرۋ قاباتتاسىپ تارالۋ سياقتى فاكتورلاردىڭ ىقپالىندا، ىندەتتەن ساقتانۋ - تىزگىندەۋ جاڭا سىن - سايىسقا ءدوپ كەلۋدە. ءار دارەجەلى، ءارقايسى تاراۋلاردىڭ پارتيا، اكىمشىلىك نەگىزگى جاۋاپتى جولداستارى حاۋىپ - قاتەر تانىمىن، جاۋاپكەرشىلىك تانىمىن شىنايى كۇشەيتىپ، ىندەتتىڭ دامۋ كۇيىنە تالداۋ جاساۋ، تۇجىرىمداۋدى كۇشەيتىپ، قاۋىرت كەزدەن ورنىقتى ءوتۋدىڭ يدەيالىق، قىزمەتتىك جانە قابىلەتتىك دايىندىعىن ويداعىداي ىستەپ، ەمدەۋ، قۇتقارۋدى قامتاماسىز ەتۋ، ءدارى - دارمەك ءوندىرىسى مەن قامداۋىن قامتاماسىز ەتۋ، ءتۇيىندى قاۋىمدى قورعاۋ سياقتى قىزمەتتەردى بار كۇشپەن ويداعىداي يگەرىپ، جاڭا كەزەڭدەگى ىندەتتەن ساقتانۋ - تىزگىندەۋ قىزمەتىن عىلمي، ويداعىداي ىستەپ، قاۋىرت مەزگىلدى كەشەۋىلدەتۋگە، جوعارعى شەگىن السىرەتۋگە، ارىنىن باسۋعا قۇلشىنىس جاساۋى كەرەك. ەمدەۋ، قۇتقارۋ قابىلەتىن كۇشەيتىپ، ەمدەۋ بايلىعىنىڭ دارەجەسىن ءوسىرۋدى، سيىمدىلىعىن ارتتىرۋدى ىلگەرىلەتىپ، ىندەت جاعدايى، ناۋقاستىڭ اۋىر - جەڭىلدىگى، باسەڭ - شۇعىلدىعى سياقتىلارعا نەگىزدەلە وتىرىپ، ءبىر تۇتاس جوسپارلاپ پايدالانىپ، ۇيلەسىمدى بولىسكە سالىپ، كۇشتى ارتتىرىپ، بارىسىن ساپالىلاندىرىپ، قىزىپ اۋىرعان ادامداردىڭ تەكسەرۋگە تيىستىلەرىن تۇگەل تەكسەرۋگە، ەمدەۋگە تيىستىلەرىن تۇگەل ەمدەۋگە شىنايى كەپىلدىك ەتۋ؛ سالماقتى ناۋقاستاردى قۇتقارۋ، ەمدەۋ قابىلەتى قۇرىلىسى مەن ۇسىنىلىمدى ارتتىرىپ، سالماقتى ناۋقاستاردى مۇمكىندىكتىڭ بارىنشا ازايتۋ كەرەك. دارەجەگە ءبولىپ ەمدەۋگە كۇش سالىپ، الەۋمەتتىك اۋماق جانە اۋىل - قىستاق ەمدەۋ - دەنساۋلىق ساقتاۋ قۇرىلىمدارىنىڭ قىزۋ امبولاتورياسى قۇرىلىسىن كۇشەيتىپ، ەمدەۋ بايلىعىمەن جانە ءدارى - دارمەكپەن قامداۋدى ارتتىرىپ، ەمدەۋ كۇشىن تولىقتىرىپ، نەگىزگى ساتىداعى العاشقى دياگنوز قويۋدىڭ ءبىرىنشى شەبىن بەكەمدەۋ؛ ءتۇيىندى قاۋىمنىڭ حىسۋانىن تەكسەرۋگە تاباندى بولىپ، تەكسەرۋگە تيىستىلەرىن قالدىرماي تەكسەرۋگە، تەكسەرتۋدى قالايتىنداردى قالدىرماي تەكسەرۋگە شىنايى كەپىلدىك ەتۋ؛ ەمدەۋ بايلىعىمەن قامداۋ زاپاسىن قامتاماسىز ەتىپ، تۇتاس رايوننىڭ قۇتقارۋ، ەمدەۋ، ءدارى - دارمەك پايدالانۋ سياقتى قاجەتىن تۇجىرىمداۋدى كۇشەيتىپ، قاۋىرت مەزگىلگە توتەپ بەرۋ دايىندىق جوباسىن ويداعىداي جاساپ، ءتۇيىندى ءدارى - دارمەك، انتيگەن تەكسەرۋ سىناعىشى سياقتىلاردى ساتىپ الۋ زاپاس ساقتاۋدى ويداعىداي ىستەپ، شينجياڭداعى ءدارى - دارمەك كاسىپورىندارىنىڭ ءونىمدى ارتتىرۋىنا، ءوندىرىستى كەڭەيتۋىنە قولداۋ كورسەتىپ، جۇڭي دارىلەرى، ەرەكشە ۇلتتىق دارىلەر سياقتىلاردان ۇيلەسىمدى پايدالانىپ، بۇقارانىڭ ءدارى - دارمەك پايدالانۋ قاجەتىن قامتاماسىز ەتۋ كەرەك. ءتۇيىندى قاۋىم جانە وڭىرلەردە ساقتانۋ - تىزگىندەۋدى ويداعىداي يگەرىپ، قارتتار، بالالار، نەگىزدىك اۋرۋى بار ناۋقاستار، جۇكتى ايەلدەر، بوسانعان ايەلدەر سياقتى ءالسىز قاۋىمنىڭ سالاماتتىعىن قاداعالاۋ جانە قىزمەت وتەۋ قامتاماسىزدىعىن كۇشەيتۋ؛ اۋىل - قىستاق ەمدەۋ، قۇتقارۋ بايلىعىن جانە ءدارى - دارمەكپەن قامداۋ تەبىنىن كۇشەيتىپ، دەنساۋلىق ساقتاۋ سالاماتتىق بويىنشا قىزمەت وتەۋدى ويداعىداي ىستەۋ كەرەك. ساياساتتى ءتۇسىندىرۋ جانە ۇگىتتەۋ، جەتەكشىلىك ەتۋدى كۇشەيتىپ، دەنساۋلىق بىلىمدەرىن جالپىلاستىرۋدى كۇشەيتىپ، بۇقارانى ىندەتكە عىلمي توتەپ بەرۋگە، بايىپپەن ناۋقاس كورسەتۋ، ءدارى - دارمەك پايدالانۋعا، جەكەلىك قورعانۋدى ويداعىداي ىستەۋگە جەتەكتەپ، ءوز سالاماتتىعىنىڭ ءبىرىنشى جاۋاپتى ادامى بولۋ؛ ۆاكسينا ەكتىرۋگە تيىستىلەرىن قالدىرماي ەگۋگە، ەرتە ەگۋگە، تەز ەگۋگە تاباندى بولىپ، 60 جاستان اسقان قارتتارعا ۆاكسينا ەگۋدى جەدەل ىلگەرىلەتۋ؛ ەمدەۋ قىزمەتكەرلەرىنە كوڭىل ءبولىپ، قامقورلىق جاساپ، ولاردىڭ دەنساۋلىعى مەن جان ساۋلىعىن ويداعىداي قورعاۋ؛ ءدارى - دارمەك بازارىنداعى قىمباتقا ساتۋ ءۇشىن باسىپ قويۋ، باعانى قىمباتتاتۋ سياقتى ارەكەتتەرگە قاتاڭ سوققى بەرىپ، قالىپتى ءتارتىپتى قورعاۋ كەرەك.
ما شيڭرۇي بىلاي دەپ باسا دارىپتەدى: جەر - جەر، تاراۋلار، ءار دارەجەلى باسشى كادرلار پارتيا 20 - قۇرىلتايىنىڭ جانە ورتالىقتىڭ ەكونوميكالىق قىزمەت ءماجىلىسىنىڭ ءتۇرلى شەشىمدەرىن، ورنالاستىرۋلارىن جاپپاي دايەكتىلەندىرىپ، ىندەتتەن ساقتانۋ - تىزگىندەۋ شاراسىن كەزەڭگە، جاعدايعا، وڭىرگە قاراي ويداعىداي تياناقتاندىرىپ، سالاماتتىقتى قورعاپ، سالماقتى ناۋقاستان ساقتانۋ شەبىن ويداعىداي قورعاپ، ”ەكىنى ءبىر تۇتاس جوسپارلاۋدى“ ءتىپتى دە جوعارى ونىمدىلىكپەن ويداعىداي ىستەپ، نازاردى تۇتاس جىلداعى ەكونوميكالىق، قوعامدىق دامۋدىڭ نىسانا - مىندەتتەرىن ورىنداۋعا، كەلەر جىلعى ءتۇرلى قىزمەتتەردىڭ جاقسى باستاما اشۋىنا، جاقسى قادام باسۋىنا شىنايى كەپىلدىك ەتۋگە شوعىرلاندىرىپ، كونە جىلدىڭ اياعى، جاڭا جىلدىڭ باسىنداعى ءتۇرلى قىزمەتتەردى تىڭعىلىقتى ىستەپ، ەكونوميكانىڭ ورنىقتى، اقاۋسىز دامۋىن ىلگەرىلەتىپ، حالىق تۇرمىسى تاۋارلارىمەن قامداۋدى قامتاماسىز ەتۋ، باعاسىن ورنىقتىرۋدى، كومىر، ەلەكتر، مۇناي - تابيعي گاز تاسىمالىن رەتتەۋدى، قامداۋدى، قيىنشىلىعى بار قاۋىمعا كوڭىل ءبولۋ، تۇرمىسىن ەڭ تومەنگى شەكتەن تۇسىرمەۋ، شارۋا جۇمىسكەرلەردىڭ ەڭبەكاقسىن تاراتۋ سياقتى قىزمەتتەردى ناقتى، ەگجەي - تەگجەيلى ىستەپ، قوعامدىق كەلەلى جاعدايدىڭ ءۇرتىس ورنىقتىلىعىن ساقتاپ، اۋىر، ەرەكشە اۋىر حاۋىپسىزدىك شىرعالاڭدارىنىڭ تۋىلۋىنان قاتاڭ ساقتانىپ، اپاتتان ساقتانۋ، اپات زيانىن ازايتۋ قىزمەتىن ويداعىداي ىستەپ، حاۋىپسىز، ورنىقتى دامۋ ورتاسىن جاراتۋى كەرەك.
تيان شياڭلي، چىن ۋيجۇن، ۋاڭ ميڭشان، ءزۇمىرات وبۇل، ياڭ فاسىن، ءيۇسۇپجان مامەت، ەلزات احمەتجان، قادەن كابەن قاتارلىلار ماجىلىسكە قاتىناستى.
