تيانشان تورى
تيانشان تورى   ›   جاڭالىقتار   ›   شينجياڭ حابارلارى

نەگىزگى ساتى ۋاكىلدەرىنىڭ ۇكىمەت قىزمەتىنەن بايانداما جونىندەگى پىكىر - ۇسىنىستارىن تىڭدادى

  ەركىن تۇنياز اڭگىمە ءماجىلىسىن باسقارىپ اشتى

  نەگىزگى ساتى ۋاكىلدەرىنىڭ ۇكىمەت قىزمەتىنەن بايانداما جونىندەگى پىكىر - ۇسىنىستارىن تىڭدادى

  انار بۇلت \ شينجياڭ گازەتىنىڭ ءتىلشىسى لي ياڭ 12 - ايدىڭ 24 - كۇنى ۇرىمجىدەن حابارلايدى. جۋىقتا اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز اڭگىمە ءماجىلىسىن باسقارىپ اشىپ، نەگىزگى ساتى ۋاكىلدەرىنىڭ «ۇكىمەت قىزمەتىنەن بايانداما (پىكىر الۋ نۇسقاسى)» جونىندەگى پىكىر - ۇسىنىستارىن تىڭدادى.

  ەركىن تۇنياز الدىمەن وتكەن 5 جىلداعى جانە بيىل جىل باسىنان بەرگى رايونىمىزدىڭ ەكونوميكالىق، قوعامدىق دامۋىنىڭ جالپى تۇلعالىق جاعدايىن، سونداي - اق الداعى 5 جىلداعى جانە 2023 - جىلعى قىزمەت جالپى تۇلعالىق ويىن تانىستىردى. ول بىلاي دەدى: ۇكىمەت قىزمەتىنەن باياندامانى ويداعىداي دايىنداۋ كەلەر جىلعى ەكونوميكالىق، قوعامدىق دامۋدىڭ ءتۇرلى قىزمەتتەرىن ويداعىداي ىستەۋ جونىنەن ماڭىزدى ءمان الادى. كوپشىلىك ءار سالادان، ءار كاسىپتەن كەلىپ وتىرسىزدار، رەفورمانىڭ، دامۋدىڭ جانە ءوندىرىستىڭ الدىڭعى شەبىندەسىزدەر، بۇقارامەن بايلانىستارىڭىز ەڭ ءجيى، ءتۇرلى ساياساتتىڭ تياناقتانىپ ونىمدىلىك كورسەتۋىن سەزىنۋلەرىڭىز ەڭ شىنايى، كوپشىلىكتىڭ شەشىلە سويلەپ، بەلسەنە ۇسىنىس قويىپ، كەڭەس بەرۋىن ءۇمىت ەتەمىن.

  نەگىزگى ساتى كادرى، وقىتۋشى، كاسىپورىن قىزمەتكەرى، ەگىنشى، عىلىم - تەحنيكا قىزمەتكەرى، دەنساۋلىق ساقتاۋ قىزمەتكەرى، زاڭ عىلىمى قىزمەتكەرى قاتارلىلاردان 14 ادام اڭگىمە ماجىلىسىندە بەلسەنە سوزگە شىعىپ، اۆتونوميالى رايوننىڭ ەكونوميكالىق، قوعامدىق دامۋدا قول جەتكىزگەن تابىستارىن تولىق تۇراقتاندىرىپ، ءوز قىزمەت سالاسى جانە كاسىپ ەرەكشەلىگى توڭىرەگىندە سالاماتتى شينجياڭ قۇرىلىسى، جاڭا ەنەرگيالى كاسىپ سالاسىن دامىتۋ، جىبەك جولى ەكونوميكالىق بەلدەۋى وزەكتى رايون قۇرىلىسى، كاسىپتىك وقۋ - اعارتۋدا ءوندىرىس پەن وقىتۋدى توعىستىرۋ، شينجياڭدى مادەنيەتپەن نارلەندىرۋ، شينجياڭدى جاپپاي زاڭمەن باسقارۋ، ەلەكتروندى ساۋدا دارىندىلارىن باۋلۋدى كۇشەيتۋ، جاڭاشا نەگىزدىك قۇرىلعىلاردى اۋىل - قىستاقتارعا جەتكىزۋ، وڭتۇستىك شينجياڭ ءوڭىرىنىڭ ساياحات كاسىبىنىڭ دامۋىن جەدەلدەتۋ، اۋرۋدىڭ الدىن الۋ - تىزگىندەۋ جۇيەسى رەفورماسى سياقتى جاقتاردان پىكىر - ۇسىنىستار ورتاعا قويدى.

  كوپشىلىكتىڭ پىكىر - ۇسىنىستارىن دەن قويا تىڭداعاننان كەيىن، ەركىن تۇنياز بىلاي دەدى: كوپشىلىك ۇكىمەت قىزمەتى ءۇشىن قىرۋار تاتىمدى، ورەلى، حالىق تۇرمىسىمەن جاناسقان پىكىر - ۇسىنىس بەرىپ، كۇشتى جاۋاپكەرشىلىك ارقالايتىندىقتارىڭىزدى تولىق ايگىلەپ، نەگىزگى ساتى بۇقاراسىنىڭ جۇرەك ءۇنىن اڭىس ەتتىڭىزدەر. ءبىز ”حالىق ۇكىمەتى حالىق ءۇشىن قىزمەت ەتۋ“ ۇستانىمىنان جازباي، حالىقتى وزەك ەتكەن دامۋ يدەياسىنا باستان - اياق تاباندى بولىپ، كوپشىلىكتىڭ پىكىر - ۇسىنىستارىن دەن قويا اقىلداسىپ، تولىق قابىلداپ، ۇكىمەت قىزمەتىنەن باياندامانىڭ پارتيا ورتالىق كوميتەتىنىڭ رۋحىنا اناعۇرلىم ۇيلەسۋىنە، اۆتونوميالى رايوندىق پارتكومنىڭ تالاپتارىنا اناعۇرلىم ۇيلەسۋىنە، شينجياڭنىڭ ءىس جۇزىندىك جاعدايىنا اناعۇرلىم ۇيلەسۋىنە، ءار ۇلت بۇقاراسىنىڭ وي - ارمانىنا، تىلەگىنە اناعۇرلىم ۇيلەسۋىنە مۇمكىندىك جاسايمىز. كوپشىلىكتىڭ ۇكىمەت قىزمەتىنە بۇرىنعىداي ءمان بەرىپ، نازار اۋدارۋىن، كوبىرەك كەڭەس بەرىپ، كوبىرەك پىكىر - ۇسىنىس بەرىپ، نەگىزگى ساتىنىڭ جاعدايى مەن بۇقارانىڭ ءۇنىن كوپتەپ اڭىس ەتۋىن ءۇمىت ەتەمىن.

  ەركىن تۇنياز بىلاي دەپ اتاپ كورسەتتى: 2022 - جىلى قاتاڭ دا كۇردەلى جاعداي مەن جاپالى دا اۋىر مىندەتتەر الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكومنىڭ ىنتىماقتاستىرۋىندا، باستاۋىندا، بۇكىل رايوندا جوعارىدان تومەنگە دەيىن ەكونوميكانى ورنىقتىرۋعا قاتىستى ءبىر قىدىرۋ ساياسات - شارالاردى دەر كەزىندە شىعارىپ، جاپپاي تياناقتاندىرىپ، بازار تۇلعالارىن قامتاماسىز ەتۋگە، جۇمىستانۋدى قامتاماسىز ەتۋگە، نەگىزگى حالىق تۇرمىسىن قامتاماسىز ەتۋگە كۇش سالىپ، كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن بار كۇشپەن قورعاپ، بەلسەندى ناتيجەگە قول جەتكىزدىك. كەزەكتە تۇتاس جىلدىق نىسانالاردى، مىندەتتەردى ورىنداۋعا سوڭعى رەت ۇمتىلىس جاساپ جاتىرمىز. 2023 - جىلى − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ، تياناقتاندىرۋدىڭ باستاما جىلى، ەكونوميكانىڭ قالپىنا كەلۋىن، دامۋىن جەدەلدەتۋدى مىقتى يگەرۋدەگى شەشۋشى جىل. ورتالىقتىڭ ەكونوميكالىق قىزمەت ءماجىلىسىنىڭ رۋحىن دەن قويا دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ ورنالاستىرۋلارىنا، تالاپتارىنا ساي، ”ەكىنى ءبىر تۇتاس جوسپارلاۋدى“ اناعۇرلىم ويداعىداي ىلگەرىلەتىپ، ”14 - بەسجىلدىق“ جوبانى ويداعىداي اتقارىپ، رەفورما جاساپ، ەسىك اشۋدى جاپپاي تەرەڭدەتىپ، بازار سەنىمىن بار كۇشپەن سەرپىلتىپ، ەلەۋلى حاۋىپ - قاتەرلەردەن ءونىمدى ساقتانىپ جانە ونى جويىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتىپ، جاڭا داۋىردەگى جاڭا جورىقتا ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭ قۇرۋعا تىڭ ۇلەس قوسۋىمىز كەرەك.

  چىن ۋيجۇن اڭگىمە ماجىلىسىنە قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.