− پارتيا 20 - قۇرىلتايىنان جۇڭگو كوممۋنيستىك پارتياسىنىڭ تابىسقا جەتۋ قۇپياسىنا نازار (5)
شينحۋا اگەنتتىگىنىڭ تىلشىلەرى حۋ حاۋ، شۇي جۋاڭ
”پارتيانىڭ 100 جىلدىق كۇرەسىنىڭ تابىستى جولىن پارتيا حالىققا باسشىلىق ەتىپ، دەربەس، وزىنە - ءوزى قوجايىن بولا وتىرىپ ىزدەنۋ ارقىلى اشقان، ماركسيزمنىڭ جۇڭگو تاراۋىن جۇڭگو كوممۋنيستەرى ءوز كۇشىنە سۇيەنىپ امالياتتان وتكىزگەن، وعان سىڭىرىلگەن ءبىر نەگىزگى ءتۇيىن − جۇڭگونىڭ ماسەلەسىن، ءسوز جوق، جۇڭگونىڭ نەگىزگى مەملەكەت جاعدايىن نەگىز ەتە وتىرىپ، جۇڭگولىقتاردىڭ ءوزى شەشۋى كەرەك“.
دەربەس، وزىنە - ءوزى قوجايىن بولۋ − جۇڭحۋا ۇلتى رۋحىنىڭ جانى، پارتيامىزدىڭ پارتيا قۇرۋ، مەملەكەت قۇرۋ ماڭىزدى پرينسيبى. پارتيا 20 - قۇرىلتايىنىڭ بايانداماسى دەربەس، وزىنە - ءوزى قوجايىن بولا وتىرىپ ىزدەنۋ جانە امالياتتان وتكىزۋ رۋحىن تولىق ايگىلەدى، وعان ءوز جولىمەن جۇرۋگە تاباندى بولاتىن باتىل بەكىم مەن سەنىم سىڭىرىلگەن.
ءوز جولىمەن ءجۇرۋ − پارتيانىڭ 100 جىلدىق كۇرەستەن جاساعان تاريحي قورىتىندىسى
پارتيا 20 - قۇرىلتايىنىڭ بايانداماسى جاڭا ءداۋىردىڭ 10 جىلىندا ءبىز باستان وتكەرگەن پارتيا مەن حالىق ىستەرى جونىنەن كەلەلى رەال مانگە جانە تەرەڭ تاريحي مانگە يە 3 ءىرى ىسكە جوعارى باعا بەردى. بۇل 3 ءىرى ءىس مىنا ءبىر اقيقاتتى بىرگە اشىپ كورسەتتى − دەربەس، وزىنە - ءوزى قوجايىن بولۋ − پارتيامىزدىڭ جۇڭگونىڭ ءىس جۇزىندىگىن نەگىزگە الا وتىرىپ، پارتيا مەن حالىقتىڭ كۇشىنە سۇيەنىپ توڭكەرىس، قۇرىلىس، رەفورما جۇرگىزۋىنىڭ تابيعي قورىتىندىسى.
1935 - جىلى 1 - ايدا گۇيجوۋدىڭ زۇن - يىسىن ۇسكىرىك اياز، قاقاعان سۋىق ءبۇرىپ تۇرعانىمەن، حۇڭحۋاگاڭ رايونى زىيىن جولى 96 - نومىرىندەگى بار - جوعى 27 شارشى مەترلىك شاعىن ءبىر بولمەنىڭ ءىشى قىج - قىج قاينايدى. جۇڭگو كوممۋنيستىك پارتياسىنىڭ ورتالىق كوميتەتى وسى جەردە ساياسي بيۋرونىڭ كەڭەيتىلگەن ءماجىلىسىن اشىپ، دەربەس، وزىنە - ءوزى قوجايىن بولا وتىرىپ ماركسيزمنىڭ نەگىزگى قاعيدالارىمەن العاش رەت ءوز ماسەلەسىن شەشتى.
ۇزاق جورىقتاعى زۇن - ي ءماجىلىسى پارتيانىڭ دەربەس، وزىنە - ءوزى قوجايىن بولا وتىرىپ، جۇڭگو توڭكەرىسىنىڭ ءىس جۇزىندىك ماسەلەلەرىن شەشۋىنىڭ جاڭا كەزەڭىن اشتى.
جاڭا جۇڭگو قۇرىلعان سوڭ، پارتيا حالىققا باسشىلىق ەتىپ، دەربەس، وزىنە - ءوزى قوجايىن بولۋعا، ءوز كۇشىنە سۇيەنىپ ءومىر سۇرۋگە تاباندى بولىپ، كونە جۇڭگونىڭ بىرىنشىدەن كەدەي، ەكىنشىدەن اق نەگىزىندە دەربەس، ءبىرشاما كەمەلدى ونەركاسىپ جۇيەسىن جانە حالىق شارۋاشىلىعى جۇيەسىن ورناتتى.
رەفورما جاساعان، ەسىك اشقاننان بەرى، جۇڭگو حالقى دەربەس، وزىنە - ءوزى قوجايىن بولۋ رۋحىن جالعاستىرىپ جانە ونى اسقاقتاتىپ، ورايدى مىقتى يگەرىپ، جۇرەكتىلىكپەن جاڭالىق اشىپ، جۇڭگوشا سوتسياليزم جولىن تاپتى.
باس شۋجي شي جينپيڭ ”دەربەس، وزىنە - ءوزى قوجايىن بولا وتىرىپ ىزدەنۋ جانە امالياتتان وتكىزۋ رۋحى“ مەن ”ءوز جولىمەن جۇرۋگە تاباندى بولاتىن باتىل سەنىم مەن بەكىمدى“ جوعارى باعالاپ، بۇل ”پارتيامىزدىڭ بۇكىل نازاريالارى مەن امالياتىنىڭ تابان تىرەر تياناعى، سونداي - اق پارتيا مەن حالىق ىستەرىنىڭ ۇزدىكسىز جەڭىستەن - جەڭىسكە جەتۋىنىڭ ءتۇبىرلى كەپىلى“ دەپ قارادى.
جاڭا داۋىرگە كەلگەندە پارتيامىز دەربەس، وزىنە - ءوزى قوجايىن بولا وتىرىپ جاڭا ءىس جۇزىندىك ماسەلەلەرگە وي جۇگىرتۋگە جانە ونى شەشۋگە ۇزدىكسىز تاباندى بولىپ، پارتيا مەن مەملەكەت ىستەرىندە تاريحي تابىسقا قول جەتكىزۋدى، تاريحي وزگەرىستەر تۋدىرۋدى ىلگەرىلەتتى. 10 جىلدان بەرى، ”وزىنە - ءوزى قوجايىن بولۋ“ يدەياسى رەفورمانىڭ، دامۋدىڭ، ورنىقتىلىقتىڭ، ىشكى ىستەردىڭ، سىرتقى ىستەردىڭ، مەملەكەت قورعانىسىنىڭ، پارتيانى باسقارۋدىڭ، مەملەكەتتى باسقارۋدىڭ، ارميانى باسقارۋدىڭ ءار جاعىنا تەرەڭ ءسىڭىرىلدى −
«گۇلدەنۋ جولى» كورمەسىن ەكسكۋرسيالاعاندا، باس شۋجي شي جينپيڭ بۇكىل پارتياداعى جولداستارعا: ”دۇرىس جول تابۋ قانشاما قيىن، ءبىز، ءسوز جوق، بۇلجىماي جۇرە بەرۋىمىز كەرەك“ دەپ تاپسىردى؛
ماڭىزدى ديپلوماتيالىق ورىنداردا ول دۇنيە جۇزىنە ”ءار ەلدىڭ قوعامدىق ءتۇزىم مەن دامۋ جولىن ءوزى تاڭداۋ ۇقىعىنا قۇرمەت ەتۋدى“ باسا دارىپتەپ كەلەدى؛
دارىندىلار قوسىنى قۇرىلىسىنا توقتالعاندا، ول ”ءبىز، ءسوز جوق، تاۋقىمەت تانىمىن كۇشەيتىپ، دارىندىلاردى وزىمىزگە - ءوزىمىز قوجايىن بولا وتىرىپ تاربيەلەۋگە اناعۇرلىم ءمان بەرىپ، دارىندىلار بايلىعىنىڭ باسەكەلىك باسىمدىعىن جەدەل ورناتۋىمىز كەرەك“ دەپ تاپسىردى؛
چاڭ - ى 3 - ءنومىرلى مىندەتىن زەرتتەۋگە، سىناقتان وتكىزۋگە ات سالىسقان قىزمەتكەرلەردىڭ ۋاكىلدەرىمەن كەزدەسكەندە، ول ”جۇڭگوشا ەرەكشەلىكتەگى وزىنە - ءوزى قوجايىن بولا وتىرىپ جاڭالىق اشۋ جولىمەن جۇرۋگە تاباندى بولىپ، باسقالار ءجۇرىپ كورمەگەن جولمەن جۇرەكتىلىكپەن ءجۇرۋدى“ باسا دارىپتەدى؛
ياجوۋۋان تۇقىم تاجىريبەحاناسىندا قىزمەت تەكسەرگەندە، ول ”تۇقىم شارۋاشىلىعى عىلىم - تەحنيكاسىندا ءوز كۇشىنە سۇيەنۋدى، ءوزىن الۋەتتەندىرۋدى، تۇقىم قاينارىن دەربەس مەڭگەرۋدى جۇزەگە اسىرىپ، جۇڭگونىڭ تۇقىمىمەن جۇڭگونىڭ استىق حاۋىپسىزدىگىن قامتاماسىز ەتۋگە“ ىنتالاندىردى؛
تاريحي تابىستارعا قايىرىلا قاراپ، بولاشاق جورىققا كوز تاستاعاندا، ول، ءسوز جوق، جۇڭگوشا سوتسياليزمنىڭ جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن بەكەمدەپ، ”سان سوققىدا مۇقالماعان، سوقسا دا داۋىل بۇيىم با“ دەۋدەن تايماۋدى قايتا - قايتا باسا دارىپتەدى.
......
پارتيا 19 - كەزەكتى ورتالىق كوميتەتى التىنشى جالپى ءماجىلىسى پارتيانىڭ ءۇشىنشى تاريحي قارارىن قاراپ ماقۇلداپ، ”دەربەس، وزىنە - ءوزى قوجايىن بولۋعا تاباندى بولۋدى“ جۇڭگو كوممۋنيستىك پارتياسىنىڭ 100 جىلدىق كۇرەستە توپتاعان 10 تاريحي تاجىريبەسىنىڭ ءبىرى ەتتى.
دەربەس، وزىنە - ءوزى قوجايىن بولۋعا تاباندى بولعان كەزدە ءبىزدىڭ ىستەرىمىزدە جاڭا جاعداي اشىلاتىندىعىن؛ بۇل پرينسيپكە ويداعىداي تاباندى بولا الماعان كەزدە پارتيا مەن مەملەكەتتىڭ بۇراڭ جول باساتىندىعىن تاريح قايتا - قايتا دالەلدەپ كەلەدى.
دەربەس، وزىنە - ءوزى قوجايىن بولۋ رۋحىنىڭ جەتەكشىلىگىندە، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ كەرى قايتارۋعا كەلمەيتىن تاريحي ۇردىسكە قادام تاستاپ، جۇڭگو حالقىنىڭ العا باسۋىنىڭ قوزعاۋشى كۇشى اناعۇرلىم قۋاتتى بولىپ، كۇرەسكەرلىك رۋحى اناعۇرلىم تاسقىنداپ، ءسوزسىز، جەڭۋ سەنىمى اناعۇرلىم نىعايىپ، اناعۇرلىم كۇشتى تاريحي سانالىلىعى پەن ىرىقتىلىق رۋحى قاۋلادى.
جۇڭگونىڭ ماسەلەسىن شەشۋدە، ءسوز جوق، مەملەكەت جاعدايىن نەگىزگە الۋ، وعان جۇڭگولىقتاردىڭ ءوزى جاۋاپ بەرۋى كەرەك
حۋناننىڭ چاڭشاسى، يۋەلۋ كىتاپحاناسى. بايىرعى بايتەرەك كوك تىرەپ، جاپ - جاسىل بولىپ جايقالىپ تۇر. ساباقحانانىڭ كۇنقاعارىنا ”شىندىقتى ءىس جۇزىنەن ىزدەۋ“ دەگەن ماڭدايشالىق ءىلىنىپتى.
2020 - جىلى 9 - ايدىڭ 17 - كۇنى باس شۋجي شي جينپيڭ وسى جەردە: ”كوممۋنيستىك پارتيا نەلىكتەن تابىسقا جەتەدى؟ سول جىلدارى شىكۋمىنداعى نانحۋ كولىندەگى سول ءبىر قايىقتاعى سول 10 نەشە ادامنان بۇگىنگى وسى جاعدايعا جەتتىك. مۇنداعى جولدى، ءسوز جوق، انىقتاپ ءبىلۋىمىز، ءسوز جوق، اقيقاتتى ءوز جەرىمىزگە ۇيلەستىرۋىمىز كەرەك“، - دەپ تەرەڭ اتاپ كورسەتتى.
جۇرەكتىلىكپەن ىزدەنىس جاساپ وزىنە ۇيلەسەتىن جول تابۋ، سونداي - اق نىق قاداممەن، تاباندىلىقپەن دۇرىس جولمەن ءجۇرۋ − وزىنە - ءوزى قوجايىن بولعاندىق؛ كەيبىر سىن - سايىستارعا، حاۋىپ - قاتەرلەرگە بولا وزىنە شەك قويىپ شەكارا سىزباۋ، جوسپار - جوباسىن وزگەرتپەۋ − وزىنە - ءوزى قوجايىن بولعاندىق؛ بارلىعىندا ءىس جۇزىندىكتى نەگىزگە الۋعا تاباندى بولىپ، دەربەس وي جۇگىرتىپ، ءىس جۇزىندىك ماسەلەلەردى كۇش سالا شەشۋ دە وزىنە - ءوزى قوجايىن بولعاندىق.
جاڭا داۋىردەگى ەل باسقارۋدىڭ ۇلى امالياتىندا شي جينپيڭ جولداس باستى ۋاكىل بولعان جۇڭگو كوممۋنيستەرى ماركسيزمنىڭ نەگىزگى قاعيدالارىن جۇڭگونىڭ ناقتى ءىس جۇزىندىگىمەن ۇشتاستىرۋعا، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋعا تاباندى بولىپ، ءداۋىر مەن اماليات ورتاعا قويعان ءبىر قىدىرۋ كەلەلى ماسەلەلەرگە عىلمي جاۋاپ بەردى:
ساياسي ءتۇزىم جاعىندا وزگەلەردىكىن ءولى تۇردە كوشىرىپ اكەلىپ قوندىراتىن ”فيلايفىڭعا“ ايقىن تۋ ۇستاي وتىرىپ قارسى تۇرىپ، ”اياق كيىمنىڭ ءدال كەلگەن - كەلمەگەندىگىن تەك كيگەن ادام عانا بىلەتىندىگىن“، ”ەشقاشان دا ورىنسىز ەلىكتەيمىن دەپ ءوز جولىنان جاڭىلۋعا بولمايتىندىعىن“ باسا دارىپتەدى؛
”دۇنيە جۇزىندە ءبىر مىقتىنىڭ عانا ءسوزىن ەسەپكە الاتىن وسىزاماندانۋ ۇلگىسى دە، تورتكىل دۇنيەنىڭ بارىنە دە تۇسە بەرەتىن وسىزاماندانۋ ولشەمى دە بولمايتىندىعىن“، ”ءبىزدىڭ ىلگەرىلەتەتىن وسىزامانداندىرۋىمىزدا ءار ەل وسىزامانداندىرۋىنىڭ ورتاق ەرەكشەلىگى بار، اسىرەسە، مەملەكەت جاعدايىنا نەگىزدەلگەن جۇڭگوشا ەرەكشەلىك بار ەكەندىگىن“ ىشكەرىلەي اتاپ كورسەتتى؛
”ماركسيزمگە تاباندى بولۋ مەن ماركسيزمدى دامىتۋدى بىرلىككە كەلتىرىپ، ماركسيزم ’جەبەسى‘ ارقىلى جاڭا داۋىردەگى جۇڭگو سىندى ’نىسانانى‘ كوزدەۋگە تاباندى بولۋدى“ ايقىن تالاپ ەتتى؛
......
شي جينپيڭ جاڭا ءداۋىر جۇڭگوشا سوتسياليزم يدەياسى ماركسيزمنىڭ كلاسسيكالىق جازۋشىلارىنىڭ ”قاعيدالارىنان“، ”زاڭدارىنان“، ”فورمۋلالارىنان“ يكەمدى پايدالانا وتىرىپ، جۇڭگوشا سوتسياليزم ىستەرىنىڭ دامۋ ۇردىسىندە جولىققان ”داۋىرلىك تاقىرىپتارعا“ جاۋاپ بەردى، ونىڭ ۇستىنە جاڭا سۇراقتاردى شەشۋ، قيىن ماسەلەلەردى شەشۋ بارىسىندا جاسامپازدىقپەن جاڭا ”قاعيدالار“، ”زاڭدار“، ”فورمۋلالار“ قورىتىندىلاپ، جيناقتاپ شىعىپ، قاعيدادان قيسىنعا، جولدان امالعا، تاسىلدەن ادىسكە ءوتۋدى جۇزەگە اسىرىپ، ماركسيزممەن جۇڭگو ۇلگىسىندەگى وسىزامانداندىرۋعا جەتەكشىلىك ەتۋدىڭ، جۇڭحۋا ۇلتىنىڭ ۇلى گۇلدەنۋىن ىلگەرىلەتۋدىڭ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدىڭ ”ەڭ سوڭعى ءبىر كيلومەترىن“ تۇتاستىردى.
پارتيانىڭ 20 - قۇرىلتايى ماركسيزمنىڭ جۇڭگوشالانۋىنىڭ، زامانالانۋىنىڭ تىڭ ءورىسىن اشۋ، جۇڭگو ۇلگىسىندەگى وسىزامانداندىرۋدىڭ جۇڭگوشا ەرەكشەلىگى مەن ماندىك تالابى سياقتى كەلەلى ماسەلەلەردى بايىمداپ، جۇڭگولىقتاردىڭ دەربەس، وزىنە - ءوزى قوجايىن بولا وتىرىپ جۇڭگونىڭ ماسەلەلەرىنە جاۋاپ بەرۋىنە ىشكەرىلەگەن تۇردە ايقىن العا باسۋ بەتالىسىن كورسەتىپ، ارەكەت باعدارناماسىن بەلگىلەپ بەردى.
ءوزى تاڭداعان جولمەن كەۋدە كەرە ارشىنداي العا تارتتى
دەربەس، وزىنە - ءوزى قوجايىن بولۋعا تاباندى بولۋ − پارتيامىز مەن حالقىمىز ىستەرىنىڭ توقتاۋسىز جەڭىسكە قول جەتكىزۋىنىڭ ءتۇبىرلى كەپىلى، ونان دا ماڭىزدىسى، ءبىزدىڭ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋىمىزداعى تابيعي تاڭداۋىمىز.
قازىر دۇنيە جۇزىندە 100 جىلدا بولماعان زور وزگەرىس جەدەل قۇبىلىپ، جاڭا كەزەكتى عىلىم - تەحنيكا توڭكەرىسى مەن كاسىپ سالاسى وزگەرىسى تەرەڭدەي دامىپ، حالىقارالىق كۇشتەردىڭ سالىستىرماسى تەرەڭ رەتتەلۋدە. سونىمەن قاتار عاسىرلىق ىندەتتىڭ ىقپالى تەرەڭگە بويلاپ، جاھاندانۋعا قارسى يدەيالىق اعىم باس كوتەرىپ، سىڭار جاقتىلىق، قورعانىمپازدىق كورنەكتى ورلەپ، دۇنيە ءجۇزى جاڭا الماعايىپ وزگەرىس مەزگىلىنە ءوتتى.
جۇڭگو دامۋدا، تۇپتەپ كەلگەندە، وزىنە سۇيەنۋى كەرەك.
”دارىندىلاردى دەربەس جەتىلدىرۋ ساپاسىن جاپپاي جوعارىلاتۋدان“، ”دەربەس جاڭالىق اشۋ قابىلەتىن ارتتىرۋدان“ ”دەربەس، وزىنە - ءوزى قوجايىن بولۋ سىندى بەيبىت ديپلوماتيالىق ساياساتتى باتىل اتقارۋعا“، ”دەربەس، وزىنە - ءوزى قوجايىن بولۋ، بۇكىلدەي تەپە - تەڭ بولۋ، ءوزارا قۇرمەت ەتۋ، ءبىر - ءبىرىنىڭ ىشكى ىسىنە كيلىكپەۋ پرينسيبى نەگىزىندە، ءار ەلدىڭ ساياسي پارتيالارىمەن جانە ساياسي ۇيىمدارىمەن اۋىس - كۇيىس جاساۋدى، سەلبەسۋدى كۇشەيتۋگە“ دەيىن... وزىنە - ءوزى قوجايىن بولۋعا ايرىقشا ءمان بەرۋ جانە ونى قايتا - قايتا باسا دارىپتەۋ 20 - قۇرىلتاي بايانداماسىنا باستان - اياق ءسىڭىرىلدى.
باياندامادا مىنالار باسا دارىپتەلدى: ”جۇڭگوشا سوتسياليزم جولىمەن جۇرۋگە تاباندى بولىپ“، دەربەس، ءوز كۇشىنە سۇيەنۋگە، ءوز كۇنىن ءوزى كورۋگە تاباندى بولىپ، جولدى وزگەرتپەۋگە، مۇراتتى وزگەرتپەۋگە تاباندى بولىپ، تۇيىققا تىرەيتىن كونە سۇردەكپەن دە جۇرمەي، باعداردان اداستىراتىن تەرىس جولعا دا تۇسپەي، مەملەكەت پەن ۇلتتى دامىتۋدا ءوز كۇشىمىزدى تياناق ەتۋگە تاباندى بولىپ، جۇڭگونىڭ دامۋ، العا باسۋ تاعدىرىن ءوز قولىمىزدا مىقتاپ ۇستاۋعا تاباندى بولۋىمىز كەرەك.
دەربەس، وزىنە - ءوزى قوجايىن بولۋ استە ءوزىن - ءوزى قۇنداقتاپ، قاتىپ - سەمۋ، توقىراپ قالۋ دەگەندىك ەمەس.
جاڭا جورىقتا، وزىنە - ءوزى قوجايىن بولا وتىرىپ ىزدەنىس جاساۋ جولىمەن ويداعىداي جۇرۋدە، شي جينپيڭ جاڭا ءداۋىر جۇڭگوشا سوتسياليزم يدەياسى ۇلى تۋىن بيىك ۇستاپ، يدەيانى ازات ەتۋ مەن شىندىقتى ءىس جۇزىنەن ىزدەۋدىڭ ءوزارا بىرلىگىنە، قاينارىن جەتىلدىرىپ، نەگىزىن بەكەمدەۋ مەن تۋراشىلدىقتان اينىماي، جاڭالىق اشۋدىڭ ءوزارا بىرلىگىنە تاباندى بولىپ، ءداۋىر مەن اماليات العا قويعان كەلەلى ماسەلەلەردىڭ شەشىمىن عىلمي جولمەن تابۋىمىز كەرەك.
جاڭا جورىقتا، دەربەس جاڭالىق اشۋ جولىمەن ويداعىداي جۇرۋدە، جۇڭگونىڭ بايتاق دالاسىنا تامىر تارتىپ، جۇڭگونىڭ جاعدايىنا قاراي، ءوز كۇشىمىزگە سۇيەنە وتىرىپ جۇڭگونىڭ ءىسىن ءبىتىرۋىمىز، حالىق بۇقاراسىنىڭ امالياتىنان تاجىريبە الىپ، اقىل - پاراسات قابىلداۋىمىز كەرەك.
جاڭا جورىقتا، وزىنە - ءوزى قوجايىن بولا وتىرىپ ەكپىندەي ىلگەرىلەۋ جولىمەن ويداعىداي جۇرۋدە، ۇلتتىڭ ار - نامىسى مەن وزىنە سەنىمىن نىعايتۋمەن قاتار، شەتەلدىڭ پايدالى تاجىريبەلەرىنەن كىشى پەيىلدىلىكپەن ۇيرەنىپ، ۇلگى الىپ، ادامزاتتىڭ بارلىق وزىق وركەنيەتىنىڭ جەتىستىكتەرى مەن حالىقارالىق پايدالى تاجىريبەلەردەن ديالەكتيكالىق جولمەن ءنار قابىلداۋ نەگىزىندە ءوز - ءوزىمىزدى جاڭارتىپ، ەسىك اشىپ، سەلبەستىك جاساسىپ، جۇڭگوشا سوتسياليزم جولىنىڭ جۇرگەن سايىن كەڭەيە تۇسۋىنە مۇمكىندىك جاساۋىمىز كەرەك.
(شينحۋا اگەنتتىگىنىڭ 12 - ايدىڭ 24 - كۇنى بەيجيڭنەن بەرگەن حابارى)
