حالىقتى وزەك ەتكەن جاسامپازدىق باعدارىنا تاباندى بولىپ، جاڭا ءداۋىر نەگىزگى اۋەنىن اسقاقتاتا شىرقاپ، جۇڭگولىقتاردىڭ قايرات - جىگەرىن ايگىلەڭىزدەر

شي جينپيڭ جۇڭگو دۇڭفاڭ ويىن - ساۋىق توبىنىڭ كوركەمونەرشىلەرىن جاۋاپ حات جازىپ شابىتتاندىردى

حالىقتى وزەك ەتكەن جاسامپازدىق باعدارىنا تاباندى بولىپ، جاڭا ءداۋىر نەگىزگى اۋەنىن اسقاقتاتا شىرقاپ، جۇڭگولىقتاردىڭ قايرات - جىگەرىن ايگىلەڭىزدەر

جاۋاپ حات

جۇڭگو دۇڭفاڭ ويىن - ساۋىق توبىنىڭ كوركەمونەرشىلەرى:

　　سالەمەتسىزدەر! حاتتارىڭىزدى تاپسىرىپ الدىم. بيىل − جۇڭگو دۇڭفاڭ ويىن - ساۋىق توبىنىڭ توركىنى − ورتالىق ءان - ءبي ۇيىرمەسى قۇرىلعاندىعىنىڭ 70 جىلدىعى، دۇڭفاڭ ءان - ءبي ۇيىرمەسى قۇرىلعاندىعىنىڭ 60 جىلدىعى، سىزدەردى، سونداي - اق بارلىق ارتيستەردى، قىزمەتكەرلەردى قىزۋ قۇتتىقتايمىن جانە ىقىلاستى سالەم جولدايمىن!

　　تالاي جىلدان بەرى، سىزدەر پارتيانىڭ ادەبيەت - كوركەمونەر باعىت - ساياساتتارىن مۇقيات دايەكتىلەندىرىپ، كوپتەگەن تاڭداۋلى ادەبيەت - كوركەمونەر تۋىندىلارىن شىعارىپ، ادەبيەت - كوركەمونەردىڭ گۇلدەنىپ - كوركەيۋى، دامۋى، سىرتپەن مادەنيەت اۋىس - كۇيىسىنە قىزمەت وتەۋ سياقتى جاقتاردا بەلسەندى ۇلەس قوسىپ، جاڭا جۇڭگونىڭ ماڭىزدى ”مادەنيەت ەلشىسىنە“، جارقىن ”مادەنيەت تانىسقىسىنا“ اينالدىڭىزدار. ۇرپاقتان - ۇرپاققا جالعاسقان كوركەمونەرشىلەر اۋەلگى ماقساتتى ۇمىتپاي، بورىشتى ەستە بەرىك ساقتاپ، ءداۋىردى جىرلاپ، حالىق ءۇشىن بيگە باسىپ، ادەبيەت - كوركەمونەر قىزمەتكەرلەرىنىڭ بورىشى مەن جاۋاپكەرشىلىگىن ايگىلەدى.

　　سىزدەردىڭ پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، حالىقتى وزەك ەتكەن جاسامپازدىق باعدارىنا تاباندى بولىپ، ءمورالدى قاستەرلەپ، كوركەمونەر قابىلەتتەرىڭىزدى ۇشتاپ، تۋراشىلدىقتان اينىماي، جاڭالىق اشىپ، جاڭا ءداۋىر نەگىزگى اۋەنىن اسقاقتاتا شىرقاپ، جۇڭگولىقتاردىڭ قايرات - جىگەرىن ايگىلەپ، ادەبيەت - كوركەمونەر ىستەرىن گۇلدەندىرۋگە، دامىتۋعا، مادەنيەت جاعىنداعى وزىنە سەنىمدى، ءوزىن الۋەتتەندىرۋدى ىلگەرىلەتۋگە، سوتسياليستىك مادەنيەتتە قۋاتتى ەل قۇرۋعا تاعى دا تىڭ ۇلەس قوسۋلارىڭىزدى ءۇمىت ەتەمىن.

شي جينپيڭ

2022 - جىلى 12 - ايدىڭ 24 - كۇنى

(شينحۋا اگەنتتىگىنىڭ 12 - ايدىڭ 25 - كۇنى بەيجيڭنەن بەرگەن حابارى)

　　شينحۋا اگەنتتىگىنىڭ 12 - ايدىڭ 25 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 12 - ايدىڭ 24 - كۇنى جۇڭگو دۇڭفاڭ ويىن - ساۋىق توبىنىڭ كوركەمونەرشىلەرىنە جاۋاپ حات جازىپ، ولاردى پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، سوتسياليستىك مادەنيەتتە قۋاتتى ەل قۇرۋعا تاعى دا تىڭ ۇلەس قوسۋعا شابىتتاندىردى.

　　شي جينپيڭ جاۋاپ حاتىندا بىلاي دەدى: بيىل − جۇڭگو دۇڭفاڭ ويىن - ساۋىق توبىنىڭ توركىنى − ورتالىق ءان - ءبي ۇيىرمەسى قۇرىلعاندىعىنىڭ 70 جىلدىعى، دۇڭفاڭ ءان - ءبي ۇيىرمەسى قۇرىلعاندىعىنىڭ 60 جىلدىعى، سىزدەردى، سونداي - اق بارلىق ارتيستەردى، قىزمەتكەرلەردى قىزۋ قۇتتىقتايمىن جانە ىقىلاستى سالەم جولدايمىن!

　　شي جينپيڭ بىلاي دەپ اتاپ كورسەتتى: تالاي جىلدان بەرى، سىزدەر پارتيانىڭ ادەبيەت - كوركەمونەر باعىت - ساياساتتارىن مۇقيات دايەكتىلەندىرىپ، كوپتەگەن تاڭداۋلى ادەبيەت - كوركەمونەر تۋىندىلارىن شىعارىپ، ادەبيەت - كوركەمونەردىڭ گۇلدەنىپ - كوركەيۋى، دامۋى، سىرتپەن مادەنيەت اۋىس - كۇيىسىنە قىزمەت وتەۋ سياقتى جاقتاردا بەلسەندى ۇلەس قوسىپ، جاڭا جۇڭگونىڭ ماڭىزدى ”مادەنيەت ەلشىسىنە“، جارقىن ”مادەنيەت تانىسقىسىنا“ اينالدىڭىزدار. ۇرپاقتان - ۇرپاققا جالعاسقان كوركەمونەرشىلەر اۋەلگى ماقساتتى ۇمىتپاي، بورىشتى ەستە بەرىك ساقتاپ، ءداۋىردى جىرلاپ، حالىق ءۇشىن بيگە باسىپ، ادەبيەت - كوركەمونەر قىزمەتكەرلەرىنىڭ بورىشى مەن جاۋاپكەرشىلىگىن ايگىلەدى.

　　شي جينپيڭ مىنالاردى ءبىلدىردى: سىزدەردىڭ پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، حالىقتى وزەك ەتكەن جاسامپازدىق باعدارىنا تاباندى بولىپ، ءمورالدى قاستەرلەپ، كوركەمونەر قابىلەتتەرىڭىزدى ۇشتاپ، تۋراشىلدىقتان اينىماي، جاڭالىق اشىپ، جاڭا ءداۋىر نەگىزگى اۋەنىن اسقاقتاتا شىرقاپ، جۇڭگولىقتاردىڭ قايرات - جىگەرىن ايگىلەپ، ادەبيەت - كوركەمونەر ىستەرىن گۇلدەندىرۋگە، دامىتۋعا، مادەنيەت جاعىنداعى وزىنە سەنىمدى، ءوزىن الۋەتتەندىرۋدى ىلگەرىلەتۋگە، سوتسياليستىك مادەنيەتتە قۋاتتى ەل قۇرۋعا تاعى دا تىڭ ۇلەس قوسۋلارىڭىزدى ءۇمىت ەتەمىن.

　　جۇڭگو دۇڭفاڭ ويىن - ساۋىق توبىنىڭ توركىنى نەگىزىنەن ەكەۋ، ولار جەكە - جەكە 1952 - جىلى 12 - ايدا قۇرىلعان ورتالىق ءان - ءبي ۇيىرمەسى جانە 1962 - جىلى 1 - ايدا قۇرىلعان دۇڭفاڭ ءان - ءبي ۇيىرمەسى. پارتيا 18 - قۇرىلتايىنان بەرى، بۇل توپ ءبي، ولەڭ، سۋرەت كىرىكتىرىلگەن «مەملەكەت كەلبەتى»، ءبي مۋزيكاسى «جۇڭگو حيكاياسى . 12 مۇشەل»، ءبي، ولەڭ تەاتر «جاسىل القاپ − <مىڭ شاقىرىم تاۋ - داريا كارتاسىن> بيمەن بەينەلەۋ»، مۋزيكالى تەاتر «جايقالۋ» سياقتى ءبىر توپ جاقسى باعاعا يە بولعان ادەبيەت - كوركەمونەر تۋىندىلارىن جاراتتى. تاياۋدا جۇڭگو دۇڭفاڭ ويىن - ساۋىق توبىنىڭ 10 كوركەمونەرشىسى باس شۋجي شي جينپيڭگە حات جازىپ، جاڭا داۋىردەگى 10 جىلدا ورىستەتىلگەن ادەبيەت - كوركەمونەر جاسامپازدىعىنىڭ تابىستارىنان مالىمەت بەرىپ، اۋەلگى ماقساتتى، بورىشتى ەستە بەرىك ساقتاپ، كوركەمونەر ارقىلى جۇڭگو حيكاياسىن ويداعىداي بايانداپ، جۇڭگو ءۇنىن ويداعىداي تاراتۋ بەكىمدەرىن ءبىلدىردى.