شينحۋا اگەنتتىگىنىڭ 12 - ايدىڭ 26 - كۇنى بەيجيڭنەن بەرگەن حابارى (تىلشىلەر چىن فاڭ، دۇڭ رۇيفىڭ). جاڭا تيپتى ايدارشا ۆيرۋسپەن جۇعىمدالۋ 2023 - جىلى 1 - ايدىڭ 8 - كۇنىنەن باستاپ، ”B تۇردەگى A باسقارۋدان“ ”B تۇردەگى B باسقارۋعا“ رەتتەلەدى، بۇل ەلىمىزدىڭ جاڭا تيپتى ايدارشا ۆيرۋس ىندەتىنەن ساقتانۋ - تىزگىندەۋ ساياساتىنىڭ كەلەلى رەتتەلۋى سانالادى.
مەملەكەتتىك دەنساۋلىق ساقتاۋ - سالاماتتىق كوميتەتى 12 - ايدىڭ 26 - كۇنى حابارلاندىرۋ جاريالاپ، جاڭا تيپتى ايدارشا ۆيرۋس وكپە قابىنۋ دەگەندى جاڭا تيپتى ايدارشا ۆيرۋسپەن جۇعىمدالۋ دەپ وزگەرتتى. حابارلاندىرۋعا نەگىزدەلگەندە، مەملەكەتتىك كەڭەستىڭ بەكىتۋىمەن، 2023 - جىلى 1 - ايدىڭ 8 - كۇنىنەن باستاپ، جاڭا تيپتى ايدارشا ۆيرۋسپەن جۇعىمدالۋدا قولدانىلعان «جۇڭحۋا حالىق رەسپۋبليكاسىنىڭ جۇقپالى اۋرۋدان ساقتانۋ - تىزگىندەۋ زاڭىندا» بەلگىلەنگەن A تۇردەگى جۇقپالى اۋرۋدان ساقتانۋ - تىزگىندەۋ شاراسى كۇشىنەن قالدىرىلادى؛ جاڭا تيپتى ايدارشا ۆيرۋسپەن جۇعىمدالۋ ەندىگارى «جۇڭحۋا حالىق رەسپۋبليكاسىنىڭ شەكارالىق دەنساۋلىق ساقتاۋ، كارانتيندەۋ زاڭىندا» بەلگىلەنگەن كارانتيندەلىنەتىن جۇقپالى اۋرۋلاردى باسقارۋ قاتارىنا جاتقىزىلمايدى.
مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى جالپىلىق گرۋپپاسى سول كۇنى «جاڭا تيپتى ايدارشا ۆيرۋسپەن جۇعىمدالۋدى ”B تۇردەگىB باسقارۋ“ بويىنشا اتقارۋ تۇلعالىق جوباسىن» باسىپ تاراتتى. جوبادا بىلاي دەپ اتاپ كورسەتىلگەن: ۆيرۋستىڭ وزگەرۋى، ىندەت جاعدايى جانە ەلىمىزدىڭ ساقتانۋ - تىزگىندەۋ نەگىزى سياقتى فاكتورلار جان - جاقتى تۇسپالدانعاندىقتان، ەلىمىز جاڭا تيپتى ايدارشا ۆيرۋسپەن جۇعىمدالۋدى ”B تۇردەگى A باسقارۋدان“ ”B تۇردەگى B باسقارۋعا“ قاراي رەتتەۋ نەگىزگى شارتىن ازىرلەدى.
جوباعا نەگىزدەلگەندە، 2023 - جىلى 1 - ايدىڭ 8 - كۇنىنەن باستاپ، جاڭا تيپتى ايدارشا ۆيرۋسپەن جۇعىمدالۋ ”B تۇردەگىB باسقارۋ“ بويىنشا اتقارىلادى ەكەن. جۇقپالى اۋرۋدان ساقتانۋ - تىزگىندەۋ زاڭىنا ساي، جاڭا تيپتى ايدارشا ۆيرۋسپەن جۇعىمدالعاندارعا ەندىگارى اۋاشالاۋ شاراسى قولدانىلمايدى، تىعىز جاناسۋشىلارعا ەندىگارى تۇجىرىم جاسالمايدى؛ جوعارى، تومەن قاتەرلى ءوڭىر دەپ تە ەندىگارى ايىرىلمايدى؛ جاڭا تيپتى ايدارشا ۆيرۋسپەن جۇعىمدالعاندار دارەجەگە، تۇرگە ءبولىنىپ قابىلدانادى، ەمدەلەدى ءارى ەمدەۋ، قامتاماسىزداندىرۋ ساياساتى ءدال ۋاعىندا رەتتەلەدى؛ تەكسەرۋ ءتاسىلى ”تەكسەرىلۋدى قالاعانداردىڭ ءبارىن تەكسەرۋگە“ رەتتەلدى؛ ىندەت جاعدايى ينفورماتسيالارىن جاريالاۋ رەت سانى مەن مازمۇنى رەتتەلدى. شەكارالىق دەنساۋلىق ساقتاۋ، كارانتيندەۋ زاڭىنا ساي، شەكارادان كىرگەن ادام جانە جۇك سياقتىلارعا ەندىگارى كارانتيندەلىنەتىن جۇقپالى اۋرۋلاردى باسقارۋ شاراسى قولدانىلمايدى.
”B تۇردەگىB باسقارۋ“ اتقارىلعاننان كەيىن، ەلىمىز ساقتانۋ - تىزگىندەۋ قىزمەت نىساناسىندا ”سالاماتتىقتى ساقتاۋدى، سالماقتى اۋرۋلاردان ساقتانۋدى“ ارقاۋ ەتىپ، سايكەستى شارالار قولدانىپ، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىق سالاماتتىعىن ەڭ جوعارى دەڭگەيدە قورعاپ، ىندەتتىڭ ەكونوميكالىق، قوعامدىق دامۋعا جەتكىزەتىن ىقپالىن ەڭ زور شەكتە ازايتادى.
