تيانشان تورى
تيانشان تورى   ›   ۇيرەنۋ   ›   شولۋ

دامۋ

− پارتيا 20 - قۇرىلتايىنان جۇڭگو كوممۋنيستىك پارتياسىنىڭ تابىسقا جەتۋ قۇپياسىنا نازار (6)

شينحۋا اگەنتتىگىنىڭ تىلشىلەرى ان بەي، جاڭ شينشين، يان فۋجيڭ

  ”دامۋ“ ءسوزى پارتيا 20 - قۇرىلتايىنىڭ بايانداماسىندا 239 رەت كەزدەستى.

  ”جوعارى ساپالى دامۋدى ىلگەرىلەتۋدى نەگىزگى تاقىرىپ ەتۋگە تاباندى بولۋ“، ”دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا، ءسوز جوق، تاباندى بولۋ“، ”دامۋدى ادام مەن تابيعاتتىڭ جاراسىمدى، قاتار ءومىر سۇرەتىن تۇرعىسىندا تۇرىپ جوسپارلاۋ“، ”جاڭا حاۋىپسىزدىك ارناسى ارقىلى جاڭا دامۋ جاعدايىن قامتاماسىز ەتۋ“...

  دامۋ − حالىقتىڭ باقىتىنا، ۇلتتىڭ گۇلدەنۋىنە قاتىستى، پارتيانىڭ حالىقتى باستاپ ءبىر جەڭىستەن تاعى ءبىر جەڭىسكە بەت الۋىنداعى تابىسقا جەتۋ قۇپياسىنىڭ ءبىرى، جۇڭگو ۇلگىسىندەگى وسىزامانداندىرۋدىڭ ۇزدىكسىز تىڭ تابىسقا قول جەتكىزۋىنىڭ، تىڭ ءورىس اشۋىنىڭ تەتىگى.

”جوعارى ساپالى دامۋ − جاپپاي سوتسياليستىك وسىزاماندانعان مەملەكەت قۇرۋدىڭ ماڭداي الدى مىندەتى“

  باس شۋجي شي جينپيڭ پارتيا 20 - قۇرىلتايىنىڭ بايانداماسىندا بىلاي دەپ باسا دارىپتەدى: ”جوعارى ساپالى دامۋ − جاپپاي سوتسياليستىك وسىزاماندانعان مەملەكەت قۇرۋدىڭ ماڭداي الدى مىندەتى. دامۋ − پارتيانىڭ بيلىك جۇرگىزىپ، مەملەكەتتى كوركەيتۋدەگى ماڭداي الدى ماڭىزدى مىندەتى“.

  5 جىلدىڭ الدىنداعى پارتيانىڭ 19 - قۇرىلتايىنداعى باس شۋجيدىڭ ءسوزى كوكەيىمىزدە سايراپ تۇر: ”ءسوز جوق، بۇلجىماي دامۋدى پارتيانىڭ بيلىك جۇرگىزىپ، مەملەكەتتى كوركەيتۋدەگى ماڭداي الدى ماڭىزدى مىندەتى ەتۋ كەرەك“، ”ەلىمىز ەكونوميكاسى تەز قارقىنمەن ارتۋ كەزەڭىنەن جوعارى ساپالى دامۋ كەزەڭىنە اياق باستى“.

  10 جىلدىڭ الدىندا، پارتيانىڭ 18 - قۇرىلتايى جابىلعاننان كەيىن، باس شۋجي شي جينپيڭ «گۇلدەنۋ جولى» كورمەسىن ەكسكۋرسيالاعاندا تەرەڭ ماعىنالى تۇردە بىلاي دەپ اتاپ كورسەتكەن ەدى: ”وتكەنگە كوز تاستاساق، بۇكىل پارتياداعى جولداستار، مەشەۋلىكتىڭ تاياق جەگىزەتىندىگىن، دامىعاندا عانا ءوزىن الۋەتتەندىرۋگە بولاتىندىعىن، ءسوز جوق، ەستە بەرىك ساقتاۋى كەرەك“.

  جۇڭگو كوممۋنيستىك پارتياسى دۇنيەگە كەلگەن كۇننەن باستاپ، وزىق وندىرگىش كۇشتەردىڭ دامۋ تالابىنا ۋاكىلدىك ەتىپ، كونە وندىرىستىك قاتىناستى تالقانداپ، جاڭا وندىرىستىك قاتىناس ورناتۋ سىندى بورىشتى ارقالادى. وندىرگىش كۇشتەردى ازات ەتۋ جانە دامىتۋ پارتيانىڭ 100 جىلدىق ەكپىندەي ىلگەرىلەۋ بارىسىنا سىڭىرىلگەن، پارتيانىڭ حالىقتىڭ قولداۋىنا يە بولىپ، ۇلتتى العا باسۋعا باستايتىن شەشۋشى قۇپيالىق كىلتى بولىپ تابىلادى.

  باسىپ وتكەن جولىمىزدا، ”كەدەيلىك سوتسياليزم ەمەس“، ”دامۋ داۋ جۇرمەيتىن شىندىق“ دەگەننەن ”دامۋ − پارتيانىڭ بيلىك جۇرگىزىپ، مەملەكەتتى كوركەيتۋدەگى ماڭداي الدى ماڭىزدى مىندەتى، جۇڭگوداعى بارلىق ماسەلەنى شەشۋدىڭ تەتىگى“ دەگەنگە دەيىن، پارتيا دامۋ ادىسىمەن العا باسۋ جولىنداعى ماسەلەلەردى شەشۋگە تاباندى بولىپ، حالىقتى باستاپ، اناعۇرلىم جوعارى ساپالى دامۋدى ۇزدىكسىز ىلگەرىلەتۋ بارىسىندا، اناعۇرلىم بەرىك زاتتىق نەگىز توپتاپ، اناعۇرلىم ىرىقتى رۋحاني كۇش - قۋات ۇيىستىردى.

  رەفورما جاساعان، ەسىك اشقان العاشقى كەزدە، ”حالىقتىڭ كۇن سايىن ارتىپ وتىرعان زاتتىق مادەنيەت قاجەتى مەن مەشەۋ قوعامدىق ءوندىرىس اراسىنداعى قايشىلىققا“ ءدوپ كەلگەندە، پارتيا حالىقتى باستاپ، دامۋ ماسەلەسىن شەشۋگە قۇلشىندى؛

  جاڭا داۋىرگە قادام تاستاعاندا، ”حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىق“ الدىندا، ”دامىعاننان كەيىنگى“ كەزەڭدە تۇرعان قازىرگى زامانعى جۇڭگو كوممۋنيستەرى تاعى ءبىر تىڭ قيىن ماسەلەگە ءدوپ كەلدى:

  ”جوعارى ساپالى دامۋ − جاڭا دامۋ ۇستانىمىن ايگىلەيتىن دامۋ، ەكونوميكالىق دامۋدىڭ ’بار ما، جوق پا‘ دەگەننەن ’جاقسى ما، جاقسى ەمەس پە‘ دەگەنگە بۇرىلىس جاساۋى“.

  جاڭا تاريحي باستامادا تۇرىپ، پارتيانىڭ 20 - قۇرىلتايى دۇنيە جۇزىنە مىنانى جاريالادى: جۇڭگو ۇلگىسىندەگى وسىزامانداندىرۋ جوباسى ”دامۋدا“، ونىڭ ۇستىنە ”جوعارى ساپالى دامۋ“ بارىسىندا جازىلادى.

”حالىقتىڭ تاماشا تۇرمىسقا تالپىنىسىن ۇزدىكسىز رەالدىققا اينالدىرۋىمىز كەرەك“

  ”حالىقتىڭ تاماشا تۇرمىسقا تالپىنىسى − ءبىزدىڭ كۇرەس نىسانامىز“. 10 جىلدىڭ الدىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ سايلانعان كەزدەگى شي جينپيڭنىڭ ءسوزى قاراپايىم دا باتىل بولدى.

  10 جىلدان كەيىن جۇڭگو كوممۋنيستىك پارتياسى 20 - كەزەكتى ورتالىق كوميتەتى ساياسي بيۋروسىنىڭ تۇراقتى مۇشەلەرى جۇڭگولىق، شەتەلدىك تىلشىلەرمەن كەزدەسكەندە، باس شۋجي ايبىندى تۇردە بىلاي دەپ جاريالادى: ”حالىقتىڭ تاماشا تۇرمىسقا تالپىنىسىن ۇزدىكسىز رەالدىققا اينالدىرۋىمىز كەرەك“.

  كىم ءۇشىن ىستەۋ ماسەلەسى − ءبىر ساياسي پارتيانىڭ، ءبىر بيلىكتىڭ سيپاتىن سىننان وتكىزەتىن تارازى.

  حالىقتىق سيپات − ماركسيزمنىڭ نەگىزگى قاسيەتى، حالىقتىق تۇرعى − ماركسيزمدىك ساياسي پارتيانىڭ ءتۇبىرلى ساياسي تۇرعىسى. حالىقتى بارىنەن جوعارى قويۋعا باستان - اياق تاباندى بولۋ جۇڭگو كوممۋنيستىك پارتياسىنىڭ ەڭ بەرىك تايانىشىن، ەڭ قۋاتتى سەنىمىن سومدادى، سونداي - اق پارتيانىڭ باستان - اياق جەڭىلمەس تۇعىردان تايماۋىنىڭ بەرىك نەگىزى بولىپ تابىلادى.

  100 جىل ەكپىندەي ىلگەرىلەپ كوزدەگەن ماقساتىنان اينىمادى: 1 - بەسجىلدىق جوسپاردان 14 - بەسجىلدىق جوباعا دەيىن، كەدەيلىكتەن ارىلتۋدان قامال الۋدىڭ جەڭىسىنە قول جەتكىزۋدەن اۋىل - قىستاقتى گۇلدەندىرۋدى جاپپاي ىلگەرىلەتۋگە دەيىن، جاپپاي دوڭگەلەك داۋلەتتى قوعام ورناتۋدان جاپپاي سوتسياليستىك وسىزاماندانعان مەملەكەت قۇرۋعا دەيىن... پارتيا باستان - اياق ەڭ قالىڭ حالىقتىڭ مۇددەسىن تياناق ەتىپ، دامۋدى جوسپارلادى، دامۋدى ىلگەرىلەتتى.

  جوعارى ساپالى دامۋدى ىلگەرىلەتۋدى نەگىزگى تاقىرىپ ەتۋگە تاباندى بولىپ، ”بار ما، جوق پا“ دەگەننەن ”جاقسى ما، جاقسى ەمەس پە“ دەگەنگە دەيىنگى دامۋدى جۇزەگە اسىرۋداعى ولشەم حالىق بۇقاراسىنىڭ رازى بولعان - بولماعاندىعى.

  ”الىپ قۇس سىڭار قاناتىمەن سامعاي المايدى؛ تۇلپار جالعىز اياعىنىڭ كۇشىمەن شاپقىلاي المايدى“.

  2019 - جىلعى مەملەكەتتىك ەكى ماجىلىستە باس شۋجي شي جينپيڭ ناقىل كەلتىرگەن وسى ەجەلگى ءسوزدىڭ ءمانى جۇڭگو بيىككە سامعاپ، جىلدام زىمىراۋ ءۇشىن ءبىر ميلليارد 400 ميلليوننان استام جۇڭگو حالىقىنىڭ تەلەگەي كۇشىن ۇيىستىرۋى، قاۋلاتۋى كەرەكتىگىن باسا دارىپتەۋ ەدى.

  دامۋ حالىق ءۇشىن بولعاندا عانا، ءتۇبىرلى تياناققا يە بولادى؛ دامۋ حالىققا سۇيەنسە عانا، قوزعاۋشى كۇشكە يە بولادى.

  پارتيا ءجۇز ميلليونداعان حالىقتى باستاپ قات - قابات قيىن قامالداردى الۋدا قالىڭ حالىقتىڭ بەلسەندىلىگىن، ىرىقتىلىعىن، جاسامپازدىعىن تولىق ساۋلەلەندىرۋگە سۇيەنگەن. حالىقتىڭ اقىل - پاراساتى، حالىقتىڭ كۇش - قۋاتى، حالىقتىڭ تاماشا تۇرمىسقا تالپىنىسى سىلدىراپ اققان بۇلاقتاردىڭ تەڭىز بولىپ توعىسقانىنداي، كۇللى دۇنيەنىڭ نازارىن اۋدارعان جۇڭگو كەرەمەتىن جاراتتى.

  10 - ايدىڭ 27 - كۇنى تۇستەن بۇرىن پارتيانىڭ 20 - قۇرىلتايى ەندى عانا جابىلعاندا، باس شۋجي شي جينپيڭ جاڭادان سايلانعان جۇڭگو كوممۋنيستىك پارتياسى 20 - كەزەكتى ورتالىق كوميتەتى ساياسي بيۋروسىنىڭ تۇراقتى مۇشەلەرىن باستاپ، يان - انعا كەلدى.

  وسىناۋ جۇڭگو توڭكەرىسىنىڭ قاسيەتتى جەرىندە، باس شۋجي حالىقتىق تۇرعىدا بەرىك تۇرۋدى تىلگە تيەك ەتكەندە ”بىرگە بايۋدى تىڭعىلىقتى ىلگەرىلەتۋدى“ جانە ”جالپى حالىقتى وسىزامانداندىرۋ قۇرىلىسى جەتىستىگىنەن اناعۇرلىم كوپ، اناعۇرلىم ءادىل يگىلىكتەندىرۋدى“ ايرىقشا باسا دارىپتەدى.

  جاڭا جورىقتا، اۋەلگى ماقسات وزگەرمەدى. جوعارى ساپالى دامۋ بارىسىندا بىرگە بايۋدى جەبەپ، ”بالكۇلشەنى ۇلكەيتۋ“ ءارى ”بالكۇلشەنى جاقسىلاپ ءبولۋ“ ءاربىر ادامدى زاتتىق وركەنيەت پەن رۋحاني وركەنيەت قۇرىلىسىنىڭ جەتىستىكتەرىنەن بىرگە يگىلىكتەندىردى، ۇلى وتانمەن، ۇلى داۋىرمەن بىرگە جەتىلۋ ورايىنان بىرگە يگىلىكتەندىردى.

”مەملەكەت پەن ۇلتتىڭ دامۋىن ءوز كۇشىمىزدىڭ تۇيىنىنە قويىپ، دامۋدىڭ ىرىقتىلىق ۇقىعىن مىقتاپ يگەرۋىمىز كەرەك“

  ءبىر مەملەكەتتىڭ، ءبىر ۇلتتىڭ دامۋىنىڭ تابان تىرەر تياناعى − ءوز جولىمەن ويداعىداي ءجۇرۋ.

  بىرىنشىدەن كەدەي، ەكىنشىدەن اق نەگىزدە جاڭا جۇڭگونى قۇرۋدان رەفورما جاساۋدىڭ، ەسىك اشۋدىڭ تاريحي شىمىلدىعىن اشۋعا دەيىن، ونان جۇڭگوشا سوتسياليزمنىڭ جاڭا داۋىرگە قادام تاستاۋىنا دەيىن... مەيلى قانداي حاۋىپ - قاتەر، سىن - سايىستارعا تاپ بولسا دا، پارتيا باستان - اياق حالىقتى باستاپ، ءوزىن تياناق ەتىپ، دامۋدى ىلگەرىلەتتى.

  ءبىز بارعان سايىن قيىن، بارعان سايىن حاۋىپتى، ىلگەرىلەمەسە كەرى شەگىنەتىن، ىلگەرىلەمەسە بولمايتىن مەزگىلدە تۇرمىز، اساۋ تولقىنداردىڭ، ءتىپتى، داۋىلدى تولقىنداردىڭ اۋىر سىناعىنان وتۋگە ءازىر تۇرۋىمىز كەرەك.

  باس شۋجي شي جينپيڭ پارتيا 20 - قۇرىلتايىنىڭ بايانداماسىندا بىلاي دەپ باسا دارىپتەدى: ”مەملەكەت پەن ۇلتتىڭ دامۋىن ءوز كۇشىمىزدىڭ تۇيىنىنە قويۋعا تاباندى بولىپ، جۇڭگونىڭ دامۋ، العا باسۋ تاعدىرىن ءوز قولىمىزدا مىقتاپ ۇستاۋعا تاباندى بولۋىمىز كەرەك“.

  دامۋدىڭ ىرىقتىلىق ۇقىعىن يگەرۋدىڭ تەتىگى − ءوز ءىسىمىزدى زەيىن - زەردەنى شوعىرلاندىرا وتىرىپ ويداعىداي ىستەۋ.

  2020 - جىلدىڭ باسىندا، جاڭا تيپتى ايدارشا ۆيرۋس وكپە قابىنۋ ىندەتى تۋىلىپ، الەمدىك كاسىپ سالاسى تىزبەگىنىڭ، قامداۋ تىزبەگىنىڭ ءىشىنارا بولىگى ءۇزىلدى.

  ”مەنىڭشە، قازىرگى جاعداي مۇلدە باسقاشا، مولىنان كىرگىزىپ، مولىنان شىعاراتىن ورتا شارت - جاعدايى وزگەردى، ءسوز جوق، جاڭا جاعدايعا نەگىزدەلىپ، دامۋعا جەتەكشىلىك ەتەتىن جاڭا وي جەلىسىن ورتاعا قويۋ كەرەك“، - دەدى باس شۋجي شي جينپيڭ تەرەڭ تولعانىسپەن.

  2020 - جىلى 4 - ايدا ورتالىق قازىنا - ەكونوميكا كوميتەتىنىڭ 7 - رەتكى ماجىلىسىندە، ”جاڭا دامۋ ارناسى“ العاش رەت العا قويىلدى.

  ەل ءىشىن تياناق ەتىپ، ەل ءىشى ۇلكەن اينالىمىن ىركىلىسسىزدەندىرۋ؛ حالىقارامەن ۇلاستىرىپ، اشىق دامۋ بارىسىنداعى ستراتەگيالىق ىرىقتىلىققا قول جەتكىزۋگە ۇمتىلۋ كەرەك.

  پارتيا 20 - قۇرىلتايىنىڭ بايانداماسىندا ”جاڭا دامۋ ارناسىن جەدەل قالىپتاستىرىپ، جوعارى ساپالى دامۋدى كۇش سالا ىلگەرىلەتۋ“ جەكە تاراۋشا ەتىلىپ، العاشقى قادامدى جاقسى باسىپ، ىرىقتىلىق شايقاسىن ويداعىداي جۇرگىزۋ ستراتەگيالىق تولعانىسىن كورنەكتىلەندىردى.

  دامۋدىڭ ىرىقتىلىق ۇقىعىن يگەرۋدە، ءسوز جوق، تومەنگى شەكتە ويلاۋعا تاباندى بولىپ، اناعۇرلىم كۇردەلى دە قيىن جاعدايعا توتەپ بەرۋگە قاي - قاشان دا دايىن بولۋ كەرەك.

  استىق حاۋىپسىزدىگىن ەل باسقارۋدىڭ، ماڭداي الدى ءىرى ءىسى ساناپ، جاڭا استىق حاۋىپسىزدىگى كوزقاراسىن العا قويدى؛ عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى مەملەكەت دامۋىنىڭ ستراتەگيالىق تىرەگى ەتىپ، مەملەكەتتىڭ ستراتەگيالىق عىلىم - تەحنيكا قۋاتىن كۇشەيتتى؛ جاساۋ كاسىبىنىڭ مەملەكەت ەكونوميكاسىنىڭ جان تامىرى ەكەندىگىنە تاباندى بولىپ، كاسىپ سالاسى نەگىزىن جوعارى دارەجەلىلەندىرۋدەن، كاسىپ سالاسى تىزبەگىن وسىزامانداندىرۋدان قامال الۋ شايقاسىن ويداعىداي جۇرگىزدى...

  دامۋ مەن حاۋىپسىزدىكتى ءبىر تۇتاس جوسپارلاۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاڭا دامۋ كەزەڭىن تياناق ەتىپ العا قويعان كەلەلى ستراتەگيالىق يدەياسى، جاڭا داۋىردەگى جۇڭگونىڭ ءبىر قىدىرۋ ۇلى تابىستارعا قول جەتكىزۋىنىڭ نەگىزگى تاجىريبەسى.

  دامۋدىڭ ىرىقتىلىق ۇقىعىن يگەرۋدە ءارى ءوز ەرەكشەلىگىن تياناق ەتۋ، ءارى كۇللى الەمدى كوكەيدە ساقتاۋ كەرەك.

  ”اناعۇرلىم سيىسىمدى الەمدىك دامۋدى ىلگەرىلەتۋ“، ”اناعۇرلىم جالپىعا ءتيىمدى الەمدىك دامۋدى ىلگەرىلەتۋ“، ”اناعۇرلىم سەرپىمدى الەمدىك دامۋدى ىلگەرىلەتۋ“... 20 ەل توبى بالي ارالى باسشىلار ماجىلىسىندە، باس شۋجي شي جينپيڭنىڭ ماڭىزدى ءسوزى نازاردى ”دامۋعا“ شوعىرلاندىرىپ، ءار ەل حالقىنىڭ ورتاق تىلەگىن بەينەلەپ، جاۋاپكەرشىلىكتى ءىرى ەلدىڭ جاۋاپكەرشىلىك ارقالاۋىن ايگىلەدى.

  ادامزاتتىڭ دامۋ، العا باسۋ اعىنىن تەرەڭ باعامداپ، وزىندىك دامۋى ارقىلى دۇنيە جۇزىنە اناعۇرلىم كوپ وراي ازىرلەدى، سونداي - اق اناعۇرلىم كورىكتى دۇنيە ءجۇزىن قۇرۋدى ىلگەرىلەتۋ بارىسىندا، وزىندىك دامۋعا اناعۇرلىم تاماشا شارت - جاعداي ازىرلەدى.

  تەك باستان - اياق دامۋ سىندى كىلتتى مىقتى ۇستاپ، دامۋدىڭ ىرىقتىلىق ۇقىعىن ءوز قولىمىزدا مىقتاپ يگەرسەك، ەشقانداي كۇش جۇڭگو حالقى مەن جۇڭحۋا ۇلتىنىڭ العا باسۋ اياق الىسىن بوگەي المايدى!

(شينحۋا اگەنتتىگىنىڭ 12 - ايدىڭ 25 - كۇنى بەيجيڭنەن بەرگەن حابارى)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.