تيانشان تورى
تيانشان تورى   ›   جاڭالىقتار   ›   ەل ءىشى حابارى

ورتالىق كوميتەت كەڭسەسى، مەملەكەتتىك كەڭەس كەڭسەسى «2023 - جىلعى جاڭا جىل، كوكتەم مەرەكەسى كەزىندەگى قاتىستى قىزمەتتەردى ويداعىداي ىستەۋ جونىندەگى ۇقتىرۋدى» باسىپ تاراتتى

  شينحۋا اگەنتتىگىنىڭ 12 - ايدىڭ 26 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «2023 - جىلعى جاڭا جىل، كوكتەم مەرەكەسى كەزىندەگى قاتىستى قىزمەتتەردى ويداعىداي ىستەۋ جونىندەگى ۇقتىرۋدى» باسىپ تاراتتى. تولىعى تومەندەگىدەي:

  2023 - جىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ، تياناقتاندىرۋدىڭ باستاما جىلى. جەر - جەر، تاراۋلار شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى اناعۇرلىم ويداعىداي ءبىر تۇتاس جوسپارلاپ، مەرەكە كەزىندەگى ءتۇرلى قىزمەتتەردى مۇقيات ويداعىداي ىستەپ، حالىق بۇقاراسىنىڭ مەرەكەنى كوڭىلدى دە بەرەكەلى وتكىزۋىنە شىنايى كەپىلدىك ەتۋى كەرەك. پارتيا ورتالىق كوميتەتىنىڭ، مەملەكەتتىك كەڭەستىڭ ماقۇلداۋىمەن قاتىستى ىستەر جونىندە مىنانى ۇقتىرامىز.

  ءبىرىنشى، ىندەتتەن ساقتانۋ - تىزگىندەۋ شارالارىن رەتتەۋدىڭ، جاڭا كەزەڭگە ءوتۋدىڭ ورنىقتى، ءتارتىپتى بولۋىنا شىنايى كەپىلدىك ەتۋ. حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، عىلمي ساقتانۋعا، ەمدەۋگە، دالمە - ءدال شارا قولدانۋعا تاباندى بولىپ، قاراستى جەر جاۋاپكەرشىلىگىن كۇشەيتىپ، ءتۇيىندى قۇرىلىمداردىڭ، ءتۇيىندى ورىنداردىڭ، ءتۇيىندى ادامدار قاۋىمنىڭ ىندەتتەن ساقتانۋ - تىزگىندەۋ قىزمەتىن زەيىن - زەردەنى، سۇيىسپەنشىلىكتى، كۇش - قۋاتتى ارناي وتىرىپ ويداعىداي ىستەپ، ىندەتتىڭ حالىق بۇقاراسىنىڭ وندىرىسىنە، تۇرمىسىنا جاسايتىن ىقپالىن مۇمكىندىكتىڭ بارىنشا ازايتۋ كەرەك. دارەجەگە، ساتىعا، سالاعا ءبولىپ قۇتقارۋ - ەمدەۋ جاعىنان جەتەكتەۋدى جانە ۇيدە جاتقان ناۋقاستارعا سالاماتتىق جاعىنان جەتەكشىلىك ەتۋدى كۇشەيتىپ، ەمدەۋدىڭ، قۇتقارۋدىڭ، اسىرەسە، سالماقتى اۋرۋلاردى قۇتقارۋ - ەمدەۋدىڭ توتەپ بەرۋ دايىندىعىن جەتكىلىكتى ىستەپ، سالماقتى اۋرۋلاردى قۇتقارۋ - ەمدەۋدى جانە قالىپتى ەمدەۋ ءتارتىبىن شىنايى قامتاماسىز ەتۋ كەرەك. ءدارى - دارمەك، تەكسەرۋ سىناعىشىن ءوندىرۋ، قامداۋ، زاپاس ساقتاۋ جانە جەتكىزۋ قىزمەتىن ويداعىداي ىستەپ، باعانى قىمباتتاتۋ، قىمباتقا ساتۋ ءۇشىن باسىپ قويۋ ارەكەتتەرىن زاڭ بويىنشا تەكسەرىپ ءبىر جاقتى ەتۋ كەرەك. دەنساۋلىق ساقتاۋ بىلىمدەرى جونىندە عىلىم جالپىلاستىرۋ ۇگىتىن كۇشەيتىپ، بۇقارانى جەكەلىك قورعانۋعا ءمان بەرۋگە، ماسكا تاعۋعا، قولدى ءجيى جۋۋعا، باس قوسۋدى ازايتۋعا، ءوز سالاماتتىعىنىڭ ويداعىداي ءبىرىنشى جاۋاپتى ادامى بولۋعا جەتەكتەۋ كەرەك.

  ەكىنشى، قيىنشىلىعى بار بۇقارانىڭ ءوندىرىس - تۇرمىسىنا كوڭىل ءبولۋ. نەگىزدىك زەينەتاقىنى، جۇمىسسىزدىق قامسىزداندىرۋى قاراجاتىن، جۇمىسسىزدىق كومەك قاراجاتىن، ەڭ تومەنگى تۇرمىستى قامتاماسىزداندىرۋ قاراجاتىن ۋاعىندا، تولىق تاراتىپ، باعا ۋاقىتشا تولىقتاما قاراجاتىن بەلگىلەمە بويىنشا تاراتىپ، قيىنشىلىعى بار بۇقارانىڭ نەگىزگى تۇرمىسىن قامتاماسىز ەتۋ كەرەك. تۇرمىسىندا سۇيەنىش جوق كەزبە قايىرشىلار، مۇگەدەكتەر، اۋىل - قىستاقتارداعى ۇيدە قالعان بالالار، جەتىم بالالار قاتارلى ەرەكشە قيىنشىلىعى بار قاۋىمعا قامقورلىق جاساۋدى، كومەكتەسۋ - سۇيەمەلدەۋدى كۇشەيتىپ، اپاتقا ۇشىراعان بۇقاراعا قىستا، كوكتەمدە قۇتقارۋ - كومەكتەسۋدى ويداعىداي ىستەپ، قيىنشىلىعى بار بۇقارانىڭ قىستان حاۋىپسىز، جىلى وتۋىنە شىنايى كەپىلدىك ەتۋ كەرەك. جۇمىستانۋى قيىنعا سوققاندارعا قاراتا جۇمىستانۋىنا كومەكتەسۋدى اتقارىپ، قىزمەت ورنىن ورنىقتىرۋدى قولداۋ تەبىنىن ارتتىرۋ كەرەك. شارۋا جۇمىسكەرلەردىڭ ەڭبەكاقىسىن كەشەۋىلدەتۋ ماسەلەسىن شوعىرلى رەتتەۋ - وڭاۋ ارناۋلى ارەكەتىن ىلگەرىلەتىپ، شارۋا جۇمىسكەرلەردىڭ زاڭدى ۇقىق - مۇددەسىن قورعاۋ كەرەك.

  ءۇشىنشى، بۇقارانىڭ مەرەكەدەگى زاتتىق، مادەنيەت قاجەتىن قاناعاتتاندىرۋ. كومىر، ەلەكتر، جانار ماي، وتىندىق گاز، تاسىمال ىستەرىن سايكەستى قامتاماسىز ەتۋدى كۇشەيتىپ، ەنەرگيا حاۋىپسىزدىگى بويىنشا قامداۋدى قامتاماسىز ەتۋگە شىنايى كەپىلدىك ەتىپ، تۇرعىنداردىڭ ەلەكتر ىستەتۋ، وتىندىق گاز ىستەتۋ باعاسىنىڭ ورنىقتى بولۋىنا شىنايى كەپىلدىك ەتۋ كەرەك. استىق حاۋىپسىزدىگىندە پارتيا، ۇكىمەت تەڭ جاۋاپكەرشىلىك ارقالاۋدى جانە ”كوجە قاتىققا“ قالا باستىعى جاۋاپتى بولۋ ءتۇزىمىن تياناقتاندىرىپ، ءوندىرۋ - ساتۋدى ۇشتاستىرۋدى كۇشەيتىپ، بىرلەسىپ قامتاماسىز ەتۋدى، بىرلەسىپ قامداۋدى كۇشەيتىپ، قاتىناستىڭ، زات اينالىمىنىڭ اشىق، ىركىلىسسىز بولۋىنا كەپىلدىك ەتىپ، استىق، ازىقتىق ماي، ەت، جۇمىرتقا، ءسۇت، جەمىس - جيدەك، كوكونىس سياقتى ماڭىزدى حالىق تۇرمىسى تاۋارلارىمەن قامداۋدى قامتاماسىز ەتۋ، باعاسىن ورنىقتىرۋ قىزمەتىن ويداعىداي ىستەپ، مەرەكەدە بازاردى قامداۋدى ۇزدىكسىز مولايتۋ كەرەك. تۇرمىستىق قاجەتتى بۇيىمداردىڭ شۇعىل جاعدايعا توتەپ بەرۋ بويىنشا قامداۋدى قامتاماسىز ەتۋ دايىندىق جوباسىن جاساپ، بازار باقىلاۋىن، ساقتاندىرۋىن كۇشەيتىپ، زاپاستى شىعارۋدى ءدال ۋاعىندا ارتتىرۋ كەرەك. ”ءبىزدىڭ جۇڭگو ارمانىمىز“− مادەنيەتتى 10 مىڭ وتباسىنا جەتكىزۋ قيمىلىن كەڭ كولەمدە ورىستەتىپ، فورماسى الۋان ءتۇرلى، مازمۇنى باي، ينتەرنەت جەلىسى مەن ينتەرنەت جەلىسىنەن تىس ءوزارا ۇشتاستىرىلعان مادەنيەت، ادەبيەت - كوركەمونەر قيمىلدارىن ۇيىمداستىرىپ ورىستەتىپ، تاڭداۋلى كينوفيلمدەردى، تەلەفيلمدەردى كورسەتۋدى ورنالاستىرىپ، نەگىزگى اۋەندى اسقاقتاتىپ، وڭ ەنەرگيا تاراتىپ، حالىق بۇقاراسىنىڭ مەرەكەلىك مادەنيەت تۇرمىسىن بايىتىپ، جاڭا داۋىردەگى جاڭا جورىقتا ەكپىندەي ىلگەرىلەۋدىڭ قۋاتتى رۋحاني كۇشىن ۇيىستىرۋ كەرەك. مادەنيەت، ساياحات دەمالىس كۇندەرى بازار ءتارتىبىن ارناعا ءتۇسىرىپ، باعاداعى زاڭعا قايشى ارەكەتتەردى قاتاڭ تەكسەرىپ ءبىر جاقتى ەتىپ، مادەنيەت، ساياحات تۇتىنۋىنىڭ ءتارتىپتى قالپىنا كەلۋىن، دامۋىن ىلگەرىلەتۋ كەرەك.

  ءتورتىنشى، بۇقارانىڭ ءجۇرىس - تۇرىسىن ويداعىداي قامتاماسىز ەتۋ. بۇقارانىڭ ءجۇرىس - تۇرىس قاجەتىن قاناعاتتاندىرۋ، ىندەتتىڭ تارالۋ حاۋىپ - قاتەرىن تومەندەتۋ، حاۋىپسىز، قولايلى قىزمەت وتەۋمەن قامداۋ پرينسيبى بويىنشا، كوكتەمگى تاسىمال قىزمەتىن ويداعىداي ۇيىمداستىرۋ كەرەك. كاسىپورىن، ءىسورىنداردىڭ قىزمەت قاجەتىمەن جانە جۇمىسشى - قىزمەتكەرلەردىڭ تىلەگىمەن ۇشتاستىرا وتىرىپ ۋاقىت كەزەڭىنە ءبولىپ دەمالۋعا جەتەكشىلىك ەتىپ، مەكتەپتەردىڭ ۋاقىت كەزەڭىنە ءبولىپ دەمالىسقا تاراتۋىنا، وقۋ باستاۋىنا جەتەكشىلىك ەتىپ، ۋاقىت كەزەڭى بويىنشا ءجۇرىپ - تۇرۋدى جۇزەگە اسىرۋ كەرەك. جولاۋشىلار اعىنى وزگەرىسىنە سايكەسە وتىرىپ تاسىمال قۋاتىمەن قامداۋدى ويداعىداي ىستەپ، ءتۇيىندى وڭىرلەردەگى، لەنيالارداعى، ۋاقىت كەزەڭىندەگى جولاۋشىلار تاسىمالى قامتاماسىزدىعىن كۇشەيتىپ، تاسىمالدى تۇتاستىرۋدى جانە جولاۋشىلاردىڭ كولىك اۋىسۋىن ساپالىلاندىرىپ، جول بوگەلىسىن اشۋدى، ىركىلىسسىز بولۋدى قامتاماسىز ەتۋدى كۇشەيتىپ، جولاۋشىلاردىڭ جولعا شىققاندا سەڭدەي سوعىلىسۋى مەن توپتالۋىن ازايتۋ كەرەك. قاتىناس - تاسىمالمەن شۇعىلداناتىندار ءدوپ كەلەتىن ىندەت، تومەن تەمپەراتۋرالى، قارلى، ايازدى اۋا رايى سياقتى جاعدايلارعا مەڭزەس، شۇعىل جاعدايعا توتەپ بەرۋ دايىندىق جوباسىن ساپالىلاندىرىپ، كەمەلدەندىرىپ، شۇعىل جاعدايعا توتەپ بەرۋ بويىنشا ءبىر جاقتى ەتۋدى ويداعىداي ىستەپ، ماڭىزدى جولاۋشىلار تاسىمالى توراپتارىن جاپپاۋعا، ماڭىزدى جولاۋشى تاسىمال لەنيالارىندا قىزمەت وتەۋدى توقتاتپاۋعا شىنايى كەپىلدىك ەتۋ كەرەك. قاتىناس - تاسىمال حاۋىپسىزدىگىندەگى كومەسكى كىناراتتاردى ءبىر - بىرلەپ تەكسەرىپ جونگە سالۋدى ىشكەرىلەي ورىستەتىپ، حالىق بۇقاراسىنىڭ ءجۇرىس - تۇرىس حاۋىپسىزدىگىن قامتاماسىز ەتۋ كەرەك.

  بەسىنشى، الەۋمەتتىك حاۋىپسىزدىك پەن قوعامنىڭ جاراسىمدىلىعىن، ورنىقتىلىعىن قامتاماسىز ەتۋ. تومەنگى شەكتە ويلاۋعا تاباندى بولىپ، ”قاشاندا قام جەپ تۇراتىن“ جاۋاپكەرشىلىك سەزىممەن، ءوندىرىس حاۋىپسىزدىگى جاۋاپكەرشىلىگى مەن شاراسىن تياناقتاندىرۋدى مىقتى يگەرىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن قامتاماسىز ەتۋ كەرەك. قاتەرلى حيميالىق بۇيىمدار، كەن، جارقىلداق - تورسىلداق، ەرەكشە جابدىقتار، ءورت ءسوندىرۋ - ورتتەن ساقتانۋ، قۇرىلىس سالۋ، قالا - قالاشىقتارداعى وتىندىق گاز، بالىقشىلىق كەمەسى سياقتى كاسىپ سالاسىن ارناۋلى رەتتەۋ - وڭاۋدى تەرەڭدەتىپ، ءتۇرلى حاۋىپ - قاتەرلەردى، كومەسكى كىناراتتاردى ءبىر - بىرلەپ تەكسەرىپ، رەتتەپ - وڭاپ، اۋىر، ەرەكشە اۋىر شىرعالاڭداردىڭ تۋىلۋىنان باتىل ساقتانۋ جانە ونى تەجەۋ كەرەك. قار، اياز اپاتى، ورمان، جايلىم ءورت قاتەرى سياقتىلاردى قاداعالاۋدى، الدىن الا ساقتاندىرۋدى جانە شۇعىل جاعدايعا توتەپ بەرۋ بويىنشا ءبىر جاقتى ەتۋدى ويداعىداي ىستەۋ كەرەك. قايشىلىقتاردى، داۋ - شارالاردى ءبىر - بىرلەپ تەكسەرىپ، شەشۋدى كۇشەيتىپ، قوعامدىق جاقتان شارلاپ ساقتانۋ - تىزگىندەۋدى جانە ءتۇيىندى زاتتاردىڭ، ءتۇيىندى كاسىپتەردىڭ، ءتۇيىندى سالالاردىڭ حاۋىپسىزدىگىن باقىلاۋ - باسقارۋدى كۇشەيتىپ، ءتۇيىندى ورىنداردىڭ حاۋىپسىزدىك ساقتانۋىن كۇشەيتىپ، ەلەۋلى الەۋمەتتىك حاۋىپسىزدىك ۋاقيعالارىنىڭ تۋىلۋىنان قاتاڭ ساقتانۋ كەرەك. جىل سوڭى مەن جىل باسىنداعى قوعام اماندىعىنىڭ زاڭدىلىعىنا، ەرەكشەلىگىنە تىعىز ۇشتاستىرىپ، كوپ تۋىلۋ سيپاتتى مال - مۇلىككە سۇعاناقتىق جاساۋ قىلمىسى، اۋىر زورلىقتى كۇش قىلمىستارى، ”سارى الاپات، قۇمار ويناۋ، ەسىرتكى“، ”ازىق - تۇلىك، ءدارى - دارمەك، قورشاعان ورتا“ جانە تەلەگراف، ينتەرنەت الدامشىلىعى سياقتى زاڭعا قايشى قىلمىستارعا سوققى بەرۋ تەبىنىن ارتتىرىپ، حالىق بۇقاراسىنىڭ حاۋىپسىزدىك سەزىمىن كۇشەيتۋ كەرەك.

  التىنشى، ”ءتورت ءتۇرلى بۇرىس ستيلدى“ تۇزەتىپ، جاڭا سالت ورناتۋعا سايكەسە كۇش سالۋعا تاباندى بولۋ. پارتيالىلىق، پارتيا ستيلى، پارتيا ءتارتىبى تاربيەسىن كۇشەيتىپ، ءار دارەجەلى باسشى كادرلاردى پاك، كىرشىكسىز بولۋداي جاڭا ستيلىن، دۇرىس سالتتى بارىنشا اسقاقتاتىپ، وزىنە قاتاڭ تالاپ قويىپ، قوسىندى قاتاڭ ويداعىداي باستاۋعا، وتباسى تاربيەسىن، وتباسى سالتىن قاتايتۋعا جەتەكتەۋ كەرەك. مەرەكەنى ۇنەمشىلدىكپەن وركەنيەتتى وتكىزەتىن تاماشا قوعامدىق سالتتى دارىپتەپ، قالىڭ پارتيا مۇشەلەرىن، كادرلاردى جانە بۇقارانى استا - توك، ىسىراپشىلدىق ەتۋگە، ءسان - سالتاناتقا بەرىلۋگە قارسى تۇرىپ، توي - تومالاق، ءولىم - ءجىتىم ىستەرىندەگى جامان ادەتتەردى تاستاۋعا تاربيەلەۋ كەرەك. نەگىزگى ساتى كادرلارىنا، اسىرەسە، شارت - جاعدايى جاپالى وڭىرلەردە جانە شۇعىل، قيىن، قاتەرلى، ماڭىزدى مىندەتتەردىڭ الدىڭعى شەبىندە قىزمەت ىستەپ جاتقان جولداستارعا كوڭىل ءبولىپ، قامقورلىق جاساپ، قىزمەت سەبەبىنەن قازا بولعان نەگىزگى ساتى كادرلارىنىڭ وتباسىنداعىلاردان احۋال ۇعىسىپ، حال سۇراۋ، ولارعا قارايلاسۋ، كومەكتەسۋ جانە ۇزاق ۋاقىت كومەكتەسۋ - سۇيەمەلدەۋ قىزمەتىن ويداعىداي ىستەپ، قالىڭ پارتيا مۇشەلەرى مەن كادرلاردى جاۋاپكەرشىلىك ارقالاپ، ىسكەرلىك كورسەتۋگە ىنتالاندىرۋ كەرەك. ورتالىقتىڭ 8 ءتۇرلى بەلگىلەمەسىنىڭ رۋحىن قاجىماي - تالماي تياناقتاندىرىپ، بەلگىلەمەگە قايشى ءىشىپ - جەۋ، بەلگىلەمەگە قايشى تارتۋ - تارالعى، سياقى الۋ - بەرۋ، بەلگىلەمەگە قايشى ۇستەمە قاراجات، قوسىمشا قاراجات نەمەسە يگىلىك اقشا تاراتۋ، ۇكىمەت كولىگىن جەكە جۇمىسقا پايدالانۋ سياقتى ماسەلەلەردى ءجىتى قاداعالاپ، باقىلاۋدى كۇشەيتىپ، تيىلماۋ، قولىن تارتپاۋ، قاسارىسىپ تارتىپكە قايشىلىق جاساۋ جايتتەرىن قاتاڭ، اۋىر ءبىر جاقتى ەتۋ كەرەك. ىندەتتەن ساقتانۋ - تىزگىندەۋ، حالىق تۇرمىسىن قامتاماسىز ەتۋ، كومەكتەسۋ - سۇيەمەلدەۋ، قۇتقارۋ - كومەكتەسۋ، ءوندىرىس حاۋىپسىزدىگى سياقتى جاقتاردا ءىس تىندىرماۋ، بەتالدى ىستەۋ ماسەلەلەرىن كۇش سالا تۇزەتىپ، وڭاپ، جىل سوڭى مەن جىل باسىندا قورىتىندىلاۋ، ورنالاستىرۋ قىزمەتى سياقتى اتپەن نەگىزگى ساتىنىڭ اۋىرتپالىعىن ارتتىراتىن فورماشىلدىق ماسەلەلەرىن باتىل تۇزەتۋ - وڭاۋ كەرەك.

  جەتىنشى، كەزەكشى بولۋ، كۇزەتتە تۇرۋ جانە شۇعىل جاعدايعا توتەپ بەرۋ، توسىن ۋاقيعالاردى ءبىر جاقتى ەتۋ قىزمەتىن ويداعىداي ىستەۋ. 24 ساعات ارنايى ادام كەزەكشى بولۋ جانە باسشى كادرلار قىزمەت ورنىندا كەزەكشىلىككە جەتەكشىلىك ىستەۋ، سىرتقا شىققاندا ەستەلىككە الدىرۋ سياقتى تۇزىمدەردى قاتاڭ اتقارىپ، مەرەكە كەزىندە ءتۇرلى قىزمەتتەردىڭ قالىپتى اينالىمىنا كەپىلدىك ەتۋ كەرەك. ءتۇرلى توسىن ۋاقيعالارعا شۇعىل توتەپ بەرۋ، ءبىر جاقتى ەتۋ دايىندىق قىزمەتىن ويداعىداي ىستەپ، ينفورماتسيانى مالىمدەۋ ءتۇزىمىن قاتاڭ تياناقتاندىرىپ، ماڭىزدى جاعدايلار جونىندە تاباندا نۇسقاۋ سۇراۋعا، مالىمدەۋگە ءارى دەر كەزىندە ءونىمدى ءبىر جاقتى ەتۋگە شىنايى كەپىلدىك ەتۋ كەرەك. بۇقاراعا تىكە قىزمەت وتەيتىن ورىندار مەرەكە كەزىندەگى كەزەكشىلىك قىزمەتىن ويداعىداي ورنالاستىرۋى ءارى قىزمەت وتەۋ ساپاسىنا كەپىلدىك ەتۋى كەرەك.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.