− باس شۋجي شي جينپيڭنىڭ ورتالىقتىڭ اۋىل - قىستاق قىزمەتى ماجىلىسىندە سويلەگەن ماڭىزدى ءسوزى كۇشتى اڭىس قوزعادى
□ شينحۋا اگەنتتىگىنىڭ تىلشىلەرى حوۋ شۋەجيڭ، حۋ لۋ، يان فۋجيڭ
بىرنەشە كۇننەن بەرى، بۇكىل مەملەكەتتىڭ جەر - جەرىندەگى كادرلار مەن بۇقارا ورتالىقتىڭ اۋىل - قىستاق قىزمەتى ءماجىلىسىنىڭ رۋحىن مۇقيات ۇيرەندى، ۇعىندى. كوپشىلىك مىنالاردى ءبىلدىردى: باس شۋجي شي جينپيڭنىڭ ورتالىقتىڭ اۋىل - قىستاق قىزمەتى ماجىلىسىندە سويلەگەن ماڭىزدى ءسوزى اۋىل شارۋاشىلىعىندا قۋاتتى ەل قۇرۋدىڭ، اۋىل شارۋاشىلىعىن، اۋىل - قىستاقتى وسىزامانداندىرۋدى جەدەل ىلگەرىلەتۋدىڭ، اۋىل - قىستاقتى گۇلدەندىرۋدى جاپپاي ىلگەرىلەتۋدىڭ ءبىر قىدىرۋ ماڭىزدى نازاريالىق جانە امالياتتىق ماسەلەلەرىن جۇيەلى ءتۇسىندىردى، ايرىقشا ماڭىزدى جەتەكشىلىك مانگە يە. كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، قايراتتانا ىسكە كىرىسىپ، اۋىل - قىستاق كاسىپ سالاسىنىڭ دارەجەسىن ءوسىرۋدى ىلگەرىلەتىپ، باياندى دامۋ قابىلەتىن كۇشەيتىپ، شارۋالاردىڭ كىرىسىن مۇمكىندىكتىڭ بارىنشا ارتتىرىپ، ءبىر نيەتپەن سەلبەسىپ، اۋىل - قىستاقتى گۇلدەندىرۋدى جاپپاي ىلگەرىلەتەمىز.
جاۋاپكەرشىلىكتى قاتايتىپ، ناقتىلاندىرىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەيمىز، كەڭەيتەمىز
باس شۋجي شي جينپيڭ وسى رەتكى ورتالىقتىڭ اۋىل - قىستاق قىزمەتى ماجىلىسىندە بىلاي دەپ باسا دارىپتەدى: ”كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋ − اۋىل - قىستاقتى گۇلدەندىرۋدى جاپپاي ىلگەرىلەتۋدىڭ تومەنگى شەك مىندەتى، جاۋاپكەرشىلىكتى ۇزدىكسىز قاتايتىپ، ناقتىلاندىرىپ، كەدەيلىكتەن ارىلعان حالىق پەن كەدەيلىكتەن ارىلعان وڭىرلەرگە ارنالعان كومەكتەسۋ - سۇيەمەلدەۋ ساياساتىن ويداعىداي ۇشتاستىرىپ، شارالاردى تىڭعىلىقتى تياناقتاندىرىپ، قىستاق بويىنشا، اۋىل بويىنشا قايتا كەدەيلەسۋ جايتىنىڭ تۋىلۋىنان باتىل ساقتانۋ كەرەك“.
”باس شۋجي شي جينپيڭنىڭ ءسوزى ءبىزدىڭ كەلەسى قادامداعى قىزمەتتى ويداعىداي ىستەۋىمىزگە ايقىن بەتالىس كورسەتتى. قىستاقتا تۇراتىن ءبىرىنشى شۋجي رەتىندە، قىستاق دارەجەلى اۋىل - قىستاقتى گۇلدەندىرۋدىڭ ءبىرىنشى جاۋاپتى ادامى بولۋ بورىشىن ارقالاپ، قايتا كەدەيلەسۋدەن ساقتانۋ بويىنشا ۇدايىلانعان يكەمدى قاداعالاۋدى، كومەكتەسۋ - سۇيەمەلدەۋدى اۋەلگىدەي ويداعىداي تياناقتاندىرىپ، قايتا كەدەيلەسۋدەن ساقتانۋدىڭ تومەنگى شەگىن مىقتاپ بەكەمدەيمىز“. شينجياڭ ۇيعۇر اۆتونوميالى رايوندىق قىزىل كرەست قوعامىنىڭ ءپايزاۋات اۋدانى قىزىلبويى قالاشىعى اياقشولاق قىستاعىندا تۇراتىن ءبىرىنشى شۋجيى ماي فاڭ بىلاي دەدى: ءبىز قايتا كەدەيلەسۋدەن ساقتانۋدىڭ يكەمدى قاداعالاۋ تۇعىرىنان پايدالانىپ، كەدەيلىكتەن ارىلعان بۇقارانىڭ كەدەيلىكتەن ورنىقتى ارىلىپ، قايتا كەدەيلەسپەۋىنە شىنايى كەپىلدىك ەتىپ، اۋىل - قىستاقتى گۇلدەندىرۋگە جاقسى نەگىز قالايمىز.
كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋدى جاپپاي ىلگەرىلەتۋمەن ءونىمدى ۇشتاستىرۋدىڭ تەتىگى − ساياسيدا توسەلگەن، جاڭا ءداۋىردىڭ تالابىنا ۇيلەسەتىن، اۋىل شارۋاشىلىعىندا قۋاتتى ەل قۇرۋعا باسشىلىق ەتۋ قابىلەتى بار اۋىل شارۋاشىلىعى، اۋىل - قىستاق، شارۋالار قىزمەتى كادرلار قوسىنىن تۇلعالاۋدا.
گۇيجوۋ ولكەسى كايياڭ اۋدانى جايجي اۋىلىنا بارا قالساڭىز، قاتار - قاتار كورىنىسى بىركەلكى ۇيلەر تۇنىق سۋ، جاسىل تاۋ اراسىنان كوز تارتادى. بۇل ارادا كەزىندە 292 وتباسىندا 1150 كەدەي بۇقارا بار بولاتىن، قازىر بارلىعى جوعارى ساپامەن كەدەيلىكتەن ارىلدى.
”باس شۋجي شي جينپيڭنىڭ سويلەگەن ءسوزىن تىڭداپ، تاياۋ جىلداردان بەرگى كەدەيلىكتەن ارىلتۋدان قامال الۋدىڭ ءساتتى امالياتىمەن بىرلەستىرىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدىڭ، كەڭەيتۋدىڭ، اۋىل - قىستاقتى گۇلدەندىرۋدى جاپپاي ىلگەرىلەتۋدىڭ پارتيا قۇرىلىسى ارقىلى جەتەكشىلىك ەتۋدەن ايرىلا المايتىنىن ءتىپتى دە باتىل تانىپ جەتتىك“، - دەدى جايجي اۋىلدىق پارتكومنىڭ شۋجيى چيۋ يانۋي، - جەرگىلىكتى ورىن اۋىلعا قايتقان ۇزدىك جاستار، جاڭا وقۋ تاۋىسقان داشۋە وقۋشىلارى، بايۋ باستاماشىلارى اراسىنان پارتيا مۇشەلەرىن باۋلۋعا، قابىلداۋعا باسا ءمان بەرىپ، نەگىزگى ساتى پارتيا ۇيىمىنىڭ جاۋىنگەر قورعاندىق رولىن اناعۇرلىم ساۋلەلەندىرىپ، اۋىل - قىستاقتى گۇلدەندىرۋدى جاپپاي ىلگەرىلەتۋگە پارمەندى تىرەك ازىرلەدى.
اۋىل - قىستاق كاسىپ سالاسىنىڭ دارەجەسىن ءوسىرۋدى ىلگەرىلەتىپ، باياندى دامۋ قابىلەتىن كۇشەيتەمىز
قىس كىرگەننەن كەيىن، چيڭحاي ولكەسى شينيڭ قالاسى داتۇڭ حۇيزۋ، تۋزۋ اۆتونوميالى اۋدانى تار قالاشىعى جوعارعى جيۋجۋاڭ قىستاعىنىڭ جىلىجايىندا قىستاق تۇرعىندارى قاربالاس جۇمىس ىستەپ، القىزىل بۇلدىرگەندەردى قوراپتاپ تاسۋدا.
”كاسىپ سالاسىن گۇلدەندىرۋ اۋىل - قىستاقتى گۇلدەندىرۋدە بارىنەن ماڭىزدى ورىندا تۇرادى، باس شۋجي شي جينپيڭنىڭ ءسوزى اۋىل - قىستاق كاسىپ سالاسىن دامىتۋعا ايقىن بەتالىس كورسەتىپ، ءبىزدىڭ ەرەكشە بايلىققا اناعۇرلىم سۇيەنىپ، كاسىپ سالاسى قۇرىلىمىن رەتتەۋىمىزگە نىق سەنىم، ارىندى كۇش سيلادى“، - دەدى داتۇڭ اۋدانى اۋىل شارۋاشىلىعى، اۋىل - قىستاق مەكەمەسىنىڭ باستىعى سۇڭ شىڭلۇڭ، - جەرگىلىكتى ورىن جەرگىلىكتى جاعدايعا قاراي وتىرىپ ەرەكشە اۋىل شارۋاشىلىعىن، كاسىپ سالاسىن ۇزدىكسىز دامىتىپ، ويپاڭدارداعى سۋلى وڭىردە، بەلەس - قىرقادا، تەڭىز دەڭگەيىنەن بيىك وڭىرلەردە جەكە - جەكە جەمىس - جيدەك، كوكونىس كاسىپ سالاسىن، كولەمدەنگەن كوكونىستى اشىق ءوسىرۋ كاسىپ سالاسىن، سۋىق جەردە ەگۋگە ۇيلەسەتىن كوكونىس جانە ازىقتىق ساڭىراۋقۇلاق كاسىپ سالاسىن دامىتىپ، ءۇستىرت ەرەكشەلىگىنە يە وسى زامانعى اۋىل شارۋاشىلىعىنىڭ بيىك بەلەسىن تۇلعالاۋعا قۇلشىنادى.
باس شۋجي شي جينپيڭنىڭ ماڭىزدى ءسوزىن ۇيرەنىپ، ۇعىنىپ، شاندۇڭ ولكەسى بوشيڭ اۋدانى ديانزى قالاشىعى پارتكومىنىڭ شۋجيى شۋ دىميڭ ايرىقشا جەلپىندى. كەزەكتە ديانزى قالاشىعى بوشيڭ اۋدانى حالىقتى بايىتۋ ەگىمشىلىك كاسىپتىك سەلبەستىك كووپەراتيۆىن سىناق ءتۇيىنى ەتىپ، ”پارتيا ياچەيكاسى + سەلبەستىك كووپەراتيۆى + باستاماشى كاسىپورىن“ ۇلگىسىن بەلسەنە ىلگەرىلەتىپ، ەرەكشە قىزاناق ماركاسىن تۇلعالادى.
”باس شۋجيدىڭ ءسوزى سەلبەستىك كووپەراتيۆى مەن قوعامدىق كاپيتال ىشكەرىلەي توعىسقان ەرەكشە اۋىل شارۋاشىلىعىن دامىتۋ جولىمەن ءجۇرۋ سەنىمىمىزدى ءتىپتى دە بەكەمدەپ، جەرگىلىكتى ورىننىڭ قىزاناق كاسىپ سالاسىنىڭ بازارداعى باسەكەلىك قۋاتىن ۇزدىكسىز جوعارىلاتتى“، - دەدى شۋ دىميڭ، - الداعى جەردە قالاشىق جەرگىلىكتى ورىنداعى اۋىل شارۋاشىلىعىنداعى باستاماشى كاسىپورىنداردى بار كۇشپەن جەتىلدىرىپ، تۇقىم جەتىلدىرۋ، مايسا جەتىلدىرۋ، ەگىمشىلىك، ساتۋ، تاماشالاۋ ءبىر تۇلعالانعان تۇتاس كاسىپ سالاسى تىزبەگىنىڭ وسى زامانعى اۋىل شارۋاشىلىعى كاسىپ باقشاسىن قۇرادى.
كاسىپ سالاسى تىزبەگىن تولىقتاپ، كاسىپ كۇيىن وركەندەتىپ، ماركا جاراتقان كوپتەگەن كاسىپورىن جاسىل ورگانيكالى اۋىل شارۋاشىلىعىنا ىزدەنىس جاساۋدى كاسىپ سالاسىن گۇلدەندىرۋدىڭ كىرىسۋ تۇيىنىنە اينالدىردى. ”باس شۋجيدىڭ ماڭىزدى ءسوزى ءبىزدىڭ جاسىل ورگانيكالى اۋىل شارۋاشىلىعى ونىمدەرى ماركاسىن تۇلعالاۋ سەنىمىمىزدى بەكەمدەدى، ءبىز قاينارىنان باستاپ يگەرۋدى جوسپارلاپ 1 -، 2 -، 3 - كاسىپتەردىڭ توعىسا دامۋىن ىلگەرىلەتىپ، كاسىپ سالاسىنىڭ قوسىمشا قۇنىن جوعارىلاتامىز“، - دەدى يۇننان جۇڭيديڭدۇڭ قارجى قوسۋ توبى شەكتى سەرىكتەستىگىنىڭ القا باستىعى ۋاڭ يان، - مەملەكەت ساياساتىنىڭ قولداۋىندا، كاسىپورىن بيىل جاسىل ورگانيكالى ەگىمشىلىكتى زەرتتەپ اشۋعا قارجى قوسۋدى ارتتىرىپ، ونىمدەرى بازاردىڭ قارسى الۋىنا يە بولىپ، كاسىپ سالاسىنىڭ باياندى دامۋ قابىلەتىن كۇشەيتتى.
شارۋالاردىڭ كىرىسىن مۇمكىندىكتىڭ بارىنشا ارتتىرىپ، بىرگە بايۋدى تىڭعىلىقتى ىلگەرىلەتەمىز
باس شۋجي شي جينپيڭ بىلاي دەپ باسا دارىپتەدى: شارۋالاردىڭ كىرىسىن ارتتىرۋدى اۋىل شارۋاشىلىعى، اۋىل - قىستاق، شارۋالار قىزمەتىنىڭ وزەكتى مىندەتى ەتۋگە تاباندى بولىپ، شارۋالاردىڭ كىرىس ارتتىرۋ، بايۋ ارنالارىن مۇمكىندىكتىڭ بارىنشا كەڭەيتۋ كەرەك.
ەلىمىزدىڭ ”التىن جۇگەرى بەلدەۋىندەگى“ لياۋنيڭ ولكەسى تيەليڭ قالاسى تيەليڭ اۋدانى ساينيۋجاڭجۋاڭ جۇگەرىنىڭ جاڭا سورتىن جالپىلاستىرۋ كاسىپتىك سەلبەستىك كووپەراتيۆىنىڭ اۋلاسىندا تاۋداي بولىپ ۇيىلگەن جۇگەرى كۇن شۇعىلاسىندا التىنداي جارقىرايدى. جىلىنا 30 مىڭ مۋ جەر ەگەتىن وسى ءىرى سەلبەستىك كووپەراتيۆى ماڭايداعى 3000نان استام كووپەراتيۆ مۇشەسىن كىرىستەرىن ارتتىرۋعا باستادى.
”باس شۋجي شي جينپيڭنىڭ ءسوزى ءبىزدى ايرىقشا مەيىرگە بولەپ، قاتتى جىگەرلەندىردى“. سەلبەستىك كووپەراتيۆىنىڭ القا مەڭگەرۋشىسى جاۋ يۇيگو بىلاي دەدى: ”ءبارىن ايت تا ءبىرىن ايت، شارۋالاردىڭ كىرىسىن ارتتىرۋ ەڭ ماڭىزدى. پارتيا ورتالىق كوميتەتى شارۋالاردىڭ كىرىسىن ارتتىرۋعا ايرىقشا ءمان بەرىپ، اۋىل شارۋاشىلىعى، اۋىل - قىستاق، شارۋالار قىزمەتىنىڭ بۇيداسىن يگەردى. بولاشاقتا سەلبەستىك كووپەراتيۆى عىلىم - تەحنيكا ارقىلى اۋىل شارۋاشىلىعىن گۇلدەندىرۋ جولىمەن بۇلجىماي ءجۇرىپ، ءتىپتى دە كوپ كووپەراتيۆ مۇشەسى مەن ماڭايداعى شارۋا وتباسىلارىن كىرىستەرىن ارتتىرىپ، بايۋعا جەتەكتەيدى.
شالعايداعى گانسۋ ولكەسى ديڭشي قالاسى تۇڭۋي اۋدانى ليجياديان اۋىلى ياۋچۋان قىستاعىندا ورىنباسار اۋدان اكىمى فىڭ شۇيدۇڭ مەن قىستاق تۇرعىندارى بىرگە باس شۋجي شي جينپيڭنىڭ ماڭىزدى ءسوزىن ۇيرەندى. ”باس شۋجي سوزىندە ’شارۋالاردىڭ كىرىس ارتتىرۋ، بايۋ ارنالارىن مۇمكىندىكتىڭ بارىنشا كەڭەيتۋدى‘ ايتىپ، نەگىزگى ساتىداعى بىزگە اۋىل - قىستاقتى گۇلدەندىرۋدىڭ كۇش سالۋ بەتالىسى مەن دامۋ نىساناسىن ايقىن كورسەتىپ بەردى“، - دەدى فىڭ شۇيدۇڭ، - بۇل جەردە جىل بويى قۋاڭشىلىق وتە اۋىر بولاتىن، كەزىندە ءار مۋ جەردەن نەبارى بىرنەشە ءجۇز يۋان عانا كىرىس كىرەتىن، 2016 - جىلدان باستاپ جەرگىلىكتى جاعدايعا قاراي ۇشقات ەگۋگە وزگەرتكەننەن كەيىن عانا، قىستاق تۇرعىندارى بايۋ جولىنا ءتۇستى.
الداعى جوباعا ايالداعاندا، فىڭ شۇيدۇڭ نىق سەنىممەن بىلاي دەدى: ”ءبىز جەرگىلىكتى جاعدايعا قاراي ’جەرگىلىكتى ەرەكشە ءونىم‘ ءىسىن ۇزدىكسىز ويداعىداي ىستەپ، بازارداعى باسەكەلىك قۋاتىن جوعارىلاتىپ، نەگىزدىك قۇرىلىعى قۇرىلىسىن ۇزدىكسىز كەمەلدەندىرىپ، الەۋمەتتىك قىزمەت وتەۋ دەڭگەيىن ۇزدىكسىز جوعارىلاتىپ، بۇقارانىڭ ناقتى يگىلىككە كەنەلۋىنە مۇمكىندىك جاساپ، اۋىل - قىستاقتى گۇلدەندىرۋدىڭ نەگىزىن بەكەمدەيمىز“.
(شينحۋا اگەنتتىگىنىڭ 12 - ايدىڭ 26 - كۇنى بەيجيڭنەن بەرگەن حابارى)
