شي جينپيڭ وتانشىلدىق تازالىق قيمىلى جونىندە ماڭىزدى نۇسقاۋ بەرىپ بىلاي دەپ باسا دارىپتەدى
وتانشىلدىق تازالىق قيمىلىن اناعۇرلىم باعىتتامالى ورىستەتىپ، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن شىنايى قامتاماسىز ەتۋ كەرەك
لي كىچياڭ بەكىتۋ جاسادى
شينحۋا اگەنتتىگىنىڭ 12 - ايدىڭ 26 - كۇنى بەيجيڭنەن بەرگەن حابارى. وتانشىلدىق تازالىق قيمىلى ورىستەتىلگەندىگىنىڭ 70 جىلدىعى بايلانىسىمەن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى نۇسقاۋ بەرىپ بىلاي دەپ اتاپ كورسەتتى: 70 جىلدان بەرى، پارتيانىڭ باسشىلىعىندا، وتانشىلدىق تازالىق قيمىلى حالىقتىڭ سالاماتتىعىن وزەك ەتۋگە تاباندى بولىپ، ساقتانۋدى نەگىز ەتۋگە تاباندى بولىپ، قالا، اۋىل ورتا تازالىعى بەت - بەينەسىن وزگەرتۋدە، سالماقتى جۇقپالى اۋرۋ جاعدايىنا ءونىمدى توتەپ بەرۋدە، قوعامدىق سالاماتتىقتى باسقارۋ دەڭگەيىن جوعارىلاتۋدا ماڭىزدى رول اتقاردى. بۇكىل ەلدەگى وتانشىلدىق تازالىق شەبىندەگى جولداستاردىڭ باستان - اياق اۋەلگى ماقساتتان، بورىشتان جازباي، تاڭداۋلى ءداستۇردى جالعاستىرىپ، ساۋلەلەندىرىپ، قىزمەت ءمان - ماعىناسىن بايىتىپ، قىزمەت تاسىلىندە، ادىسىندە جاڭالىق اشىپ، سالاماتتى جۇڭگو قۇرىلىسىن جەدەل ىلگەرىلەتۋگە تىڭ ۇلەس قوسۋىن ءۇمىت ەتەمىن.
شي جينپيڭ بىلاي دەپ باسا دارىپتەدى: كەزەكتە ەلىمىزدىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋى جاڭا جاعدايعا، جاڭا مىندەتكە ءدوپ كەلدى، وتانشىلدىق تازالىق قيمىلىن اناعۇرلىم باعىتتامالى ورىستەتىپ، وتانشىلدىق تازالىق قيمىلىنىڭ ۇيىمدىق ابزالدىلىعى مەن بۇقارانى اتتانىسقا كەلتىرۋ ابزالدىلىعىن تولىق ساۋلەلەندىرىپ، قالىڭ حالىق بۇقاراسىن سالاماتتىق بىلىمدەرىن ىرىقتىلىقپەن ۇيرەنۋگە، سالاماتتىق ونەرىن يگەرۋگە، تاماشا جەكە تازالىق ادەتىن قالىپتاستىرۋعا، وركەنيەتتى، اقاۋسىز تۇرمىس ءتاسىلىن امالياتتا ايگىلەۋگە جەتەكتەپ، سان مىڭداعان وركەنيەتتى، اقاۋسىز شاعىن ورتا ارقىلى ىندەتتەن ساقتانۋ - تىزگىندەۋدىڭ قوعامدىق ۇلكەن قورعانىس شەبىن بەرىك ورناتىپ، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن شىنايى قامتاماسىز ەتۋ كەرەك.
مەملەكەتتىك كەڭەستىڭ زۇڭليى لي كىچياڭ بەكىتۋ جاساپ، بىلاي دەپ اتاپ كورسەتتى: وتانشىلدىق تازالىق قيمىلى 70 جىلدان بەرى ەلەۋلى دە ءونىمدى بۇقارالىق تازالىق قيمىلىن ورىستەتىپ، حالىقتىڭ دەنساۋلىعىن قامتاماسىز ەتۋدە ماڭىزدى رول اتقاردى، بۇل − حالىققا ءتيىمدى كەلەلى ينجەنەريا. شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن دايەكتىلەندىرىپ، ساقتانۋدى نەگىز ەتۋگە تاباندى بولىپ، مەحانيزمدە جانە قىزمەت تاسىلىندە جاڭالىق اشىپ، قالا، اۋىل ورتا تازالىعىن وڭاۋدى ىشكەرىلەي ىلگەرىلەتىپ، دەنساۋلىق تاربيەسىن تىڭعىلىقتى ورىستەتىپ جانە ونى جەبەپ، سالاماتتى جۇڭگو قۇرىلىسىنا تىڭ ۇلەس قوسۋ كەرەك. كەزەكتە جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدى ساپالىلاندىرۋ، رەتتەۋ شارالارى تارتىپپەن ىلگەرىلەتىلۋدە، تياناقتاندىرىلۋدا، ابزالدىلىقتى ساۋلەلەندىرىپ، ءارقايسى جاقتىڭ عىلمي ساقتانۋ - تىزگىندەۋ بەلسەندىلىگىن جۇمىلدىرۋ كەرەك. ءار دارەجەلى ۇكىمەت قىزمەت سەرپىنىن اناعۇرلىم كۇشەيتىپ، بۇقارانىڭ اۋرۋ كورسەتۋىن جانە ىندەتتەن ساقتانۋ بۇيىمدارى سۇرانىسىن شىنايى قامتاماسىز ەتىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن قورعاۋى كەرەك.
وتانشىلدىق تازالىق قيمىلى − پارتيامىزدىڭ بۇقارالىق لۋشياندى تازالىق، اۋرۋدان ساقتانۋ قىزمەتىندە پايدالانۋىنىڭ تابىستى امالياتى. 70 جىلدان بەرى، وتانشىلدىق تازالىق قيمىلى باستان - اياق پارتكومنىڭ باسشىلىعىنا، ۇكىمەتتىڭ جەتەكشىلىگىنە، كوپ تاراۋدىڭ سايكەسۋىنە، تۇتاس قوعامنىڭ ات سالىسۋىنا تاباندى بولىپ، ”جاپپاي دەنساۋلىق ساقتاۋ، جاپپاي سالاماتتىق“ ۇستانىمىنا تاباندى بولىپ، قاينارىنان باستاپ وڭاۋدى كورنەكتىلەندىرىپ، كورنەكتى ونىمدىلىككە قول جەتكىزدى.
