تيانشان تورى
تيانشان تورى   ›   ۇيرەنۋ   ›   شولۋ

ءبىر تۇتاس جوسپارلاۋ

− پارتيا 20 - قۇرىلتايىنان جۇڭگو كوممۋنيستىك پارتياسىنىڭ تابىسقا جەتۋ قۇپياسىنا نازار (7)

□ شينحۋا اگەنتتىگىنىڭ ءتىلشىسى جاۋ چاۋ

  جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعدايدى جانە دۇنيە جۇزىندە 100 جىلدا بولماعان زور وزگەرىستەردى ءبىر تۇتاس جوسپارلاۋ، دامۋ مەن حاۋىپسىزدىكتى ءبىر تۇتاس جوسپارلاۋ، قالا، اۋىل جۇمىستاندىرۋ ساياساتى جۇيەسىن ءبىر تۇتاس جوسپارلاۋ... پارتيا 20 - قۇرىلتايىنىڭ بايانداماسىندا ”ءبىر تۇتاس جوسپارلاۋ“ دەگەن ءسوز كوپ رەت كەزدەستى.

  ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى اناعۇرلىم ويداعىداي ءبىر تۇتاس جوسپارلاۋ، ەكونوميكا ساپاسىنىڭ ءونىمدى جوعارىلاۋى مەن ساننىڭ ۇيلەسىمدى ارتۋىن اناعۇرلىم ويداعىداي ءبىر تۇتاس جوسپارلاۋ، قامداۋ جاعىنداعى قۇرىلىمدىق رەفورمانى جانە ىشكى سۇرانىستى كەڭەيتۋدى اناعۇرلىم ويداعىداي ءبىر تۇتاس جوسپارلاۋ، ەكونوميكا ساياساتى مەن باسقا دا ساياساتتاردى اناعۇرلىم ويداعىداي ءبىر تۇتاس جوسپارلاۋ، ەل ءىشى اينالىمى مەن حالىقارالىق اينالىمدى اناعۇرلىم ويداعىداي ءبىر تۇتاس جوسپارلاۋ، قازىرگى مەن ۇزاق بولاشاقتى اناعۇرلىم ويداعىداي ءبىر تۇتاس جوسپارلاۋ، 12 - ايدىڭ 15 - كۇنىنەن 16 - كۇنىنە دەيىن وتكىزىلگەن ورتالىقتىڭ ەكونوميكالىق قىزمەت ماجىلىسىندە باس شۋجي شي جينپيڭ كەلەر جىلعى ەكونوميكالىق قىزمەتتى ويداعىداي ىستەۋدە ”التى ءبىر تۇتاس جوسپارلاۋدى“ ويداعىداي يگەرۋدى باسا دارىپتەدى.

  ءبىر تۇتاس جوسپارلاۋ، تەڭ ءمان بەرۋ − جۇڭگو كوممۋنيستىك پارتياسى بەرىك ۇستانعان عىلمي ادىستەمە، ءبىر تۇتاس جوسپارلاۋ بارىسىندا جالپى جاعدايدى جوسپارلاپ، سايكەستى ىلگەرىلەتىپ، ماڭىزدى تۇيىندە تابىسقا جەتىپ، ءبىر تۇتاس جوسپارلاۋ بارىسىندا تەپە - تەڭدىكتى يگەرىپ، بەتالىستى تۋرالاپ، ىرىقتىلىققا قول جەتكىزدى.

  جالپى جاعدايدى جوسپارلاۋ: ”كەلەلى جاعدايدى شىعار ءتۇيىن ەتىپ، ماسەلەگە وي جۇگىرتۋگە تاباندى بولۋ“

  پارتيانىڭ 20 - قۇرىلتايى اشىلعان كەزدە باس شۋجي شي جينپيڭ گۋاڭشي ۋاكىلدەر ۇيىرمەسىنىڭ تالقىسىنا قاتىناستى.

  گۇيلين قالالىق پارتكومنىڭ شۋجيى، ۋاكىل جوۋ جيابين سوزگە شىققاندا بىلاي دەدى: وسىناۋ جىلدارى گۇيلين ليجياڭ ەكولوگياسىنىڭ اۋەلگى تابيعاتىن، كەمەلدىلىگىن جانە باياندىلىعىن ساقتاۋعا كۇش سالىپ، ەكولوگيانى قورعاۋدا جانە حالىقتى بايىتۋ، حالىققا پايدا جەتكىزۋدە تەڭ يگىلىككە كەنەلۋدى جۇزەگە اسىردى.

  باس شۋجي قاداعالاي تاپسىرىپ بىلاي دەدى: ”گۇيليننىڭ تاۋى مەن سۋىن ويداعىداي قورعاۋدىڭ ءوزى − مەملەكەتكە، ۇلتقا قوسقان ەڭ زور ۇلەس، مىنە بۇل سىزدەر جونىنەن ’مەملەكەتتىڭ ءىرى ءىسى‘ سانالادى“.

  باس شۋجي شي جينپيڭ بىلاي دەپ تالاي رەت باسا دارىپتەدى: باسشى كادرلار ماسەلەگە وي جۇگىرتكەندە، شەشىم جاساعاندا، ءسوز جوق، مەملەكەتتىڭ ءىرى ءىسى جونىندە كوڭىلىندە ەسەپ بولۋى، ءىرى جوسپارلاردى، ۇلكەن ەسەپتەردى كوبىرەك جاساۋى، ۇساق جوسپارلاردى، ۇساق ەسەپتەردى ازىراق جاساۋى، ءوڭىر مەن تاراۋدىڭ قىزمەتىن پارتيا مەن مەملەكەت ىستەرىنىڭ ۇلكەن جاعدايىمەن توعىستىرۋعا شەبەر بولۋى كەرەك.

  ءبىر تۇتاس جوسپارلاۋدا جالپى بەتتىك جوسپارلاۋعا باسا ءمان بەرىپ، جالپى جاعداي كوزقاراسىن ايگىلەۋ كەرەك.

  پارتيانىڭ 100 جىلدىق كۇرەس بارىسىنا قايىرىلا قاراساق، مەيلى توڭكەرىس مەزگىلىندەگى ءىرى قالالارعا شابۋىلداۋدان اۋىل - قىستاقتارعا شەرۋ تارتۋعا ويىسۋدى ايقىنداۋ بولسىن، الدە سوتسياليستىك توڭكەرىس جانە قۇرىلىس مەزگىلىندە وتپەلى مەزگىلدەگى باس لۋشياندى العا قويۋ، ودان رەفورما جاساپ، ەسىك اشۋدان كەيىن رەفورمانىڭ، دامۋدىڭ، ورنىقتىلىقتىڭ قاتىناسىن دۇرىس ءبىر جاقتى ەتۋدى دارىپتەۋ بولسىن، پارتيامىز باستان - اياق جاعدايدىڭ وزگەرىسىنە قاراي جالپى جاعدايعا ساياتىن ستراتەگيالىق شارالاردى العا قويىپ وتىردى.

  باس شۋجي شي جينپيڭ ۇنەمى ”جالپى اۋقىمدى جوسپارلاماعان ادام ءبىر سالانى دا جوسپارلاي المايدى“ دەگەن ەسكىلىكتى ءسوزدى سيتاتقا الىپ، بۇكىل پارتيادان ”كەلەلى جاعدايدى شىعار ءتۇيىن ەتىپ، ماسەلەگە وي جۇگىرتۋگە تاباندى بولۋدى“ تالاپ ەتتى.

  كەلەلى جاعدايدى شىعار ءتۇيىن ەتۋدە پارتيامىز جالپى جاعدايدى مەڭگەرۋ، ءار جاقتى سايكەستىرۋ سىندى پارتيانىڭ باسشىلىق ءتۇزىمى جۇيەسىن ۇزدىكسىز اقاۋسىزداندىرىپ كەلەدى.

  جاڭا داۋىردەگى 10 جىلدا شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭگونىڭ العا باسۋ بەتالىسىن مىقتى يگەرىپ، ۇلى كۇرەستى، ۇلى ينجەنەريانى، ۇلى ءىستى، ۇلى ارماندى ءبىر تۇتاس مەڭگەرىپ، ”بەستى ءبىر تۇلعالاندىرۋ“جالپى تۇلعالىق ورنالاستىرۋى مەن ”ءتورتتى جاپپاي ورىنداۋ“ ستراتەگيالىق ورنالاستىرۋىن ايقىنداپ، ورنىقتىلىق بارىسىندا ىلگەرىلەۋ قىزمەت جالپى ارناسىن تۇراقتاندىرىپ، پارتيا مەن مەملەكەت ىستەرىنىڭ تاريحي تابىسقا قول جەتكىزۋىن، تاريحي وزگەرىس تۋدىرۋىن ىلگەرىلەتتى.

  پارتيانىڭ 20 - قۇرىلتايىندا جۇڭگو كوممۋنيستىك پارتياسى ستراتەگيالىق جالپى جاعدايدى شىعار ءتۇيىن ەتىپ، جاڭا ستراتەگيالىق ورنالاستىرۋ جاسادى: ”قازىردەن باستاپ، جۇڭگو كوممۋنيستىك پارتياسىنىڭ وزەكتى مىندەتى − بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعىپ، ەكىنشى 100 جىلدىق كۇرەس نىساناسىن جۇزەگە اسىرىپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋ“.

  جالپى جاعدايدى كوزدەدى، پارتيا 20 - قۇرىلتايىنىڭ بايانداماسى جۇڭگو ۇلگىسىندەگى وسىزامانداندىرۋدىڭ جۇڭگوشا ەرەكشەلىگى مەن ماندىك تالابى سياقتى كەلەلى ماسەلەلەردى بايىمداپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە ستراتەگيالىق ورنالاستىرۋ جاسادى.

  باس شۋجي شي جينپيڭ جۇڭگو كوممۋنيستىك پارتياسى 20 - كەزەكتى ورتالىق كوميتەتى ساياسي بيۋروسىنىڭ 1 - رەتكى توپتىق ۇيرەنۋىندە بىلاي دەپ باسا دارىپتەدى: بۇكىل ەل ءبىر تۇتاس جۇيە يدەياسىن بەرىك ورناتىپ، ءوز ءوڭىرىنىڭ، ءوز تاراۋىنىڭ قىزمەتىن جوسپارلاۋدا جانە ىلگەرىلەتۋدە پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدى العى شارت ەتىپ، قىزمەتتى جاسامپازدىقپەن ورىستەتىپ، ءبىر ءوڭىردىڭ داڭقىن اسىرۋمەن قاتار، جالپى جاعدايدى ارلەندىرۋ كەرەك.

سايكەستى ىلگەرىلەتۋ: ”جۇڭگوشا سوتسياليزم − جاپپاي دامىعان سوتسياليزم“

  جاپپاي دوڭگەلەك داۋلەتتى قوعام قۇرىپ شىعۋ، جاپپاي سوتسياليستىك وسىزاماندانعان مەملەكەت قۇرۋ نەگىزىندە، پارتيانىڭ 20 - قۇرىلتايى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدى ونان ارى العا قويدى.

  باس شۋجي شي جينپيڭ بىلاي دەپ اتاپ كورسەتتى: جۇڭگوشا سوتسياليزم − جاپپاي دامىعان سوتسياليزم، ءبىز ەكونوميكانىڭ ۇزدىكسىز دامۋى نەگىزىندە، ساياسي قۇرىلىستى، مادەنيەت قۇرىلىسىن، قوعامدىق قۇرىلىستى، ەكولوگيالىق وركەنيەت قۇرىلىسىن، سونداي - اق باسقا ءار جاقتاعى قۇرىلىستاردى سايكەستى ىلگەرىلەتۋىمىز كەرەك.

  ”سوتسياليزم جولىندا بىرەۋىنىڭ دە قاتاردان قالۋىنا بولمايدى، جاپپاي دوڭگەلەك داۋلەتتىلىككە جەتۋ جولىندا كوپشىلىك بىرگە ءجۇرۋى كەرەك“! جاپپاي دوڭگەلەك داۋلەتتى قوعام قۇرىپ شىعۋعا ”بىرەۋىنىڭ دە قاتاردان قالۋىنا بولمايدى“ ءسىڭىرىلىپ، جۇڭگوشا سوتسياليزم ءتۇزىمىنىڭ وراسان زور ابزالدىعىن تولىق ايگىلەدى.

  ”جۇڭگو قۇدىرەتتەنۋى، ءارقايسى سالالار دا، ءارقايسى جاقتار دا قۇدىرەتتەنۋى كەرەك“. رەفورمانى جاپپاي تەرەڭدەتۋدەن مەملەكەتتى جاپپاي زاڭمەن باسقارۋعا دەيىن، جۇڭحۋانىڭ بايتاق دالاسىندا دامۋدىڭ، العا باسۋدىڭ جالپى كورىنىستىك كارتيناسى ايگىلەندى.

  20 - قۇرىلتايدىڭ بايانداماسى كەسكىندەگەن جۇڭگو ۇلگىسىندەگى وسىزامانداندىرۋ جوباسىندا، حالىق سانى وراسان زور كولەمدەگى وسىزامانداندىرۋدان، جالپى حالىق بىرگە باييتىن وسىزامانداندىرۋدان زاتتىق وركەنيەت پەن رۋحاني وركەنيەت سايكەستىرىلگەن وسىزامانداندىرۋعا، ادام مەن تابيعات جاراسىمدى بىرگە جاسايتىن وسىزامانداندىرۋعا دەيىن، بارلىعىندا جالپى بەتتىك بولۋ ەرەكشەلىگى ايگىلەنگەن.

  جالپى بەتتىك بولۋ بولەك - سالاق ەمەس، قايتا بىرلەسە ارەكەتتەنۋ جانە شوعىرلاندىرۋ بولىپ تابىلادى.

  جالپى بەتتىك بولۋدى كوزدەگەن جۇڭگو كوممۋنيستىك پارتياسى ءبىر تۇتاس جوسپارلاۋ پرينسيبىنە تاباندى بولىپ، ”ەكى جاعىن يگەرۋ“ سىندى ديالەكتيكالىق ءادىستى ويداعىداي پايدالانىپ، تىم جەڭىل نەمەسە تىم اۋىر بولۋدان، ءىشىنارالىقتى جالپىعا بالاۋدان ساقتانىپ، سايكەستى ىلگەرىلەتۋ بارىسىندا جاپپاي دامۋدىڭ دۇرىس بەتالىسىن تاپتى.

  پارتيا 18 - قۇرىلتايىنان بەرى پارتيامىز ”ەكى جاعىن يگەرۋدى“ ۇزدىكسىز بايىتتى جانە دامىتتى، باس شۋجي شي جينپيڭ جالعاستىرۋ مەن جاڭالىق اشۋدىڭ قاتىناسى، ۇكىمەت پەن بازاردىڭ قاتىناسى، ەسىك اشۋ مەن ءوز كۇشىنە سۇيەنۋدىڭ قاتىناسى، دامۋ مەن حاۋىپسىزدىكتىڭ قاتىناسى سياقتىلاردى ويداعىداي ءبىر جايلى ەتۋدى باسا دارىپتەدى.

  تۇتقيىل تۋىلعان جاڭا تيپتى ايدارشا ۆيرۋس وكپە قابىنۋ ىندەتى الدىندا، پارتيا ورتالىق كوميتەتى دەر كەزىندە ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋ كەلەلى شەشىمىن جاسادى، ەلىمىز، ءبىر جاقتان، ىندەتتى ەڭ الدىمەن تىزگىندەپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن ەڭ جوعارى شەكتە قورعادى؛ ەندى ءبىر جاقتان، جۇمىستى، ءوندىرىستى ەڭ الدىمەن قالپىنا كەلتىرىپ، ەكونوميكالىق ارتۋدىڭ كەرى ارتۋدان وڭ ارتۋعا ويىسۋىن ەڭ الدىمەن جۇزەگە اسىردى.

  دۇنيەدە سيرەك كەزدەسەتىن، تاريحتا سيرەك كەزدەسەتىن حاۋىپ - قاتەر، سىن - سايىس الدىندا، باس شۋجي شي جينپيڭ دامۋ مەن حاۋىپسىزدىكتىڭ ديالەكتيكالىق ءبىر تۇتاس قاتىناسىن تەرەڭ يگەرىپ، ءارى دامۋ سىندى ءبىرىنشى مىندەتتى ويداعىداي يگەرىپ، ءارى مەملەكەت حاۋىپسىزدىگىنە كەپىلدىك ەتۋ سىندى ماڭداي الدى ءىرى ءىستى ويداعىداي ىستەپ، استىق حاۋىپسىزدىگىن، ەنەرگيا حاۋىپسىزدىگىن، كاسىپ سالاسى تىزبەگىنىڭ، قامداۋ تىزبەگىنىڭ حاۋىپسىزدىگىن قورعاپ، ەلەۋلى فينانستىق حاۋىپ - قاتەردەن ساقتانىپ جانە ونى جويىپ، جۇڭگو اتتى الىپ كەمەنىڭ تولقىن جارا العا ىلگەرىلەپ، ورنىقتى قاداممەن الىسقا جەتۋىن ىلگەرىلەتۋ كەرەكتىگىن باسا دارىپتەدى.

ماڭىزدى تۇيىندە تابىسقا جەتۋ: ”ماڭىزدى سالالار مەن شەشۋشى بۋىندارداعى سەرپىلىس ارقىلى جالپى جاعدايدى جەتەكتەۋ“

  پارتيا 20 - قۇرىلتايىنىڭ بايانداماسى بۇدان كەيىنگى ءبىر مەزگىلدەگى پارتيا مەن مەملەكەت ىستەرىنىڭ دامۋىنا جاپپاي ورنالاستىرۋ جاساۋمەن بىرگە، وقۋ - اعارتۋ، عىلىم - تەحنيكا دارىندىلارى، مەملەكەتتى زاڭمەن باسقارۋ، مەملەكەت حاۋىپسىزدىگى سىندى ءۇش جاقتاعى قىزمەتتىڭ ايىرىم بولىگىنە ورنالاستىرۋ جاساپ، پارتيامىزدىڭ شەشۋشى جاقتى يگەرۋ، ولقىلىقتاردى تولىقتاۋ، حاۋىپ - قاتەردەن ساقتانۋ سىندى ستراتەگيالىق تولعانىسىن ايگىلەدى.

  پارتيامىز ءىرى پارتيا، ءىرى ەلگە باسشىلىق ەتەدى.

  2014 - جىلى 2 - ايدا باس شۋجي شي جينپيڭ رەسەي تەلەۆيزياسىنىڭ ارناۋلى تىلشىلىگىن قابىلداعاندا مىنانى ءبىلدىردى: جۇڭگودا باسشى بولۋ دەگەندىك، ءسوز جوق، احۋالدى انىق ءبىلۋ نەگىزىندە ءبىر تۇتاس جوسپارلاپ، تەگىس ءمان بەرىپ، جالپىلاي تەڭگەرۋ، ءتۇيىندى كورنەكتىلەندىرىپ، جالپى جاعدايدى جەتەكتەۋ، كەي كەزدە ۇلكەنىن ۇستاپ، كىشكەنەسىن قويا بەرۋ، ۇلكەنى ارقىلى كىشكەنەسىنە ءمان بەرۋ، كەي كەزدە تاعى كىشكەنەسى ارقىلى ۇلكەنىن جەتەكتەۋ، كىشكەنەسىنەن ۇلكەنىنە كوز جىبەرۋ، تۇيىندەپ ايتساق، جۇمىستى جان - جاقتىلى ويلاستىرۋ دەگەن ءسوز.

  ءبىر تۇتاس جوسپارلاۋ ەكى ءتۇيىن نازارياسى مەن ماڭىزدى ءتۇيىن نازارياسىنىڭ ءوزارا بىرلىگى سىندى پاراساتتى ايگىلەدى.

  ”سان قيلى ىستەر، تۇپتەپ كەلگەندە، سان مىڭداعان وتباسىنىڭ ءىسى سانالادى“، ”دوڭگەلەك داۋلەتتىلىككە جەتۋ - جەتپەۋدىڭ تەتىگى اۋىلداستارعا بايلانىستى“، ”’شەشۋشى ازشىلىقتى‘ مىقتى ۇستاۋدا جوعارى ارقىلى تومەنگە ونەگە كورسەتۋ كەرەك“...

  باس شۋجي شي جينپيڭ ەل باسقارۋدىڭ امالياتىندا ءارى جالپى جاعداي كوزقاراسىن باسا دارىپتەپ ءارى نەگىزگى قايشىلىق پەن قايشىلىقتىڭ نەگىزگى جاعىن الدىمەن شەشۋگە دەن قويىپ، ماڭىزدى سالالار مەن شەشۋشى بۋىنداردا سەرپىلىس جاساۋ ارقىلى جالپى جاعدايدى جەتەكتەدى.

  ءتۇيىن مەن كولەمدى ۇشتاستىرىپ، كەشەندى شارا اتقاردى: جاپپاي دوڭگەلەك داۋلەتتى قوعام ورناتۋدا ءوڭىردى، حالىقتى، سالانى جاپپاي قامتۋمەن بىرگە، كەدەيلىكتەن ارىلتۋدان قامال الۋدى تومەنگى شەكتەگى مىندەت ەتتى؛ رەفورمانى جاپپاي تەرەڭدەتىپ، ءارى جوعارى دەڭگەيلى جوبا جاسادى، ءارى تەرەڭ قويناۋعا باتىلدىقپەن اتويلاپ كىرىپ، ماشاقاتتى تۇيىندەردى شەشتى؛ ءارى جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرۋدى باسا دارىپتەدى، ءارى جاڭالىق اشۋدىڭ ءبىرىنشى قوزعاۋشى كۇش ەكەندىگىن كورنەكتىلەندىردى.

  ءتۇيىن ارقىلى اۋماقتى جەتەكتەپ، ءتارتىپتى ىلگەرىلەتتى: كوپتەگەن جەرلەردە ەركىن ساۋدا سىناق رايونىن قۇردى، شىنجىندا جۇڭگوشا سوتسياليزمنەن الدىمەن ۇلگى كورسەتۋ رايونىن قۇردى، پۋدۇڭدا سوتسياليستىك وسىزامانداندىرۋ قۇرىلىسىنىڭ جەتەكشى رايونىن قۇردى، جىجياڭدا جوعارى ساپالى دامۋ قۇرىلىسى بويىنشا بىرگە بايۋدان ۇلگى كورسەتۋ رايونىن قۇردى، الدىمەن اتقارۋ، الدىمەن سىناق ەتۋ ارقىلى كوشىرۋگە، جالپىلاستىرۋعا بولاتىن تاجىريبە قالىپتاستىرىپ، بۇكىل ەلگە ونەگە ازىرلەدى.

  پارتيا ۇلى كۇرەس ارقىلى 100 جىلدىق ۇلى ءىستى جاراتتى، سونداي - اق جاڭا ۇلى كۇرەس ارقىلى، ءسوز جوق، جاڭا ۇلى ىستەر جاراتا الادى.

  بولاشاققا بەت الۋدا باس شۋجي شي جينپيڭ 20 - قۇرىلتايدىڭ بايانداماسىندا مىنانى باسا دارىپتەدى: جالپى جاعداي مەن ءىشىنارا جاعدايدىڭ، كوز الداعى مەن ۇزاق بولاشاقتىڭ، ماكرو مەن ميكرونىڭ، باستى قايشىلىق پەن باستى ەمەس قايشىلىقتىڭ، ەرەكشە مەن ادەتتەگىنىڭ قاتىناسىن ويداعىداي يگەرىپ، ستراتەگيالىق وي جۇگىرتۋ، تاريحي وي جۇگىرتۋ، ديالەكتيكالىق وي جۇگىرتۋ، جۇيەلىك وي جۇگىرتۋ، جاڭالىق اشا وي جۇگىرتۋ، زاڭمەن باسقارۋ ارقىلى وي جۇگىرتۋ، تومەنگى شەكتىك وي جۇگىرتۋ قابىلەتىن ۇزدىكسىز جوعارىلاتىپ، پارتيا مەن مەملەكەتتىڭ ءتۇرلى ىستەرىن كورەگەندىكپەن وي ەلەگىنەن وتكىزۋگە، جالپى جاعدايلىق تۇرعىدان جوسپارلاۋعا، تۇتاس تۇلعالىق جاقتان ىلگەرىلەتۋگە عىلمي يدەيالىق ءادىس ازىرلەۋىمىز كەرەك.

(شينحۋا اگەنتتىگىنىڭ 12 - ايدىڭ 26 - كۇنى بەيجيڭنەن بەرگەن حابارى)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.