تيانشان تورى
تيانشان تورى   ›   جاڭالىقتار   ›   ماڭىزدى حابارلار

ىنتىماقتاسا كۇرەس جاساۋعا تاباندى بولىپ، پارتيا 20 - قۇرىلتايىنىڭ كەلەلى شەشىمدەرىن، ورنالاستىرۋلارىن ويداعىداي دايەكتىلەندىرۋ، تياناقتاندىرۋ كەرەك

جۇڭگو كوممۋنيستىك پارتياسى ورتالىق كوميتەتى ساياسي بيۋروسى دەموكراتيالىق تۇرمىس جيىنىن اشىپ، مىنالاردى باسا دارىپتەدى

ىنتىماقتاسا كۇرەس جاساۋعا تاباندى بولىپ، پارتيا 20 - قۇرىلتايىنىڭ كەلەلى شەشىمدەرىن، ورنالاستىرۋلارىن ويداعىداي دايەكتىلەندىرۋ، تياناقتاندىرۋ كەرەك

جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ جيىندى باسقاردى ءارى ماڭىزدى ءسوز سويلەدى

12 - ايدىڭ 26 - كۇنىنەن 27 - كۇنىنە دەيىن، جۇڭگو كوممۋنيستىك پارتياسى ورتالىق كوميتەتى ساياسي بيۋروسى دەموكراتيالىق تۇرمىس جيىنىن اشتى، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ جيىندى باسقاردى ءارى ماڭىزدى ءسوز سويلەدى.

□ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

12 - ايدىڭ 26 - كۇنىنەن 27 - كۇنىنە دەيىن، جۇڭگو كوممۋنيستىك پارتياسى ورتالىق كوميتەتى ساياسي بيۋروسى دەموكراتيالىق تۇرمىس جيىنىن اشتى، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ جيىندى باسقاردى ءارى ماڭىزدى ءسوز سويلەدى.

□ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

  شينحۋا اگەنتتىگىنىڭ 12 - ايدىڭ 27 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 12 - ايدىڭ 26 - كۇنىنەن 27 - كۇنىنە دەيىن دەموكراتيالىق تۇرمىس جيىنىن اشىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن جەتە ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيالى كادرلاردى ىنتىماقتاستىرىپ، باستاپ، قايراتتانا ءىس تىندىرۋ رۋحىمەن پارتيا 20 - قۇرىلتايى جاساعان كەلەلى شەشىمدەردى، ورنالاستىرۋلاردى دايەكتىلەندىرۋدى، تياناقتاندىرۋدى نەگىزگى تاقىرىپ ەتىپ، ورتالىق كوميتەت ساياسي بيۋروسىنىڭ قىزمەتىمەن بايلانىستىرىپ، ”ەكىنى قورعاۋدى“ باستاماشىلدىقپەن ورىنداۋ، شي جينپيڭ جاڭا ءداۋىر جۇڭگوشا سوتسياليزم يدەياسى ارقىلى باستاماشىلدىقپەن جۇرت تىلەگىن ۇيىستىرىپ، رۋحتى سومداۋ، پارتيانىڭ جاپپاي باسشىلىعىنا باستاماشىلدىقپەن تاباندى بولۋ جانە ونى كۇشەيتۋ، حالىقتى وزەك ەتكەن دامۋ يدەياسىنا باستاماشىلدىقپەن تاباندى بولۋ، كۇرەسكەرلىك رۋحتى باستاماشىلدىقپەن اسقاقتاتۋ، پارتيانى جاپپاي قاتاڭ باسقارۋ ساياسي جاۋاپكەرشىلىگىن باستاماشىلدىقپەن تياناقتاندىرۋ سياقتى جاقتارداعى ءىس جۇزىندىكپەن بايلانىستىرىپ، ناتيجەلەردى قورىتىندىلاپ، جەتەرسىزدىكتەردى تەكسەرىپ، ورتاعا قويىپ، پارتيالىلىق تالداۋ جاساپ، سىن جانە ءوز - وزىنە سىن ورىستەتتى.

  جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ جيىندى باسقاردى ءارى ماڭىزدى ءسوز سويلەدى.

  جيىننان بۇرىن قاتىستى جاقتار مۇقيات دايىندىق جاسادى. ورتالىق كوميتەت ساياسي بيۋروسىنداعى جولداستار قاتىستى جاۋاپتى جولداستارمەن سىرلاسىپ، اڭگىمەلەسىپ، پىكىرلەر مەن ۇسىنىستاردى تىڭداپ، سويلەيتىن سوزدەرىنىڭ تەزيسىن دايىندادى. جيىندا ورتالىق كوميتەت ساياسي بيۋروسىنداعى جولداستار ءبىر - بىردەن ءسوز سويلەپ، جيىننىڭ نەگىزگى تاقىرىبىن توڭىرەكتەي وتىرىپ، «جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن كۇشەيتۋ جانە قورعاۋ جونىندەگى ءبىرقانشا بەلگىلەمەسىمەن»، «جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ورتالىقتىڭ 8 ءتۇرلى بەلگىلەمەسىن دايەكتىلەندىرۋدى، تياناقتاندىرۋدى اتقارۋ ەگجەي - تەگجەيلى ەرەجەسىمەن» سالىستىرىپ، مۇقيات تەكسەرىپ، ماسەلەلەردى ورتاعا قويدى، تەرەڭ تالداۋ جاسادى، ويىن اقتارىلا ايتىپ، بۇكپەسىز سويلەستى، جيىن بەينەسى قاتاڭ دا جاندى بولىپ، كوزدەگەن ونىمدىلىككە جەتتى.

  ورتالىق كوميتەت ساياسي بيۋروسىنداعى جولداستاردىڭ ءسوزى 6 ماڭىزدى تۇيىنگە شوعىرلاندى. ءبىرىنشى، پارتيا 20 - قۇرىلتايىنىڭ رۋحىن ۇيرەنۋدىڭ، دايەكتىلەندىرۋدىڭ كەلەلى ءمانى جونىندەگى تانىمدى اناعۇرلىم تەرەڭدەتىپ، سانالى تۇردە جاپپاي ۇيرەنۋ، جاپپاي يگەرۋ، جاپپاي تياناقتاندىرۋ جاعىنا شىنايى كۇش سالىپ، ناقتى ونىمدىلىكتى ايگىلەۋ كەرەك. ەكىنشى، ”ەكىنى تۇراقتاندىرۋدىڭ“ شەشۋشى ءمانى جونىندەگى تۇسىنىكتى اناعۇرلىم تەرەڭدەتىپ، ”ەكىنى قورعاۋدى“ ورىنداۋداعى يدەيالىق سانالىلىقتى، ساياسي سانالىلىقتى، ارەكەت سانالىلىعىن اناعۇرلىم كۇشەيتۋ كەرەك. ءۇشىنشى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ۇزاق بولاشاقتىق جەتەكشىلىك ءمانى جونىندەگى تانىمدى اناعۇرلىم تەرەڭدەتىپ، شىن مانىندە وي - سانانى قارۋلاندىرۋ، امالياتقا جەتەكشىلىك ەتۋ، قىزمەتتەردى ىلگەرىلەتۋ كەرەك. ءتورتىنشى، جۇڭگو ۇلگىسىندەگى وسىزامانداندىرۋدى جاپپاي ىلگەرىلەتۋدىڭ جۇڭگوشا ەرەكشەلىگى، ماندىك تالابى، كەلەلى پرينسيبى جانە سوتسياليستىك وسىزامانداندىرۋ قۇرىلىسى ستراتەگيالىق ورنالاستىرۋى جونىندەگى تانىمدى اناعۇرلىم تەرەڭدەتىپ، جاپالى دا اۋىر مىندەت جانە حاۋىپ - قاتەر، سايىس الدىندا باتىلدىقپەن كۇرەس جاساپ، جاۋاپكەرشىلىك ارقالاپ، ىسكەرلىك كورسەتىپ، پارتيا ءۇشىن مىندەت اتقارۋ، حالىق ءۇشىن جاۋاپكەرشىلىكتى ادا ەتۋ كەرەك. بەسىنشى، باسشى كادرلاردىڭ پارتيانى جاپپاي قاتاڭ باسقارۋ جاعىنداعى باعدارلاۋىش رولى جونىندەگى تانىمدى اناعۇرلىم تەرەڭدەتىپ، ءوز - وزىنە توڭكەرىس جۇرگىزۋدە قاتاڭ بولىپ، ەرەجەگە، تارتىپكە سانالى تۇردە بويسۇنۋ جاعىندا بۇكىل پارتياعا ونەگە بولۋ كەرەك. التىنشى، ءىرى پارتياعا عانا ءتان قيىن ماسەلەلەردى شەشەتىن سەرگەكتىك پەن تاباندىلىقتى ساقتاۋ جونىندەگى تانىمدى اناعۇرلىم تەرەڭدەتىپ، پارتيانى جاپپاي قاتاڭ باسقارۋ ساياسي جاۋاپكەرشىلىگىن مۇقيات اتقارۋ كەرەك.

  جيىن مىنالاردى باسا دارىپتەدى: بيىل پارتيا مەن مەملەكەت تاريحىنداعى ايرىقشا ماڭىزدى ءبىر جىل بولدى. ءبىز پارتيا 20 - قۇرىلتايىن جەڭىسپەن اشىپ، جاپپاي سوتسياليستىك وسىزاماندانعان مەملەكەت قۇرۋدىڭ ايبىندى جوباسىن كەسكىندەدىك. اساۋ تولقىندى حالىقارالىق ورتا مەن جاپالى دا ماشاقاتتى ەل ءىشىنىڭ رەفورما، دامۋ، ورنىقتىلىق مىندەتى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، قيىندىققا قارسى اتتانىپ، ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ تالابىن جاپپاي تياناقتاندىرىپ، ەل ءىشى، حالىقارا سىندى ەكى كەلەلى جاعدايدى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ماكرولىق رەتتەۋ - مەڭگەرۋ تەبىنىن ارتتىرىپ، مەجەدەن اسىپ تۇسكەن فاكتورلاردىڭ سوققىسىنا توتەپ بەرىپ، ەكونوميكالىق، قوعامدىق كەلەلى جاعدايدىڭ ورنىقتىلىعىن ساقتادى. تۇتاس جىلدا ەكونوميكا ارتۋدى ساقتاپ، جۇمىستاندىرۋ جالپى تۇلعالىق جاقتان ورنىقتى بولىپ، زات باعاسى تۇراقتى بولىپ، حالىقارالىق كىرىس - شىعىس جاعدايى ءبىرشاما جاقسى بولدى. استىق ءونىمى ءۇرتىس 8 جىل ءبىر تريلليون 300 ميلليارد جىڭنىڭ ۇستىندە بولۋدى ساقتاپ، استىق حاۋىپسىزدىگى، ەنەرگيا حاۋىپسىزدىگى جانە حالىق تۇرمىسى ءونىمدى قامتاماسىز ەتىلدى. بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن ءساتتى وتكىزدىك. وسى ناتيجەلەرگە قول جەتكىزۋىمىز وڭايعا تۇسكەن جوق، بارىنشا قاستەرلەۋگە تاتيدى.

  ورتالىق كوميتەت ساياسي بيۋروسىنداعى جولداستار ءبىر اۋىزدان بىلاي دەپ قارادى: ءبىر جىلدان بەرگى اماليات ”ەكىنى تۇراقتاندىرۋدىڭ“ شەشۋشى مانگە يە ەكەندىگىن تاعى ءبىر رەت دالەلدەدى. جاڭا جورىقتا بۇكىل پارتيا، ءسوز جوق، ”ەكىنى تۇراقتاندىرۋدىڭ“ شەشۋشى ءمانىن تەرەڭ تانىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا ورتالىق كوميتەتىنىڭ باعىت - ساياساتتارىن جانە قىزمەت ورنالاستىرۋلارىن بۇلجىتپاي دايەكتىلەندىرۋ، تياناقتاندىرۋ كەرەك. كەلەر جىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ باستاما جىلى، شي جينپيڭ جاڭا ءداۋىر جۇڭگوشا سوتسياليزم يدەياسىن، ءسوز جوق، جاپپاي دايەكتىلەندىرىپ، پارتيا قۇرۋ ۇلى رۋحىن اسقاقتاتىپ، ”ءۇش ءسوز جوقتى“ ەستە بەرىك ساقتاپ، ىنتىماقتاسا كۇرەس جاساپ، ءورىس اشا جاڭالىق اشىپ، تاماشا باستامانى قۇلشىنا جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە نەگىزدى جاقسى قالاۋ كەرەك.

  شي جينپيڭ ورتالىق كوميتەت ساياسي بيۋروسىنداعى جولداستاردىڭ سالىستىرىپ تەكسەرۋ سوزىنە ءبىر - بىردەن باعا بەردى، ءبىر - بىردەن تالاپ قويدى ءارى قورىتىندى جاسادى. ول بىلاي دەپ اتاپ كورسەتتى: بۇل رەتكى ورتالىق كوميتەت ساياسي بيۋروسىنىڭ دەموكراتيالىق تۇرمىس جيىنى وتە جاقسى اشىلدى، وتە تابىستى بولدى، كوپشىلىك بۇكپەسىز سىرلاسىپ، وي ءبولىستى، ماسەلەنى قاداعالادى، بەتالىستى ايقىندادى، ورتالىق كوميتەت ساياسي بيۋروسىنىڭ ىنتىماقتى نىعايتۋىنا، قىزمەتتى جاقسارتۋىنا، بورىشتى ارقالاۋىنا سەپتىگى زور بولدى، ورتالىق كوميتەت باسشىلىق كوللەكتيۆىنىڭ ۇيىسۋ قۋاتىن، جاۋىنگەرلىك قۋاتىن، سەنترگە تارتۋ قۋاتىن كۇشەيتۋىنە سەپتىگى زور بولدى.

  شي جينپيڭ بىلاي دەپ باسا دارىپتەدى: پارتيا 20 - قۇرىلتايى جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋ ايبىندى جوباسىن كەسكىندەدى، جاڭا داۋىردەگى جاڭا جورىقتا پارتيا مەن مەملەكەت ىستەرى دامۋىنىڭ نىسانا - مىندەتتەرىن ايقىندادى. پارتيا 20 - قۇرىلتايىنىڭ رۋحىن دايەكتىلەندىرۋ، تياناقتاندىرۋ − بۇكىل پارتيانىڭ كەزەكتەگى جانە مۇنان بىلايعى ءبىر مەزگىلدەگى ماڭداي الدى ساياسي مىندەتى. ورتالىق كوميتەت ساياسي بيۋروسىنداعى جولداستار پارتيا 20 - قۇرىلتايىنىڭ رۋحىن جاپپاي ۇيرەنۋ، جاپپاي يگەرۋ، جاپپاي تياناقتاندىرۋ جاعىندا جاقسى باستاماشى بولىپ، ونەگە كورسەتىپ، بورىشتى ورىنداپ، ەل ءۇمىتىن اقتاپ، يدەيا مەن ارەكەتتى پارتيا 20 - قۇرىلتايى جاساعان ءتۇرلى شەشىمدەرمەن، ورنالاستىرۋلارمەن شىن مانىندە بىرلىككە كەلتىرۋى كەرەك.

  شي جينپيڭ بىلاي دەپ اتاپ كورسەتتى: پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن قورعاۋ − كەمەلىنە كەلگەن ماركسيزمدىك بيلىك باسىنداعى پارتيانىڭ پارتيا قۇرۋداعى كەلەلى پرينسيبى. ءبىز سياقتى وسىنداي ۇلكەن پارتياعا، وسىنداي ۇلكەن مەملەكەتكە ەگەر پارتيا ورتالىق كوميتەتى باتىل دا پارمەندى ورتالىقتانعان ءبىر تۇتاس باسشىلىق جۇرگىزە الماسا، اركىم ءوز بىلگەنىنشە بيلىك جۇرگىزەتىن، اركىم ءوز بىلگەنىنشە ىستەيتىن جاعداي جارىققا شىعادى، مۇنداي بولعاندا ەشتەڭە دە تىندىرۋعا بولمايدى. پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن قورعاۋ ابستراكت ەمەس، ناقتى بولادى، اۋەلى، پارتيا ورتالىق كوميتەتىنىڭ بەدەلىن تاباندىلىقپەن قورعاۋدا تياناقتاندىرۋ، ”ءتورت تانىمدى“ كۇشەيتۋ، ”ءتورت سەنىمدى“ بەكەمدەۋ، ”ەكىنى قورعاۋدى“ ورىنداۋ ءىس جۇزىندىك ارەكەتىندە تياناقتاندىرۋ كەرەك. ءارقانداي ۋاقىتتا، ءارقانداي جاعدايدا پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋعا تاباندى بولۋ، پارتيا ورتالىق كوميتەتى ءبىر تۇتاس قولباسشىلىق ەتكەن بىرگە ورىنداۋ ىسىندە سايكەسپەلى اۋەن قالىپتاستىرۋ كەرەك، استە ءوز بەتىمەن كەتۋگە، اۋىتقۋعا، جاڭىلۋعا بولمايدى؛ ءارقانداي ۋاقىتتا، ءارقانداي جاعدايدا پارتيانىڭ تۋىن تۋ ەتۋگە، پارتيانىڭ بەتالىسىن بەتالىس ەتۋگە، پارتيانىڭ ەركىن ەرىك ەتۋگە تاباندى بولىپ، پارتيا ورتالىق كوميتەتى دارىپتەگەنگە باتىل ءۇن قوسۋ، پارتيا ورتالىق كوميتەتى ۇيعارعاندى باتىل بۇلجىتپاي اتقارۋ، پارتيا ورتالىق كوميتەتى تيىم سالعاندى باتىل ىستەمەۋ، قاشاندا ولشەمگە، تالاپقا تۋرالانىپ، اۋىتقۋدى دەر كەزىندە تۇزەتۋ؛ ءارقانداي ۋاقىتتا، ءارقانداي جاعدايدا پارتياعا شارتسىز ادال بولۋعا تاباندى بولىپ، پارتيا ورتالىق كوميتەتىمەن نيەتتەس، مۇراتتاس بولىپ، پارتيانى شىنايى ءسۇيىپ، قاشاندا پارتيانىڭ قامىن جەپ، پارتيانى باتىلدىقپەن قورعاپ، پارتيانى كۇش سالا گۇلدەندىرۋ كەرەك. قىزمەتتەگى كەلەلى شەشىمدەر، كەلەلى ىستەر، كەلەلى جاعدايلار جونىندە دەر كەزىندە پارتيا ورتالىق كوميتەتىنەن نۇسقاۋ سۇراۋ، مالىمدەۋ كەرەك.

  شي جينپيڭ بىلاي دەپ باسا دارىپتەدى: جۇڭگو ۇلگىسىندەگى وسىزامانداندىرۋ − بۇرىنعىلار ىستەپ كورمەگەن جاسامپازدىق ءىس، ءبىزدىڭ ىزدەنىس جاساۋىمىزدى، جاڭالىق اشۋىمىزدى قاجەت ەتەدى. بۇل ءار دارەجەلى پارتيا ۇيىمدارىنىڭ جانە باسشى كادرلاردىڭ ساپاسىنا، قابىلەتىنە جاڭا دا اناعۇرلىم جوعارى تالاپ قويدى، ءبىزدىڭ رۋحاني بەينەمىزگە، ستيلىمىزگە، وبرازىمىزعا جاڭا دا اناعۇرلىم جوعارى تالاپ قويدى. ساياسي بيۋروداعى جولداستار جونىنەن العاندا، مىندەت اتقارۋداعى ەڭ ماڭىزدى قابىلەت − ساياسي قابىلەت، ماركسيزمدىك ساياساتشى ولشەمىمەن وزىنە قاتاڭ تالاپ قويۋعا تاباندى بولىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، ەل ءىشىنىڭ، حالىقارانىڭ دامۋ كەلەلى اۋقىمىن، كەلەلى جاعدايىن تۇجىرىمداۋعا شەبەر بولىپ، ”مەملەكەتتىڭ زور ءىسىن“ ەستە بەرىك ساقتاپ، مەملەكەتتىڭ ۇلى جوسپارىن، پارتيانىڭ ۇلى جوسپارىن شەبەرلىكپەن جاساپ، حالىققا باقىت اكەلىپ، حالىقتىڭ قالاۋىنان شىعۋ كەرەك. پارتيا 20 - قۇرىلتايىنىڭ تالابى بويىنشا، جوعارى ساپالى دامۋدى ىلگەرىلەتۋ قابىلەتىن، بۇقاراعا قىزمەت وتەۋ قابىلەتىن، حاۋىپ - قاتەرلەردەن ساقتانۋ جانە ونى جويۋ قابىلەتىن ۇزدىكسىز كۇشەيتۋ كەرەك.

  شي جينپيڭ بىلاي دەپ اتاپ كورسەتتى: پارتيا 20 - قۇرىلتايى كەسكىندەگەن ۇلى جوبانى تاماشا رەالدىققا اينالدىرۋ ءار دارەجەلى باسشى كادرلاردىڭ جاۋاپكەرشىلىك ارقالاۋىن، ىسكەرلىك كورسەتۋىن قاجەت ەتەدى. ءار دارەجەلى باسشى كادرلار ءوزىن پارتياعا ارناپ، كۇنى - ءتۇنى كوپتىڭ قامىن ويلاپ، ءاردايىم قام جەپ تۇراتىن جاۋاپكەرشىلىك سەزىممەن، بەلسەنە جاۋاپكەرشىلىك ارقالاپ، ىسكەرلىك كورسەتەتىن رۋحاني قايرات - جىگەرمەن پارتيا مەن حالىق ءۇشىن ويداعىداي مىندەت وتەۋى، جاۋاپكەرشىلىكتى ويداعىداي ادا ەتۋى كەرەك. ءىس تىندىرىپ، ناتيجە شىعارۋعا ءتيىمدى تاماشا ورتانى بەلسەنە قالىپتاستىرىپ، باتىلدىقپەن مىندەت ارقالايتىندار ءۇشىن مىندەت ارقالاپ، جاۋاپكەرشىلىك ارقالايتىندار ءۇشىن جاۋاپكەرشىلىك ارقالاپ، جۇمىس تىندىراتىندارعا سۇيەنىش بولىپ، جاۋاپكەرشىلىك ارقالاي الاتىن، ىسكەرلىك كورسەتۋگە شەبەر كادرلاردى بايقاۋعا، باۋلۋعا، ىستەتۋگە شەبەر بولىپ، كادرلاردىڭ جاۋاپكەرشىلىك ارقالاۋىنا، ىسكەرلىك كورسەتۋىنە كەدەرگى بولاتىن ءتۇرلى فاكتورلاردى كۇش سالا جويىپ، جاۋاپكەرشىلىك ارقالاۋدى قالاۋدى، جاۋاپكەرشىلىك ارقالاۋعا باتىلدىق ەتۋدى، جاۋاپكەرشىلىك ارقالاۋعا شەبەر بولۋدى سالتقا اينالدىرۋ كەرەك. كۇرەسكەرلىك رۋحىن، ءسوزسىز، اسقاقتاتىپ، ءتۇرلى حاۋىپ - قاتەر، سايىسقا بەلسەنە توتەپ بەرىپ، قايسارلىقپەن كۇرەس جۇرگىزۋ ارقىلى ىستەردى دامىتۋدىڭ جاڭا ءورىسىن اشۋ كەرەك.

  شي جينپيڭ بىلاي دەپ باسا دارىپتەدى: ورتالىق كوميتەت ساياسي بيۋروسىنداعى جولداستار جۇيە كوزقاراسىن باستاماشىلدىقپەن كۇشەيتىپ، ساياسي دەڭگەيدى جوعارىلاتىپ، ۇلى كۇرەستى، ۇلى ينجەنەريانى، ۇلى ءىستى، ۇلى ارماندى تۇتاس مەڭگەرە بىلۋگە شەبەر بولۋى، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتۋگە، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋگە شەبەر بولۋى كەرەك. بۇكىل ەل ءبىر تۇتاس جۇيە يدەياسىن بەرىك ورناتىپ، سانالى تۇردە كەلەلى جاعدايدا ارەكەتتەنىپ، شاعىن قيسىندى ۇلكەن قيسىنعا بويسۇندىرۋعا، جەرگىلىكتى ورىن مۇددەسىن مەملەكەتتىڭ تۇتاس تۇلعالىق مۇددەسىنە بويسۇندىرۋعا تاباندى بولىپ، ستراتەگيالىق وي جۇگىرتۋ، تاريحي وي جۇگىرتۋ، ديالەكتيكالىق وي جۇگىرتۋ، جۇيەلىك وي جۇگىرتۋ، جاڭالىق اشا وي جۇگىرتۋ، زاڭدىق وي جۇگىرتۋ، تومەنگى شەكتىك وي جۇگىرتۋ قابىلەتىن ۇزدىكسىز جوعارىلاتىپ، ءتۇرلى ىستەردى شىن مانىندە كورەگەندىكپەن وي ەلەگىنەن وتكىزۋ، جالپى جاعدايلىق تۇرعىدان جوسپارلاۋ، تۇتاس تۇلعالىق جاقتان ىلگەرىلەتۋ كەرەك. ۇلكەن ەسەپ جاساۋعا، ۇزاق بولاشاقتىق ەسەپ جاساۋعا تاباندى بولۋ، ءوز باسىن كۇيتتەمەۋ، باقاي قۋلىققا سالىنباۋ، جەكەشىلدىكتەن، بىتىراندىلىقتان، ەركىنسۋشىلدىكتەن، ورىنپازدىقتان باتىل ساقتانىپ جانە وعان قارسى تۇرىپ، ءبىر وڭىرگە داڭق اپەرۋمەن قاتار، جالپى جاعدايدى ارلەندىرۋ كەرەك.

  شي جينپيڭ بىلاي دەپ اتاپ كورسەتتى: باسشى كادرلاردىڭ، اسىرەسە، جوعارى دارەجەلى كادرلاردىڭ ستيلى ەجەلدەن پارتيا ستيلىنە جانە قوعامدىق سالتقا جەتەكشىلىك ەتەتىن ماڭىزدى باعدارلاۋىش، حالىق بۇقاراسىنىڭ پارتيا ستيلىن بايقاۋداعى ماڭىزدى تەرەزەسى. ورتالىق كوميتەت ساياسي بيۋروسىنداعى جولداستار جاڭادان وزگەرىس ەنگىزىلگەن ورتالىقتىڭ 8 ءتۇرلى بەلگىلەمەسىن اتقارۋ ەگجەي - تەگجەيلى ەرەجەسىنە سالىستىرىپ، ءبىر - بىردەن ولشەمگە، تالاپقا قاتاڭ تۋرالانىپ، دايەكتىلەندىرۋدى، تياناقتاندىرۋدى قاز - قالپىندا ويداعىداي يگەرىپ، فورماشىلدىق، تورەشىلدىك دەرتتەرىن ءتۇيىندى تۇردە تۇزەتىپ، جونگە سالىپ، پارتيانىڭ تاڭداۋلى ستيلىن باستاماشىلدىقپەن اسقاقتاتۋى كەرەك. تەكسەرۋ - زەرتتەۋ سالتىن كەڭىنەن ورىستەتىپ، جاۋاپتى سالاداعى نەگىزگى ساتىنىڭ ءبىرىنشى شەبىنە كوبىرەك بارىپ، قيىنشىلىعى كوپ، بۇقارانىڭ پىكىرى شوعىرلانعان، قىزمەتتىڭ ورىستەتىلۋى ويداعىداي بولماعان جەرلەرگە كوبىرەك بارىپ، ناقتى جاعدايدى ءبىلىپ، تيپتىك ماسەلەلەردى تەكسەرىپ - زەرتتەپ، جاعدايدى جالپى بەتتىك يگەرىپ، كوڭىلدە سان بولۋدى ورىنداۋى كەرەك. ورتا قالىپتاستىرۋ، شارت - جاعداي جاراتۋ، نەگىزگى ساتىداعى كادرلار مەن بۇقارانى شىن سويلەۋگە، شىنايى سويلەۋگە، جۇرەك ءسوزىن ايتۋعا ىنتالاندىرۋ كەرەك. بايقالعان ماسەلەلەردىڭ سەبەبىنە تالداۋ جاساۋ، ءتۇيىنىن ءداپ باسىپ تابۋ، باعىتتامالى تۇردە اقىلداسىپ شەشۋ كەرەك.

  شي جينپيڭ بىلاي دەپ باسا دارىپتەدى: پارتيامىز قاشاندا جۇڭگوداعى ەڭ قالىڭ حالىقتىڭ ءتۇبىرلى مۇددەسىنە ۋاكىلدىك ەتەدى، ەشقاشان ءارقانداي مۇددە توبىنىڭ، ءارقانداي ۇقىق توبىنىڭ، ءارقانداي ەرەكشە ۇقىقتى جىكتىڭ مۇددەسىنە ۋاكىلدىك ەتپەيدى. باسشى كادرلار ءوزىن قاتاڭ ۇستاۋ ءۇشىن، اۋەلى، ءوزى پاك بولۋى كەرەك. پاكتىكتىڭ ءتۇيىنى سانالىلىقتا، ماڭىزدىلىعى باياندىلىعىندا، قيىندىعى تۇبەگەيلىلىگىندە. ورتالىق كوميتەت ساياسي بيۋروسىنداعى جولداستار باستاماشىلدىقپەن پاك، كىرشىكسىز بولىپ، پارتيانى باسقارۋ، پارتيانى جونگە سالۋ ساياسي جاۋاپكەرشىلىگىن باستاماشىلدىقپەن ويداعىداي تياناقتاندىرىپ، جاۋاپتى سالالارىنداعى نەمەسە باسقاراتىن جەرلەرىندەگى پارتيا ستيلى، پاكتىك قۇرىلىسىن ويداعىداي يگەرىپ، ءتۇرلى بۇرىس ستيلدەرمەن جانە شىرىكتەسۋ قۇبىلىستارىمەن باتىل كۇرەس جۇرگىزىپ، كىرشىكسىز جولداستىق قاتىناسىن، ءتارتىپتى جوعارى - تومەن قاتىناسىن، ەتەنە، كىرشىكسىز، ءبىر تۇتاس جاڭاشا ۇكىمەت - ساۋداگەرلەر قاتىناسىن قالىپتاستىرۋدى ىلگەرىلەتىپ، تاماشا ساياسي ەكولوگيا مەن قوعامدىق سالتتىڭ جەتەكشىسى، قالىپتاستىرۋشىسى، قورعاۋشىسى بولۋى كەرەك. سونىمەن قاتار وتباسىنداعىلارىن، تۋىس - تۋعاندارىن ويداعىداي قاتاڭ باسقارىپ، توڭىرەگىندەگى ادامداردى، توڭىرەگىندەگى ىستەردى ويداعىداي باسقارىپ، ولاردىڭ ءوز ۇقىعىنان جانە ىقپال كۇشىنەن پايدالانىپ ورىنسىز پايدا تۇسىرۋىنە استە جول قويماۋى كەرەك.

  شي جينپيڭ بىلاي دەپ اتاپ كورسەتتى: بۇل رەتكى دەموكراتيالىق تۇرمىس جيىنىندا ورتالىق كوميتەت ساياسي بيۋروسىنداعى جولداستار قىزمەتتى ويداعىداي ىستەۋ جونىندە كوپتەگەن جاقسى پىكىر جانە ۇسىنىس بەردى. جيىننان كەيىن اقىلداسۋدى مىقتى ۇستاپ، شارالاردى العا قويىپ، قىزمەتتى جاقسارتىپ، ناقتى ونىمدىلىككە قول جەتكىزۋ كەرەك.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.