شينحۋا اگەنتتىگىنىڭ 12 - ايدىڭ 30 - كۇنى بەيجيڭنەن بەرگەن حابارى. 13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 38 - رەتكى ءماجىلىسى 12 - ايدىڭ 30 - كۇنى 14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسىن اشۋ جونىندەگى قاۋلىنى داۋىسقا سالىپ ماقۇلدادى. قاۋلىعا ساي، 14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى 2023 - جىلى 3 - ايدىڭ 5 - كۇنى بەيجيڭدە اشىلادى.
قاۋلى ۇسىنىس ەتكەن 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ كەڭەستىك تارتىپتەرى: ۇكىمەت قىزمەتىنەن باياندامانى قاراۋ؛ 2022 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2023 - جىلعى حالىق شارۋاشىلىعى مەن قوعامدىق دامۋ جوسپار جوباسى بايانداماسىن، 2023 - جىلعى حالىق شارۋاشىلىعى مەن قوعامدىق دامۋ جوسپار جوباسىن قاراپ تەكسەرۋ؛ ورتالىق پەن جەرگىلىكتى ورىننىڭ 2022 - جىلعى مەجە ەسەبىنىڭ اتقارىلۋ جاعدايى جانە ورتالىق پەن جەرگىلىكتى ورىننىڭ 2023 - جىلعى مەجە ەسەپ جوباسى جونىندەگى باياندامانى، ورتالىق پەن جەرگىلىكتى ورىننىڭ 2023 - جىلعى مەجە ەسەپ جوباسىن قاراپ تەكسەرۋ؛ مەملەكەتتىك حالىق قۇرىلتايى تۇراقتى كوميتەتىنىڭ «جۇڭحۋا حالىق رەسپۋبىليكاسىنىڭ زاڭ شىعارۋ زاڭىن (وزگەرىس ەنگىزىلگەن جوبا)» قاراۋعا ۇسىنۋ جونىندەگى كەڭەستىك جوباسىن قاراۋ؛ مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن قاراۋ؛ ەڭ جوعارى حالىق سوتى مەكەمەسىنىڭ قىزمەت بايانداماسىن قاراۋ؛ ەڭ جوعارى حالىق پروكۋراتۋراسىنىڭ قىزمەت بايانداماسىن قاراۋ؛ مەملەكەت ورگانى قۇرامىنداعىلاردى سايلاۋ جانە تاعايىنداۋدى ۇيعارۋ، ت. ب.
