شي جينپيڭ حات جولداپ ەكونوميكا گازەتى شىعا باستاعاندىعىنىڭ 40 جىلدىعىن قۇتتىقتاپ بىلاي دەپ باسا دارىپتەدى
ەكونوميكالىق حابار ۇستانىمىندا جانە تاسىلىندە جاڭالىق اشىپ، جاڭا داۋىردەگى جۇڭگو ەكونوميكاسىنىڭ دامۋى جونىندەگى حيكايالاردى ويداعىداي بايانداۋ كەرەك
قۇتتىقتاۋ حاتى
ەكونوميكا گازەتى شىعا باستاعاندىعىنىڭ 40 جىلدىعى قارساڭىندا، مەن گازەت مەكەمەسىندەگى بارلىق جولداستاردى شىن جۇرەكتەن قۇتتىقتايمىن!
40 جىلدان بەرى، ەكونوميكا گازەتى پارتيا مەن مەملەكەتتىڭ وزەكتى قىزمەتىن ارقاۋ ەتىپ، پارتيانىڭ جاسامپاز نازارياسىن ۇگىتتەۋ، ەكونوميكالىق ساياساتتى ءتۇسىندىرۋ، ەكونوميكالىق تابىستاردى حابارلاۋ سياقتى جاقتاردا ماڭىزدى رول اتقاردى. ەكونوميكا گازەتىنىڭ پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، دۇرىس ساياسي بەتالىستان جازباي، ەكونوميكالىق حابار ۇستانىمىندا جانە تاسىلىندە جاڭالىق اشىپ، جالپىلىق مەديا تاراتۋ جۇيەسىن جەدەل ورناتىپ، جۇڭگو ەكونوميكاسىنىڭ جوعارى ساپالى دامۋىن ىلگەرىلەتۋگە، جاڭا داۋىردەگى جۇڭگو ەكونوميكاسىنىڭ دامۋى جونىندەگى حيكايالاردى ويداعىداي بايانداۋعا تىڭ دا اناعۇرلىم زور ۇلەس قوسۋىن ءۇمىت ەتەمىن.
شي جينپيڭ
2023 - جىلى 1 - ايدىڭ 1 - كۇنى
(شينحۋا اگەنتتىگىنىڭ 1 - ايدىڭ 1 - كۇنى بەيجيڭنەن بەرگەن حابارى)
شينحۋا اگەنتتىگىنىڭ 1 - ايدىڭ 1 - كۇنى بەيجيڭنەن بەرگەن حابارى. ەكونوميكا گازەتى شىعا باستاعاندىعىنىڭ 40 جىلدىعى قارساڭىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قۇتتىقتاۋ حاتىن جولداپ، گازەت مەكەمەسىندەگى بارلىق جولداستاردى شىن جۇرەكتەن قۇتتىقتادى.
شي جينپيڭ قۇتتىقتاۋ حاتىندا بىلاي دەپ اتاپ كورسەتتى: 40 جىلدان بەرى، ەكونوميكا گازەتى پارتيا مەن مەملەكەتتىڭ وزەكتى قىزمەتىن ارقاۋ ەتىپ، پارتيانىڭ جاسامپاز نازارياسىن ۇگىتتەۋ، ەكونوميكالىق ساياساتتى ءتۇسىندىرۋ، ەكونوميكالىق تابىستاردى حابارلاۋ سياقتى جاقتاردا ماڭىزدى رول اتقاردى.
شي جينپيڭ ەكونوميكا گازەتىنىڭ پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، دۇرىس ساياسي بەتالىستان جازباي، ەكونوميكالىق حابار ۇستانىمى جانە تاسىلىندە جاڭالىق اشىپ، جالپىلىق اقپارات قۇرالدارى تاراتۋ جۇيەسىن جەدەل ورناتىپ، جۇڭگو ەكونوميكاسىنىڭ جوعارى ساپالى دامۋىن جەبەۋگە، جاڭا داۋىردەگى جۇڭگو ەكونوميكاسىنىڭ دامۋى جونىندەگى حيكايالاردى ويداعىداي بايانداۋعا تىڭ دا اناعۇرلىم زور ۇلەس قوسۋلارىن ءۇمىت ەتتى.
1 - ايدىڭ 1 - كۇنى تۇستەن كەيىن، ەكونوميكا گازەتى شىعا باستاعاندىعىنىڭ 40 جىلدىعىن قۇتتىقتاۋ جينالىسى بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇگىت ءبولىمىنىڭ باستىعى لي شۋلەي جينالىستا شي جينپيڭنىڭ قۇتتىقتاۋ حاتىن وقىدى ءارى ءسوز سويلەدى. ول بىلاي دەدى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، جاۋاپكەرشىلىكتى، بورىشتى قاي - قاشان دا ەستە بەرىك ساقتاپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇگىتتەۋدى ىشكەرىلەي، ناقتى ىستەپ، پارتيا 20 - قۇرىلتايىنىڭ رۋحىن ويداعىداي ۇگىتتەپ، ەكونوميكالىق ەرەكشەلىكتى كورنەكتىلەندىرىپ، حابار ساپاسىن جوعارىلاتىپ، دامۋ سەنىمىن نىعايتىپ، مەديالاردىڭ توعىسۋىن ىشكەرىلەي دامىتۋدى ىلگەرىلەتە وتىرىپ، مازمۇن قۇرىلىسىن نەگىز، وزىق تەحنيكانى تىرەك، باسقارۋدا جاڭالىق اشۋدى كەپىل ەتكەن جالپىلىق مەديا تاراتۋ جۇيەسىن ورناتىپ، جاڭا داۋىردەگى جوعارى ساپالى دارىندىلار قوسىنىن قۇلشىنا باۋلىپ، ءورىس اشا ىلگەرىلەپ، تۋراشىلدىقتان اينىماي جاڭالىق اشىپ، ەكونوميكا گازەتىن بارعان سايىن جاقسى شىعارۋ كەرەك.
جينالىستا، ەكونوميكا گازەتىنىڭ جاۋاپتىلارى جانە ساقا جولداستار، جۇمىسشى - قىزمەتشىلەردىڭ ۋاكىلدەرى ءسوز سويلەدى.
ەكونوميكا گازەتى 1983 - جىلى 1 - ايدىڭ 1 - كۇنىنەن باستاپ شىعا باستاعان، قازىرگە دەيىن قاراستىلىعىندا 16 گازەت، جۋرنال، سايت بار بولىپ، بۇقارانىڭ حالىقاراداعى جانە ەل ءىشى ەكونوميكاسىنىڭ دامۋ جاعدايىن تۇسىنەتىن، ەكونوميكالىق ينفورماتسيالارعا يە بولاتىن ماڭىزدى ارناسىنا اينالعان.
