جاڭا جورىققا قادام تاستاپ، جاڭا ۇلى ىستەر جاراتتى
− شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ 2022 - جىلعى ەل باسقارۋى جونىندە شولۋ
□ شينحۋا اگەنتتىگىنىڭ تىلشىلەرى
2022 - جىل اسا وزگەشە ءبىر جىل بولدى. كۇردەلى دە قاتاڭ حالىقارالىق ورتا مەن جاپالى دا ماشاقاتتى ەل ءىشىنىڭ رەفورما، دامۋ، ورنىقتىلىق مىندەتتەرى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتياعا، بۇكىل ارمياعا، بۇكىل ەلدەگى ءار ۇلت حالقىنا باسشىلىق ەتىپ قيىنشىلىققا قارسى اتتانىپ، قايراتتانا العا ىلگەرىلەپ، ىشكى ىستەر، ديپلوماتيا، مەملەكەت قورعانىسى، پارتيانى باسقارۋ، مەملەكەتتى باسقارۋ، ارميانى باسقارۋ سىندى ءتۇرلى ىستەردى تىڭعىلىقتى ىلگەرىلەتتى.
2022 - جىل اسا ماڭىزدى ءبىر جىل بولدى. ءبىز پارتيا 20 - قۇرىلتايىن جەڭىسپەن اشىپ، ”قوس 100 جىلدىق“ كۇرەس نىساناسىنىڭ تاريحي توعىسۋ مەزگىلىندە، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدىڭ ايبىندى جوباسىن كەسكىندەپ، داڭق پەن ارمانعا تولى جاڭا ۇزاق جورىقتى باستادىق.
جەلكەن جايىپ الىس ساپارعا تاعى دا اتتاندى
”100 جىلدىق تابىس تەڭدەسسىز شۇعىلالى، 100 جىلدىق ۇلى پارتيا كەمەل شاعىندا تۇر. جاڭا داۋىردەگى جاڭا جورىقتا دۇنيەنى جالت قاراتاتىن تىڭ دا اناعۇرلىم زور كەرەمەتتەر جاراتۋعا سەنىمىمىز كامىل، قابىلەتىمىز قاپتال جەتەدى“.
− شي جينپيڭ
تاريح ۇلى ءساتتى تاعى ءبىر رەت ەستەلىككە الدى.
2022 - جىلى 10 - ايدىڭ 16 - كۇنىنەن 22 - كۇنىنە دەيىن، جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى بەيجيڭدە جەڭىسپەن اشىلدى. بۇل − بۇكىل پارتيا، بۇكىل ەلدەگى ءار ۇلت حالقى جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاعان، ەكىنشى 100 جىلدىق كۇرەس نىساناسىنا قاراي شەرۋ تارتقان شەشۋشى ساتتە اشىلعان ايرىقشا ماڭىزدى قۇرىلتاي.
باس شۋجي شي جينپيڭ پارتيا 20 - قۇرىلتايىنىڭ بايانداماسىندا ايبىندى تۇردە بىلاي دەپ جاريالادى:
جۇڭگوشا سوتسياليزم ۇلى تۋىن بيىك ۇستاپ، جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، پارتيا قۇرۋ ۇلى رۋحىن اسقاقتاتىپ، وزىنە سەنىپ، ءوزىن الۋەتتەندىرىپ، تۋراشىلدىقتان اينىماي، جاڭالىق اشىپ، جىگەرلەنە ۇمتىلىپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋ كەرەك.
جاڭا داۋىردەگى جاڭا جورىقتا، جاڭا كۇرەس تاراۋىن باستادى −
2022 - جىلى 1 - ايدىڭ 26 - كۇنى باس شۋجي شي جينپيڭ قاقاعان سۋىققا قاراماي سانشي ولكەسىنىڭ لينفىن قالاسىنا بارىپ، تاۋلى قىستاققا كىرىپ، شارۋا وتباسىلارىن ارالادى. قىستاق تۇرعىنى ساي ۋىنميڭنىڭ ۇيىندە، باس شۋجي بۇگىنگى ارقىلى كەشەگىنى ەسكە الدى.
باس شۋجي شي جينپيڭ قىستاق تۇرعىندارىنا: ”الدا ءبىزدىڭ باساتىن جولىمىز ءالى ۇزاق، ءبىرىنشى 100 جىلدىق كۇرەس نىساناسى جۇزەگە استى، ەكىنشى 100 جىلدىق كۇرەس نىساناسىنىڭ جاڭا جورىعى الدەقاشان باستالدى، ءبىز جاپپاي سوتسياليستىك وسىزاماندانعان مەملەكەت قۇرۋىمىز كەرەك“، - دەدى.
جاڭا جورىققا قادام تاستاعاندا، قانداي سوتسياليستىك وسىزاماندانعان قۇدىرەتتى مەملەكەت قۇرۋ كەرەك، سوتسياليستىك وسىزاماندانعان قۇدىرەتتى مەملەكەتتى قالاي قۇرۋ كەرەك؟
بيىكتە تۇرىپ الىسقا كوز جىبەرىپ، جول باستاپ، باعدار بەلگىلەدى.
2022 - جىلدىڭ باسىندا پارتيا 20 - قۇرىلتايىنىڭ حۇجاتتارىن دايىنداۋ گرۋپپاسى قۇرىلىپ، باس شۋجي شي جينپيڭ گرۋپپا باستىعى مىندەتىن ارقالاپ، پارتيا 20 - قۇرىلتايىنىڭ بايانداماسىن دايىنداۋدا ەلىمىزدىڭ دامۋى ءدوپ كەلگەن جاڭا ستراتەگيالىق ورايدى، جاڭا ستراتەگيالىق مىندەتتى، جاڭا ستراتەگيالىق كەزەڭدى، جاڭا ستراتەگيالىق تالاپتى، جاڭا ستراتەگيالىق ورتانى جاپپاي يگەرۋ كەرەكتىگىن ايقىن العا قويدى.
2022 - جىلعى مەملەكەتتىك ەكى ماجىلىستە باس شۋجي شي جينپيڭ ”5 ءسوزسىز باسىپ وتەتىن جول“ سىندى كەلەلى تۇجىرىمىن العاش رەت العا قويىپ، ەلىمىزدىڭ دامۋى ءالى دە ازىرلەپ وتىرعان ”5 ستراتەگيالىق ءتيىمدى شارت - جاعدايدى“ بايانداپ، جاڭا داۋىردە ءبىز نەلىكتەن تابىسقا جەتتىك، بولاشاقتا ءبىز قالاي ۇزدىكسىز تابىسقا جەتەمىز دەگەندى تەرەڭ ءتۇسىندىردى.
باس شۋجي شي جينپيڭ ولكە - مينيسترلىك دارەجەلى نەگىزگى باسشى كادرلاردىڭ ”باس شۋجي شي جينپيڭنىڭ ماڭىزدى سوزدەرىنىڭ رۋحىن ۇيرەنىپ، پارتيا 20 - قۇرىلتايىن قارسى الۋ“ ارناۋلى تاقىرىپتىق زەرتتەۋ - تالقى كۋرسىندا پارتيا 20 - قۇرىلتايى جاپپاي سوتسياليستىك وسىزاماندانعان قۇدىرەتتى مەملەكەت قۇرۋدىڭ ەكى قادامعا ءبولىپ ءجۇرۋ ستراتەگيالىق ورنالاستىرۋىنا ماكرولىق جاقتان كوز جىبەرىپ، الداعى 5 جىلداعى ستراتەگيالىق مىندەتتەر مەن كەلەلى شارالارعا ءتۇيىندى تۇردە ورنالاستىرۋ جاساۋى كەرەكتىگىن اتاپ كورسەتتى.
جاڭا داۋىردەگى جاڭا جورىقتا جاڭا ايبىندى جوبا كەسكىندەدى −
”قازىردەن باستاپ جۇڭگو كوممۋنيستىك پارتياسىنىڭ وزەكتى مىندەتى − بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعىپ، ەكىنشى 100 جىلدىق كۇرەس نىساناسىن جۇزەگە اسىرىپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋ“، - دەپ باس شۋجي شي جينپيڭ پارتيا 20 - قۇرىلتايىنىڭ بايانداماسىندا سالتاناتپەن جاريالادى.
پارتيا 20 - قۇرىلتايى اشىلىپ جاتقان كەزدە باس شۋجي شي جينپيڭ ءوزى تۇرعان گۋاڭشي ۋاكىلدەر ۇيىرمەسىنە كەلىپ، كوپشىلىكپەن بىرگە 20 - قۇرىلتاي بايانداماسىن تالقىلادى.
باس شۋجي شي جينپيڭ بىلاي دەپ باسا دارىپتەدى: پارتيا 20 - قۇرىلتايىنىڭ رۋحىن ۇيرەنۋدە، دايەكتىلەندىرۋدە وتكەن 5 جىلداعى قىزمەتتەردىڭ جانە جاڭا داۋىردەگى 10 جىلدىق ۇلى وزگەرىستىڭ كەلەلى ءمانىن مىقتاپ يگەرۋ، جاڭا ءداۋىر جۇڭگوشا سوتسياليزم يدەياسىنىڭ دۇنيەگە كوزقاراسى مەن ءادىسناماسىن مىقتاپ يگەرۋ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن ىلگەرىلەتۋ بورىشىن، مىندەتىن مىقتاپ يگەرۋ، وزىنە - ءوزى ۇلى توڭكەرىس جاساۋ ارقىلى ۇلى قوعامدىق توڭكەرىسكە جەتەكشىلىك ەتۋ ماڭىزدى تالابىن مىقتاپ يگەرۋ، ىنتىماقتاسا كۇرەس جۇرگىزۋدىڭ داۋىرلىك تالابىن مىقتاپ يگەرۋ كەرەك.
جاڭا داۋىردەگى جاڭا جورىقتا جاڭا تاريحي ۇلى ىستەر جاراتتى −
2022 - جىلى 10 - ايدىڭ 23 - كۇنى پارتيا 20 - كەزەكتى ورتالىق كوميتەتىنىڭ ءبىرىنشى جالپى ماجىلىسىندە جاڭا كەزەكتى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ سايلانعان شي جينپيڭ ورتالىق كوميتەت ساياسي بيۋروسىنىڭ باسقا تۇراقتى مۇشەلەرىن باستاپ جۇڭگولىق، شەتەلدىك تىلشىلەرمەن كەزدەستى.
قۋاتتى ۇيتقى قۇلاشىن كەڭگە جايعان جورىققا جەتەكشىلىك ەتتى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ رول ۇستاپ، جول باستاۋى بولعاندىقتان، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگى بولعاندىقتان، 100 جىلدىق ۇلى پارتيا، ءسوز جوق، جاڭا ۇلى كۇرەس ارقىلى جاڭا ۇلى تاريحي ىستەر جاراتادى.
اسقاق جىگەرمەن قايراتتانا ۇمتىلىپ، ەرلىكپەن العا ىلگەرىلەدى.
پارتيا 20 - قۇرىلتايىنىڭ جابىلعانىنا ءبىر اپتا ۋاقىت بولماي جاتىپ، باس شۋجي شي جينپيڭ جاڭادان سايلانعان 20 - كەزەكتى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرىن باستاپ يان - انعا بارىپ، يان - ان توڭكەرىستىك ەسكەرتكىش جەرىن ىزەت - قۇرمەتپەن كورىپ، توڭكەرىستىك سوعىس مەزگىلىندەگى پارتيا ورتالىق كوميتەتىنىڭ يان - انداعى ۇمىتىلماس جىلدارىن قايتالاي ەسكە الىپ، اعا بۋىن توڭكەرىسشىلەردىڭ سۇبەلى ەڭبەگىن، ۇلى ناتيجەسىن ساعىنا ەسكە ءتۇسىرىپ، جاڭا كەزەكتى ورتالىق كوميتەت باسشىلىق كوللەكتيۆىنىڭ قىزىل قان تامىردى جالعاستىرىپ، كۇرەس رۋحىنا مۇراگەرلىك ەتىپ، جاڭا ەمتيحان تاپسىرۋ جولىندا تاريح پەن حالىققا جاڭا ۇزدىك جاۋاپناما تاپسىراتىن بەرىك سەنىمىن ايگىلەدى.
جەڭىستەن جاڭا جەڭىستى بەتكە الۋدا باس شۋجي شي جينپيڭ: ”ءبىز جاڭا جورىققا قادام تاستاپ، جاڭا كۇرەس نىساناسىنا قاراي اتتانايىق“! دەپ ۇلى ۇندەۋ تاستادى.
بوران - شاشىندا بىلەك بىرىكتىرىپ العا ىلگەرىلەدى
”مەملەكەت پەن ۇلتتى دامىتۋدا ءوز كۇشىمىزدى تياناق ەتۋگە تاباندى بولۋىمىز، جۇڭگونىڭ دامۋ، العا باسۋ تاعدىرىن ءوز قولىمىزدا مىقتاپ ۇستاۋعا تاباندى بولۋىمىز كەرەك“.
− شي جينپيڭ
2022 - جىلى 2 - ايدىڭ 4 - كۇنى − كوكتەم باسى كۇنى. ”ءبىر شوق قار گۇلى“ ”قوس وليمپيادا قالاسى“ بەيجيڭدى نۇرلاندىردى.
جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرگى ۋاعىندا وتكىزىلگەن العاشقى الەمدىك جالپىلىق دەنە تاربيە سالتاناتتى جينالىسى رەتىندە، ”تەڭدەسسىز“ بەيجيڭ قىسقى وليمپيادا سپورت جارىسى، ”تارتىمدى، كەرەمەت“ مۇگەدەكتەر قىسقى وليمپيادا سپورت جارىسى ءبىزدىڭ حالىقارالىق قوعامعا بەرگەن ايبىندى ۋادەمىزدى ورىندادى.
ىندەت قايتالانعان، كەڭەيگەن جانە كۇردەلى دە قاتاڭ بولعان ەل ءىشى - سىرتى ورتاسى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاپ، جۇڭگونى باستاپ، دۇنيە ءجۇزىن جالت قاراتقان تالاي - تالاي تاماشا جاۋاپنامالاردى تاپسىردى.
تاريحقا جازىلعان وسى جاۋاپنامالار كۇشتى جاۋاپكەرشىلىك ارقالاۋدى ايگىلەدى −
باستان - اياق حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، باستان - اياق حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويدى؛ ۋاقىتقا، جاعدايعا قاراي، عىلمي شەشىم جاساپ، ىندەت جاعدايىنىڭ وزگەرىسىن دالمە - ءدال يگەرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى اناعۇرلىم ويداعىداي ءبىر تۇتاس جوسپارلاعان كەلەلى شەشىمدى دەر كەزىندە جاسادى... باس شۋجي شي جينپيڭ بيىكتە تۇرىپ الىسقا كوز جىبەرىپ، عىلمي، باتىل شەشىم جاساپ، حالىق كوسەمىنىڭ جاۋاپكەرشىلىك ارقالاۋىن ايگىلەدى.
”حالىقتىڭ ءومىرىنىڭ حاۋىپسىزدىگى مەن دەنساۋلىعىن ەڭ جوعارى دەڭگەيدە قورعاپ، ىندەتتىڭ ەكونوميكالىق، قوعامدىق دامۋعا جەتكىزەتىن ىقپالىن ەڭ جوعارى شەكتە ازايتۋ كەرەك“. 2022 - جىلى 11 - ايدىڭ 10 - كۇنى، باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشىپ، ساقتانۋ - تىزگىندەۋ قىزمەتىن ونان ارى ساپالىلاندىرۋدىڭ 20 تارماقتى شاراسىن اقىلداسىپ، ورنالاستىردى.
12 - ايدىڭ 6 - كۇنى باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى ءماجىلىسىن باسقارىپ اشتى. وسى رەتكى ءماجىلىس بىلاي دەپ باسا دارىپتەدى: ”ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى اناعۇرلىم ويداعىداي ءبىر تۇتاس جوسپارلاۋ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاۋ كەرەك“. كەلەسى كۇنى مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى جالپىلىق گرۋپپاسى ىندەتتەن ساقتانۋ - تىزگىندەۋدى ساپالىلاندىرىپ تياناقتاندىرۋدىڭ ”جاڭا 10 تارماعىن“ جاريالادى.
شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ىندەتكە قارسى اتتانۋ شايقاسىن باتىلدىقپەن، تاباندىلىقپەن ورىستەتىپ، ىندەتكە قارسى اتتانۋدىڭ ستراتەگيالىق ىرىقتىلىق ۇقىعىن ءوز قولىندا باستان - اياق مىقتاپ يگەرىپ، ميلليارد حالىقتىڭ ءومىرىنىڭ حاۋىپسىزدىگىن ەڭ جوعارى شەكتە قامتاماسىز ەتىپ، ءوندىرىس، تۇرمىس شارت - جاعدايىن جانە قارجى قوسۋ، دامۋ ورتاسىن ەڭ جوعارى شەكتە جاراتىپ، ەلىمىزدىڭ سوتسياليستىك ءتۇزىمىنىڭ ابزالدىلىعىن ەڭ جوعارى شەكتە ايگىلەدى.
تاريحقا جازىلعان وسى جاۋاپنامالار ەرەن ساياسي اقىل - پاراساتتىڭ شۇعىلاسىن شاشۋدا −
ىندەتتەن ساقتانۋ ادام ومىرىنە سايادى، دامۋ تىرشىلىككە سايادى. قاراماققا سايكەستىرۋگە كەلمەيتىن وسى قايشىلىقتى قالاي ءبىر تۇتاس ويداعىداي جوسپارلاۋ دۇنيە جۇزىندەگى ەلدەر ءدوپ كەلىپ وتىرعان قيىن ماسەلە سانالادى.
2022 - جىل حالىقارالىق ورتا كۇردەلى دە الماعايىپ بولىپ، سۇرانىستىڭ تارايۋى، قامداۋدىڭ سوققىسى، مەجەنىڭ السىرەۋى سىندى ”ءۇش قابات قىسىم“ ۇزدىكسىز كورنەكتىلەنىپ، مەجەدەن اسىپ كەتكەن قاباتتامالى فاكتورلاردىڭ سوققىسى كۇتپەگەن جەردەن ارتا ءتۇستى.
”ستراتەگيالىق تاباندىلىقتى ساقتاپ، ورنىقتىلىق بارىسىندا ىلگەرىلەۋگە تاباندى بولىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ويداعىداي ءبىر تۇتاس جوسپارلاپ، اناعۇرلىم ءونىمدى شارالار قولدانىپ، ەڭ از بوداۋ بەرۋ ارقىلى ەڭ زور ساقتانۋ - تىزگىندەۋ ونىمدىلىگىنە جەتۋگە كۇش سالىپ، ىندەتتىڭ ەكونوميكالىق، قوعامدىق دامۋعا جەتكىزەتىن ىقپالىن بارىنشا ازايتۋ كەرەك“.
باس شۋجي شي جينپيڭ 2022 - جىلى 3 - ايدىڭ 17 - كۇنى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى ماجىلىسىندە سويلەگەن سوزىندە ءۇش ”ەڭ“ دەگەن ءسوز ارقىلى ەلىمىزدىڭ ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ويداعىداي ءبىر تۇتاس جوسپارلاۋ شايقاسىنىڭ جەڭىسىنە باتىل قول جەتكىزۋدەگى بەكىمى مەن سەنىمىن ايگىلەدى.
شەشۋشى ساتتە ىسكە كىرىسىپ، ۇرىمتال جەردەن كۇش سالدى. بازار تۇلعالارىن ورنىقتىرۋ، بازار مەجەسىن ورنىقتىرۋدان كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىنا شىنايى كەپىلدىك ەتىپ، ەكونوميكالىق اينالىمدى ىركىلىسسىزدەندىرۋگە دەيىن، ءتۇرلى ساياساتتار وزىقتىقپەن كۇش ۇستەپ، ەكونوميكالىق، قوعامدىق دامۋدىڭ نەگىزگى جاعدايىن ەڭ جوعارى شەكتە ورنىقتىردى.
دامۋ مەن حاۋىپسىزدىك ءبىر تۇلعانىڭ ەكى قاناتى، قوزعالتقىشتىڭ ەكى دوڭگەلەگى ىسپەتتى.
باس شۋجي شي جينپيڭ تەرەڭ تاۋقىمەت تانىمىمەن جانە الىستى كوزدەگەن ستراتەگيالىق كوز ايامەن جالپى تۇلعالىق مەملەكەت حاۋىپسىزدىگى كوزقاراسىن جاسامپازدىقپەن العا قويىپ، ەل ءىشى، حالىقارا سىندى ەكى كەلەلى جاعدايدى، دامۋ مەن حاۋىپسىزدىك سىندى ەكى ءىرى ءىستى ءبىر تۇتاس جوسپارلاۋدى باسا دارىپتەپ، جاعدايعا قاراي جوسپار جاساپ، جاعدايعا سايكەس قيمىلداپ، جاعدايعا ساي ىستەۋ بارىسىندا تاۋقىمەت تانىمىن كۇشەيتىپ، تومەنگى شەكتە وي جۇگىرتىپ، كۇرەس بارىسىندا مەملەكەتتىڭ بەدەلى مەن وزەكتى مۇددەسىن قورعاپ، ەلىمىزدىڭ دامۋ مەن حاۋىپسىزدىگىنىڭ ىرىقتىلىق ۇقىعىن مىقتى يگەردى.
استىق حاۋىپسىزدىگى − ەل باسقارۋداعى ماڭداي الدى ءىرى ءىس.
2022 - جىلى مەملەكەتتىك ەكى ءماجىلىس كەزىندە باس شۋجي شي جينپيڭ بىلاي دەپ باسا دارىپتەدى: ”استىق حاۋىپسىزدىگى سىندى وسى ماسەلەدە تيتتەي دە سالعىرتسۋعا، بەيعامدىق ىستەۋگە بولمايدى“؛
4 - ايدا باس شۋجي شي جينپيڭ حاينانعا بارىپ قىزمەت تەكسەرىپ، الدىمەن سانيا قالاسى ياجوۋۋان تۇقىم تاجىريبەحاناسىنا كەلىپ، ”جۇڭگولىقتار اس كەسەسىن ءوز قولدارىندا مىقتاپ ۇستاپ تۇرۋ ءۇشىن، ءسوز جوق، تۇقىمدى وزدەرى مىقتاپ ۇستاۋى كەرەك“، - دەپ ىشكەرىلەي اتاپ كورسەتتى.
ەنەرگيا حاۋىپسىزدىگىن ەكونوميكالىق، قوعامدىق دامۋعا ساياتىن جالپى جاعدايلىق، ستراتەگيالىق ماسەلە دەپ ءبىلىپ، ”ەل ىشىندەگى ەنەرگيا ءوندىرىسىنىڭ نەگىزىن بەكەمدەپ، كومىرمەن قامداۋدىڭ حاۋىپسىزدىگىن قامتاماسىز ەتۋ“ كەرەكتىگىن باسا دارىپتەدى؛
عىلىم - تەحنيكادا ءوز كۇشىنە سۇيەنۋگە، ءوزىن الۋەتتەندىرۋگە تاباندى بولىپ، ”عىلىم - تەحنيكانىڭ جان تامىرىن ءوز قولىمىزدا مىقتاپ ۇستاپ، عىلىم - تەحنيكادا ءوز كۇشىنە سۇيەنۋ، ءوزىن الۋەتتەندىرۋ جاعىندا اناعۇرلىم زور ىلگەرىلەۋشىلىككە قول جەتكىزىپ، ەلىمىز دامۋىنىڭ دەربەستىگىن، ءوزىن - ءوزى باسقارۋىن، حاۋىپسىزدىگىن ۇزدىكسىز جوعارىلاتۋ كەرەك“؛
جاڭا داۋىردە دارىندىلار ارقىلى ارميانى قۇدىرەتتەندىرۋ ستراتەگياسىن، عىلىم - تەحنيكا ارقىلى ارميانى قۇدىرەتتەندىرۋ ستراتەگياسىن ىشكەرىلەي اتقارىپ، شايقاس جۇرگىزۋ، جەڭىستى شايقاس جۇرگىزۋ سىندى ارميانى قۇدىرەتتەندىرۋ فاكتورىن مىقتاپ يگەرىپ، مەملەكەت قورعانىسى مەن ارميا رەفورماسىن تەرەڭدەتىپ، جاڭا داۋىردەگى جالپى حالىقتىق مەملەكەت قورعانىسى تاربيەسى قىزمەتىنىڭ جاڭا جاعدايىن اشتى؛
ءبىر قىدىرۋ پارمەندى قارسى تۇرۋ شارالارىن اتقارىپ، مەملەكەتتىڭ يەلىك ۇقىعى مەن تەرريتوريا تۇتاستىعىن باتىل قورعاپ، سىرتقى كۇشتەردىڭ كيلىگۋىنە جانە ”تايۋاندى دەربەستەندىرۋدى“ كوزدەيتىن بولشەكتەۋ ارەكەتىنە پارمەندى سوققى بەردى؛
...
باسەكە مەن دامۋدىڭ ىرىقتىلىق ۇقىعىن مىقتاپ يگەرىپ، جوعارى ساپالى دامۋ مەن جوعارى ورەلى حاۋىپسىزدىكتىڭ ءتيىمدى ىقپالداستىعىن ۇزدىكسىز ىلگەرىلەتتى.
تاريحقا جازىلعان وسى جاۋاپنامالار ايبىندى ستراتەگيالىق ارنانى ايگىلەدى −
جاعداي قاتاڭ دا كۇردەلى، مىندەت اۋىر دا ماشاقاتتى بولعان سايىن، جوعارى ساپالى دامۋدىڭ سەنىمى مەن بەكىمى سولعۇرلىم بەكەمدەلدى.
باس شۋجي شي جينپيڭ بىلاي دەپ باسا دارىپتەدى: ”مەيلى حالىقارالىق جاعداي قالاي وزگەرسىن، ءبىز ءوز ءىسىمىزدى مىزعىماس تاباندىلىقپەن ويداعىداي ىستەپ، ەكونوميكالىق نەگىزدى ۇزدىكسىز كۇشەيتىپ، عىلىم - تەحنيكادا جاڭالىق اشۋ قابىلەتىن كۇشەيتىپ، جالپىلىق مەملەكەت قۋاتىن جوعارىلاتۋىمىز كەرەك“.
2022 - جىلى 4 - ايدىڭ 26 - كۇنى باس شۋجي شي جينپيڭ ورتالىق قازىنا - ەكونوميكا كوميتەتىنىڭ 11 - رەتكى ءماجىلىسىن باسقارىپ اشىپ، نەگىزدىك قۇرىلعىلار قۇرىلىسىن جالپى بەتتىك كۇشەيتۋ جونىندە ماڭىزدى ستراتەگيالىق ورنالاستىرۋ جاساپ، ”نەگىزدىك قۇرىلعىلاردىڭ ورنالاسۋىن، قۇرىلىمىن، يقۋاتىن جانە دامۋ ۇلگىسىن جاقسارتىپ، وسىزاماندانعان نەگىزدىك قۇرىلعىلار جۇيەسىن ورناتىپ، جاپپاي سوتسياليستىك وسىزاماندانعان مەملەكەت قۇرۋعا بەرىك نەگىز قالاۋ كەرەك“، - دەپ باسا دارىپتەدى.
قازىرگى كەزگە دە پايدالى، ۇزاق بولاشاقتى دا جوسپارلاعان وسى ستراتەگيالىق ورنالاستىرۋ مەملەكەتتىڭ حاۋىپسىزدىگىن قامتاماسىز ەتۋ، ەل ءىشى ۇلكەن اينالىمىن ىركىلىسسىزدەندىرۋ، ەل ءىشى، حالىقارا سىندى قوس اينالىمدى جەبەۋ، جوعارى ساپالى دامۋدى جەبەۋ جونىنەن كەلەلى مانگە يە.
تاريحقا جازىلعان وسى جاۋاپنامالار تەرەڭ حالىقتىق سۇيىسپەنشىلىكتى قامتىعان −
پارتيا 20 - قۇرىلتايىنىڭ بايانداماسى ”حالىقتى وزەك ەتكەن دامۋ يدەياسىنا تاباندى بولۋدى“ ءسوز جوق، مىقتاپ يگەرۋگە ءتيىستى 5 ماڭىزدى پرينسيپتىڭ ءبىرى ەتىپ ايقىن تۇراقتاندىردى.
”كوممۋنيستىك پارتيا حالىق ءۇشىن ءىس ىستەيدى، حالىقتىڭ تۇرمىسىنىڭ كۇن سايىن جاقسارۋىنا، جىلدان - جىلعا جاقسى تۇرمىس كەشىرۋىنە مۇمكىندىك جاسايدى“. باس شۋجي شي جينپيڭ حالىق تۇرمىسىن جاقسارتۋعا قاشاندا قامقورشى بولىپ كەلەدى.
2022 - جىلى دۇنيە جۇزىلىك ەكونوميكا تالقى مىنبەرى بەينەەكران ماجىلىسىندەگى لەكسياسىندا باس شۋجي شي جينپيڭ بىلاي دەپ اتاپ كورسەتتى: ”مەيلى قانداي قيىندىققا جولىقساق تا، ءبىز حالىقتى وزەك ەتكەن دامۋ يدەياسىنا تاباندى بولامىز“.
سىچۋاندا قىزمەت تەكسەرگەن كەزدە باس شۋجي شي جينپيڭ بىلاي دەپ ىقىلاستى تاپسىرما بەردى: ”ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋ قىزمەتىن جوعارى ونىمدىلىكپەن ويداعىداي ىستەپ، كەزەكتەگى ەكونوميكالىق دامۋدا ءدوپ كەلگەن كەيبىر قيىنشىلىقتاردى باتىل جەڭىپ، جۇمىستاندىرۋ، قوعامدىق قامتاماسىزداندىرۋ، كەدەي بۇقاراعا كومەكتەسۋ جانە ولاردى سۇيەمەلدەۋ سياقتى جاقتارداعى قىزمەتتەردى ويداعىداي ىستەۋ كەرەك“.
7 - ايدىڭ 13 - كۇنى شينجياڭ ءۇرىمجى قالاسى تيانشان رايونى گۋيۋانشياڭ الەۋمەتتىك اۋماعىنا كەلگەن باس شۋجي شي جينپيڭ سامايلارىن قىراۋ باسقان قارتتارعا امانداسىپ، ”باقىتتى تۇرمىستارىڭىز ۇزاعىنان ءسۇيىندىرسىن“، - دەپ تىلەك تىلەدى. ءبىر ايدان استام ۋاقىتتان كەيىن لياۋنيڭ شىنياڭ قالاسى حۋاڭگۋ رايونى سانتايزى ءمالىسى مۋدان الەۋمەتتىك اۋماعىنا بارعان باس شۋجي شي جينپيڭ تاعى دا قارتتار مەن بالالاردىڭ جاعدايىن ءتۇيىندى تۇردە سۇراستىرىپ، ”قارتتارعا قىزمەت وتەۋدى كەنجە قالدىرۋعا بولمايدى“، ”بالالاردى باعىپ - قاعۋ جانە تاربيەلەۋ سياقتى قىزمەتتەردى كۇشەيتۋ كەرەك“، - دەپ باسا دارىپتەدى.
جۇمىستاندىرۋ − حالىق تۇرمىسىنىڭ نەگىزى. 2022 - جىلى ەلىمىزدە جوعارى مەكتەپتەن وقۋ تاۋىسقان وقۋشىلاردىڭ سانى 10 ميلليون 760 مىڭعا جەتىپ، تاريحتاعى ەڭ جوعارى دەڭگەيدى جاراتتى.
ورتالىقتىڭ ەكونوميكالىق قىزمەت ءماجىلىسى وسى اسا وزگەشە جىلدا قول جەتكىزگەن تابىستاردى سالالادى.
2022 - جىلدىڭ الدىڭعى 11 ايىندا بۇكىل ەلدەگى قالا - قالاشىقتاردا 11 ميلليون 450 مىڭ ادام تىڭنان جۇمىستاندى؛ كولەمنەن جوعارى ونەركاسىپتىڭ ارتقان قۇنى سايكەس مەزگىلدەگىدەن ％8. 3 ارتتى، زاتتىق يمپورت - ەكسپورت جالپى سوماسى سايكەس مەزگىلدەگىدەن ％6. 8 ارتتى؛ استىقتان ءۇرتىس 8 جىل ءبىر تريلليون 300 ميلليارد جىڭنىڭ ۇستىندە ءونىم الىندى؛ تۇتاس جىلدىق ەكونوميكانىڭ جالپى مولشەرى 120 تريلليون يۋاننان اساتىنى مەجەلەندى... جۇمىستانۋ ورنىقتى، زات باعاسى ورنىقتى بولىپ، استىق حاۋىپسىزدىگى، ەنەرگيا حاۋىپسىزدىگى جانە حالىق تۇرمىسى ءونىمدى قامتاماسىز ەتىلدى، ەكونوميكالىق، قوعامدىق كەلەلى جاعداي ورنىقتىلىقتى ساقتادى.
ەمتيحان تاپسىرۋ جولىندا بولاتتاي بەرىك سومدالدى
”جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ تەتىگى پارتيادا“.
− شي جينپيڭ
يان - انداعى ياڭجياليڭ، ماۋ زىدۇڭ جولداستىڭ ەجەلگى تۇراعىنىڭ داۋالىندا سارعايىپ كەتكەن ءبىر سۋرەت ءىلۋلى تۇر. ول 1945 - جىلى جازدا ماۋ زىدۇڭ اۋەجايدا زەرتتەۋ - تەكسەرۋگە كەلگەن حۋاڭ يانپەيدى جانە ونىڭ ساپارلاستارىن قارسى العان كەزدەگى سۋرەت ەدى.
2022 - جىلى 10 - ايدىڭ 27 - كۇنى وسى ارادا توڭكەرىستىك قاسيەتتى جەردى ىزەت - قۇرمەتپەن ارالاپ جۇرگەن باس شۋجي شي جينپيڭ جەر تولەگە كىرگەندە، سۋرەتكە زەر سالا قاراپ، ”جەر تولەدەگى اڭگىمەدە“ العا قويىلعان تاريحي سۇراۋلارعا تەرەڭ وي جۇگىرتتى.
يان - انداعى مەزگىلىندە حۋاڭ يانپەي العا قويعان ”ونىڭ گۇلدەنىپ - كوركەيۋى دە تەز، قۇرىپ - جوعالۋى دا تەز“ دەگەن تاريحي پەريودتان قالاي اتتاپ ءوتۋ كەرەك دەگەن ماسەلەگە ماۋ زىدۇڭ ءبىرىنشى جاۋابىن بەردى، ول − ”ۇكىمەتتى حالىققا باقىلاتۋ“.
پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانى جاپپاي قاتاڭ باسقارۋ امالياتىندا مۇنىڭ ەكىنشى جاۋابىن بەردى، ول − ”وزىنە - ءوزى توڭكەرىس جاساۋ“.
2022 - جىلى 1 - ايدىڭ 18 - كۇنى 19 - كەزەكتى ورتالىق ءتارتىپ تەكسەرۋ كوميتەتىنىڭ التىنشى جالپى ماجىلىسىندە باس شۋجي شي جينپيڭ ”ءبىرىنشى جاۋاپ“ پەن ”ەكىنشى جاۋاپتىڭ“ ىشكى بىرلىگىن ىشكەرىلەي ايقىن بايىمداپ: ”100 جىلدان بەرى، پارتيا سىرتقى جاقتا حالىق دەموكراتياسىن دامىتۋعا، حالىقتىڭ باقىلاۋىن قابىلداۋعا سۇيەنىپ، ىشكى جاقتا پارتيانى جاپپاي قاتاڭ باسقارۋعا، وزىنە - ءوزى توڭكەرىس جاساۋدى ىلگەرىلەتۋگە سۇيەنىپ، جۇرەكتىلىكپەن اقيقاتقا تاباندى بولىپ، قاتەلىكتەردى تۇزەتىپ، جۇرەكتىلىكپەن پىشاق ءدۇزىن ىشكە قاراتىپ، سۇيەكتى قىرا وتىرىپ ۋىتتى ايداپ، پارتيانىڭ باياندى كوركەيۋىنە، ۇزدىكسىز دامۋىنا، زورايۋىنا كەپىلدىك ەتتى“، - دەدى.
ءبىر جىلدان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى كۇشتى تاريحي سانالىلىقپەن، تاريحي ىرىقتىلىقپەن پارتيانى جاپپاي قاتاڭ باسقارۋدى تاباندىلىقپەن ىلگەرىلەتىپ، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ىشكەرىلەي ىلگەرىلەتىپ، 100 جىلدىق ۇلى پارتيانىڭ وزىنە - ءوزى توڭكەرىس جاساۋىنىڭ جاڭا ءورىسىن اشتى.
وزىنە - ءوزى توڭكەرىس جاساۋدىڭ وتكىر يدەيالىق قارۋىن شىڭادى −
2022 - جىلى 1 - ايدىڭ 11 - كۇنى ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋان) زالى. ولكە، مينيسترلىك دارەجەلى نەگىزگى باسشى كادرلاردىڭ پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ ارناۋلى تاقىرىپتىق زەرتتەۋ - تالقى كۋرسىنىڭ ساباق باستاۋ سالتى وتكىزىلدى.
پارتيا ىشىندەگى ”شەشۋشى ازشىلىققا“ مەڭزەس، باس شۋجي شي جينپيڭ پارتيانىڭ 100 جىلدىق تاريحىنا بايلانىستىرىپ، 5 ماسەلەنى ىشكەرىلەي بايىمدادى، مۇنىڭ ءبىرى، ماركسيزمنىڭ جۇڭگوشالانۋىن، زامانالانۋىن ىلگەرىلەتۋ:
”ماركسيزم ’جەبەسى‘ ارقىلى جاڭا داۋىردەگى جۇڭگو سىندى ’نىسانانى‘ كوزدەۋگە تاباندى بولىپ، ماركسيزمنىڭ نەگىزگى قاعيدالارىنىڭ جۇڭگونىڭ ناقتى امالياتىمەن ۇشتاسۋىن، جۇڭحۋانىڭ تاڭداۋلى ءداستۇرلى مادەنيەتىمەن ۇشتاسۋىن ۇزدىكسىز ىلگەرىلەتۋ كەرەك“.
9 ايدان ارتىق ۋاقىتتان كەيىن، حىناننىڭ انياڭىنداعى يىنشۇي مۇراجايىندا، باس شۋجي شي جينپيڭ قولا جابدىقتار، قاس تاسى بۇيىمدارى، ساۋىت - سۇيەك جازۋى سياقتى قازىپ الىنعان مادەني ەسكەرتكىشتەردى زەر سالا كوردى.
”جۇڭحۋانىڭ تاڭداۋلى ءداستۇرلى مادەنيەتى پارتيامىزدىڭ جاسامپاز نازارياسىنىڭ ’تامىرى‘، ءبىزدىڭ ماركسيزمنىڭ جۇڭگوشالانۋىن، زامانالانۋىن ىلگەرىلەتۋىمىزدىڭ ءتۇبىرلى جولى ’ەكىنى ۇشتاستىرۋ‘“، - دەپ باس شۋجي شي جينپيڭ ءبىر - اق اۋىز سوزبەن جيناقتادى.
پارتيانى يدەيالىق جاقتان قۇرۋ، پارتيانى نازاريالىق جاقتان قۇدىرەتتەندىرۋ.
پارتيا 20 - قۇرىلتايىنىڭ بايانداماسى ماركسيزمنىڭ جۇڭگوشالانۋىنىڭ، زامانالانۋىنىڭ جاڭا ءورىسىن اشۋ جونىندە ءبىر قىدىرۋ جاڭا يدەيانى، جاڭا كوزقاراستى، جاڭا تالاپتى العا قويىپ، پارتيامىزدىڭ پارتيانىڭ نازاريادا جاڭالىق اشۋىن ۇزدىكسىز ىلگەرىلەتۋگە بەتالىس كورسەتتى.
”ەكىنى ۇشتاستىرۋدان“ تارتىپ ”التىعا تاباندى بولۋعا“ دەيىن، جاڭا داۋىردەگى جۇڭگو كوممۋنيستەرى شي جينپيڭ جاڭا ءداۋىر جۇڭگوشا سوتسياليزم يدەياسى سىندى زامانىمىزداعى جۇڭگو ماركسيزمىن، 21 - عاسىرداعى ماركسيزمدى تەرەڭدەي ءتۇسىنىپ، ماركسيزمنىڭ جۇڭگوشالانۋىنىڭ، زامانالانۋىنىڭ جاڭا پاراعىن ۇزدىكسىز جازدى.
وزىنە - ءوزى توڭكەرىس جاساۋعا باتىلدىق ەتەتىن كادرلار قوسىنىن سومداۋ −
2022 - جىلى 8 - ايدىڭ 30 - كۇنى، حالىق سارايى. مەملەكەتتىك ”حالىق رازى مەملەكەت قىزمەتكەرلەرىن“ جانە ”حالىق رازى مەملەكەت قىزمەتكەرلەرى كوللەكتيۆتەرىن“ ماداقتاۋ - سيلاۋ جينالىسى سالتاناتتى وتكىزىلدى، باس شۋجي شي جينپيڭ ماداقتاپ - سيلانعانداردىڭ ۋاكىلدەرىمەن ىقىلاسپەن كەزدەستى.
”جاپپاي سوتسياليستىك وسىزاماندانعان مەملەكەت قۇرۋدا، ءسوزسىز، ساياسيدا توسەلگەن، جاڭا ءداۋىر تالابىنا ۇيلەسەتىن، وسىزامانداندىرۋ قۇرىلىسىنا باسشىلىق ەتۋ قابىلەتىن ازىرلەگەن كادرلار قوسىنى بولۋ كەرەك“، - دەپ باسا دارىپتەدى باس شۋجي شي جينپيڭ.
وزىنە - ءوزى توڭكەرىس جاساۋدىڭ قامال الۋ شايقاسىن، ۇزاق ۋاقىتتىق شايقاسىن ويداعىداي جۇرگىزۋ −
”ءسوز جوق، ماسەلەگە تۋرا قارايتىن ەرلىك پەن پىشاقتىڭ ءدۇزىن ىشكە قاراتاتىن تاباندىلىقتى باستان - اياق ساقتاپ، ۋلى وسپەنى جويۋعا، ۋىت قاينارىن الاستاۋعا، ۋىتىن ارىلتۋعا تاباندى بولىپ، پارتيانىڭ سيپاتىنىڭ ماڭگى وزگەرمەۋى ارقىلى قىزىل بيلىك ءتۇسىنىڭ ماڭگى وزگەرمەۋىنە شىنايى كەپىلدىك ەتۋ كەرەك“.
2022 - جىلى 6 - ايدىڭ 17 - كۇنى جۇڭگو كوممۋنيستىك پارتياسى 19 - كەزەكتى ورتالىق كوميتەتى ساياسي بيۋروسى شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ءبىر تۇلعالاندىرىپ ىلگەرىلەتۋ جونىندە 40 - رەتكى توپتىق ۇيرەنۋ وتكىزدى. باس شۋجي شي جينپيڭ بۇكىل پارتياعا شىرىكتەسۋگە قارسى تۇرۋ كۇرەسى ”ەرەكشە كۇردەلى، ەرەكشە جاپالى، تيتتەي دە شەگىنۋگە، ىمىرالاسۋعا بولمايدى“، - دەپ ەسكەرتتى.
وسى كۇنى باس شۋجي جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ءماجىلىسىن باسقارىپ اشىپ، «19 - كەزەكتى ورتالىق كوميتەتتىڭ 8 - كەزەكتى شارلاۋى بويىنشا فينانس ورىندارىنىڭ رەتتەۋ - تۇزەتۋ اياق الىسى جاعدايى جونىندەگى باياندامانى» قارادى. بۇل ورتالىق كوميتەت ساياسي بيۋروسى ءماجىلىسىنىڭ شارلاۋ بويىنشا رەتتەۋ - تۇزەتۋ جاعدايىنان جاسالعان مالىمەتتى تۇڭعىش رەت تىڭداۋى.
ءبىر ايدان ارتىق ۋاقىتتان كەيىن، 19 - كەزەكتى ورتالىق كوميتەتتىڭ 9 - كەزەكتى شارلاۋىنىڭ ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى ورگانى، ورتالىق كوميتەت كەڭسەسى، ورتالىق كوميتەت ۇيىمداستىرۋ ءبولىمى سياقتى ورىندارعا اڭىس قايتارۋدى ورىنداپ بولۋىنا ساي، 19 - كەزەكتى ورتالىق كوميتەتتىڭ شارلاۋىنىڭ جاپپاي قامتۋ مىندەتى تابىسپەن اياقتادى.
”پارتيامىزدىڭ وزىنە - ءوزى جۇرەكتىلىكپەن توڭكەرىس جاسايتىن ايقىن قاسيەتىن كورنەكتىلەندىرىپ، پارتيا ىشىندەگى باقىلاۋدا ەشنارسە قاعىس قالمايتىن بەرىك تۇرعىنى ايگىلەدى“. 2022 - جىلى 7 - ايدىڭ 28 - كۇنى باس شۋجي شي جينپيڭ ورتالىق كوميتەت ساياسي بيۋروسى ءماجىلىسىن باسقارىپ اشىپ، «19 - كەزەكتى ورتالىق كوميتەتتىڭ 9 - كەزەكتى شارلاۋ جاعدايى جونىندەگى جالپىلىق باياندامانى» قارادى.
2022 - جىلى − ورتالىقتىڭ 8 ءتۇرلى بەلگىلەمەسى العا قويىلعاندىعىنىڭ 10 جىلدىعى. شي جينپيڭ جولداستى ۇيتقى ەتكەن پارتيا ورتالىق كوميتەتى جوعارى تومەنگە ونەگە بولىپ، ستيلدى دۇرىستاپ، ءتارتىپتى قاتايتىپ، بۇكىل پارتيانىڭ ستيل قۇرىلىسىندا بوساڭسىماۋدى، توقىراماۋدى، قايتا اتتانۋدى ىلگەرىلەتتى.
پارتيا 20 - قۇرىلتايى جابىلىپ نەبارى 3 كۇننەن كەيىن، باس شۋجي شي جينپيڭ ورتالىق كوميتەت ساياسي بيۋروسى ءماجىلىسىن اشىپ، پارتيا 20 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى اقىلداستى، ورنالاستىردى.
ءماجىلىستىڭ ماڭىزدى ءبىر كۇن ءتارتىبى − «جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ورتالىقتىڭ 8 ءتۇرلى بەلگىلەمەسىن دايەكتىلەندىرۋدى، تياناقتاندىرۋدى اتقارۋ ەگجەي - تەگجەيلى ەرەجەسىن» قاراۋ.
پارتيا 20 - قۇرىلتايىندا باس شۋجي شي جينپيڭ بۇكىل پارتياعا بىلاي دەپ ۇندەۋ تاستادى: پارتيانى جاپپاي قاتاڭ باسقارۋ ماڭگى توقتامايدى، پارتيانىڭ وزىنە - ءوزى توڭكەرىس جاساۋى ماڭگى توقتامايدى، بوساڭسۋ، دامىلداۋ، قالجىراۋ، جالىعۋ پيعىلى استە بولماۋ كەرەك.
سەنىم ورناتىپ، رۋحتى سومداۋ، نەگىزدى كۇشەيتىپ، ءتۇبىردى بەكەمدەۋ، جاقسى - جامانىن ايىرۋ... پارتيانىڭ ءوزىن كىرشىكسىزدەندىرۋ، ءوزىن كەمەلدەندىرۋ، وزىنە وزگەرىس جاساۋ، ءوز دەڭگەيىن جوعارىلاتۋ قابىلەتى كورنەكتى كۇشەيىپ، جالىندى ومىرشەڭدىك كۇشى ۇزدىكسىز قاۋلاپ، باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسىنا اينالدى.
2022 - جىلدىڭ كۇز باسىندا، باس شۋجي شي جينپيڭ لياۋنيڭگە بارىپ قىزمەت تەكسەرىپ، تەكسەرىپ - زەرتتەۋ جۇرگىزگەن كەزدە مۋدان الەۋمەتتىك اۋماعىنا ارنايى باردى.
”پارتيامىز حالىق ءۇشىن قىزمەت ىستەيتىن، حالىقتى باقىتقا كەنەلتەتىن پارتيا. بۇقارا كوڭىل بولەتىن ءاربىر ءىستى ويداعىداي ىستەۋ − كوممۋنيستەردىڭ ورتاق ارمانى“. باس شۋجي شي جينپيڭنىڭ ءسوزى تەرەڭ سۇيىسپەنشىلىككە تولدى، ”الەۋمەتتىك اۋماقتاعى پارتيا ۇيىمدارى پارتيانىڭ باس ماقساتىن ەستە بەرىك ساقتاپ، الەۋمەتتىك اۋماق قىزمەتىن كۇشەيتىپ جانە جاقسارتىپ، بۇقاراعا جۇڭگو كوممۋنيستىك پارتياسىنىڭ بۇكىل ىنتا - پەيىلىمەن حالىق ءۇشىن قىزمەت ىستەيتىندىگىن، پارتيانىڭ قاشاندا حالىقتىڭ جانىندا ەكەندىگىن سەزىندىرۋ كەرەك“.
شينجياڭدا قىزمەت تەكسەرگەن كەزىندە بىلاي دەپ باسا دارىپتەدى: پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرۋ كەرەك؛ جۇڭگو كوممۋنيستىك جاستار وداعى قۇرىلعاندىعىنىڭ 100 جىلدىعىن قۇتتىقتاۋ جينالىسىندا كوممۋنيستىك جاستار وداعىنىڭ باستان - اياق پارتياعا تىعىز ىلەسىپ ءداۋىردىڭ الدىڭعى لەگىندە جۇرەتىن ۇزدىك ۇيىمعا اينالۋىن ءۇمىت ەتتى؛ جۇڭگو مەملەكەتتىك مۇراجايىنداعى ساقا ماماندارعا قايتارعان جاۋاپ حاتىندا كوپشىلىكتى دۇرىس ساياسي بەتالىسقا تاباندى بولۋعا ۇندەدى... باس شۋجي شي جينپيڭ تۋى ايقىن تۇردە پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، پارتيانىڭ جالپى جاعدايدى تۇگەل مەڭگەرەتىن، ءار جاقتى سايكەستىرەتىن باسشىلىق ۇيتقىلىق رولى تولىق ساۋلەلەندىرىلىپ، جاڭا داۋىردەگى جاڭا جورىقتا پارتيا مەن مەملەكەت ىستەرىنىڭ دامۋىنا ءتۇبىرلى كەپىلدىك ازىرلەندى.
الەمنىڭ ادىلدىگى ءۇشىن ۇلى مۇرات جولىمەن ءجۇردى
”جۇڭگو حالقى دۇنيە ءجۇزى حالقىمەن قول ۇستاسا وتىرىپ، ادامزاتتىڭ اناعۇرلىم كوركەم بولاشاعىن جاراتۋعا پەيىل“!
− شي جينپيڭ
”جۇڭگونىڭ دامۋى دۇنيە جۇزىنەن قول ۇزە المايدى، دۇنيە ءجۇزىنىڭ دامۋى دا جۇڭگونى قاجەت ەتەدى“.
2022 - جىلى 10 - ايدىڭ 23 - كۇنى باس شۋجي شي جينپيڭ ۇزدىكسىز سايلانعاننان كەيىنگى تۇڭعىش رەت جۇڭگولىق، شەتەلدىك تىلشىلەرمەن كەزدەسكەندەگى تۇجىرىمى ءارى تاريحتى تەرەڭ قورىتىندىلاۋ، ونان دا ماڭىزدىسى، بولاشاققا دەگەن سالتاناتتى مالىمدەمەسى بولماق.
كوكتەمنىڭ باس كەزى، قويۋ تۇمان ايىعىپ، جالىندى تىرشىلىك ءۇمىتى مازدادى −
2022 - جىلى 2 - ايدىڭ باسى، بەيجيڭ قىسقى وليمپيادا سپورت جارىسى باستالعان كۇندەردە ءتوراعا شي جينپيڭ تالاي - تالاي حالىقارالىق سيلى قوناقتاردى قارسى الدى. بىرلەسكەن مەملەكەتتەر ۇيىمىنىڭ باس حاتشىسى گۋتەرەسپەن كەزدەسكەندە، ءتوراعا شي جينپيڭ ”كەمەنى“ مىسالعا كەلتىرىپ، دۇنيە ءجۇزى اۋقىمى جونىندەگى كوزقاراسىن ءبولىستى:
”الەمدىك قىسىلتاياڭ سىن - سايىستار الدىندا، ىنتىماقتاسۋدى، سەلبەسۋدى كۇشەيتىپ، جاڭا ءداۋىردىڭ ’نۇح كەمەسىنە‘ بىرگە وتىرسا عانا، ادامزاتتىڭ بولاشاعى اناعۇرلىم كوركەم بولادى“.
جاڭا تيپتى ايدارشا ۆيرۋس وكپە قابىنۋ ىندەتىنىڭ قايتالانىپ، سوزىلۋى، وڭىرلىك ساياسي جاعدايدىڭ شيەلەنىسۋى، ەكونوميكانىڭ جاندانۋىنىڭ دارمەنسىز بولۋى، استىق، ەنەرگيا سياقتى كوپ قاباتتى داعدارىستىڭ كورنەكتىلەنۋى... قۇبىلمالى وزگەرىس ارالاسقان وسى ءبىر جىلعا قايىرىلا قاراساق ”ادامزات قايدا بارادى“ دەيتىن بولاشاق سۇراۋى وسىنشاما كوكەي تەستى بولعاندىعىن ۇعىنامىز.
”قويۋ تۇماننان شىعىپ، نۇرلى شۇعىلاعا بەت الۋداعى ەڭ قۋاتتى كۇش − ءبىر نيەتپەن كۇش بىرىكتىرۋ، ەڭ ءونىمدى ءادىس − ءبىر جاعادان باس، ءبىر جەڭنەن قول شىعارۋ“، ” ىنتىماق كۇش، بولشەكتەنۋدەن شىعار جول جوق“... ەل ءىشى، حالىقارا سىندى ەكى كەلەلى جاعدايدى ءبىر تۇتاس جوسپارلاپ، بۇكىل ادامزاتتىڭ ورتاق مۇددەسىن كوزدە ۇستاعان ءتوراعا شي جينپيڭ ادامزات تاعدىرلاس ورتاق تۇلعا تۋىن بيىك ۇستاپ، اۋمالى - توكپەلى وزگەرىس بولعان دۇنيە جۇزىنە ۇزدىكسىز سەنىم مەن كۇش ۇستەدى −
جۇڭگوعا باسشىلىق ەتىپ بەيجيڭ قىسقى وليمپيادا سپورت جارىسىن، قىسقى مۇگەدەكتەر وليمپيادا سپورت جارىسىن ءساتتى وتكىزدى؛ بو - اۋ ازيا تالقى مىنبەرىندە تۇڭعىش رەت الەمدىك حاۋىپسىزدىك باستاماسىن العا قويدى؛ ادامزاتتىڭ ۇزدىكىسىز دامۋىن كوزدە ۇستاپ، جەر شارى تىرشىلىك ورتاق تۇلعاسىن بىرگە قۇرۋدى ۇندەدى...
جاز ورتاسى، ءوزارا پايدا جەتكىزۋ سەلبەستىگى تولقىنىنىڭ كوتەرىلۋىنە كۋا بولدى −
6 - ايدىڭ سوڭعى شەنىندە ءتوراعا شي جينپيڭ بريكس ەلدەرى باسشىلارىنىڭ ديدارلاسۋى كەزىندە تۇڭعىش رەتكى الەمدىك دامۋ جونىندەگى جوعارى جىكتەگىلەر كەڭەسىن باسقارىپ، كوپتەگەن بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەردى قاتىناسۋعا باۋرادى.
الەمدىك دامۋ ىستەرى جولىققان بۇرىن بولماعان ۇتىمسىز جاعداي الدىندا، ءتوراعا شي جينپيڭ ءار ەلدىڭ دامۋىن، اسىرەسە، وركەندەپ كەلە جاتقان ەلدەردىڭ دامۋىن كورنەكتى ورىنعا قويۋدى ىلگەرىلەتىپ، جالپىعا بىردەي، تەپە - تەڭ، سايكەسىمدى، سيىسىمدى، سەلبەسىپ تەڭ يگىلىككە كەنەلۋ، بىرگە گۇلدەنۋ - كوركەيۋ سىندى دامۋ ارناسىن بىرگە قۇرۋعا اناعۇرلىم كوپ ورتاق تانىم ۇيىستىردى، اناعۇرلىم زور بىرىككەن كۇش توپتادى. 100 نەشە مەملەكەت پەن بىرلەسكەن مەملەكەتتەر ۇيىمىن قامتىعان كوپتەگەن حالىقارالىق ۇيىمدار باستامانى قولدادى، 70كە تاياۋ مەملەكەت ”الەمدىك دامۋ باستاماسى دوستىق گرۋپپاسىنا“ قوسىلدى.
حالىقتىڭ تىلەگىن كوزدەدى، الەم حالقىنىڭ مۇدەسىن كوزدەدى. ءتوراعا شي جينپيڭنىڭ تىكەلەي جەتەكشىلىك ەتۋىندە، ىلگەرىلەتۋىندە جۇڭگونىڭ ”وزىندىك جاڭا دامۋىمەن دۇنيە جۇزىنە جاڭا وراي ازىرلەيتىن“ شىن نيەتى مەن بەكىمىن باتىل جەتكىزدى.
ءۇرتىس تالاي جىل يمپورت كورمەسىن، گۋاڭجوۋ جارمەڭكەسىن، قىزمەت وتەۋ - ساۋدا كورمەسىن، تۇتىنۋ بۇيىمدارى كورمەسىن وتكىزدى؛
شەتەل قارجىسىنىڭ كىرۋىنە رۇقسات بەرۋ اياسىن ءۇرتىس كەڭەيتۋدى ىلگەرىلەتىپ، شارۋاشىلىق - ساۋدا ورتاسىن ۇزدىكسىز جاقسارتۋدان «وڭىرلىك جان - جاقتى ەكونوميكالىق سەرىكتەستىك قارىم - قاتىناس كەلىسىمىن» جوعارى ساپالى اتقارۋعا، «جان - جاقتى جانە العا باسقان تىنىق مۇحيت اتتاعان سەرىكتەستىك قارىم - قاتىناس كەلىسىمىنە» كىرۋدى بەلسەنە ىلگەرىلەتۋگە دەيىن، وزىندىك دامۋ ”جاۋاپناماسىن“ ويداعىداي بەرۋمەن بىرگە، دۇنيە ءجۇزى ەكونوميكاسىنىڭ ”ايدىنىنا“ تىڭ تىنىس قوستى...؛
قوڭىر كۇز، قۇنىتتاي باپتالعان ەگىننىڭ جەمىسى قوماقتى بولدى −
پارتيا 20 - قۇرىلتايى جابىلعانىنان كوپ وتپەي، 10 - ايدىڭ 30 - كۇنىنەن 11 - ايدىڭ 4 - كۇنىنە دەيىنگى ءبىر اپتادا، ۆيەتنام، پاكيستان، تانزانيا، گەرمانيا سىندى 4 ەلدىڭ باسشىلارى ىركەس - تىركەس جۇڭگوعا ساپارلاي كەلدى.
ال 20 - قۇرىلتاي اشىلۋدان ءبىر اي بۇرىن، ءتوراعا شي جينپيڭ قازاقستانعا، وزبەكستانعا باردى، جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرگى تۇڭعىش رەتكى ساپارى تولىق تابىستى بولدى.
”جاڭاشا حالىقارالىق قاتىناستىڭ قالىپتاسۋىن ىلگەرىلەتىپ، تەڭ، اشىق، سەلبەسىمدى الەمدىك سەرىكتەستىك قارىم - قاتىناستى تەرەڭدەتىپ، كەڭەيتىپ، ءار ەل مۇددەسىنىڭ توعىسۋ ءتۇيىنىن ۇلعايتۋعا كۇش سالادى“ − 20 - قۇرىلتاي بايانداماسىنان ادامدار جاڭا جورىقتا جۇڭگونىڭ ديپلوماتيالىق جوبا - جوسپار ورنالاستىرۋىنىڭ رەال لوگيكاسىن ۇعىندى.
وسى ءبىر جىلدا، جۇڭگو مەن امەريكانىڭ مەملەكەت باسشىلارى 3 جىلدان بەرگى تۇڭعىش رەتكى ينتەرنەت جەلىسىنەن تىس ديدارلاسۋدى جۇزەگە اسىردى؛ جۇڭگو مەن رەسەيدىڭ مەملەكەت باسشىلارى كوپ ءتۇرلى تاسىلدەرمەن كەڭەسۋدى ساقتادى؛ جۇڭگو مەن ەۆروپانىڭ باسشىلارى جيى تىلدەستى جانە ديدارلاستى؛ ىرگەلەس ەلدەر تاعدىرلاس ورتاق تۇلعاسى قۇرىلىسى نىق قادام تاستادى... جۇڭگونىڭ جان - جاقتى، كوپ ساتىلى، ستەرەولدى ديپلوماتيالىق ورنالاستىرۋى بارعان سايىن تولىستى، كەمەلدەندى.
ءبىر جىلدان بەرى، ءتوراعا شي جينپيڭ 2022 - جىلعى دۇنيە جۇزىلىك ەكونوميكالىق تالقى مىنبەرى بەينە ەكران ماجىلىسىنە، شاڭحاي سەلبەستىك ۇيىمى سامارقان باسشىلار ماجىلىسىنە، 20 ەل توبى بالي ارالى باسشىلار ماجىلىسىنە قاتىناستى... جايدارلى قول الىسۋلار، رياسىز پىكىر اۋىستىرۋلار جاڭا داۋىردەگى جۇڭگونىڭ وزىنە سەنەتىن سالماقتى بەينەسىن، بارىن قامتيتىن كەڭ پەيىلىن ايگىلەدى ءارى دۇنيە جۇزىنە جۇڭگونىڭ الەمدى كوكەيدە ساقتاعان جۇڭگو، دۇنيە ءجۇزىنىڭ بەيبىتشىلىگىن قورعايتىن، ورتاق دامۋدى جەبەيتىن العاباسار كۇش ەكەندىگىن ۇعىندىردى.
قىس، ءورىس اشا العا ىلگەرىلەگەن باتىل قادامدى ەستەلىككە الدى −
12 - ايدىڭ باسىندا، ءتوراعا شي جينپيڭ تۇڭعىش كەزەكتى جۇڭگو - اراب ەلدەرى باسشىلار ماجىلىسىنە، تۇڭعىش كەزەكتى جۇڭگو - شىعاناقتاعى اراب ەلدەرى سەلبەستىك كوميتەتىنىڭ باسشىلار ماجىلىسىنە قاتىناستى ءارى ساۋد ارابياسىندا مەملەكەتتىك ساپاردا بولدى.
بۇل جاڭا جۇڭگو قۇرىلعاننان بەرى، ەلىمىزدىڭ اراب دۇنيەسىنە باعىتتالعان كولەمى ەڭ زور، دەڭگەيى ەڭ جوعارى ديپلوماتيالىق ارەكەتى. باقىلاۋشى قايراتكەرلەر شولۋ جاساپ بىلاي دەدى: حالىقارالىق اۋمالى - توكپەلى وزگەرىس الدىندا، اراب ەلدەرى جۇڭگومەن ىنتىماقتاسا ىستەستىك جاساسىپ، قول ۇستاسا بىرگە ءجۇرۋىنىڭ ءتۇپ نەگىزى جۇڭگونىڭ اراب ەلدەرىنە ”ادال نيەت، شىن ىقىلاسىمەن، وبيەكتيۆ، ءادىل“ مامىلە جاساۋىندا، جۇڭگو ديپلوماتياسىنىڭ ”الەمنىڭ ادىلدىگى ءۇشىن“ دەيتىن قۇن بەتالىسىندا.
مۇنداي بويسۇنۋ ولشەمى، باستان - اياق وزگەرمەدى؛ مۇنداي ارەكەت تىڭعىلىقتى، باتىل بولدى:
زورەكەرلىكتەن، زۇلىمدىقتان، وزبىرلىقتان قورىقپاي، تايۋان ماسەلەسىندە، شينجياڭعا ساياتىن، شياڭگاڭعا ساياتىن، شيزاڭعا ساياتىن سياقتى ماسەلەلەردە مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعادى؛ ادىلدىكتەن، تۋراشىلدىقتان جازباي، ۋكراينا داعدارىسى جانە اۋعانىستان، پالەستين سياقتى قولامتالى ماسەلەلەردى شەشۋدى ىلگەرىلەتۋدە سىندارلى رول اتقاردى؛ ”وركەنيەتتەر قاقتىعىسىنىڭ“ ۋ - شۋى بارىسىندا دۇنيە جۇزىلىك وركەنيەتتىڭ الۋان تۇرلىلىگىن قورعاۋدى دارىپتەپ، بۇكىل ادامزات ورتاق قۇندىلىعىن اسقاقتاتىپ، ءار ەل حالقىنىڭ دامۋ جولىن ءوز الدىنا تاڭداۋ ۇقىعىنا قۇرمەت ەتتى...
”ءبىز سايىسقا تولى داۋىردە، سونداي - اق ۇمىتكە تولى داۋىردە جاساپ وتىرمىز“. باس شۋجي شي جينپيڭنىڭ باتىل دا پارمەندى ءسوزى دۇنيە ءجۇزى ساحناسىنىڭ ورتالىعىنا ارشىندى قاداممەن بەتتەگەن ءىرى ەلدىڭ جاۋاپكەرشىلىك ارقالاۋى مەن پەيىلىن ايگىلەدى، ”جۇڭگو حالقى دۇنيە ءجۇزى حالقىمەن قول ۇستاسا وتىرىپ، ادامزاتتىڭ اناعۇرلىم كوركەم بولاشاعىن جاراتۋعا پەيىل“!
ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ سەنىمدى بەكەمدەپ، ءبىر تىلەك، ءبىر نيەتتە بولىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ نۇرلى ارمانىنا قاراي اتتاناتىن بولساق، ءسوز جوق، جاڭا ۇلى كۇرەسپەن جاڭا ۇلى ىستەر جاراتاتىن بولامىز!
(تىلشىلەر حۋو شياۋگۋاڭ، جاڭ شۇيدۇڭ، جاڭ شياۋسۇڭ، جاۋ چاۋ، ياڭ يىجۇن، حۋ حاۋ، ان بەي، جاڭ شينشين، ديڭ شياۋشي، ۋاڭ بين)
(شينحۋا اگەنتتىگىنىڭ 1 - ايدىڭ 1 - كۇنى بەيجيڭنەن بەرگەن حابارى)
