بۇگىنگى جۇڭگو − ارماندار ىركەس - تىركەس جۇزەگە اسقان جۇڭگو
− ءتوراعا شي جينپيڭنىڭ 2023 - جىلعى جاڭا جىلدى قۇتتىقتاۋ ءسوزى تۋرالى تولعانىس ①
□ حالىق گازەتىنىڭ شولۋشىسى
زامانانىڭ جاڭا جىلى باستالىپ، كۇللى دۇنيە جاڭا تاراۋ اشتى. 2022 - جىلعا قوش ايتىپ، 2023 - جىلدى قارسى العاندا، ۋاقىت ءتىلى ءبىزدىڭ العا ىلگەرىلەۋ كوورديناتامىزدى تاعى دا ەستەلىككە الدى.
”تاريحتىڭ قۇلاشىن كەڭ جايعان سالقار كوشىندە، ءبىرىنىڭ ءىزىن ءبىرى جالعاعان سان ۇرپاقتىڭ تولاسسىز جۇرگىزگەن كۇرەسى بۇگىنگى جۇڭگونى جاراتتى“. جاڭا جىل قارساڭىندا، ءتوراعا شي جينپيڭ 2023 - جىلعى جاڭا جىلدى قۇتتىقتاۋ ءسوزىن سويلەپ، بۇگىنگى جۇڭگو − ”ارماندار ىركەس - تىركەس جۇزەگە اسقان جۇڭگو“، ”تىرشىلىك تىنىسىنا، ومىرشەڭدىككە تولى جۇڭگو“، ”ۇلتتىق رۋحتى جالعاستىرعان جۇڭگو“، ”دۇنيە جۇزىمەن تىعىز بايلانىسقان جۇڭگو“ دەپ قورىتىندىلاپ، ”كۇرەس كەرەمەتتەر جاراتادى“، ”كۇش - قۋات ىنتىماقتان كەلەدى“، ”جاستارعا ءۇمىت ارتادى“ دەپ ەرتەڭگى جۇڭگوعا كوز جىبەردى. اسقاق سەزىم تاسقىنداعان جارناما، تەرەڭ ماعىنالى، ىستىق ىقىلاستى تاپسىرما، شىنايى دا سۇيىسپەنشىلىككە تولى قۇتتىقتاۋ ادامدارعا تەرەڭ تولعانىس، ەكپىندەي ىلگەرىلەۋ كۇشىن سيلاپ، ميللياردتاعان حالىقتى قايراتتانا تالپىنىپ، ەرلىكپەن العا ىلگەرىلەپ، ەرتەڭگى جۇڭگونى ءتىپتى دە كوركەيتە تۇسۋگە شابىتتاندىردى.
2022 - جىلعا قايىرىلا قاراساق، بۇل پارتيا مەن مەملەكەت تاريحىنداعى ەرەكشە ماڭىزدى ءبىر جىل بولدى. پارتيا 20 - قۇرىلتايى جەڭىسپەن اشىلىپ، جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدىڭ ايبىندى جوباسىن كەسكىندەپ، جاڭا جورىقتا ەكپىندەي ىلگەرىلەۋدىڭ ءداۋىر دابىلىن قاقتى. اساۋ تولقىندى حالىقارالىق ورتا جانە اسا جاپالى دا ماشاقاتتى ەل ءىشىنىڭ رەفورما، دامۋ، ورنىقتىلىق مىندەتتەرى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل پارتيا، بۇكىل ەلدەگى ءار ۇلت حالقى قيىندىققا قاسقايا قارسى ءجۇرىپ، ەل ءىشى، حالىقارا سىندى ەكى كەلەلى جاعدايدى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ماكرولىق تىزگىندەۋ سەرپىنىن ارتتىرىپ، مەجەدەن تىسقارى فاكتورلاردىڭ سوققىسىنا توتەپ بەرىپ، ەكونوميكالىق، قوعامدىق كەلەلى جاعدايدىڭ ورنىقتىلىعىن ساقتاپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا مىعىم قادام تاستادى. كەدەرگىلەردى الاستاپ، بوگەتتەردى بۇزىپ، ورنىقتى قاداممەن الىسقا جەتكەن ”جۇڭگو“ اتتى الىپ كەمە جەلكەن جايا تاعى دا ساپارعا اتتانىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ارمانىن بەتكە الىپ، قۇلاشىن كەڭ جايىپ ىلگەرىلەدى.
ءىستى باستان وتكەرمەسەڭ، قيىندىعىن بىلمەيسىڭ. اسا جاپالى قۇلشىنىس جاساۋ ارقىلى ءبىز بۇرىن بولماعان قيىنشىلىقتار مەن سىن - سايىستاردى جەڭدىك. ىندەتكە قارسى اتتانۋ كۇرەسىندە ءبىز باستان - اياق حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، عىلمي، دالمە - ءدال ساقتانۋ - تىزگىندەۋگە تاباندى بولىپ، ساقتانۋ - تىزگىندەۋ شاراسىن ۋاقىتقا، جاعدايعا قاراي جاقسارتىپ، رەتتەپ، حالىقتىڭ ءومىرىنىڭ حاۋىپسىزدىگى مەن سالاماتتىعىن ەڭ جوعارى شەكتە قورعادىق. ەكونوميكانىڭ ورنىقتى، اقاۋسىز دامىپ، تۇتاس جىلدىق ىشكى ءوندىرىس جالپى ءونىم قۇنى مەجەدەن 120 تريلليون يۋاننان اسىرۋدان بۇكىل ەلدە استىقتىڭ جالپى ءونىم مولشەرىن ءبىر تريلليون 373 ميلليارد 60 ميلليون جىڭعا جەتكىزىپ، ”ءۇرتىس 19 جىل مول ءونىم الۋدى“ جۇزەگە اسىرۋعا دەيىن؛ كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەپ، اۋىل - قىستاقتى گۇلدەندىرۋدى جاپپاي ىلگەرىلەتۋدەن بەيجيڭ قىسقى وليمپيادا جارىسىن، مۇگەدەكتەر قىسقى وليمپيادا جارىسىن ءساتتى وتكىزۋگە دەيىن؛ جۇڭگو كەڭىستىك بەكەتىنىڭ جالپى بەتتىك سالىنىپ بولۋىنان، ”فۋجيان“ اتتى ءۇشىنشى اۋياماتكانىڭ سۋعا تۇسىرىلۋىنەن، تۇڭعىش C919 ءىرى ۇشاعى رەسمي پايدالانۋعا بەرىلۋگە، ونان ارى بايحىتان سۋ ەلەكتر ستانسياسى جاپپاي وندىرىسكە قوسىلۋعا دەيىن... جۇڭگو حالقى ۇلى ارمان رۋحىنا يە حالىق، باستان - اياق ارماندى كوڭىل تورىنە قويىپ، تالىقپاي ارمان قۋىپ، ارمان جوباسىن ءبىر قادام، ءبىر قادامنان تاماشا رەالدىققا اينالدىردى. ارماندى جۇزەگە اسىرۋ جورىعىندا ءبىز بارلىعىمىز قۇلشىنا ۇمتىلىس جاسادىق، بارلىق ادام ارمانعا قۇلاش سەرمەدى. ءتوراعا شي جينپيڭ باسا دارىپتەگەندەي، ”وسىلاردىڭ بارلىعىنا سان - ساناقسىز ادامداردىڭ قاجىرلى ەڭبەگى مەن ماڭداي تەرى سىڭگەن. ۇساق ۇشقىندار الاۋلى جالىن بولىپ قالىپتاستى، مىنە بۇل − جۇڭگو كۇشى“!
بۇگىنگى جۇڭگودا دامۋ ءتىپتى دە بەرىك زاتتىق نەگىزگە، ءتىپتى دە كەمەلدى تۇزىمدىك كەپىلدىككە يە بولدى، جۇڭگو حالقىنىڭ العا ىلگەرىلەۋ قوزعاۋشى كۇشى ءتىپتى دە قۋاتتى بولىپ، كۇرەس رۋحى ءتىپتى دە اسقاقتاپ، ءسوز جوق، جەڭىسكە جەتۋ سەنىمى ءتىپتى دە بەكەمدەلىپ، ءتىپتى دە كۇشتى تاريحي سانالىلىق پەن ىرىقتىلىق رۋحىن تاسقىنداتتى، جۇڭگو كوممۋنيستىك پارتياسى مەن جۇڭگو حالقى جۇڭحۋا ۇلتىنىڭ ەڭسە كوتەرۋدەن بايۋعا، قۇدىرەتتەنۋگە دەيىنگى ۇلى شارىقتاۋىن مىعىم سەنىممەن ىلگەرىلەتتى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ بوگەۋ بەرمەس تاريحي ۇردىسكە اينالدى. سونىمەن بىرگە مىنانى دا، ءسوز جوق، كورە ءبىلۋ كەرەك: العا ىلگەرىلەۋ جولىندا ءبىز ءدوپ كەلەتىن حاۋىپ - قاتەر، سىن - سايىس تەك قانا بارعان سايىن كۇردەلىلەسە تۇسەدى، ءتىپتى، ويعا كەلمەيتىن اساۋ تولقىندارعا دا جولىعامىز، ءسوز جوق، ءتىپتى دە زور، ءتىپتى جاپالى قۇلشىنىس جاساۋعا دايىن بولۋىمىز كەرەك. ءتوراعا شي جينپيڭ: ”جول الىس بولعانىمەن، جۇرە بەرسەك كوزدەگەن جەرىمىزگە جەتەمىز؛ ءىس قيىن بولعانىمەن، ىستەي بەرسەك قالايدا ورىندالادى“، - دەپ باسا دارىپتەدى. ارمان دابىل سياقتى، ميللياردتاعان حالىقتىڭ ىنتىماقتاسا كۇرەس جۇرگىزۋىنىڭ داۋىرلىك اۋەنىن شىعانداتتى؛ ارمان سۋرەت قالامى سياقتى، ۇلتتىڭ ۇلى گۇلدەنۋىنىڭ تولاعاي تىنىسىن سىزدى. مەيلى قاتتى اعىسقا كومىلەتىن قاتەر مەن ورگە ۇمتىلۋدىڭ ماشاقاتى نەمەسە وتكەلدەن ءوتۋدىڭ قيىندىعى بولسىن، سەنىمدى بەكەمدەپ، قيىندىقتارعا قارسى اتتانىپ، توقتاۋسىز شايقاس جۇرگىزسەك بولعانى، ءسوز جوق، قاراماققا قامال الۋعا بولمايتىن قيىن وتكەلدەردەن، قاتەرلەردەن، كەدەرگىلەردەن قامال الىپ، جۇرتتى قايران قالدىرعان ءتىپتى دە كوپ ءومىر كەرەمەتتەرىن جاراتىپ، ۇلى ارماندى جۇزەگە اسىرۋدىڭ ەرەن جورىعىندا داڭق كەستەلەپ شىعا الامىز.
بۇگىنگى جۇڭگودا ارماندار ىركەس - تىركەس جۇزەگە اسۋدا؛ ەرتەڭگى جۇڭگو ءتىپتى دە شۇعىلالى، تاماشا بولادى. داڭق پەن ارمانعا تولى جاڭا جورىقتا ءبىز قيىندىقتى بىلەك بىرىكتىرە جەڭىپ، جۇرت يراداسىنان قامال تۇرعىزدىق، قادامىمىز بەكەم بولىپ، ارىنداي العا تارتتىق. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، بىلەك ءتۇرىپ قۇلشىنا ىستەپ، بوران - شاشىنعا قاراماي العا ىلگەرىلەپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جاساپ، جاڭا داۋىردەگى جاڭا جورىقتا ءتىپتى دە ۇلى جەڭىس پەن داڭققا قول جەتكىزەيىك!
(1 - ايدىڭ 1 - كۇنگى «حالىق گازەتىندە» باسىلعان)
