تاباندى دا تياناقتى بولىپ، باس الماي قاجىرلىلىقپەن ىستەپ، ايالسىز قاداممەن العا ىلگەرىلەيمىز
− ءتوراعا شي جينپيڭنىڭ جاڭا جىلدى قۇتتىقتاۋ ءسوزى رايونىمىزداعى ءار ۇلت كادرلارى مەن بۇقاراسىن ايانباي كۇرەس جۇرگىزۋگە شابىتتاندىردى
□ انار بۇلت \ شينجياڭ گازەتىنىڭ تىلشىلەرى
”يۇگۇڭنىڭ تاۋدى كوشىرۋىندەي جىگەر، تامشى سۋ تاس تەسەتىن قايسارلىق بولسا، تاباندى دا تياناقتى بولىپ، باس الماي قاجىرلىلىقپەن ىستەپ، جارتى قادامداردى جالعاي - جالعاي مىڭ شاقىرىمعا جەتكىزسەك، ۇلى نىسانانى، ءسوز جوق، تاماشا رەالدىققا اينالدىرا الامىز“.
مەملەكەت ءتوراعاسى شي جينپيڭنىڭ جاريالاعان 2023 - جىلعى جاڭا جىلدى قۇتتىقتاۋ ءسوزى تەرەڭ سۇيىسپەنشىلىككە تولى، ادامداردى ەكپىندەي ىلگەرىلەۋگە شابىتتاندىرادى. رايونىمىزداعى ءار ۇلت كادرلارى مەن بۇقاراسى ەكپىندەي ىلگەرىلەگەن جۇڭگونىڭ ءداۋىر ءۇنىن ەت قۇلاعىمەن ەستىپ، جاڭا جورىقتا ارشىنداي العا باسۋ سەنىمى اناعۇرلىم بەكەمدەلدى. كوپشىلىك مىنالاردى ءبىلدىردى: تاباندى دا تياناقتى بولىپ، باس الماي قاجىرلىلىقپەن ىستەپ كورىكتى شينجياڭ قۇرۋ، وتان ارمانىن بىرگە جۇزەگە اسىرۋ ايبىندى ءىسىن قول ۇستاسا العا ىلگەرىلەتەمىز.
”ءتوراعا شي جينپيڭ جاڭا جىلدى قۇتتىقتاۋ سوزىندە: بۇگىنگى جۇڭگو − تىرشىلىك تىنىسىنا، ومىرشەڭدىككە تولى جۇڭگو دەپ اتاپ كورسەتتى. بۇدان جۇرەگىمىز جىلى مەيىرگە بولەندى ءارى جىگەرلەندىك“. ونسۋ اۋداندىق پارتكومنىڭ شۋجيى حۋاڭ جىنجۇن بىلاي دەدى: جاڭا جىلدا ونسۋ اۋدانى كۇشتى شوعىرلاندىرىپ، ەرەكشە، باسىم كاسىپ سالاسى شوعىرىن تۇلعالاپ، كاسىپ سالاسىنىڭ تيبىن جاڭالاپ، دارەجەسىن ءوسىرۋ ينجەنەرياسىن ىشكەرىلەي اتقارىپ، بايلىق باسىمدىعىن كاسىپ سالاسىن دامىتۋ باسىمدىعىنا اينالدىرۋدى تەزدەتىپ، جاڭادان گۇلدەنگەن كاسىپ سالالارىن جەتىلدىرىپ، زورايتىپ، كاسىپ سالاسىنىڭ شوعىرلانا دامۋىن ىلگەرىلەتەدى؛ ساۋدالىق زات اينالىمى كاسىپ سالاسىنىڭ دامۋىن جەدەلدەتىپ، وڭتۇستىك شينجياڭنىڭ جەدەل جەتكىزۋ وڭىرلىك تورابىن قالىپتاستىرادى؛ نەگىزدىك قۇرىلعى قۇرىلىسىن جەدەل كەمەلدەندىرىپ، جالپىلىق سترەولدى قاتىناس جۇيەسىن قۇرىپ، قالا - قالاشىق سايكەستى تورىنىڭ، اۋىل - قىستاق ەلەكتر تورىنىڭ دارەجەسىن ءوسىرىپ، جاڭالاۋ ينجەنەرياسىن اتقارادى.
ەندى عانا وتكەن 2022 - جىلدا اتۇش قالاسى ازاق قالاشىعى مۇناقى ءجۇزىمى، ءانجۇر سياقتى ەرەكشە ەگىمشىلىك كاسىپ سالاسىن دامىتۋعا سۇيەنىپ، جىلدىق جان باسىندىق ورتاشا تازا كىرىستى ％82. 9 جوعارىلاتىپ، 14 مىڭ يۋاننان اسىردى.
”ءبىز كەدەيلىكتەن ارىلتۋدان قامال الۋ جەتىستىگىن بەكەمدەپ، اۋىل - قىستاقتى گۇلدەندىرۋدى جاپپاي ىلگەرىلەتتىك“... جاڭا جىلدى قۇتتىقتاۋ ءسوزىن تىڭداعان كەزدە ازاق قالاشىعى پارتكومىنىڭ شۋجيى چىن حۇڭچيدىڭ كوز الدىنان اۋىلىنىڭ وزگەرىسى كينوداي ءوتتى. ”ءبىز باس شۋجي شي جينپيڭنىڭ تاپسىرماسىن، ءسوزسىز، ەستە بەرىك ساقتاپ، تاباندى دا تياناقتى بولىپ، باس الماي قاجىرلىلىقپەن ىستەپ، ەرەكشە جەمىس ورمانى ەگىمشىلىگى تەحنيكاسىنا باۋلۋدى ۇزدىكسىز كۇشەيتىپ، عىلىم - تەحنيكا ارقىلى ءتۇسىمدى ارتتىرىپ، بازاردان ونىمدىلىك جاراتىپ، اۋىل - قىستاقتى گۇلدەندىرۋ جولىندا ەگىنشىلەردى ءتىپتى دە كوپ ناقتى يگىلىككە كەنەلتەمىز“، - دەدى چىن حۇڭچي.
ەرتەڭگى جۇڭگودا كۇش - قۋات ىنتىماقتان كەلەدى.
شاۋەشەك قالاسى شاشا قالاشىعىنداعى يلي ەگىمشىلىك، باعىمشىلىق كاسىپتىك سەلبەستىك كووپەراتيۆىندە مەملەكەت تورى شينجياڭ ەلەكتر شەكتى سەرىكتەستىگى تارباعاتاي ەلەكترمەن قامداۋ سەرىكتەستىگىنىڭ شاشا قالاشىعى ىنكادەك قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي ياڭ حاييۇي قىستاق تۇرعىندارىن باعىمشىلىق تەحنيكاسىن ۇيرەنۋگە باستاپ، سەلبەستىك كووپەراتيۆىنىڭ دامۋ بەتالىسىن جوسپارلادى.
”ءبىر ميلليارد 400 ميلليوننان استام جۇڭگو حالقى ويدى ءبىر اراعا شوعىرلاندىرىپ، كۇشتى ءبىر اراعا جۇمساپ، قيىندىقتى بىلەك بىرىكتىرە جەڭىپ، ەل بىرلىگىنەن بەرىك قامال تۇرعىزسا، قولدان كەلمەيتىن ءىس، اتتاپ وتە المايتىن بوگەت بولمايدى“. ياڭ حاييۇي بىلاي دەدى: قازىرگى تاڭدا ىنكادەك قىستاعى ەگىمشىلىك، باعىمشىلىق كاسىپ سالاسىن كولەمدەندىرە دامىتتى، شەبەرلىككە باۋلۋ ارقىلى جاستار شارۋاشىلىق قۇرۋدى جانە ەكىنشى رەت جۇمىستانۋدى ىسكە اسىردى، قىستاق تۇرعىندارىنىڭ جىلدىق جان باسىندىق ورتاشا كىرىسى 17 مىڭ يۋانعا جەتىپ، تابىس سەزىمى، باقىت سەزىمى، حاۋىپسىزدىك سەزىمى كۇن سايىن ارتتى. پارتيانىڭ باسشىلىعىندا ءبىزدىڭ نىسانامىزدىڭ، ءسوز جوق، تاماشا رەالدىققا اينالاتىندىعىنا سەنەمىن.
شينجياڭنىڭ تۇڭعىش كەزەكتى قىسقى سپورت جارىسى تەز سىرعاناۋ جارىسىنىڭ ناق مايدانىندا سپورتشىلار سابىرلى دا سالماقتى بولىپ، قادامدارىن ورنىقتى دا ەپتى باسىپ، مۇز ۇستىندە كوركەم دوعاشا سوراپ قالىپتاستىردى.
”سپورتشى رەتىندە، مەن شينجياڭنىڭ تۇڭعىش كەزەكتى قىسقى سپورت جارىسىن تابىستى وتكىزگەندىگىن ماقتانىش سەزىنەمىن“. تۇڭعىش كەزەكتى قىسقى سپورت جارىسى قىسقا ارالىققا تەز سىرعاناۋ ايەلدەر B گرۋپپاسىنىڭ قۋالاما جارىسىندا ەكىنشى بولعان التاي ايماقتىق ۋاكىلدەر قۇراماسىنىڭ مۇشەسى مارجان باقىت: الداعى جەردە مەن قاجىرلىلىقپەن جاتتىعىپ، ءوزىمنىڭ بۇرىنعى دەڭگەيىمنەن ۇزدىكسىز اسىپ ، ءتىپتى دە ۇزدىك ناتيجە جاراتىپ، ءداۋىردىڭ تىلەگىنەن شىعامىن، جاستىق داۋرەننىڭ ءۇمىتىن اقتايمىن، - دەدى.
ەرتەڭگى جۇڭگو جاستارعا ءۇمىت ارتىپ وتىر.
قارامايلى قالاسى جۇيرانجىجيا قۇرىلىس ماتەريالدارى بازارىنا ورنالاسقان اربينا دۇكەنىندە جين باۋ ىقىلاستى تۇردە حاريدارلارعا ونىمدەرىن تانىستىرىپ جاتتى. جين باۋ شينجياڭ اربينا قۇرىلىس ماتەريالدارى شەكتى سەرىكتەستىگىنىڭ باس ديرەكتورى، بيىل ونىڭ قارامايلىدا قۇلشىنعانىنا 11 جىل بولادى. ول قۇرىلىس ماتەريالدارى كاسىبىندە ”بەيحابار كىسىدەن“ بىرتىندەپ كاسىپ مامانىنا اينالىپ، قارامايلى قالاسىندا ىلگەرىندى - كەيىندى 5 دۇكەن اشتى. ”جاستار كوركەيسە، مەملەكەت گۇلدەنەدى، جاڭا ءداۋىردىڭ جاستارى بولعان بىزدەر ءىس جۇزىندىك ارەكەتىمىزبەن كاسىپتىڭ سەركەسى بولۋعا ۇمتىلىپ، جاپپاي وسىزاماندانعان قۇدىرەتتى مەملەكەت قۇرۋدىڭ ماڭىزدى جاۋاپكەرشىلىگىن ارقالاۋىمىز كەرەك“، - دەدى جين باۋ.
2022 - جىلى 12 - ايدىڭ 31 - كۇنى كەش، لوپنۇر اۋدانى بۇيا اۋىلى ساي قىستاعىنىڭ جاڭا جىلدى قارسى الۋ ادەبيەت - كوركەمونەر كەشى قىستاق كوميتەتىنىڭ زالىندا تارتىمدى وتكىزىلدى، قىستاق تۇرعىندارى وزدەرى قۇراستىرىپ، وزدەرى رەجيسسەر بولعان ءبي «كورىكتى شينجياڭ» كونسەرت كەشىن جوعارى ورلەۋگە كوتەردى. ”ءتوراعا شي جينپيڭنىڭ جاڭا جىلدى قۇتتىقتاۋ ءسوزى جۇرتتى جەلپىندىردى، ادامدى ەكپىندەي ىلگەرىلەۋگە شابىتتاندىردى“. ساي قىستاعىنىڭ ايەلدەر بىرلەستىگىنىڭ مەڭگەرۋشىسى بۇۋيقۇربان ءيۇسۇن بىلاي دەدى: ”ايەلدەر بىرلەستىگىنىڭ كادرى رەتىندە، ايەلدەر قاۋىمىن قاي - قاشان دا كوكەيىمدە ساقتاپ، ولاردىڭ ءۇنىن دەن قويا تىڭداپ، ولاردى ەسە قوسىپ، كاسىپتى كوركەيتۋگە، قونىسقا جايلى، كاسىپكە قولايلى كورىكتى اۋىل - قىستاق قۇرۋ جولىندا باستان - اياق العا ىلگەرىلەۋگە شابىتتاندىرامىن“.
(ءتىلشى پەريزات ابدۇل، قاتىناسقان تىلشىلەر جاڭ جىلي، جاڭ تيڭ، سۇڭ ۋيگو، ەرىكتى تىلشىلەر ۋي يانرۇڭ، جاڭ يۋە، جاڭ يانچاۋ)
