تيانشان تورى
تيانشان تورى   ›   ۇيرەنۋ   ›   شولۋ

بۇگىنگى جۇڭگو − تىرشىلىك تىنىسىنا، ومىرشەڭدىك كۇشكە تولى جۇڭگو

  بۇگىنگى جۇڭگو − تىرشىلىك تىنىسىنا، ومىرشەڭدىك كۇشكە تولى جۇڭگو

  − ءتوراعا شي جينپيڭنىڭ 2023 - جىلعى جاڭا جىلدى قۇتتىقتاۋ ءسوزى تۋرالى تولعانىس ②

  □ حالىق گازەتىنىڭ شولۋشىسى

  جاڭا ءداۋىردىڭ تولقىنى جوڭكىلدى، جاڭا جورىق الۋان تۇسكە بولەندى. 2023 - جىلعى جاڭا جىلدى قۇتتىقتاۋ سوزىندە ءتوراعا شي جينپيڭ قۇلاشىن كەڭ جايعان تاريحتىڭ سالقار كوشىنە قايىرىلا قاراپ، ءبىرىنىڭ ءىزىن ءبىرى جالعاعان سان ۇرپاقتىڭ تولاسسىز جۇرگىزگەن كۇرەسىن القاپ، ”بۇگىنگى جۇڭگو − تىرشىلىك تىنىسىنا، ومىرشەڭدىك كۇشكە تولى جۇڭگو“ دەپ اتاپ كورسەتتى، ”سەنىمدى بەكەمدەپ، ورنىقتىلىق بارىسىندا ىلگەرىلەسەك بولعانى، بەلگىلەنگەن نىسانانى، ءسوز جوق، جۇزەگە اسىرا الامىز“ دەپ باسا دارىپتەدى.

  وتكەن ءبىر جىلدا ەلىمىزدىڭ دامۋ ساپاسى نىق قاداممەن جوعارىلاپ، عىلىم - تەحنيكادا جاڭالىق اشۋ جەتىستىگى قوماقتى بولىپ، رەفورما جاساۋ، ەسىك اشۋ جاپپاي تەرەڭدەپ، جۇمىستاندىرۋ، زات باعاسى نەگىزىنەن تۇراقتى بولىپ، استىق حاۋىپسىزدىگى، ەنەرگيا حاۋىپسىزدىگى جانە حالىق تۇرمىسى ءونىمدى قامتاماسىز ەتىلدى. قيىنشىلىققا قارسى اتتانىپ، ورنىقتى، اقاۋسىز دامىپ، تۇتاس جىلدا ىشكى ءوندىرىس جالپى ءونىم قۇنى مەجەمەن 120 تريلليون يۋاننان استى، جۇڭگونىڭ ەكونوميكاسى جالىندى ومىرشەڭدىك كۇشى مەن جارقىن بولاشاعىن ايگىلەدى. جاڭا جىلدى قۇتتىقتاۋ سوزىندە ءتوراعا شي جينپيڭ جاڭا داۋىردەگى جۇڭگوعا كوز جىبەردى: ”ءارقايسى ەركىن ساۋدا سىناق رايوندارى، حاينان ەركىن ساۋدا پورتى قارىشتاي وركەندەپ، تەڭىز جاعالاۋىنداعى وڭىرلەر بەلسەنە جاڭالىق اشىپ، ورتا، باتىس بولىكتەگى وڭىرلەر جەدەل دامىپ، شىعىس سولتۇستىكتىڭ گۇلدەنۋى ارىنداي ىلگەرىلەۋ الدىندا تۇر، شەكارا وڭىرلەر كوركەيىپ، حالىق بايىپ كەلەدى“. شىعىس سولتۇستىك وڭىرلەردەن نانحاي تەڭىز جاعالاۋىنا دەيىن، قارلى القاپتى ۇستىرتتەردەن شىعىس بولىك تەڭىز جاعالاۋىنا دەيىن بۇگىنگى جۇڭگونىڭ جەر - سۋى كوركەم، حالقى جالىندى بولدى. تىرشىلىك تىنىسىنا، ومىرشەڭدىك كۇشكە تولى جۇڭگو تاعى دا، ءسوزسىز، كۇننەن - كۇنگە كوركەيگەن، بولاشاعىنان ءۇمىت زور جۇڭگو بولماق.

  كەزەكتە دۇنيە جۇزىندە 100 جىلدا بولماعان زور وزگەرىس جاعدايى جەدەل قۇبىلۋدا، دەگەنمەن، وراي مەن ءتيىمدى جاعداي ءبىز جاقتا تۇر، مىنە بۇل − تاباندىلىعىمىز بەن قايراتىمىزدىڭ تياناعى ءارى بەكىمىمىز بەن سەنىمىمىزدىڭ تياناعى. جابدىقتار توقتاۋسىز اينالدى، جۇمىسشىلار قاربالاستىققا ءتۇستى، تاپسىرىس كوبەيدى، تۇتىنۋ شارىقتادى، زات اينالىمى توقتاۋسىز ءجۇرىلدى... جەر - جەر ەكونوميكانى قالپىنا كەلتىرۋدىڭ ”تەزدەتۋ تەتىگىن“ باسىپ، جۇمىستى قالپىنا كەلتىرۋ، ءوندىرىستى قالپىنا كەلتىرۋ تەزدەپ، ساۋدانى قالپىنا كەلتىرۋ، بازاردى قالپىنا كەلتىرۋ قايتا ورلەپ، ءتۇرلى بازار نەگىزگى تۇلعالارىنىڭ ومىرشەڭدىك كۇشى مەن سەنىمى اناعۇرلىم تاسقىنداپ، قوزعاۋشى قۋاتتارى توپتالىپ، ومىرشەڭدىك كۇش جارىققا شىعۋدا. ىندەتتەن ساقتانۋ - تىزگىندەۋ شارالارىنىڭ ساپالىلانۋىنا، رەتتەلۋىنە، بۇرىننان بار ساياسات پەن تىڭنان قوسىلعان ساياساتتىڭ بىرىگىپ ءونىم كورسەتۋىنە ىلەسە، بيىل ەلىمىزدىڭ ەكونوميكالىق اينالىمىنىڭ جالپى تۇلعالىق جاقتان جوعارىلاۋىنان ءۇمىت بار. بازار سەنىمىن كۇش سالا سەرپىلتىپ، ”ەكىدەن تيتتەي دە اۋىقتىماۋدى“ شىن مانىندە تياناقتاندىرىپ، تۇتاس قوعامنىڭ جاڭالىق اشۋ، جاسامپازدىق كومەسكى قۋاتىن ەڭ جوعارى شەكتە جارىققا شىعارىپ، رەفورمانى بۇلجىتپاي تەرەڭدەتىپ، بازاردىڭ ومىرشەڭدىك كۇشى مەن قوعامنىڭ جاسامپازدىق قۋاتىن ونان ارى مازداتاتىن بولساق، ءسوز جوق، ەكونوميكالىق اينالىمنىڭ جالپى تۇلعالىق جاقتان جاقسارۋىن ىلگەرىلەتىپ، ساپانىڭ ءونىمدى جوعارىلاۋى مەن مولشەردىڭ ۇيلەسىمدى ارتۋىن جۇزەگە اسىرۋعا بولادى.

  جۇڭگو ەكونوميكاسى − ءبىر شالقار تەڭىز، مەيلى سۇراپىل داۋىل مەن جويقىن نوسەر بولسا دا، ءوزىنىڭ ايبىنى مەن تەرەڭدىگى ارقىلى اساۋ تولقىننان سۇرىنبەي وتە الادى. ءتوراعا شي جينپيڭ بىلاي دەپ باسا دارىپتەدى: ”جۇڭگو ەكونوميكاسىنىڭ سەرپىمدىلىگى كۇشتى، كومەسكى كۇشى زور، ومىرشەڭدىك كۇشى جەتكىلىكتى، ۇزاق ۋاقىت جاقساراتىن نەگىزگى اۋقىم ءالى دە وزگەرمەيدى“. ەلىمىز ءۇرتىس تالاي جىل دۇنيە جۇزىندەگى ەكىنشى ءىرى ەكونوميكالىق تۇلعا، ەكىنشى ءىرى تۇتىنۋ بازارى، جاساۋ كاسىبىندەگى ءبىرىنشى ءىرى ەل، زات ساۋداسىنداعى ءبىرىنشى ءىرى ەل، شەتەل اقشاسى زاپاسىنداعى ءبىرىنشى ءىرى ەل بولدى؛ ەلىمىز الەمدەگى ەڭ كەمەلدى، كولەمى ەڭ زور ونەركاسىپ جۇيەسىنە، كۇشتى ءوندىرىس قۋاتىنا، كەمەلدى سەپتەۋ قۋاتىنا يە، 160 ميلليوننان استام بازار نەگىزگى تۇلعاسى مەن 170 ميلليوننان استام جوعارى دارەجەلى تاربيە قابىلداعان نەمەسە ءتۇرلى كاسىپتىك شەبەرلىككە يە دارىندىلارى بار، سونداي - اق 400 ميلليوننان استام ورتا دارەجەلى كىرىستى قاۋىمدى قامتىعان ءبىر ميلليارد 400 ميلليوننان استام جان سانىنان قالىپتاسقان اسا زور كولەمدى ىشكى سۇرانىس بازارى بار، قازىر جاڭاشا ونەركاسىپتەندىرۋ، ينفورماتسيالاندىرۋ، قالا - قالاشىقتاندىرۋ، اۋىل شارۋاشىلىعىن وسىزامانداندىرۋ جىلدام دامۋ كەزەڭىندە تۇر، قارجى قوسۋ سۇرانىسىنىڭ كومەسكى كۇشى زور؛ ءبىز ءدال ۋاعىندا جاپپاي دوڭگەلەك داۋلەتتى قوعام ورناتىپ، ادامزات تاريحىنداعى كولەمى ەڭ زور كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزىپ، مۇلدەم كەدەيلىك ماسەلەسىن تاريحي تۇردە شەشتىك، ەلىمىزدىڭ دامۋى جاڭا دا اناعۇرلىم جوعارى تاريحي باستاماعا تابان تىرەدى. بولاشاققا بەت العاندا، سوتسياليستىك بازار شارۋاشىلىعىنىڭ ءتۇزىلىس باسىمدىعى بار، اسا زور كولەمدى بازاردىڭ سۇرانىس باسىمدىعى بار، كاسىپ سالاسى جۇيەسىنىڭ سايكەستى كەمەلدەنگەن قامداۋ باسىمدىعى بار، ەڭبەكشىل، پاراساتتى قالىڭ ەڭبەكشىلەر مەن كاسىپورىنشىلار سياقتى ادام كۇشى باسىمدىعى بار، ءار جاقتىڭ باسىمدىعى مەن ومىرشەڭدىك كۇشىن شىن مانىندە مازداتىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، جوعارى ساپالى دامۋدى كۇش سالا ىلگەرىلەتەتىن بولساق، قيان - كەسكى حالىقارالىق بازار باسەكەسى مەن ءىرى ەلدەردىڭ ستراتەگيالىق تەكە تىرەسىندە باستان - اياق جەڭىلمەيتىن ورىندا تۇرا الامىز. ءبىز جۇڭگونىڭ ەكونوميكالىق دامۋ بولاشاعىنا كامىل سەنەمىز!

  جۇلدىز جارىعى ساپارعا شىققاندارعا تەڭ تۇسەدى، ۋاقىت كۇرەسكەردىڭ ءۇمىتىن اقتايدى. جاڭا جورىقتا ەكپىندەي ىلگەرىلەپ، جاڭا داۋىرگە ەسە قوسايىق، اناعۇرلىم ايبىندى نىسانا ءبىزدىڭ جۇزەگە اسىرۋىمىزدى كۇتىپ تۇر، اناعۇرلىم شۇعىلالى تابىس ءبىزدىڭ جاراتۋىمىزدى كۇتىپ تۇر. ”ماشاقاتتى، قاتەرلى بولعان سايىن، سولعۇرلىم العا باسامىز“ دەيتىن قاھارماندىق جىگەردى ساقتاپ، ”اي - كۇنگە ءامىر شاشا الامىز، جاڭارتۋعا كوك ءجۇزىن“ دەيتىن اسقاق جاۋىنگەرلىك جالىندى مازداتىپ، قايراتتانا العا ۇمتىلىپ، باتىلدىقپەن العا باساتىن بولساق، ءبىز، ءسوز جوق، اناعۇرلىم شۇعىلالى بولاشاقتى ۇزدىكسىز جاراتاتىن بولامىز، جۇڭگو، ءسوز جوق، باستان - اياق تىرشىلىك تىنىسىنا، ومىرشەڭدىك كۇشكە تولى بولادى.

  (1 - ايدىڭ 2 - كۇنگى «حالىق گازەتىندە» باسىلعان)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.