شينحۋا اگەنتتىگىنىڭ 1 - ايدىڭ 3 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «جاڭا داۋىردە سۋ - توپىراقتى ساقتاۋ قىزمەتىن كۇشەيتۋ جونىندەگى پىكىردى» باسىپ تاراتتى ءارى حابارلاندىرۋ شىعارىپ وڭىرلەردىڭ، تاراۋلاردىڭ ءىس جۇزىندىكپەن بىرلەستىرە وتىرىپ مۇقيات دايەكتىلەندىرۋىن، تياناقتاندىرۋىن تالاپ ەتتى.
«پىكىردە» مىنالار اتاپ كورسەتىلدى: سۋ - توپىراقتى ساقتاۋ − داريا، وزەندى قورعاۋداعى، وڭاۋداعى ءتۇبىرلى شارا، ەكولوگيالىق وركەنيەت قۇرىلىسىنىڭ قاجەتتى تالابى. ەكولوگيانى الدىمەن ويلاسۋعا، قورعاۋدى ماڭىزدى ورىنعا قويۋعا تاباندى بولۋ، ماسەلەنى باعدار ەتۋگە، حالىق تۇرمىسىن قامتاماسىز ەتۋگە تاباندى بولۋ، جۇيەلى باسقارۋعا، جالپىلىق شارا اتقارۋعا تاباندى بولۋ، رەفورما جاساۋعا، جاڭالىق اشۋعا، ومىرشەڭدىك كۇشتى تاسقىنداتۋعا تاباندى بولۋ كەرەك.
«پىكىردە» العا قويعان نەگىزگى نىسانالار مىنالار: 2025 - جىلعا بارعاندا، سۋ - توپىراقتى ساقتاۋ ءتۇزىلىس، مەحانيزمىن جانە قىزمەت جۇيەسىن اناعۇرلىم كەمەلدەندىرىپ، باسقارۋ ونىمدىلىگىن اناعۇرلىم جوعارىلاتىپ، قولدان جاسالعان سۋ - توپىراقتىڭ شايىلۋىن ءونىمدى باسقارىپ، تىزگىندەپ، ءتۇيىندى وڭىرلەردە سۋ - توپىراقتىڭ شايىلۋىن ءونىمدى جونگە سالۋ، سۋ - توپىراقتىڭ شايىلۋ جاعدايىن تىنباي جاقسارتىپ، مەملەكەت بويىنشا سۋ - توپىراقتى ساقتاۋ سالىستىرماسىن ％73كە جەتكىزۋ. 2035 - جىلعا بارعاندا، جۇيەسى كەمەلدى، سايكەسىمدى، جوعارى ءونىمدى سۋ - توپىراقتى ساقتاۋ ءتۇزىلىس، مەحانيزمىن جاپپاي قالىپتاستىرىپ، قولدان جاسالعان سۋ - توپىراقتىڭ شايىلۋىن جاپپاي تىزگىندەپ، ءتۇيىندى وڭىرلەردە سۋ - توپىراقتىڭ شايىلۋىن جاپپاي جونگە سالىپ، مەملەكەت بويىنشا سۋ - توپىراقتى ساقتاۋ سالىستىرماسىن ％75كە جەتكىزىپ، ەكولوگيالىق جۇيەنىڭ سۋ - توپىراقتى ساقتاۋ يقۋاتىن كورنەكتى كۇشەيتۋ.
«پىكىردە» تاعى سۋ - توپىراقتىڭ شايىلۋىنان ساقتانۋدى، قورعاۋدى جاپپاي كۇشەيتۋ، قولدان جاسالعان سۋ - توپىراقتىڭ شايىلۋىن باسقارۋدى زاڭ بويىنشا قاتايتىپ، سۋ - توپىراقتىڭ شايىلۋىن ءتۇيىندى تۇردە جونگە سالۋدى جەدەلدەتۋ، سۋ - توپىراقتى ساقتاۋدى باسقارۋ قابىلەتى مەن دەڭگەيىن جوعارىلاتۋ سياقتىلار جونىندە تالاپ قويىلدى.
