ما شيڭرۇي ءارقايسى دەموكراتيالىق پارتيا - توپتاردىڭ شينجياڭ رايوندىق كوميتەتى، اۆتونوميالى رايوندىق ساۋدا - ونەركاسىپشىلەر بىرلەستىگى جاۋاپتىلارىنىڭ اڭگىمە ماجىلىسىندە بىلاي دەپ باسا دارىپتەدى
باس شۋجي شي جينپيڭنىڭ جاڭا داۋىردەگى پارتيانىڭ بىرلىكساپ قىزمەتىن ويداعىداي ىستەۋ جونىندەگى ماڭىزدى يدەياسىن ىشكەرىلەي دايەكتىلەندىرىپ، ءىس جۇزىندىك ارەكەت ارقىلى كورىكتى شينجياڭ قۇرۋعا كۇش - قۋات ۇيىستىرۋ كەرەك
ەركىن تۇنياز، نۇرلان ءابىلماجىن قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 1 - ايدىڭ 3 - كۇنى ۇرىمجىدەن حابارلايدى. اۆتونوميالى رايوندىق پارتكوم 1 - ايدىڭ 3 - كۇنى ءارقايسى دەموكراتيالىق پارتيا - توپتاردىڭ شينجياڭ رايوندىق كوميتەتى، اۆتونوميالى رايوندىق ساۋدا - ونەركاسىپشىلەر بىرلەستىگى جاۋاپتىلارىنىڭ اڭگىمە ءماجىلىسىن اشتى. اۆتونوميالى رايوندىق پارتكومنىڭ شۋجيى ما شيڭرۇي ءماجىلىستى باسقاردى ءارى ءسوز سويلەدى، ول بىلاي دەپ باسا دارىپتەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگو كوممۋنيستىك پارتياسى 20 - قۇرىلتايىنىڭ رۋحىن جەتەكشى ەتىپ، باس شۋجي شي جينپيڭنىڭ جاڭا داۋىردەگى پارتيانىڭ بىرلىكساپ قىزمەتىن ويداعىداي ىستەۋ جونىندەگى ماڭىزدى يدەياسىن جانە شينجياڭدى كوزدەن كەشىرگەن كەزدەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، سەلبەسۋ اۋەلگى ماقساتىنان جازباي، بەلسەنە مىندەت وتەپ، جاۋاپكەرشىلىكتى ادا ەتىپ، كەڭ كولەمدە ورتاق تانىم ۇيىستىرىپ، جاڭا ءداۋىردىڭ جاڭا جورىعىندا كورىكتى شينجياڭ قۇرۋعا تىڭ دا اناعۇرلىم زور ۇلەس قوسۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن قاتارلىلار ماجىلىسكە قاتىناستى.
اڭگىمە ماجىلىسىندە جۇڭگو گومينداڭ توڭكەرىستىك كوميتەتى شينجياڭ رايوندىق كوميتەتىنىڭ بۇرىنعى مەڭگەرۋشى مۇشەسى جياڭ پيڭان، جۇڭگو گومينداڭ توڭكەرىستىك كوميتەتى شينجياڭ رايوندىق كوميتەتىنىڭ مەڭگەرۋشى مۇشەسى سۇڭ ياجۇن، جۇڭگو دەموكراتيالىق وداعى شينجياڭ رايوندىق كوميتەتىنىڭ ارناۋلى مىندەتتەگى ورىنباسار مەڭگەرۋشى مۇشەسى يوۋ جياڭبين، جۇڭگو دەموكراتيالىق مەملەكەت قۇرۋ قوعامى شينجياڭ رايوندىق كوميتەتىنىڭ بۇرىنعى مەڭگەرۋشى مۇشەسى دۇڭ شينگۋاڭ، جۇڭگو دەموكراتيالىق مەملەكەت قۇرۋ قوعامى شينجياڭ رايوندىق كوميتەتىنىڭ مەڭگەرۋشى مۇشەسى ما حۋادۇڭ، جۇڭگو دەموكراتيانى ىلگەرىلەتۋ قوعامى شينجياڭ رايوندىق كوميتەتىنىڭ مەڭگەرۋشى مۇشەسى باۋ انميڭ، جۇڭگو شارۋا - جۇمىسشى دەموكراتيالىق پارتياسى شينجياڭ رايوندىق كوميتەتىنىڭ مەڭگەرۋشى مۇشەسى مىڭ چيڭساي، 3 - قىركۇيەك ءىلمي قوعامى شينجياڭ رايوندىق كوميتەتىنىڭ بۇرىنعى مەڭگەرۋشى مۇشەسى جيا ديانزىڭ، 3 - قىركۇيەك ءىلمي قوعامى شينجياڭ رايوندىق كوميتەتىنىڭ مەڭگەرۋشى مۇشەسى ليۋ تاۋ، اۆتونوميالى رايوندىق ساۋدا - ونەركاسىپشىلەر بىرلەستىگى پارتيا باسشىلىق گرۋپپاسىنىڭ بۇرىنعى شۋجيى شيە شۋان، اۆتونوميالى رايوندىق ساۋدا - ونەركاسىپشىلەر بىرلەستىگىنىڭ ءتوراعاسى ليۋ حۇيجۇن ىلگەرىندى - كەيىندى ءسوز سويلەپ، ”تاپسىرىستىق ۇلگىدە“ اۋىل شارۋاشىلىق دارىندىلارىن باۋلۋ جانە تۇقىم شارۋاشىلىعىنداعى ”القىمنان الىپ وتىرعان“ ماسەلەلەردى شەشۋ، قار - مۇز ەكونوميكاسىنىڭ جوعارى ساپالى دامۋىن ىلگەرىلەتۋ، مادەنيەت باقشاسى قۇرىلىسىن جەدەلدەتۋ، سۋ بايلىعىنان جوعارى ءونىمدى پايدالانۋ دەڭگەيىن جوعارىلاتۋ، كەن بايلىعىن بارلاۋ، اشۋ شارۋاشىلىق - ساۋدا ورتاسىن ساپالىلاندىرۋ، تيانشاننىڭ سولتۇستىك باۋرايى ەكونوميكالىق بەلدەۋىنىڭ جاسىل، تومەن كومىر قىشقىل گازدى دامۋىن ىلگەرىلەتۋ، شارۋاشىلىق - ساۋدا ورتا قۇرىلىسىنىڭ ءتۇزىلىس - مەحانيزمىندە جاڭالىق اشۋ، الەۋمەتتىك دەنساۋلىق ساقتاۋ جۇيەسىن اقاۋسىزداندىرۋ، حالىقتىق شارۋاشىلىقتىڭ اقاۋسىز دامۋىن جەبەۋ سياقتى قىزمەتتەردى ارقاۋ ەتە وتىرىپ، پىكىر - ۇسىنىستار بەردى. ما شيڭرۇي كوپشىلىكپەن ىشكەرىلەي اڭگىمەلەسىپ، قاتىستى تاراۋلاردان كوپشىلىكتىڭ دۇرىس كوزقاراس - تۇسىنىكتەرىن مۇقيات زەرتتەپ، قابىلداپ، ءتۇرلى قىزمەتتەردى ويداعىداي ىستەۋدىڭ وي جەلىسىنە، شاراسىنا اينالدىرۋدى تالاپ ەتتى.
ما شيڭرۇي بىلاي دەپ اتاپ كورسەتتى: شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم تۇتاس رايونداعى قالىڭ كادرلار مەن بۇقارانى ىنتىماقتاستىرىپ، باستاپ، پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، شينجياڭنىڭ ءتۇرلى ىستەرىندە جاڭا ونىمدىلىككە قول جەتكىزۋدى ىلگەرىلەتتى. ناتيجەگە قول جەتكىزۋىمىز وڭايعا تۇسكەن جوق، ول − شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىنىڭ جەمىسى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ، جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ عىلمي جەتەكشىلىك ەتۋىنىڭ جەمىسى، تۇتاس رايونداعى ءار ۇلت كادرلارى مەن بۇقارانىڭ ىنتىماقتاسا كۇرەس جاساۋىنىڭ جەمىسى، وعان ءارقايسى دەموكراتيالىق پارتيا - توپتاردىڭ شينجياڭ رايوندىق كوميتەتتەرىنىڭ، اۆتونوميالى رايوندىق ساۋدا - ونەركاسىپشىلەر بىرلەستىگىنىڭ اقىل - پاراساتى مەن ماڭداي تەرى دە سىڭگەن. ما شيڭرۇي جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق پارتكوم اتىنان دەموكراتيالىق پارتيا - توپتاردىڭ شينجياڭداعى ءار دارەجەلى ۇيىمدارىنا، ءار دارەجەلى ساۋدا - ونەركاسىپشىلەر بىرلەستىگىنە شىن جۇرەكتەن العىس ايتتى.
ما شيڭرۇي ءارقايسى دەموكراتيالىق پارتيا - توپتاردىڭ شينجياڭ رايوندىق كوميتەتىنىڭ جانە اۆتونوميالى رايوندىق ساۋدا - ونەركاسىپشىلەر بىرلەستىگىنىڭ جۇڭگو كوممۋنيستىك پارتياسى 20 - قۇرىلتايىنىڭ رۋحىن جان - جاقتى ۇيرەنىپ، يگەرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، ءىس جۇزىندىك ارەكەت ارقىلى كورىكتى شينجياڭ قۇرۋعا تىلەك توعىستىرىپ، كۇش توپتاۋىن؛ ورتاق يدەيالىق - ساياسي نەگىزدى بەكەمدەپ، جۇڭگو كوممۋنيستىك پارتياسىنىڭ باسشىلىعىنا تاباندى بولىپ، قالىڭ دەموكراتيالىق پارتيا - توپتاردىڭ مۇشەلەرىن، حالىقتىق شارۋاشىلىق قايراتكەرلەرىن ”ەكىنى تۇراقتاندىرۋدىڭ“ شەشۋشى ءمانىن تەرەڭ تۇسىنۋگە، ”ەكىنى قورعاۋدى“ باتىل ورىنداۋعا، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىمەن وسكەلەڭ ءبىر اۋىزدىلىقتى ساقتاۋعا ىنتىماقتاستىرۋىن، باستاۋىن؛ وزەكتى ارقاۋ ەتە وتىرىپ جالپى جاعدايعا قىزمەت وتەپ، سالا ەرەكشەلىگى مەن دارىندىلار باسىمدىعىن ساۋلەلەندىرىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى ىلگەرىلەتۋدى ارقاۋ ەتە وتىرىپ، تاماشا اقىل ايتىپ، تارتىمدى كەڭەس بەرىپ، ناقتى شارالاردى قولدانىپ، جوعارى ساپالى ۇسىنىس قويۋ ارقىلى شينجياڭنىڭ رەفورما، دامۋ، ورنىقتىلىق قىزمەتتەرىنە دەم بەرۋىن؛ يدەيانى ازات ەتۋگە باتىل بولىپ، جاڭا وزگەرىسكە، جاڭا جاعدايعا بەلسەندىلىكپەن، ىرىقتىلىقپەن ۇيلەسىپ، ويلاۋ قالىبىن بۇزىپ، جۇلگەگە يەك سۇيەۋدەن ارىلىپ، شىندىقتى ءىس جۇزىنەن ىزدەپ، شىنايى يگەرىپ، ناقتى ىستەپ، شينجياڭنىڭ جوعارى ساپالى دامۋىنا اناعۇرلىم مول قوزعاۋشى كۇش، ومىرشەڭدىك كۇش ۇستەۋىن؛ وزىنىك قۇرىلىستى كۇشەيتىپ، باسشىلىق القاسى، قوسىن، ستيل سياقتى قۇرىلىستاردى ويداعىداي يگەرىپ، ساياسي يگەرۋ قابىلەتىن، ۇكىمەت ىسىنە ات سالىسۋ، ۇكىمەت ءىسىن اقىلداسۋ قابىلەتىن، ۇيىمدىق باسشىلىق قابىلەتىن، سەلبەسىپ بىرگە ىستەۋ قابىلەتىن جانە ءوز ماسەلەسىن شەشۋ قابىلەتىن جوعارىلاتىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا زەيىن - زەردەنى، كۇش - قۋاتتى اناعۇرلىم ويداعىداي ۇيىستىرۋىن ءۇمىت ەتتى.
ما شيڭرۇي مىنالاردى ءبىلدىردى: اۆتونوميالى رايوندىق پارتكوم ءارقايسى دەموكراتيالىق پارتيا - توپتاردىڭ شينجياڭ رايوندىق كوميتەتىنىڭ، اۆتونوميالى رايوندىق ساۋدا - ونەركاسىپشىلەر بىرلەستىگىنىڭ قىزمەتىنە اۋەلگىدەي كوڭىل ءبولىپ جانە قولداۋ كورسەتىپ، تۇعىر ورناتۋعا، شارت - جاعداي جاساۋعا قۇلشىنىپ، كوپشىلىكپەن نيەتتەس، مۇراتتاس بولىپ، قول ۇستاسا العا ىلگەرىلەپ، شينجياڭنىڭ كوپ پارتيا سەلبەستىگىنىڭ، ساۋدا - ونەركاسىپشىلەر بىرلەستىگى ىستەرى دامۋىنىڭ جاڭا جاعدايىن بىرگە اشادى.
جاڭ جۋ، ءزۇمىرات وبۇل، قادەن كابەن، سۇن حۇڭمەي قاتارلىلار ماجىلىسكە قاتىناستى.
