بۇگىنگى جۇڭگو − ۇلتتىق رۋحتى جالعاستىرعان جۇڭگو
− ءتوراعا شي جينپيڭنىڭ 2023 - جىلعى جاڭا جىلدى قۇتتىقتاۋ ءسوزى تۋرالى تولعانىس ③
□ حالىق گازەتىنىڭ شولۋشىسى
مەملەكەتتىڭ گۇلدەنىپ - كوركەيۋى حالىقتىڭ كۇرەس جاساۋىنان قول ۇزە المايدى؛ ۇلتتىڭ قۇدىرەتتەنۋى رۋحاني تىرەكتەن قول ۇزە المايدى. 2023 - جىلعى جاڭا جىلدى قۇتتىقتاۋ سوزىندە ءتوراعا شي جينپيڭ: ”بۇگىنگى جۇڭگو − ۇلتتىق رۋحتى جالعاستىرعان جۇڭگو“ دەگەندى باسا دارىپتەپ، ”ءار رەت كونە جىلدى اتتاندىرىپ، جاڭا جىلدى قارسى العانىمىزدا، ءبىز ىلعي دا جۇڭحۋا ۇلتىنىڭ مىڭ جىلدان جالعاسقان اسقاق جىگەرىن ەسكە الىپ، العا باسۋ سەنىمىمىز ەسەلەپ ارتادى“ دەپ ءسۇيىندى.
جەڭىس پەن جەڭىلىستىڭ بەلگىسى الدىمەن رۋحاني جاقتان كورىنەدى. سىچۋاننىڭ لۋديڭىندەگى جەر سىلكىنىسىنەن كەيىن، قۇتقارۋ - كومەكتەسۋ قوسىنىنىڭ ارقاننان مىقتاپ ۇستاپ، ورمەلەپ وتىرىپ وزەننەن ءوتىپ، اۋىلداستاردى كوتەرىپ بۇتاقتان جاسالعان ”كوپىردەن“ ءوتۋى جاڭا داۋىردەگى ”لۋديڭ كوپىرىن جىلدام باعىندىرعانىن“ ايگىلەگەندىگى كۇنى كەشەگىدەي ەسىمىزدە؛ چۇڭچيڭدەگى تاۋ ءورتى الدىندا، مىڭداعان ەرىكتىلەردىڭ ماڭداي شامدارىن لاۋلاعان ءورتتى بوگەيتىن قورعانىس شەبى ەتىپ، ”جاڭا ۇلى قورعان“ سالعاندىعى كۇنى كەشەگىدەي ەسىمىزدە... 2022 - جىلعا قايىرىلا قاراساق، جەر سىلكىنىسى، تاسقىن، قۋاڭشىلىق، تاۋ ءورتى سياقتى جاراتىلىستىق اپاتتار مەن كەيبىر حاۋىپسىزدىك شىرعالاڭدارى جۇرتتى الاڭداتتى، قامىقتىردى، دەسەدە ادىلەت جولىندا باسىن ءباي تىككەن، ءبىر - بىرىنە قارايلاسىپ، ءوزارا كومەك قولىن سوزعان كورىنىستەر جۇرتتى تەرەڭ اسەرلەندىردى. ماشاقات، قيىندىق، قاتەر، كەدەرگى الدىندا، سان مىڭداعان قاراپايىم ادامدار جۇڭگو حالقىندا بار ۇلى ۇلتتىق رۋحتى ءىس جۇزىندىك ارەكەتتەرىمەن ءتۇسىندىردى، باس شۋجي شي جينپيڭ: ”قاھارمانداردىڭ ىزگى ىستەرى ءبىزدىڭ جۇرەگىمىزدە ماڭگى ساقتالادى“، - دەپ القادى.
ۇلكەن سايىس، ۇلكەن سىناق رۋحاني كۇشتى ايگىلەيدى. جاڭا تيپتى ايدارشا ۆيرۋس وكپە قابىنۋ ىندەتى تۇتقيىل تۋىلعاننان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى باستان - اياق حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولدى، عىلمي، دالمە - ءدال ساقتانۋ - تىزگىندەۋگە تاباندى بولدى، قالىڭ كادرلار مەن بۇقارا، اسىرەسە، مەديتسينا قىزمەتكەرلەرى، نەگىزگى ساتى قىزمەتكەرلەرى جاپا - ماشاقاتتان قورىقپاي، مويىماس قايسارلىق كورسەتتى، جۇمىس ورىندارىنان تاپجىلمادى، ”توتەنشە قاجىرلى قۇلشىنىس ارقىلى ءبىز بۇرىن بولماعان قيىنشىلىقتار مەن سىن - سايىستاردى جەڭدىك، بۇل كىم - كىمگە دە وڭاي بولعان جوق“. جۇڭگو حالقى مەن جۇڭحۋا ۇلتى باتىلدىقپەن كۇرەس جاسايتىن، باتىلدىقپەن جەڭىسكە جەتەتىن تايسالماس جىگەر ارقىلى ءومىردى بارىنەن جوعارى قويۋ، بۇكىل ەل بويىنشا ءبىر نيەتپەن جۇمىلۋ، باسىن ءباي تىگۋ، عىلىمعا قۇرمەت ەتۋ، تاعدىرلاس بولۋ سىندى ىندەتكە قارسى اتتانۋ ۇلى رۋحىن سومدادى. 2022 - جىلعا قايىرىلا قاراساق، ءبىز اۋقىمعا، جاعدايعا قاراي ساقتانۋ - تىزگىندەۋ شارالارىن ساپالىلاندىرىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن ەڭ جوعارى شەكتە قورعادىق، ىندەتتىڭ ەكونوميكالىق، قوعامدىق دامۋعا جاساعان ىقپالىن ەڭ جوعارى شەكتە ازايتتىق. ىندەتتەن ساقتانۋ - تىزگىندەۋ جاڭا كەزەڭگە ءوتتى، دەسەدە ءالى دە قيىن كەزدە تۇرمىز، ءتوراعا شي جينپيڭ ىقىلاستى تۇردە بىلاي دەپ شابىتتاندىردى: ”كوپشىلىكتىڭ بارلىعى مىزعىماس ەرىك - جىگەرمەن قۇلشىنۋدا، ءۇمىت شۇعىلاسى كوز الدىمىزدا تۇر. كوپشىلىك ونان ارى قۇلشىنىڭدار، تاباندىلىق − جەڭىس، ىنتىماق − جەڭىس“.
ءبىر ۇلت تەك رۋحاني جاقتان تابان تىرەپ، ورنىقتى تۇرا العاندا عانا، تاريح كوشىندە ەڭسەسىن اسقاق ۇستاپ، الدىڭعى لەكتە جۇرە الادى. بۇگىن جۇڭحۋانىڭ بايتاق دالاسىندا بيىك عيمارات، ساۋلەتتى ساراي بارلىق جەردەن بوي سوزىپ عانا قويماي، جۇڭحۋا ۇلتى رۋحىنىڭ ساۋلەتتى سارايى دا بوي سوزدى. جۇڭگو حالقىنىڭ ونان ارى وزىنە سەنۋى، ءوز كۇشىنە سۇيەنۋى، ءوزىن الۋەتتەندىرۋى ەرىك - جىگەر، قايرات، ارىندى بارىنشا كۇشەيتتى، تاريحي بارىستا جيناقتالعان قۋاتتى ەنەرگيانى تولىق جارىققا شىعارىپ، بۇرىن بولماعان تاريحي ىرىقتىلىق رۋحىن، تاريحي جاسامپازدىق رۋحىن تاسقىنداتىپ، مىعىم سەنىممەن جاڭا داۋىردەگى جۇڭگونىڭ دامۋىنىڭ ۇلى تاريحىن جازۋدا.
جاڭا جورىق − داڭق پەن ارمانعا تولى ۇزاق جورىق. جاپپاي سوتسياليستىك وسىزاماندانعان مەملەكەت قۇرۋ ۇلى دا جاپالى ءىس، بولاشاق نۇرلى، مىندەت اۋىر، جول الىس. العا باسۋ جولىندا ءبىز جۇڭحۋا ۇلتىنىڭ ۇلى گۇلدەنۋى جەڭىل - جەلپى، ايعاي - سۇرەنمەن جۇزەگە اسا سالمايتىندىعىن، ءسوز جوق، كوپتەگەن جاڭا تاريحي ەرەكشەلىكتەرگە يە ۇلى كۇرەستەردى جۇرەكتىلىكپەن جۇرگىزىپ، اناعۇرلىم ماشاقاتتى، اناعۇرلىم قاجىرلى قۇلشىنىس جاساۋعا دايىن بولۋىمىز كەرەكتىگىن ابدەن بىلدىك. بيىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ، تياناقتاندىرۋدىڭ باستاما جىلى، باستاما جالپى جاعدايعا سايادى، العاشقى قادام سوڭعى بارىستى بەلگىلەيدى. ءبىز مادەنيەت سەنىمىن كۇشەيتىپ، رۋحاني كۇشتى اسقاقتاتىپ، كۇرەسكەرلىك رۋحپەن سىن - سايىسقا قارسى اتتانىپ، ەكپىندەي ىلگەرىلەپ، جان ايانباي شايقاسۋ ارقىلى بولاشاقتى اشىپ، تۇتاس جىلداعى نىسانا - مىندەتتەردى قۇلشىنا جۇزەگە اسىرىپ، قايسارلىقپەن كۇرەس جۇرگىزۋگە سۇيەنىپ ىستەرىمىز دامۋىنىڭ جاڭا ءورىسىن اشىپ، ەكىنشى 100 جىلدىق كۇرەس نىساناسىن جۇزەگە اسىرۋعا تاماشا نەگىز قالاۋىمىز كەرەك.
ساپار ۇزاق، رۋح ماڭگىلىك. وتكەنگە قايىرىلا قاراساق، جۇڭگو حالقى ۇزاق ۋاقىت كۇرەس جاساۋ بارىسىندا ۇلى ۇلتتىق رۋحتى جەتىلدىرىپ، وعان مۇراگەرلىك ەتىپ، ونى دامىتىپ، جۇڭگونىڭ دامۋى مەن ادامزات وركەنيەتىنىڭ العا باسۋىنا قۋاتتى رۋحاني قوزعاۋشى كۇش ازىرلەدى؛ الدىعا كوز جىبەرسەك، جۇڭگو ۇلگىسىندەگى وسىزامانداندىرۋ ماتەريالدىق وركەنيەت پەن رۋحاني وركەنيەت ءوزارا سايكەسكەن وسىزاماندانۋ، ۇلى گۇلدەنۋدىڭ شۇعىلالى بولاشاعى ۇلى ۇلتتىق رۋحتىڭ تىرەك بولۋىن قاجەت ەتەدى. ءور اسۋدى قۇرىش قامال دەمە استە وتە الماس، بوگەلمە، قايراتتانا نىق قادام باس. جاڭا داۋىردەگى جاڭا جورىقتا ۇلى ۇلتتىق رۋحتى جالعاستىرىپ، نانىمدى، سەنىمدى بەكەمدەپ، تاريحي ىرىقتىلىقتى كۇشەيتىپ، ىنتىماقتاسا كۇرەس جاساۋدى ماقسات ەتىپ، جۇرت تىلەگىن توعىستىرىپ، كوپتىڭ كۇشىن بىرىكتىرىپ، جۇرت پاراساتىن ۇيىستىراتىن بولساق، ءبىز، ءسوز جوق، جاڭا ءداۋىردىڭ شۇعىلاسىن قۇلشىنا جاراتىپ، جاڭا تاريحي ۇلى ىستەردى سومدايتىن بولامىز.
(1 - ايدىڭ 3 - كۇنى «حالىق گازەتىندە» باسىلعان)
